يادارة الهلال اضربي من حديد ولاتكوني جدار قصير
 

يحز في خاطري ان الادارة الموقره لاتعرف تتعامل مع لاعبين ابرزهم الزعيم

وصاروا بعد بروزهم يساومون ويزيدون بالعقود وكانهم جلبوا لنا اسيا اوقدموا

للمنتخب الشيء المفرح ,,, بل من عرفنا هؤلاء ومن هم على شاكلتهم لم نعيش

افراح لافي النادي ولافي المنتخب ...

لك تتخيل عزيزي لاعبيين لم يكونوا مشهوريين بانديتهم او حتى بالحواري وتجلبهم
للفريق ويشتهرون ثم يبدوؤن بلي الذراع ياتدفع ياجيب عروض حتى ولو هي وهميه

والسبب في الادارة الحالية والمفترض تعاملهم بالمثل ايعقل لايوجد حلول عند النادي اقلها يتوكل على الله ويلقى المصير اللي لقيه غيرهم واقصد الدوخي وعزيز والعويران والغشيان

الفريدي بعد كل مبارة يساوم وانا عندي عروض ,, المفروض تقوله الادارة شكرا لك كابتن ماقصرت وياليت تنزل الرقم 15 لانك لست كفء يالغالي للشعار وسياتي من يستحق ارتداءه

هوساوي ضجنا بالاحتراف وبالاخير احتياط وعند العوده يطالب بعقد قوي وكانه اسطورة زمانه وهو بالاصح يريد الغربيه والقرب من اهله


يابن مساعد لاتكون جدار قصير انت وادارتك فعليك الباحث عن المواهب بحواري المملكه وهي من ستعيد جلب الافراح لنا سامي الجابر يوسف وغيرهم الكثير تم جلبهم من الحواري ووصلوا الى العالميه لانهم كفء وقدروا الشعار


حان ان تضرب ياعبدالرحمن من حديد والا عليك الرحيل لتاتي ادارة تتعامل مع لاعبيين مشاغبيين وصدقني بتبلش اذ جددت للفريدي بلاعبيين اخريين ياطويل العمر

انا مايحرني الا اللاعب الي يسجل هدف ويطلب خمسه مليون تجديد عقده
سسسسسسسسسسسسسسسلاماااات وش سويت علشان خمسه مليون
احمد ربك ما انهو عقدك على هالكلام بس
على العموم مشكور وتقبل ودي

ياسيي موعلي كيفه يضرب بيد من حديد ؟؟؟؟؟ هذا عصر الاحتراف وليس الاحترام ياعزيزي لاتلوم الفريدي جاه عرض اقوي بكثير لكن الاداره تتفرج والرجل يريد الاداره تتحرك علي الاقل بالكلام لكن ليسش هناك مجيب و اللي مامعوش مايلزموش ؟؟؟؟ علي فكره انا ضد رجوع هوساوي يروح بالسلامه عندنا من يسد مكانه الدوسري المسلم مانجان لأنه فعلا ساوم بأقل من المبلغ اخرتها احتياط وااكد علي كلامي بيرجع لغير الهلال بلجيكا فقط كوبري لرفع اسهمه وعقده

الاعب السعودي عامتا لا يستحق مبلغ فوق الاربعة مليون

لكن للأسف صار كل واحد يستغل الانديه بعروض اخرى

الاخ اللي يقول اننا نعيش بعصر احتراف و من حق اللاعب يطلب اللي يبي ,, اتفق معك .. و في نفس الوقت
من حق الادارة ترفض ابتزاز الاعب حفظاً لحقوقها و هذا شيء احترافي اكيد :) ,, لاعب يطلب 5 مليون في السنة
على ايش ؟؟ حقق لنا بطولة اسيا ؟؟ حسم بطولة للفريق ؟؟ 5 مليون على ايش بالضبط ؟؟ لاعب يبحث عن الماده
و لذلك الله يوفقة في بيئة توفر له هالشيء اما الهلال نادي كبير له تاريخة و سمعتة و يبحث عن الاعبين اللي يحترمون
الشعار و يلعبون علشانة

اتفق معاك لكن اللاسف الاداره ضعيفة جدا جدا جدا من جميع النواحي سواء مع اللاعبين او الاعلام او الجهات الرسمية ..

فرق كبير بين الاحتراف وبين الي قاعد يصير .. الاحتراف هو الجلوس ع طاولة والنقاش مع اللاعب مو كل بعد مباره يطلع لنا اللاعب ويقول عندي عرض وعندي عرض ..

هذا مافيه اي احترام للنادي .. وقلتها والله من اول مابدا الكلام عن التجديد للفريدي وقبل دخول الـ6 اشهر حددوا قراركم لان هذا بيفتح باب على الهلال وبيطلع كل لاعب يجدد ويطالب مبلغ خيالي زي مالحين هوساوي شين وقوي عين احتياط هناك والمدرب يقول لا يملك اساسيات الكورة وهو يبي 8 مليون في السنه ..

اتمنى عدم عودتهم دام شروطهم كذا لـ3 اسباب ..

الاول غالبية لاعبين الهلال الفريق الاول صغار سن وفي خانات اهم من الوسط كالاظهره والمحاور وهذي نادرة في الكرة السعودية بعكس مركز الوسط فيها وفرة عندنا .. واذا جاء اللاعب بيجدد بيطالب بمبلغ اكبر اذا شاف لاعب وسط اخذ مبلغ عالي ..

ثانيا لاعبين الهلال الاولمبيين جدا جدا مستقبل باهر وخصوصا الوسط فيها اكثر من 3 لاعبين بمستوى ممتاز مانبي نعودهم ع الطمع والمبالغ العالية ..

ثالثا الكورة السعودية فاشلة ومركزها فوق المية كيف تزداد الاسعار واكبر دليل هوساوي افضل مدافع يوم طلع للدوري البلجيكي ليتهم خلوهـ احتياط الا قالوا انه لا يملك اساسيات الكورة ..

حرام هالمبالغ واتمنى الاداره ماتجدد مع الفريدي وهوساوي الا بمبالغ معقولة لا تتعدى الـ3 ملايين ..

اقول والله هالاحتراف اضاعنا اكثر من فائدته علينا انصاف لاعبين ويتحكمون بالعقد ابو فهد قال الباب يفوت جمل اللي مايبي الهلال لاتردونه واخرجوا من محبي الهلال ولانريد هوساوي او غيره خلوه يجرب غيرنا يابو فيصل خلك على كلمتك سقف العقود واضح واللي مايبي يروح لكن ضع في العقد مكافاة كبيره عند تحقيق بطوله وحسب اهمية البطوله ستجدهم يحترقون في اللعب للظفر بالاموال

اجل اذا كذا ماراح يبقى عندنا احد كل الاعبين بيروحون ولا يبقى الا اللي محد يبيبهم
لان ياسر والشلهوب اخر لاعبين اما غيرهم ماعتقد

فالمطلوووووووب هو ادفع ومو االهلال مايوقف على لاعب الا يوقف
الاعبين اللي عندك عطهم اللي يبون وجيب لاعبين جيدين في الدفاع وطور فريقك ماهو كل ماطلب لاعب مبلغ قلتو مايوقف على احد

ممكن تفهموني بعد احمد الدوخي كيف الظهير اليمين معنا؟؟؟؟؟؟

صحيح هو لاعب يتمنى انه ماطلع من الهلال لاكن حتى الهلال فقده في خانته

يا اخي موضوعك في غير محله ادارة الهلال ماقصرت في شي الي يبي الهلال اهلا وسهلا والي يبي يروح نقول له مع السلامه فمان الله

كلام سليم بس ثق اخوي ان الادارة تعرف ماذا تفعل بموضوع هذا اللاعب
وصدقني لي في تشجيع الهلال 32 عام اقسم بالله ماعتمدنا على لاعب
والفريدي بالذات ماستفاد الزعيم منه ولو جدد الهلال عقده لن نستفيد منه

اي والله اقتراح جميل
وعادل
اما سسالفه ان كل لاعب يبي المبلغ اللي يبي ماصارت