|
السعودية والأرجنتين على الطريقة الأوروبية _-_ كرآسي مرقمه لكل تذكره _-_ وجبات للجمهور الحاضر للقاء اكد مدير ملعب الملك فهد الدولي بالرياض المهندس سلمان النمشان أن التنظيم الذي يجمع المنتخب السعودي بنظيره الأرجنتيني سيكون بنفس المواصفات الأوروبية على الصعيد التنظيمي، وقال إن التذاكر مرقمة ولن يسمح لأي شخص بالجلوس في غير مقعده، وهذا هو التنظيم الذي سنسير عليه خلال دخول المتابعين للمباراة. وأشار النمشان إلى أن الشركة المسوقة للمنتخب السعودي حسب معلوماتي سوف توقع عقداً مع إحدى الشركات الغذائية من أجل توفير وجبات غذائية للجماهير تقدم وهم في مقاعدهم لدرء تحركاتهم من المدرجات. ^ اجراءات رائعه جدآ ولكن هل سنرهاا تطبق جيدآ ** ااستفسار للجميع لعلي اجد الافاده انا طلبت 3 تذاكر من موقع اي مول المسوق للتذاكر للدرجه الاولى وباقي التسديد عن طريق سداد اذا سددت راح تجيني التذاكر عن طريق الايميل واطبعهآ هل هذا الكلام صحيح لاني سمعت كذآ يعني اطبع التذكره وادخل فيها الملعب وهي ورقه بالاصل اتمنى الافاده |
م ظنتي على الطريقهه الآوربيه كله هرجج , مير حنآ من جرف ل دحديره |
م ظظنتي على الطريقه الآوربيه كله هرج , مير حنآ من جرب ل دحديره |
مسدد عن طريق الصراف وانتظرهم لي ساعه يرسلون لي التذاكر عن طريق الايميل حتى الان مآأرسسلوآ شي الله يستر لايسحبون علي ههههههه |
اخوي شبيه الريح الثلاث تذاكر مخلينكم جمب بعض ولا كل واحد حاطينه بكل مكان ؟ |
اقطع يدي اذا طبقوها صح :d |
واخيرآ وصصلت ال3 تذاكر ع ايميلي وطبعتهمــ وجآيه التذاكر ع شكل ورق عادي فيهآ صورة للتذكره وبيانات موقع المقعد الي رفع ضغطي اننا 3 وكل واحد حاطينه بمكان , واحد في بوابه 17 , والثاني 18 , والثالث 19 وهذي صصورة الورقهه اقصصد التذكرهه مادري كذا يبونها ولاكيف :s2: http://www9.0zz0.com/2012/11/13/16/463303832.jpg |
شبـآأب ابي اعرف البوابات : 17 , 18 , 19 وين مكانهم بـ الواجهه بـ الزبط ي ليت صورة للتوضيحح |
نفسي بالضبط ثلاث تذاكر كل واحد بمكان . وما ظنتي ان كل واحد بيقعدله بالمكان اللي فيه . لو واحد معه صغار وش بيسوي |
اخوي هلآلي احسس انهم كلام ماراحح يطبقونهآ كويسس يعني رآح تشوف الفوضى بالملعب كل واحد جالس بمكان التنضيم سيئ جدآ بالملاعب فمآ بالك بنظام اول مره يطبقونه |
والله اتوقع نسبة كبيرة ماراح يطبقونه تخيل لو ابو وهو وعياله وش بيسوي |
غريبه والله يس للاسف فيه ناس همج |
تكفون ياجماهيرنا تحضرو وتعلمو النظام يعني وش فيها ان جلس كل واحد في مقعد يعني خائفين تضيعون فيه شي اسمه جوال بعد القاء كلمو بعض وحددو بوابه تتقابلون عندها وخلاص انتهت السالفه بس تكفون نبي يكون عندنا نظام تساعدو مع المنظم صدقوني الشي هذا لصالحكم حتى وقت المباريات تجون فقط قبل المباراه بشوي ومقعدكم محجوز فكونا من لازم نكون مع بعض ومن سبق لبق بالتوفيق لكم ويارب تستانسون ويارب وفق اخضرنا لتقديم مباراه تليق بسمعه الاخضر |
الله يتمم على خير... بس انا حاولت اتفائل و انبسط يوم قريت العنوان.... قالوا بيطبقونها على الطريقه الاوربيه...استر ياستار..ربعنا كل ما يجربون شي جديد يعمونها...فا نصبر ونشوف الطريقه السعوروبيه (سعوديه اوروبيه) |
إقتباس:
احنا حساسين زياده مانبي احد يستهزئي ولافيه صبر كل شي جديد فيه مئه عله وعليه الف غلط وتعليق بس مع الوقت احنا الكسبانين فقط نبي صبر ممن يقوم به وتعاون من الجماهير يعني في اوروبا في البدايه تقبلوه مستحيل بس اصرو عليه وصار عاده |
إقتباس:
اذا صغار ينسق مع اللي جنبه ويبدل معهم عشان اطفاله الصغار واكيد ماراح يرفض اما اذا كبار ماعليهم خوف يجلسون بمقاعدهم وبعد القاء يروح لهم مع اني ضد مجي الصغار المدرجات في اوروبا مانشوفهم |
اختي انتي منتي فاهما الوضع النظام اول مرة راح يتطبق بالملعب واصلا الملعب كله فوضة بمباريات الدوري ما اعتقد ان احد راح احد يلتزم حتى من المنظمين وعلى قولتكي ان احد ينسق اللي معه اطفال فيه ناس بيقولك لا والله من قايم هذا رقم مقعدي وفيه كل شي |
بالنسبة للطرق الأوربية إلى الآن نحن بعيدين كل البعد عنها ولكن لا مانع من تطبيقها إلى ما يتعود عليها المشجع ومن ثم نسير بالطريقة الأوربية بالشكل الصحيح |
ان شاء الله يبيضونها الجماهير اليوم وتكون الكراسي كلها فللللل تخبرون عاد لو كانت المقاعد اللي وراء الباب فاضيه مشكله وفضيحه بعد :s2: |
يسعد صباحكم عندي استفسار اللي لابس شورت يسمح له بالدخول ولا ممنوع |
إقتباس:
بس لابد اذا نبي نظام نصبر اكيد كل شي جديد غير متقبل في البدايه خصوصا عندنا ياعرب بالنسبه لللمباراه اذا بتروح نصيحه من اختك خل الصغار في البيت والله اريح لك ولهم |
م ظنتي على الطريقهه الآوربيه كله هرجج , مير حنآ من جرف ل دحديره ... |
إقتباس:
لا اختي نشوفهم بـاوروبآ بعدين اذا وآحد بيحضر ويبي يجيب عيآله يسمتعون ويشوفون ميسي وين المششكله |
الي عاجبني في الموضوع ان التذاكر الالكترونيه مته مارحت الملعب مكانك موجود عكس التذاكر الورقيه لازم تجي بدري عششان تحجز لكك مكآن * الي شاري التذكره ورقيه من المكاتب ( راح يكون موقع الجلوس الواجهه بالأعلى ) * الي طابع التذكره من موقع اي مول ( راح يكون موقع الجلوس بالواجهه بالاسفل ) عشآن افيد الي بيحضضرون |
شعب فاصل والله ههههههههههههههههههههه ححتى المدرجات ماسلمت منكم الله يوفقكم يارب وتتنظمون بالغصب ههه ويوفق المنتخب ان شاء الله وكل شي تمام ولا انسى نبغى نفوز عاد ونبغى كباري فيهم وناسسهه وحماس |
و اخيرا صارت فيه ارقام للكراسي بدال العشوائية ان شاء الله نشوف ذالك في جميع الملاعب |
| الوقت المعتمد في المنتدى بتوقيت جرينتش +3.
الوقت الان » 09:35 PM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd