السلام عليكم ...
اول شيء اتمنى ان طويل العمر يمر على موضوعي هذا امنيه
وهذه نصيحه من تجربه ماشاهدناه في اوقات سابقه
الحين فترة رئاسه جديده لبو مساعد وراح تكون فتره روتينيه اتوقع والله اعلم
يعني بناخذ كل سنه بطوله او بطولتين مثل السنين الي مضت وراح تنتهي الاربع سنوات وابو مساعد مثل الفتره الي سبقتها وراح يروح ابو مساعد وينسونه الشارع الرياضي لانه زيه زي غيره من رئساء الهلال ماعمل شيء جديد هذا واقع ومتوقع
لاكن نصيحتي لابو مساعد
ان يخليها فتره جحيم على جميع الانديه وفتره ماينسونه جماهير الهلال ويتغنون فيه لعشرات السنين واكثر قدام وكذلك يفرض هيبه قويه له في الشارع الرياضي او الشارع الاعلامي وهيبه لفريق الهلال
طبعاً مثل ماسمعنا ان خزينة الهلال بخير والحمد لله لاكن ابو مساعد بداالسنه يوفر في امور الماليه وهذا اكبر خطأ راح يرتكبه من العام المضي يعني اذا دخل الهلال مثل ماتقول الاداره 100 مليون في السنه والله كفايه تولعها وتشعللها
يعني الفريق الحين في حاجه ماسه جداً للنجوم والفريق في حاجه لـ30 لاعب بمستوى واحد عشان ترهب الخصوم بكل المباريات والكؤوس
اسامه هوساوي والفريدي عطهم الي يبون لايروحون الاهلي لان الاهلي بيدفع الي يبونه ميزانيتهم مفتوحه ؟ عطهم يبون 7 او 8 او 10 مليون بالسنه عطهم الفريق في حاجه لهم وشوف فريقك وش يحتاج من نجوم وجبهم مثل اسامه المولد مثل منصور الحربي مثل يحيى الشهري سعود كريري ناصر الشمراني اوماهجم الاتحاد المولد الصغير واحمد عطيف وحسن معاذ مثل الحارس حق الفتح او السبيعي حق الاتفاق
كم راح يكلفون كلهم بالسنه 60 او 70 مليون والله ماهي خساره فيهم اذا تبي فريق مايقهر وتبي الكل يهابك ويهاب فريقك الكل يتكلم عنك وعن فريقك وعن البطولات الي بتحصدها وكذلك ماراح ينسون عبدالرحمن بن مساعد رئيس الهلال راح تبقى في الذاكره وللعلم راح يوقفون معاك الكل عضاء شرف شركات رعايه وغيرها عكس منت عليه الان ترى سواها البلوي في السابق وحقق خماسيات ورباعيات من بطولات وكاس اسياء سنتين ورى بعض لانه جاب نجوم ورفع عقود الاعبين واغراهم بالمال وجابهم ورفع اسعارهم من مئات الالوف الى ملايين ونجح والى الان يذكرونه ويذكرون وش سوى مع الاتحاد ويطالبون فيه الى الحين ولو رجع راح تكون كارثه اتمنى والله امنيه انك تسويها لاتخشى رئيس الشباب او الاتحاد او الاهلي لاني الاحظك ماتقدر تدفع لاي لاعب ينتهي عقده من هذه الانديه والمثال حسن معاذ وكريري وغيرهم ماقدرت تدخل المزايده قوي قلبك وخل عنك المثالايات لاتزودون على ولا ازود عليكم اتفاقيه فاشله مع رئساء الانديه الي يبي يتميز لابد ان يتجبر ويتوكل على الله انت كل شيء مهيئ عندك موجود لاعبين نجوم بس بحاجه انك تدعمهم بست او سبع نجوم من الفرق الاخرى نصيحه انسى موضوع التوفير والمثالايات وجرب ماقلته وشوف وش بيسير
واتمنى لك التوفيق

يااليت تثبتون موضوعي لو يوم واحد

والله ياخوي لانبي نايف هزازي ولاآإبي اشوفه بالفريق

وليه نرد عليهم وش الفايده من الموضوع هذا احتراف ومابها شي

تحياتي

والله الفريددي خلاااص راااح

ونااايف وش نبي بهه استغفرالله بس يمككن اسامه المولد او فهد المولد

والله عندنا نجوم بمستوى إلي ذكرتهم وأفضل منهم بس كيف نحافظ عليهم

سلامات !!!!!

انننت كتبت الموضوع وما فكرت وش يصير بعدها ؟؟

لو يبي يعطي كل لاعب على كيفه كذا ماراح يجدد اي لاعب هلالي غير الفريدي وغير هوساوي وغير وغير ... باقل من 6 او 7 مليووون ..
وكذا حنا الخسرانين وتشوف كل لاعبين الزعيم يا يجدد باللي يبي ولا ينتقل ...

وبعدين انت عديت نص لاعبين الدوري تبيهم ..
لازم يدخل فتره الست شهور بعدين الهلال يقدر يتعاقد معهم او اذا النادي ما يبي اللاعب يفسخ عقده والهلال ياخذه وهذي صعبه لان كل اللي ذكرتهم انديتهم تعتمد عليهم ..

وانت كاتب الموضوع عشان الفريدي وهو راح وخلصص ما عاد ينفع لو نقول اللي نقوله مع اني كنت اتمنى انه مايروح لكن اصبر عليهه راح يصير مثل الدوخي وعزيز وغيره ..


ومشككووور ...

هيبة الزعيم موجوده واعتقد الجماهير ماراح تتغني الا بـ البطولات ورئيس الهلال سمو الامير عبد الرحمن بن مساعد رئيس لن ينسي

واعتقد الجمهور الهلالي لا يفكر الا في مشروع ملعب الهلال
تحياتي للجميع

اتمنى انه مايقرا موضوعك واذا قراه اتمنى مايأخذ باللي فيه
اجل 10 مليون في السنة لكل من هوساوي والفريدي
طيب والسنة الجايه كم بنعطي العابد وعزوز والقرني والحارثي والسديري وهم اللي شايلين الفريق فعلياً والاثنين اللي قلتهم واحد في بلجيكا والثاني على الدكة وان لعب نزل رتم الفريق
وبعدين اذا الاهلي بيدفع على قولتك وبيوصل لهالمبلغ رغم انه ماقدر يحافظ على كماتشو بالله لو تزاودنا معه وهو مقتدر على قولتك كم بنوصل حتى نكسب توقيع الفلتات الاثنين وغيرهم
ابوفيصل اخطأ بتحمل مماطلاتهم ثم اخطأ في تقديم السقف الاعلى مباشرة لكنه حفظ شيء من كبرياء وهيبة الهلال برفض زيادة ريال واحد فلن يتوقف الهلال على احد حتى لوكان النجم الاول فمابالك في لاعبين هناك من يخدم الهلال اكثر منهم

ياكبر طموحك ياخوي والله ىأني أشفقت عليك وانت تتكلم من أقصاك أن الرئيس بيجيب نجوم بهذا الوزن ..الرجال ماقدر يحافظ على نجوم الفريق تبغاه يشتري نجوم المنافسين الله يرحم والديك قل آمين....

طيب وش رايكم أن ياسر الشهراني لن يستمر مع الهلال كون عقده (إعاره) فقط ومن هذا المنبر أتحدى أن إستطاعت إدارة الهلال شراء عقد الشهراني

نجوم الهلال الشباب يرون الأنديه المنافسه جاهزه بشيكاتها وملايينها وحبيبنا بن مساعد يعتقد أن النجوم سيخضعون لقانون (سقف العقود)...

سقف العقود ينفع مع لاعبين مثل نامي والزوري والمرشدي الذين يعتبرون لعبهم في نادي مثل الهلال مكرمه كبيره وليس هناك راغب بهم من المنافسين لكن لاعبين مثل العابد والفرج والدوسري تعتقد انهم سيقبلون بنظامك هذا والمنافسين يعرضون عليهم ضعف ماتدفعه لهم!!

رئاسة الأنديه فن وخبره وممارسه وليست شركه خاصه تفرض شروطك فيها ياطويل العمر...خصومنا يتربصون بنا ونظام سقف العقود يقدم لهم نجوم الهلال على طبق من ذهب..يكفي أن يعرضوا على لاعبينا أكثر مما نعرض لنشاهد نجومنا بقمصان الإتحاد والاهلي وربما النصر!!!

سجلوها عليّ::الأربع سنوات القادمه في رئاسة بن مساعد ستشهد أيام سوداء في تاريخ هذا الكيان على صعيد هجرة النجوم والوعد قدام

وانت جالس تكتب الموضوع البلوي يرد على ابن مساعد ويقولة اجلس استثمر وانا ادفع واسحب نجومك > وهذاه وقع مع الفريدي هو من تكفل بهذه الصفقة ويبي اسامة بيوقع معه و90% راجع

شكرا لك اولا واخيرا موضوعك فيه بعض النقاط الجميلة جدا وفيه بعض النقاط المستحيلة

خلونا نكتب مواضيع عن نجومنا وعن ابداعاتهم

شفتوا وش سوى نواف العابد وسلمان الفرج وسلطان البيشي بمنتخب الارجنتين

شفتوا نجوم الهلال في مباراة التعاون الاخيرة كيف ابدعوا داخل الملعب



الفريدي راح الفريدي جاء

ههههههههههههههههههههههههههههههههههههههههههههههههههههههههههههههههه
اسف بس ترى ال 100 مليون مو فايض من الميزانية
وين راحت عقود الاعبين الاجانب تراها دفعات مو كاش
وين راحت عقود الاعبين المحليين ورواتبهم
وين راح المدرب والادارين والموظفين في النادي
وين راحت الصيانة ورحلات الفريق

مع احترام ياخي لاتتكلم بما لاتفقه

تقبل وجهة نظري

الفريدي وهوساوي كانا في الهلال

ولم يكن الهلال بذلك الفريق المخيف

اتمنى ان لا يأتي هوساوي.. اتمنى اسامة المولد بديلا له

ولو حضر اسامة المولد واسامة هوساوي فخير وبركة

سيكون دفاع الهلال نااااار

انا ضد تجميع الاعبين من الاندية الاخرى في ضل تقارب المستويات لان ذلك سيأتي بالنتائج (المؤقته)
أعطو الصغار فرصة لتمثيل ناديهم وسترون مايعجبكم
هوساوي غادر لم نلاحظ تغير كبير كذلك الفريدي غاب لم نفتقد شئ
تحياتي

ههههههههههههههههههههههههههههههههههههههههههههههههههههههههه
قسم بالله انك فله اجل تبي كل هاللاعبين في عهد ابن مساعد
اجل ردد يالللللللللللليل مطولك