|
للاسف خسر الاهلي و تحققت مقولة الامير !! للاسف تحققت مقولة الامير عبدالرحمن بن مساعد لن يحقق الاهلي البطولة و اولسان سيفوز بها ، كنت اتمنى فوز الاهلي ، لان حاليا فاز اولسسان و الامير لان بيحط رجلة في ماء بارد و يقول البطولة صعبه لن يحققها نادي و البطولة شاقه و البطولة صعبه جداً ، أسألكم بالله هذا الكلام لو احد لاعب هل بيتحمس ؟ بعطيكم مثال بسيط " حاليا لو تلعب تحدي سوني انت ضد واحد و معك اخوك الكبير و انت متعود انه يسوي لك خطه و يعلمك و اخوك و فجئه يقولك هذا صعب ما تقدر تفوز عليه هذا خطير بيغلبك بكل بساطه و يستمر في هذا الكلام هل راح تلعب ضده و انت متحمس و بروح عاليه او بتلعب ضده و انت ترتبك و تخاف ان يدخل هدف عليك !؟ بكل بساطه اذا القائد حمسك بالكلام و يحاول يواسيك و يعرف نفسيتك راح تغلب اي شخص مهما كان " هذا حالنا معنا الهلال الامير مستسعصب البطولة و كانها بطولة كاس العالم ، من سمع مقولة مدرب اولسان الكوري !؟ قال نحن لعبنا في البطولة مع كل مباراة كأنها نهائي ليست فقط مباراة ، اولسان الكوري لعبو بروح و قتال و انظباط و تطبيق تكتيك ، الامير حدد و قال اندية كوريا و اليابان انها هي العقدة و ان البطولة صعبه !! الهلال منذ استلام بن مساعد منصبه وهولم يخرج من اندية شرق اسيا بل اضعف اندية غرب اسيا انا لا اريدك طال عمرك تحقق بطولة بسرعه هائلة ، ابي الهلال هيبه يخرج بشرف من اندية قوية نبي نفوز ع اندية كوريا و نطلع من كوريا ، نريد فقط "ننافس" لو نافسنا مع الوقت راح نحققها بعدين ما هذه البطولة القوية ؟ الاتحاد في اضعف حالاته و في وسط محنته وصل الى نصف النهائي الذي انت في أوّج عطائك خرجت من هذا الدور !؟ البطولة صعبه ع الهلال فقط كيف بطولة صعبه و الاتحاد في 2009 وصل النهائي و في 2011 و 2012 نصف نهائي يعني فقط يخوض 3 مبارايات و يتوج في البطولة و ليس مطالب بالفوز في المبارايات الثلاثه لو الجميع يلاحظ طريقة اولسان اذا لعب ارض الخصم يحاول يسجل اكثر اهداف عشان قاعد الافضليه بعكس الهلال اذا لعب بخارج ارضه يدافع خوفاً من نتيجة كارثيه و حين يتلقى هدف و يلعب في ارضه يندفع بكل قوة عشان يعدل النتيجه و يتلقون هدفاً اخر يقضي عليهم و هذه السياسة التي دوماً يفشل بها الهلال الذهاب و الإياب للاسف حال بن مساعد حاط لي دفاع مهزوز جداً و لاعيبه صغار بالسن ضايعين بالملعب و اجانب اقل من مستوى المواطنين و مدرب عاطل له من التدريب اسم و يقول البطولة صعبه اكيد صعبه .. |
يعططيك آلعآفيهه على آلموضوع .. آلله يوفق هلآلنآ |
حمد لله ان أولسان أخذها والصراحة كان ودي تتحق مقوله بن مساعد أنها صعبه كما قال وليست مثل قبل ياجماعه الفرق تطورت وكلن ينافس ويبيها صحيح فريقنا العزيز مافيه روح لكن بإذن الواحد احد يحققها وترجع الروح افضل من قبل ولاتحطون اللوم كله على بن مساعد الرجال ماقصر وربي مع اللاعبين يحاول يرضي جمهوره والزلات اللي تصير منه ماتخلينا ننكر اللي قدمه وبالتوفيق للزعيم الملكي في قادم الأيام .. :ba: |
انتهت البطوله ياشيخ فكر في القادم الاجمل و كلام الامير سليم ١٠٠٪ |
اولا عمر الامير عبدالرحمن بن مساعد ماعلق اخطائعه على شي ... وهذا شي معروف .. ثانيا .. الاهلي نحبه ونقدره وكفايه عليه انه لعب على الكاس فقط..ولكن ماكنا نتمنى انه يكون صاحب الكاس مو علشان شي..لاننا مو بحاجة اكثر من طرف علشان نتحمل سماجته مستقبلا امثال الفقراويين الحالميين وعلى فكره .. نادي اولسان ماكان يلعب بالكوره كان يلعب على اعصاب الخصم ..واتذكر مباراته مع نادي اوزبكي بعد مافاز علينا اول مادخل في مرماه هدف انهززززززززززززز ورجع بسبة ادارة ناديه المحليه النااااااجحه..وخلي بالك من كلمة محليه على العموم طرحك مميز .. ورائع حقيقه لاتحرمنا مواضيعك :rose: |
الامير ماقالها عشان يبرر موقفه لكن قالها لان الفريق اللي انهزم الهلال واذا الفريق الاقوى انهزم بالاربعه اذا الفريق الكوري اقوي وبعدين بدل تمنى فوز الاهلي عشان رد ع الامير المفروض تشكره انه اعترف بالواقع وبيحاول يصنع فريق قوي مو بس فريق بمسكن |
صدق الأمير عبد الرحمن فالبطوله صعبه ومن سيقول غير ذلك فهو مخادع لنفسه لو أنها ليست صعبه لتحققت منذ سنوات ,, ومع مدربين تطالبون بهم ,,, ومع لاعبين تمجدونهم ولنا في كأس العالم للكبار أو للصغار خير شاهد ولنا في كأس العالم للأندية خير مثال واضح فلما لا تسيطر عليها أندية غنيه كالريال وبرشلونه أو مانشستر أو الميلان |
خساره يفقد الاهلي البطوله من جد قدم فنون في كرة القدم يجب ان يتعلم كل من يتعالى على كرة القدم |
هذا إن دل على شي فإنما يدل على نظرة وموضوعية رئيس الهلال الأمير عبدالرحمن بن مساعد. تحليل منطقي ونظرة عميقة وفهم كروي عالي.... أولسان أخذ البطولة بجدارة واستحقاق وقوة وهزم الهلال والفريق الأوزبكي والأهلي في النهائي بنتائج كبيرة... هذا يدل على صعوبة البطولة الآيسوية وتطور فرق شرق آسيا بشكل كبير... ليس الأندية فقط بل المنتخبات أيضاً.. ختاماُ: أطالب جماهير الهلال بعدم البكاء على اللبن المسكوب والتركيز على الدوري المحلي ودعم الفريق ورفع روحه المعنوية حتى لاتضيع هي أيضاً... |
كلام الرئيس صحيح البطوله صعبه ولو كانت ليست صعبه كان فاز الهلال بالبطوله |
الله يعطيكم العافيه ، وبالتوفيق للزعيم ان شاء الله :smilie47: |
فعـــــــلا صعبــه قوووووويه |
مهما كانت صعوبتها هذا لا يبرر ابد ان تسلم لخصمك وعلى ارضك ولا تقاتل ولا تحترم جماهيرك الي حضرت تساندك على الاقل قدم مستوى العب بروح حسس الجماهير انك تحترق زيهم لكن الانهزاميه للاسف والتصاريح التي اوهنت قوى اللاعبين كان لها مفعول سيء جدا على اللاعبين وهذه ليست المرة الاولى التي يهزم فيها الرئيس الهلال بتصريحه فلازلت اتذكر مبارتنا مع الاتحاد الموسم الماضي والتي قال فيها الرئيس ان الاتحاد فريق كبير ولا غرابه لو فاز على الهلال |
يوجد فرق كبير بين ان تكون البطولة صعبة ولكن تقدم ما لديك وان تكون البطولة صعبة وتكون فوقها انهزامي وبليد |
بصراحه انا كانت ضد كلام الامير عبدالرحمن بن مساعد بعد مباره ذوب هن لما قال اسيا مثلها مثل اي بطوله يكون العداد لها كانت اتمنى الهلال يعد لها اقوى من موسم الاستثنائي مع ردوي ولي ونفيز وقريس الهلال جعلها مثل بطوله ولي العهد والدوري اجانب اقل من المطلوب مدرب مو قد الطموح مافي انتداب لاعبين محلين لهم ثقلهم في الفريق اتمنى الموسم المقبل الاداره تقول نبي اسيا ونعمل لجل اسيا ونشوف روح وقتال لو الله كتبها لنا راح ناخذها لو الله مو كاتبها تكفينا هيبه الهلال مو نقول نعمل لها مثل اي بطول اسف على الاطاله |
| الوقت المعتمد في المنتدى بتوقيت جرينتش +3.
الوقت الان » 05:57 PM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd