|
اخبار مفرحة وبداية التصحيح والصرامة والشموخ للزعيم شي ضروري ومطلوب:- بسم الله الرحمن الرحيم اليوم اخواني اخواتي رواد هذا الصرح العظيم فرحت بخبرين واتمنى صحه الثاني فيهم الاول : مخالصة الكابتن الخلوق حسن العتيبي او كما يلقب ويحب ان يناديه محبيه (( ايوب الكرة السعودية )) الهلال يعج بالحراس المميزين واعتقد ان وجود حسن العتيبي كان بنظره السن والاقدمية فقط وليس بقدرته الفنية لأنه لم يستطع مقارعة من هم اكبر منه ... الدعيع ... ومن هم اصغر منه سنا واكبر منه فنيا ... الدوسري ... شراحيلي ... الشمري الثاني : توقيع احمد الفريدي لنادي الاتحاد (( واتمنى من الله ان لايكون الخبر اشاعة )) لن اتكلم عن مستواه الفني فهو لاعب مميز وخلوق والله يوفقه في حياته العامة وفي حياته الكرويه اينما حل او ارتحل لأنه للامانة بالعامية (( مصخها ... حامت تسبودنا منه وقع ماوقع ... راح ماراح وكل يوم طالع لنا بسالفة مرة الولاء ... ومرة الرسالة ... ومره مدير اعماله )) بالعربي انا من الجمهور اللي عاف خاطري الفريدي بكل ماتعنيه الكلمة وماأتمناه التالي :- 1- ان ارى المرشدي على الاقل (( احتياطيا )) ان لم يكن خارج النادي 2- ان ارى محمد نامي خارج النادي (( لانه سيظلم في النادي )) لأن من هم بخانته افضل منه كثير 3- ان تحل معظلة الحارس (( فهد الشمري )) اما ان نراه يلعب كغيره او يعطى فرصة اعارة او تنسيق كحسن 4- ان أرى (( المسلم )) اساسيا لنعرف مستواه 5- ان ينسق الغنام (( الموسم حوالى 30 مباراه )) نراه في 3 مباريات رغم اخلاق اللاعب ومستواه الفني لكن نحتاج لاعب جاهز بديت اشك ان الغنام عمره 35 6- وهذه اكيد امنيه ستغضب الكثير (( اعتزال محمد الشلهوب )) لأن اعتزاله الان فيه حفظ لتاريخه لانى من عشاقه منذ برز في بداياته 7- ان يجلب يحي الشهري بعقد 5 سنوات بقيمه العرض المقدم للفريدي 8- ان أرى صالح النعيمة + فيصل ابو اثنين في ادارة النادي وادارة الكرة بأي ثمن لانهم من ابناء النادي القديرين وروحهم عاليه جدا 9- ان نتعاقد مع لاعبين بدلا من الكوري وهرماش بشــــــــــــــــــــــــرط ان يكونوا من خارج الدوري الفرنسي (( لاني ملاحظ ان رئيسنا ربي يبارك بصحته مركز على الدوري الفرنسي بكل شي)) ويفضل ان يكونوا برازيليين لان البرازيليين فيهم روح عالية اتمنى واتمنى ومع زعيمي بكل حالاته وبكل انتصاراته وانكساراته (( اتمنى من المشرفين ان ينتبهوا للمواضيع التي تشن على شخص رئيس النادي )) من معرفات لاتظهر الا اذا مرض الزعيم :ba1::ba:اخوكم ابو باسل:ba::ba1: |
نعم الرأي وهذا ما يجب فعله من زمن اللاعب يتمسك بالنادي بالواسطه من هذا العضو او ذاك لا عطوه فرصه ,,, يبغى يعتزل الموسم القادم في النادي ويجدد له خمس سنوات |
والله انك صاادق بكل وكلمة وخصوصا الاعبين الفرنسيين |
معاك في كل نقطه ولكن مخالصة العتيبي كانت سيئة ولا تليق من نادي كبير والشلهوب لديه ما يقدمه ولكن المدرب سيء ولا يعرف اللاعبين زين |
5- ان ينسق الغنام (( الموسم حوالى 30 مباراه )) نراه في 3 مباريات رغم اخلاق اللاعب ومستواه الفني لكن نحتاج لاعب جاهز بديت اشك ان الغنام عمره 35 ^^^^^^^ من جدك انت مدري بصراحة انتم انتقادكم فني والا مع الخيل ي شقرا الغنام اي مدرب يأتي للهلال يعتمد عليه لانه محور انضباطي وتكتيكي على طراز عالي ولكن الإصابة دائماً م تكون ضده |
إقتباس:
الهلال الموسم هذا تقريبا لعب اكثر من 15 مباراة اعطني 5 مباريات لعبهم الغنام كاملة؟ |
الشلهوببببببب برااااااااااا.!!!!! ويننننننننننننننننننننننننننننننننننن يا حبيبي وينننننن الموضوع كلة كان تمام بس يوم قلت كذا اتمنى ادارة المنتدى تسوي معك مخالصة زي ما سوو مع العتيبي لان ادارات الهلال شاطرة بالمخالصات واتمنى ايقاف عضويتك لمدة لا تقل 54سنة قادمة والله الموفققق |
إقتباس:
رايك احترمه هههههههههههههههههه وشكرا لك |
إقتباس:
تقبل ودي |
اتمنا ايقاف عضويتك لمدى الحياة |
إقتباس:
|
إقتباس:
مخالصة العتيبي لاتليق بنادي الهلال ؟؟ كيف يعني بتليق؟ مايكفي تنازلوا عن باقي العقد؟؟ الشلهوب الان مكانه وجوه شابه كثيرة ويحفظ تاريخه احسن (( راي شخصي فقط )) |
إقتباس:
والله يالغالي انا قلت رأي الخــــــــــــــــــــــــــــــــــاص ماسبيت ولا لعنت ولا جرحت ولا ولا ولا واما تقبله او ترفضه ثانيا المشرفين يعرفوني ولا انا جديد عليهم وتاريخي بالمنتدى خير شاهد:ah: |
بداية التصحيح وعودة الروح هي في ذهاب الفريدي والله خبر اثلج قلبي وبفلوسة نجيب لاعبين افضل منه بمراحل ونستفيد منهم |
كفو كفو كفو بدأو الاعلامين مسبوقين الدفع من قبل ابن مساعد وصارو الحين ضد الفريدي بعد ماتأكد انه راح يخرج من النادي لاتقصرون بالتقليل من الفريدي واسامه هوساوي بعد خروجهم من الهلال واقترابهم من الاتحاد وكثرو من النقد على شان بعض الجمهور لايكره بن مساعد على سياسته بطرد الاعبين او التوقيع ببلاش اسامه هوساوي+ احمد الفريدي+ عيسى المحياني .. في اقل من سنه تم اخراجهم من النادي وهم من شالو الفريق عطوني لاعب محلي جابه بن مساعد من حسابه واستمر للحين مع الفريق جل لاعبين من فئة رخيص وتسكيت الجماهير . ومن ابرزهم النجم العالمي سعد الحارثي بنص مليون ببلاش ياحبيبي ببلاش وين كلامك يابن مساعد يوم تقول اتفقت انا وهوساوي اذا رجع للسعوديه لايرجع لغير الهلال وين كلامك يابن مساعد بعد ماوقع الفريدي مع وكيله البلوي طلعت في اكثر من برنامج وصحيفه وتمدح البلوي وتقول شخص عملي لاينتمي الا اي نادي وين كلامك يابن مساعد وتحط اصبعك على خشمك وتقول ابشرو اسيا بجيبها وقبل فتره تقول العالميه صعبه قويه قسم بالله اني اكرهك يابن مساعد والسبب سياستك الفاشله اللي دمرت الفريق واخرجت النجوم نصيحه لك يابن مساعد .. هذا الوقت المناسب لكي تخرج الاعلامين مسبوقي الدفع الس وتخليهم يمدحون سياستك لان اغلب الجمهور الهلالي الان تفتح شوي وصار يفهم وش اللي قاعد يصير بناديه |
| الوقت المعتمد في المنتدى بتوقيت جرينتش +3.
الوقت الان » 11:39 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd