|
لا تلومني يا لايمي .... السلام عليكم ورحمة الله وبركاته : ابداء موضوعي مثل ماهو واضح بالعنوان " لاتلومني يا لايمي " واخترته لاني لا اجيد فن وضع العناوين لكنه بالمجمل يتكلم عن الادارة واللعيبة والجمهور . ادارة التفريط بالنجوم اطلقها البعض والمقصود بها ادارة عبدالرحمن بن مساعد واصبح المسمى هذا محط لووم من بعض الجماهير على الادارة لكن لو اخذناها بمقياس اخر لا بل هو قوة الادارة وعدم الرضوخ للعيبة . عيسى المحياني+ احمد الفريدي + اسامه هوساوي + خالد عزيز + عمر الغامدي + شافي الدوسري + رضوان الموسى صحيح تم التفريط فيهم لكن من هو المؤثر بين الاسماء اللي تم التفريط فيهم ؟ انا راح اتكلم عن نفسي وربما يؤيدني بعض الجمهور اللاعب اللي تأثر الهلال بالتفريط فيه هو " اسامه هوساوي " . عيسى المحياني مع عودة ياسر + التعاقد مع ويسلي لم يتأثر الهلال بالتفريط فيه . احمد الفريدي كان وجوده مثل عدمه الا ببعض المباريات ولا اتوقع راح يتأثر الهلال بسبب التفريط فيه . خالد عزيز ؟ اين اللاعب الان ؟ عمر الغامدي صحيح يقدم مستويات مع الشباب لكن ما استطاع يثبت ع مستوى والعمر له دور . شافي + رضوان لم يقدموا لانديتهم المأمول منهم . عزيزي المشجع الهلالي استعرض اسماء اللعيبه بالفريق الأول دون الاجانب وراح تعرف سبب هجرة النجوم : الحراسة :1- السديري 2- شراحيلي 3- الشمري الدفاع : 4- المرشدي 5- المسلم . الأظهرة : 6- ياسر الشهراني . 7- الزوري . 8- البيشي . 9- نامي . المحور : 10- الفرج . 11- القرني. 12 - الغنام . الوسط : 13- الشلهوب. 14- عزوز الدوسري . 15- نواف العابد . 16 - سالم الدوسري الهجوم : 17- ياسر القحطاني . 18 - سعد الحارثي. بعرض الاسماء راح تقتنع بوجود الاسماء والنجوم ولا داعي للتباكي بمن من يخرج ووضع اللوم ع الادارة بل علينا كجمهور مطالبتها بخطوات التصحيح افضل لنا من وضع اللوم لماذا تم التفريط بالنجوم لأن بالاخير الكيان أهم من اللاعب ولنا عبره بالانديه العالميه مثل برشلونه وريال مدريد والمان يونايتد . خطوات التصحيح من وجهة نظري تتلخص ببعض الأمور : 1- اكتشفنا الضعف بمنطقة خطي الدفاع والمحور + وجود النقص بخط الوسط والهجوم من خلال عرض الاسماء. 2- المطالبه بالتعاقد مع اللاعب الكوري قائد فريق اولسان + عودة هوساوي لان بخروجه من الهلال تأثر خط الدفاع وبعودته مع الكوري راح يكون الوصول للمرمى مستحيل . 3- التعاقد مع لاعب اجنبي بخانة المحور ويكون بمستوى عالي + التعاقد مع لاعب اجنبي ويكون صانع العاب ويجيد لعب الكرات الثابته وافضّل انه يكون من البرازيل . 4- التعاقد مع يحي الشهري لسد النقص الموجود بخانة الوسط في حال اصابة لاعب لاسمح الله او تم ايقافه + الابقاء ع ويسلي بخط الهجوم . 5- وهي الاهم التعاقد مع مدرب عالمي يجيد التعامل مع المباريات وفرض لمساته الفنيه ع الفريق مثل كوزمين و جريتيس ويوردانيسكو . بالخطوات اللي ذكرتها اذا استطاعت الادارة توفيرها راح يكون الفريق الأول : الحراسة : 1- السديري 2- شراحيلي 3- الشمري . الدفاع : 4- الكوري 5- هوساوي 6- المرشدي 7- المسلم. الأظهرة : 8- ياسر الشهراني 9- الزوري 10- البيشي 11- نامي المحور : 12- لاعب اجنبي 13- الفرج 14- القرني 15- الغنام . الوسط : 16- لاعب اجنبي . 17- الشلهوب. 18- عزوز. 19- سالم الدوسري. 20-العابد . 21- يحي الشهري الهجوم : 22- ويسلي 23- ياسر القحطاني 24- سعد الحارثي 25- التعاقد مع مهاجم محلي. وبالاخير اتمنى اني ما اطلت عليكم ,,,,,,,,, |
أهممممممممممم شـــــــــــــــــــــــــــئ الشهري هلالي هذي منتهين منها + هزازي أو المولد المدافع أو المولد المهاجم ..... ضربة بضربة والبادي اظلم بس ما اعتقد لأننا مثاااااالييييين مرررررررة !!!! النصر ضربنا واخذ عزيز الشباب ضربنا واخذ الغامدي الأهلي ضربنا واخذ المحياني واخيرا الإتحاد كمل علينا وضربنا بالفريدي وابشركم راح يتجرأ ويضرنا بهوساوي ...... واحنا نجامل ونخاف ونتقوى على الإتفاق بالشهري والقادسية بالشهراني والرائد بالمسلم والفتح بالجمعان ونخاف نلمس الإتحاد النصر الشباب الأهلي بالمثالية !!!! الشهري راح يجي بس لابد من اخذ هزازي بالفريدي واسامة الإتحادي لو ضربونا بـ اسامة الهلالي !!!! بس احنا ما نقدر على بس الشراني والشهري والسالم والمسلم أما هزازي المولد المولد بصاص احمد عطيف مستحييييييييييييل |
إقتباس:
اللي اقتبسته من كلامك اخالفك فيها اسامه ع كلامك اذا رجعوه الهلال والهلال بحاجته بالفعل وين قوه الاداره فيه ؟؟ لما ترجع لاعب قارب ع 30 بمبلغ فلكي بالنسبه لسعودي !!وبالمقابل لا تدفع لشاب راح يخدمك سنين المبلغ نفسه او قريب منه !!انا لا انكر ان الهلال بحاجته ولكن اخالفك بالنقطه اللي ذكرت احمد الفريدي لا زلت عند رأيي من افضل صناع اللعب السعوديين ومن الخساره التفريط فيه محلي + صغير بالسن + موهوب + صانع لعب رهيب + لايوجد في الهلال صانع لعب غيره ماعدا الشلهوب والشلهوب العمر له احكامه وش المشكله لو تدفع الاداره مايطلب اذا كان راح يخدم الهلال عمر الغامدي انا الى الحين مو مستوعب كيفيه التخلي عنه بهالسهوله للاعب خدم الكيان وبالتالي مبادلته مع لاعب لم يكمل نصف سنه مع الهلال اي رؤيه يدار فيها الهلال بالاضافه الى اننا افتقدناه اذكر ان الهلال بعد تخليه عن عمر صارت له ازمه في خانه المحور اللي مصاب واللي الهلال تخلى عنه شافي ورضوان لم يقدموا لأنديتهم المأمول !!!!!! غريب هالكلام اول شي رضوان صراحه من كان مع الاولمبي من طريقه لعبه وتكوينه الجسماني كأنه اسامه المولد ايضا اصيب بالرابط بعد تركه للهلال مباشره اما شافي الغريب التخلي عنه وبالمقابل سباحنا الزوري يلعب اساسي ايضا كيف تحكم عليه وهو لم يلعب مع الاتحاد غير مباراه نجران تحياتي لك |
موضوع ججميل , يعططيك آلعـآفيهه .. |
إقتباس:
انت صادق تقوله الشهري راح يجي ولا كلام ؟؟ والله حسيت ان عقد اللاعب عندك بعدين اسمح لي أخوي اختلف معك أنها ضربه بضربه هذا احتراف والفريدي صراحه زودها يبي مبلغ لايستحقه وبكذا راح يفتح باب على جميع اللاعبين واكبر دليل وأقربها لك هوساوي ماراح يرجع الا بملغ عالي ليش تمادوا وين إخلاصهم الله يسامحهم بس كل واحد شايف نفسه ميسي ولا بويل ولا بيكيه والقائمة تطول :to: بالتوفيق للزعيم في جميع أحواله :ba: |
| الوقت المعتمد في المنتدى بتوقيت جرينتش +3.
الوقت الان » 03:20 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd