|
هوساوي - رضوان - شافي الدوسري - أحمد الفريدي - عيسى المحياني - وماذا بعد ذلك يا إدارة الهلال ألم تكتفوا بالتفريط بالنجوم ....!! !... بدون مقدمات ...! في عهد إدارة الأمير عبدالرحمن بن مساعد للأسف بدأ التفريط بنجوم الهلال وأن لم يكن كلهم نجوم فأغلبهم نجوم هل نسمي ذلك عدم مبالاة من المسؤولين في الهلال أم المبالغ المالية هي الحاجز لهم .!! أن كانت الحاجز المالي فأنا أطرح سؤال هل الأندية الأخرى التي عليها ديون تأخذ أبرز نجوم الهلال بذكاء وتدفع لهم ونحن لازلنا نقول غالي !!! لماذا الأندية الأخرى تدفع لهؤلاء الاعبين ونحن لا نستطيع أن ندفع ونبرر بأن الاعبين يغالون بأسعارهم ...!! أنا كنت ممن فتحوا موضوع عن الفريدي وقلت أن الفريدي إحصائياته لا تجعله يستحق هذا المبلغ ولكن كنت مخطيء لأننا أن فكرنا بالإستغناء عن المواهب فنحن سنخسر بذلك كل الاعبين .!!! في عهد إدارة الأمير عبدالرحمن بن مساعد الهلال أستغنى عن مجموعة من النجوم بسبب أمور مالية وبعضهم قالوا بأسباب فنية !!! هوساوي - رضوان - شافي الدوسري - أحمد الفريدي - عيسى المحياني كل هؤلاء الاعبين بأستثناء رضوان كانو يستطيعون خدمة الهلال بشكل كبير !!! الإتحاد بكل سهولة يأخذ أبرز نجومنا وسبب سكوتنا والإستغناء عنهم أن الإدارة لو أعطت الاعبين ما طلبوه فراح تفتح على نفسها باب ولكن للأسف حتى بعد تفريطها بالفريدي بسبب مغالاته بعقده فسيأتي العابد وسالم والفرج وسيفكرون بالمادة ولن يكون ما فعلوه مع الفريدي يخفف من قيمة أي لاعب ...!! أخطاء الأدارة الهلالية بكل صراحة لا تغتفر فنجومنا يذهبون للأندية المنافسة ونحن نقوي صفوفهم ونضعف صفوفنا وليس هنالك أي مبرر للتفريط بالنجوم بسبب مغالاة بقيمة عقده فإذا لم يكن لدي رئيس نادي يحافظ على نجوم فريقي وتقوية فريقي فبالعامية أيش أبغى فيه !!!! إذا الأمير عبدالرحمن بن مساعد لا يستطيع المحافظة على نجوم الهلال فاليترك المهمة لرؤساء آخرين يحافظون على نجومنا ويقوون صفوفنا أكثر وليس ضعف صفوفنا ...!!! أختم حديثي وأقول لإدارة الهلال أضعتوا ملايين في لاعبين لم يستحقوا لبس شعار الهلال وتوفرون في نجوم ومواهب يحتاج الهلال لنوعيتهم بسبب الأموال فالتخبطات ستستمر وسيذهب نجوم آخرون وستضيع ملايين في لاعبين لا يضيفون للهلال أي شيء ونقطة أخيرة حتى نجوم الهلال المواهب في إدارة الهلال يذهبون للأندية المنافسة بشكل مجاني وهذه تكفي ...!!! لمن يقلل بالفريدي وغيره ملينا من هذه الإسطوانة شاء من شاء وأبى من أبى هؤلاء نجوم ونحتاجهم وعندما نفرط بنجومنا بسبب تفكيرنا أننا لو أعطيناهم مبالغ أعلى وتتعدى السقف المالي المحدد لك فأعلم أنك ستخسر كل النجوم والزمان بيننا ...! !... فمان الله ...! |
كفو كفو كفو بدأو الاعلامين مسبوقين الدفع من قبل ابن مساعد وصارو الحين ضد الفريدي بعد ماتأكد انه راح يخرج من النادي لاتقصرون بالتقليل من الفريدي واسامه هوساوي بعد خروجهم من الهلال واقترابهم من الاتحاد وكثرو من النقد على شان بعض الجمهور لايكره بن مساعد على سياسته بطرد الاعبين او التوقيع ببلاش اسامه هوساوي+ احمد الفريدي+ عيسى المحياني .. في اقل من سنه تم اخراجهم من النادي وهم من شالو الفريق عطوني لاعب محلي جابه بن مساعد من حسابه واستمر للحين مع الفريق جل لاعبين من فئة رخيص وتسكيت الجماهير . ومن ابرزهم النجم العالمي سعد الحارثي بنص مليون ببلاش ياحبيبي ببلاش وين كلامك يابن مساعد يوم تقول اتفقت انا وهوساوي اذا رجع للسعوديه لايرجع لغير الهلال وين كلامك يابن مساعد بعد ماوقع الفريدي مع وكيله البلوي طلعت في اكثر من برنامج وصحيفه وتمدح البلوي وتقول شخص عملي لاينتمي الا اي نادي وين كلامك يابن مساعد وتحط اصبعك على خشمك وتقول ابشرو اسيا بجيبها وقبل فتره تقول العالميه صعبه قويه قسم بالله اني اكرهك يابن مساعد والسبب سياستك الفاشله اللي دمرت الفريق واخرجت النجوم نصيحه لك يابن مساعد .. هذا الوقت المناسب لكي تخرج الاعلامين مسبوقي الدفع الس وتخليهم يمدحون سياستك لان اغلب الجمهور الهلالي الان تفتح شوي وصار يفهم وش اللي قاعد يصير بناديه |
قهـــــــــــــــــــــــــــــــــــــــــــــــر !! كنها تدفع من جيبها عاااااااااااااد !!!!!!!!!!!!!!!!!! الله لا يسمح اللي يفرط بنجوووووم الهلاااااااااااااااااااااال |
إقتباس:
وبعدين ماعندك الا نسخ ولصق ياخي اذا تبي الفريدي روح شجع الاتحاد |
اااااااااااااااه بس فعلا العالميه صعبه قويه في زمن عبدالرحمن بن مساعد |
إقتباس:
:mad: |
|
معا للاطاحة بالرئيس :alzaeem: الشعب يريد اسقاط الرئيس s13s |
إقتباس:
ياخي انت وين عايش مين بيدفع 30مليون لكل لاعب والا ع بالك الباقين ملائكه ماراح يسوون سوات الفريدي ويسامون لو خضعت الاداره لطمعهم |
كذلك الاتحاد وراه رجال البلوي وال شيخ وغيرهم رجال مايهابون ولا يعرفون اتفاقيات وغيرها يعمل لمصلحت ناديه مثل مافعلو بالدوخي وخميس العويران وغيره تبي بطولات ولاعبين نجوم ادفع تبي تقتصد وتاخذ بدون ماتدفع اجلس محلك من حق الاعبين يطلبون الي يبون لو انت محله كان طلبت وراح تشوفون الجاي راح يبكيكم عبدالرحمن بن مساعد ماراح يبقى ولا نجم بالنادي بتلقاهم بالاهلي والاتحاد ياليت من الرئيس يتنحى قبل مايعبث في النادي اتمنى يسلمه مثل مااخذه اتمنى من رجال الهلال وقف عبدالرحمن بن مساعد عند حده النادي مو للاستثمار النادي يبيله دفع وصرف الهلال دخله السنوي 100 مليون وين تروح |
لا نسيت تراك نسيت خالد عزيز أخي العزيز الهلال فوق الكل أتركوا المسئول يعمل بصمت هو ومن معه ومن لديه القدرة على الأدارة والدعم أفضل من الموجودين يشمر عن سواعده والباب مفتوح تقبلوا مني التحية |
إقتباس:
رااااااااح عزيز قلتوا عندنا الافضل منه ويييييييييييييينه ؟.؟ رااااااااااح شافي قلتم قلعته فيه الاجدر منه وييييييييييينه .؟ راااااح هوساوي قلتم الهلاااااااااااال ما يوقف ع لاعب و تجييييييييب الاحسن منه ويييييييينه ؟؟ و الحين الفريدي و بكره العابد و عقبه الدوسري و و و و |
إقتباس:
رجالات الاتحاد يحبون السمعه الواحد يدفع في الاعب ثم يورط النادي فيه لحد الافلاس او الهبوط |
خلو يطس ومن باعنا ة بعناة |
هوساوي - شافي الدوسري - أحمد الفريدي - عيسى المحياني هؤلاء اللاعبين ليسوا مؤثرين في الهلال بالعكس مؤثرين وبقوه ع الهلال نادي الاتحاد في ازمة مالية بقيمة 51 مليون ويأخذون شافي ومن ثم الفريدي وفي الاخير هوساوي لاني متأكد ان الصفقة انتهت بدون ما نقول باقي وباقي عيسى المحياني انا ما الومه اذا طلع من الهلال لانه ما اعطي الفرصة لكي يكون لاعب اساسي في الفريق وهو من حقه صح انه من حقه يذهب او ان يجلس في الهلال لكن مو هالدرجة ان نفرط في لاعبين الهلال بهذا الشكل من بقى في الهلال صح فيهم الخير والبركة لكن تبون الجد انا حاس ان بيلحقهم العابد والفرج وعزوز الدوسري واذكركم اذا ما راحو من الهلال راح يكون الهلال مو معقوله لهذه الدرجة ان يذهب اكثر من لاعب من النادي وبدون حراك من الادارة اذا الادارة مو قادرة تمسك لاعبيها انا ارى انها تستقيل وتسلم الادارة لاشخاص يخافون ع سمعة وكيان الهلال ارى ان الهلال يضيع كذا مو معقوله والله العظيم ان الادارة بدأت تضيّع في الاعبين هكذا انا ارى ان الادارة تتحرك الى متى نعتمد ع الاجانب والله العظيم انه ما يلعب الا يبي فلوسه ويمشي عادي الهلال سابقاً كان يدعم المنتخب السعودي بتسعة لاعبين او اكثر ومؤثرين والآن ارى انه لا يعطي الا اثنين او ثلاثة اذا ما حافظنا ع مواهبنا في الهلال والله العظيم انه راح يضيع الفريق وبدون حراك لا من ادارة ولا غيره اقول ان لله وان اليه راجعون في الهلال واحسن الله عزاكم انا ما اتكلم عن لاعب معين ولكن اتكلم عن كيان وهيبة الهلال في القارة الاسيوية |
| الوقت المعتمد في المنتدى بتوقيت جرينتش +3.
الوقت الان » 11:54 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd