ان صح خبر المهاجم البرازيلي فهذه مصيبة عظمى لا تقبل .

ماذا يريد كومبواريه من مهاجم ثاني اجنبي في المقابل ياسر والبرازيلي ويسلي سببا رئيسا في ارتفاع معدل التهديف الهلالي .

ياسر 8 أهداف ويسلي 11 .

يا اميرنا يا حبيبنا راعينا وزحلقنا ضياع ملايين ببيع الفريدي و اسامة كمان الا تبغى تطير ياسر .

خلاص يا رجل .

يا عالم اقنعوا الرجال خلوه يهون .

والله الي يقدمه ياسر مو قليل .

مسكين سنين يلعب لحاله ولما جاه مهاجم يعينه وبرز ياسر تجي و تدور على مهاجم ثاني .

فكر في ترميم الدفاع .

شكلك شكلك ما تتابع مباريات الهلال .

الهلال دفاعه مخلخل .

الهلال دفاعه شوارع .

الهلال دفاعه خذني جيتك .

الهلال يحتاج محور دفاعي .. الهلال يحتاج مدافع قوي اجنبي .. الهلال يحتاج صانع لعب حر فقط ..
كيف تجيبهم هذي طريقتك ..

المهم ليس كل ما يقوله كومبواريه صحيح خاصة وأنه بينقشع نهاية الموسم .

وهذا الشرط هو الي وضعه مو انت في العقد حسب إفادة الجاسر .

بمعنى بقائه على كف عفريت مع أول عقد أوروبي بيبيع الهلال وتتكرر مأسات جيريتس الي المفترض انك تعلمت منها .

ملاحظاتك كثرت يا سمو الامير