|
لا خوف على الهلال بأذن الله بسم الله الرحمن الرحيم شن الكثير من الجمهور الهلالي هجوم قوي على ادارة الامير عبد الرحمن بن مساعد بعد خبر توقيع الفريدي للاتحاد وتوارد اخبار غير موثوقه بتوقيع هوساوي للاهلي,جميعها تتكلم عن ضعف يعيشه الهلال بوجود شبيه الريح.؟َ! متجاهلين ان جميع الاعبين المذكورين انتهت عقودهم مع الهلال وهذا يسمح لهم بالتوقيع لاي نادي يريدون هوساوي يطالب بـ 10 مليون ريال للموسم الواحد وبعد التنازلات يطالب بـ8 مليون ريال بمعنا 32 مليون ريال لـ 4 سنوات بلاضافه لحصة النادي البلجيكي والبالغه 10 مليون ريال بأجمالي لصفقه 42 مليون ريال هل من المعقول ان تدفع الاداره الهلاليه هذا المبلغ الضخم بلاعب مع كامل احترامي له لم يقدم لنا ما يشفع له لا احد ينكر بأن هوساوي افضل السيئين حالياً لكن ماقاله مدرب اندرلخت البلجيكي عنه كفيل بغض النظر عنه حيث قال بأن هذا الاعب لا يفقه بأساسيات الدفاع اي شي وهذا ما شاهدناه بأم عيننا في بطولتين اسيويه تسبب بخروجنا اسامه هوساوي يبلغ من العمر 28 سنه وقيمته السوقيه 3 مليون ريال بالموسم الواحد لكن الاداره لتنافس عليه رفعت قيمت العرض الى 6 مليون ريال ومع هذا الاعب رفض حقه والله يوفقه ما يجب الان على الاداره الهلاليه استثمار المبلغ الذي كان سيقدم لهوساوي بالتعاقد مع مدافع عالمي اما بخصوص الفريدي فلاداره قدمت له العرض التي تراه مناسب بالنسبه لما يقدمه الاعب من عطاء داخل الملعب الهلال قدم عرض 5 مليون ريال لـ 4 سنوات و الاعب رفض فرفعت قيمة العقد الى 6 مليون لسنتين فرفض الاداره تملك اكثر من 8 نجوم بالفريق لو كل لاعب فكر بأن قيمته 8 مليون ورفض يوقع بافل من هذا المبلغ فيحتاج الهلال الى ما لا يقل عن 100 مليون للاعبين المحليين فقط.؟!!! الاعب يبحث عن تأمين مستقبله الله يوفقه ووقع للاتحاد مقابل 6 مليون للموسم الواحد لمدة 4 سنوات لكن ما يميز عرض الاتحاد 15 مليون ريال تقدم له بعد التوقيع مباشره بعد انتهاء القصتين نبحث عن المستفيد الاكبر من الصفقات نجد انه هو الهلال 1- حفظ هيبته والتزامه بسقف تجديد عقود الاعبين ولن يفكر مستقبلاً اي لاعب بالمساومه لن الاداره لن ترضخ 2-السستم المتبع بالهلال لن يتأثر وسيتم دفع رواتب الاعبين اول بأول كميزه متفرد بها الهلال 3-الهلال وفر ما يقارب 60 مليون ريال بعدم رضوخه لطلبات هوساوي و الفريدي وبأمكانه الاستفاده منها بالتعاقد مع اجانب بينما الاتحاد فهو الخاسر الاكبر 1-لن يستطيع تسجيل اي لاعب بالفتره الشتويه قبل تسديد جميع المستحقات المطلوبه منه 2-الاعبين سيتأثرون نفسياً في حال عدم استلام مستحقاتهم وهم يرون الفريدي يستلم شيك بـ 15 مليون ريال 3-ارتفاع مبالغ تجديد عقود الاعبين الاتحاديين بالفتره القادمه وامكانية انتقالهم 4-ارتفاع الاعباء الماليه بالفتره القادمه وتأخر مؤكد لرواتب الفريق لعدم توفر اي سيوله ماليه بالنادي يجب علينا كجماهير هلاليه ان نصفق للاداره الهلاليه على ما قامت به وان يتم التعاقد مع نجوم اجانب مؤثرين لان الجميع يعلم ان الاعب الاجنبي هو المؤثر بالفرق الاسيويه جميعاً وليس فقط لدينا بالسعوديه بالتوفيق لزعيم... |
على اساس ان الرئيس الان يتوعد بااحضار لاعبين يارجال والله رئيس فاشل 5 سنوات ماقدر يجيب مدافع عليه الكلام واي صفقه يدخل فيها ينسحب منها يااخي ادفع اذا انت منت قادر تدفع استقل ترا النادي الي ماسكه الهلال الزعيم وراه شعب الان شف الاهلي يملك هوساوي وكامل الموسى وكامل المر وعقيل بالغيث ولاعبهم الاجنبي يقلع ام الدفاع انت تدري قبل موسمين دفاع الاهلي اضعف من دفاع بعض اندية المؤخرة لكن شف الشغل الصح قفل على نقطة ضعفه الان يقدر يتلاعب بالاعبين الاجانب وخصوصا في خط الوسط مايحتاج اتكلم عن الهجوم عند الاهلي برضه نجي للاتحاد الاتحاد بيعتزل محمد نور وبحثوا عن لاعب وسط يجي مكانه والفريدي من افضل لاعبين الوسط في السعودية حقيقة لاجدال فيها لكن مزاجه وبرودته ترفع الضغط لكن ممكن يتغير الحال ويصبح خير من يخلف محمد نور اما الهلال له 5 سنوات مع الهرئيس موب قادر يغطي خانة الدفاع عانينا من قلب دفاع وقت وجود هوساوي الي هو المرشدي المضحك في الامر هوساوي يمشي والمرشدي يكمل والاظهرة كذلك الزوري قسم بالله يرفع الضغط صح جبنا ياسر الشهراني بعد سنين من المفاوضات لكن يااخي جب لاعبين دفاع كان لك القدرة على شراء كامل الموسى او كامل المر او عقيل بالغيث او........الخ جب يحيى مسلم والي مالعب الا مبارة وحده يااخي حس وجب يحيى الشهري وجب النخلي مدافع الفتح وفاوض واشتر وابنئ الهلال محليا قبل التعاقد مع الاجانب اقسم بالله قهر تشوف الاندية تتفوق عليك في المستوى ومازالت تشتري وتطور الاهلي اتوقع الموسم الجاي او هالموسم بيعطي الهلال ثلاثيات ان ماكانت خماسيات ان استمر هالرئيس على شغله |
كلامك صحيح 100% والهلال اكبر من هوساوي والفريدي |
حلو لا خوف ع الهلال بوجود : ) ) ) ) ) ) ) ) سعد الحارثي - ماجد المرشدي - محمد نامي - عبدالله الزوري - حسام الحارثي - عبداللطيف الغنام : ) : ) تحياتي لك والى سمو الامير :) |
انت تقول ادفع يعني تبي الرئيس يدفع مبالغ خياليه بس عشان الاعب ما يروح لغيري وهو ما يستاهل.؟!! الهلال عمل نظام لمصلحة الكيان عشان الهلال يستمر فريق كبير يستمر فريق يحقق بطولات مانبي بكره تكون ديون النادي 50 مليون وعلينا 10 قضايا بالفيفا الهلال جميع لاعبينه المحترفين يطلعون منه يشكرون فيه وبلتزام النادي بدفع المستحقات يكفي ان ما يجي لاعب الا يسال المحترفين السابقين وهم ي يذمون ي يمدحون وبعدها يوافق على العرض فيه انديه كانت بتنزل درجه اولى لان فيه قضايا بالفيفا عليهم والاتحاد من الممكن صفقاته تلغا جميعها في حال ماتم دفع المستحقات الامور مو فقط كم تبغا ي فلان 10 مليون خذ واجل فيه نظره فنيه كم يستاهل الاعب والاداره الي جالس تنتقدها جابت لاعبين عالميين لكن ما توفقو الكوري هداف الدوري الكوري العربي هداف الدوري الفرنسي وانتقدتوه وقللتو منه وهذا هو يروح لاوربا ويبدع هرماش من افضل الاعبين في فرنسا لكن ماتوفق مع الهلال العيب الوحيد بالصفقات منجان والي جاء بطلب المدرب مو الاداره جابته ياليت نتكلم بمنطقيه وواقعيه |
الهلال أكبرررررررررررررر من أي شخص يلوي ذراع الإدارة أو حتى الجماهير |
| الوقت المعتمد في المنتدى بتوقيت جرينتش +3.
الوقت الان » 03:09 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd