|
للأسف الكابتن/ ياسر القحطاني توقعنا منه أن يواجه جميع التيارات ولا يستسلم للظروف التي تكالبت عليه الكابتن / ياسر القحطاني تعرض لظروف قهرية وهو في أوج عطاءاته إلا أنه للأسف استسلم لتلك الظروف الخارجة عن ارادته مما تسببت في انخفاض عطائه المتوهج الذي حضر به الي الهلال ولم يقاوم ابو عززوز تلك التيارات المناوئة ضده من قبل حثالة البشر وخصوصا من اعلام وجماهير الاصفرين والهدف من أكاذيبهم وتجنيهم ضد ياسرهوالتقليل من عزمه الذي بدأه بتسجيل الاهداف في فرقهم من جميع الزوايا حتى لقب بالقناص وبالكاسر وبألقاب كثيرة يستحقها ؟؟ وكان حري بياسرألا يعطيهم اي إهتمام وأن يركز كثيرا على كلما يعود بالنفع عليه وعلى ناديه وأن يستمر في عطائه داخل المستطيل الاخضر خصوصا وأنه صغير السن ويستطيع أن يعطي أكثر مما قدم والدليل تجربته الاحترافية في نادي العين الاماراتي عند ما ساهم بشكل فاعل في حصول نادي العين على بطولة الدوري مما جعل النادي العيناوي يتمسك بياسر حتى اللحظة لولا انه فضل مصلحة الزعيم على كل اعتبارات وعاد هذا الموسم بثوب جديد للهلال إلا أنه اصطدم بهذا المدرب الفرنسي الذي لن يذهب عن الهلال حتى يدمر الزعيم وليس ياسر وإلا كيف يشارك بالكوري في جميع المباريات اساسي وهو لم يقدم أي شئ يشفع له ؟؟؟ ومن هذا المنطلق فنحن لا زلنا نتعشم في الكابتن/ ياسر القحطاني أن يقاتل ويجاهد ويصبر صبر أيوب حتى يعود الي مستواه المعهود والزعيم الي مستواه المعروف وألا يعلن اعتزاله اللعب نهائيا بعد اعتزاله دوليا وأن يجعل الكابتن/ سامي الجابر قدوة له في الصبر حيث تعرض سامي الي هجوم شرس من جميع الحاقدين والحاسدين وخصوصا اعلام وجماهير الاصفرين على مستوى النادي والمنتخب وعلى المستوى الاداري وحتى الآن على مستوى التدريب لا زالت هذه الشراذم تطارده حتى في فرنسا لكن أبو عبدالله يعرف من أين تؤكل الكتف حيث يتعامل مع هؤلاء بأساليب أزعجتهم في مضاجعهم وحاولوا كثيرا النيل منه لكنهم لم يستطيعوا ؟؟؟ فعلى ياسر القحطاني أن يتنبه لهؤلاء الحاقدين الذين يعيبون على الناس والعيب فيهم كما يقول المثل البعير ما يرى (عوجة رقبته) فعليك أن تواصل يا ابو عزوز للأمام واترك كل منتقديك خلف ظهرك ؟؟؟ وعلى الادارة الهلالية مناصرة ياسر ومناصحة المدرب بالاعتماد على ياسر أكثر من الكوري المفلس - والله يوفق الهلال ويوفق أبو عزوز وينصره على من وقف في طريقه وأحبطه وهو في افضل حالاته- والله من وراء القصد -- |
اقدر لك حرية الكتابة بالموضوع الذي تشاء لكن القضية هذه تجاوزنها .. صدقيني مثل هذا المواضيع هي اللي تعيد فتح تلك الظروف |
ياسر ما يتاثر بها ولا شي مجرد سكوته مايعني انه تاثر ...هذا دليل على حقارة الشي وان ياسر مايبي يعطي الموضوع اكبر من حجمه بالعكس ... ياسر عطائه رائع صحيح قل عن المواسم اللي قبل ... بس مو لدرجة الهبوط المريع سلمت اخوي على موضوعك |
بغض النظر عن الي صار لأبو عزوز تبغى بطولات لاتعتمد على لاعب وحيد الفريق البطل يلعب كرة جماعية ... وياسر بأستطاعتة يرجع مثل ماكان وأحسن اللعب لشعار وأحترق وأحرث الملعب تطلع لاعب مهم توقف تتفرج وتتبطح تلقى أنواع الأنتقادات .. أول شي الله لايوفق من طلع الأهروجة على ياسر وهذا هزازي حقهم خطب فنانة وكل شوي متصور معاها وراز خشتة معاها ومنشورة صورهم ولا أحد قال شي كأنة ليس لاعب كورة قدم والله لو لاعب هلالي يالطيف كان شفنا أنواع المسخرة داخل وخارج الملعب ويتشمتون فية ولكن أحسن يستاهلون كما تدين تدان طلعو اهروجة ياسر وهذا فريقهم من أنتكاسة لأنتكاسة ولاعبهم سحب عليهم وعندهم مباراه وراح لبلقيس ..... سبحان الله هالأصفرين ظلمو الهلال ولاعبينة بأشياء كثيرة وهذا حالهم أصبح جدآ سيئ ماعلينا فيهم علينا بجميع من يمثل الكيان الأزرق ياسر أو غير ياسر اللعبو لشعار واحترقو داخل الملعب راح نشوف فريق يمتع وغير كذا مانرضى وبالتوفيق لزعيم |
يآسر ليس خآرج حسآبآت آلمُدرب فآن كآن آالمُدرب يُريد عودة روح آلهلال و عودة قوة آلهجوم لآبد من آشرآك يآسر آسآسيآ لكن آستغرب من آلبعض بقول يآسر خآرج آلحسآبآت يآسر كآن آسآسيآ قبل آن يُصآب و آلكوري آحتيآط و يآسر غآب بدآعي آلآصآبه بمشيئة الله سترى يآسر آسآسي يوم آلسبت و سَ يُطلق سهآمه و تعود روح آلهلال بعودته كذلك يآسر لم يستسلم لـ حمآقآت آلمترديه و آلنطيحة و فُقعآت آلآعلام بل كمآ ذكرت يآسر سآهم في حصول آلعين على بطولة آلدوري بعد غيآب دآم 10 سنوآت / وهذآ في آلموسم المآضي فَ كيف آذاً آنه آستسلم آو آن كُنت تفتكر بآن يآسر آن وقع آحتيآط سَ يعلن آلآعتزآل لا و آلف لا فَ يآسر نفسه آجآب و قآل لايهم من يلعب آسآسي آم آحتيآط آلآهم آلفوز لـ آلهلال يآسر قبل آن يكون لآعب فهو عآشق لـ آلكيآن , تآكد آن يآسر لن يبخل بـ عطآئه ولا بحبه لـ آلهلال حتى آن وضع آحتيآط آخيراً : يآسر بـ آدآئه سَ يجبر آلمُدرب بـ لعبه آسآسي و آذكرك يآسر حآليا هو آساسي وليس آحتيآط بل آلكوري آحتياطي لـ ياسر .. |
إقتباس:
رد رائع وكافي وشافي ... ماعرف بس احس المدرب حبه فوق وحبتين تحت يعني مباراة الشباب والرائد قمه ومباراة اولسان واللي بعدها قاع ... متى المدرب يركز ويعيد هلالنا الحقيقي بكامل رونقه وبريقه ... يعطيك العافيه ... |
يااخي ياسر ماسكت ولاشي ياسر محترم راي المدرب وغير كذا ياسر ينافس علي قائمه الهدافين هذا دليل انه مااستسلم علي قولك... واما المدرب انا اتفق معك انه مدرب عنيد ومكابر والا الشهراني يلعب وسط وحنا جايبنه لظهير |
ياجماعة الخير والله انكم تنبشون بمواضيع رحت هذا ياسر وهو احتياط مازال أحد المنافسين على صدارة الهدافين واللي ينضغط ينضغط بسلامته أهم شي انه ينافس غصب على كل حاقد حاقد حاقد حاقد سواء من جمهور سقيم وعاطفي ويسمع بالتشجيع ولا جماهير الانديه الاخرى |
ابو عزوز ماله مثيل باللاعبين هو اللاعب الوحيد الذي اعجز الاجانب والمحليين ان يسدوا مكانه كما هو ابويعقوب والدعيع ...........الى الامام ابوعزوز واحنا لك سند |
يعني انت ياراع الموضوع ماخطر ببالك الا هالموضوع .......................اخوي انت قديم جدا والا فقط لتثير الناس على ياسر كالعاده ...................اذا هذي مواضيعكم مااقول الا الهلال في انحدار...ارتقوا بطرحكم واتركوا الناس نحن ليسوا في عداوه او حرب مع احد الاتحاديين وغيرهم اهلنا واخواننا فقط منافستنا معهم في الميدان |
|
وش جاب الموضوع الحين الكلام هذا قديم وراحت عليك ياسر لاعب كبير والله يوفقنا هلالنا وموضوعك ماله اي داعي |
با التوفيق ل ياسر والله يعطيه القوة)) |
أتمنى ما نرجع للماضي واوجاعه خلونا بالحاضر ونهتم بالفريق ونطرح حلول للمشاكل الحاصله |
ياسر اكبر من ان يرد عليهم...ورده الحقيقي يكون داخل المستطيل... واعتقد انه تجاوز خزعبلاتهم منذ زمن.... |
يــــــــــــــــــــــــــاســـــــــــــــــــــــــــــر20 والكل خــــــــــــــــــــاســــــــــــــــــــر |
ياسر لاعب كبير ولا يتاثر بالتوفيق للقناااص |
شكرا على الموضوع الجميل. بس اخوي الاستفهامات تنحط بس عند السؤال يعني مقدر مثلا اقول الهلال ياخي موب فايز بالاسيويه الا اذا شوتنا بعض الاعبين المتخاذليين؟؟؟؟؟ كذا يصير بالجمله شي ملحوس فا انصحك تستخدم التعجب !!!!! ازين :) |
الهجوم الهلالي فارغ بعد الاسطوره الكبيره سامي الجابر ياسر استطاع ان يملىء جزء من الفراغ في موسمين ولكن بعدها هبط مستواه بشكل كبير لكن مشكله الهلال الحين مو في مشاركه لاعب معين مشكله الهلال يلعب بدون هويه المدرب مصر اصرار عجيب على 4-4-2 واللتي لم تنجح مع الهلال من الموسم الماضي يجب العوده على الخطه السابقه 4-5-1 مع قوة وسطنا وزياده نجيب صانع لعب بالشتويه راح يتغير الفريق كثير همسه :- ليت كل المهاجمين سامي |
ياسر له وحشه كبيره كالثنيان بعده نغدي ماش |
|
نبش الماااضي لا يجدي أبداً ياسر بدأ يستعيد مستواه هذا الموسم ونرجو الوقوف معه لا لإعادة ماضي يألمه ويشتته من جديد انت يا صاحب ما فكرت بينك وبين نفسك وانت تكتب هالموضوع ولاحظت انه في غير وقته ؟ او بالأصح ماله داعي ؟!! مثل هذي المواضيع اسمحلي ضررها أكثر من فائدتها ,, أنت عضو مميز بمواضيعك ولكن في هذا الموضوع جانبك التوفيق والتوقيت !!! تقبل مروري ,, |
|
|
ياسر بقدومه للهلال ارتفع مستوى الفريق بعد الدروب باعتزال الثنيان وتضاعفت بطولات الهلال بقدومه فقد حقق 12 بطوله مع الهلال في 6 سنوات وهو رقم قياسي في فتره قصيره |
أختلف معك ياسر الآن يقدم مستويات كبيره ولكن لم يعطى الفرصه ياسر محارب ومظلوم من الهلاليين أنفسهم والدليل أن الكوري يجعلوه يلعب وهو سيء حتى لايلعب ياسر ياسر مسجل 7 أهداف وهو لم يلعب أكثر المباريات بعكس ويسلي والكوري أنا أجزم أنه لو لعب مثلهم لأصبح يفوقهم بعدد الأهداف لكن للأسف ظلموه !! يحاربون ياسر حتى لايعود ويكون أفضل منهم وهم معروفين ومعروفه جماهيرهم لكن بإذن الله ياسر راح يرد عليهم ويلجمهم وليت كل اللاعبين مثل ياسر وروحه:smilie47: |
خلونا في مشاكل الفريق افضل . |
زعيم جريتس كيف الحال مواضيعك تذكرني بالمدرب الكبير ناصر الجوهر يعطيك العافية |
موضوع في غير وقته .. والردود السابقة كافية ووافية |
والله يا أخوي لالالالالالالاتعليق عوافي |
بالعكس. ياسر بدع هالسنه كأحتياطي وينزل كورقة رابحة اما اللعب ٩٠ دقيقة فأتوقع انه ما يقدر كما رأينا العام اللي راح مع كوزمين كان ينزله ٥٠ الى ٦٠ دقيقه ويطلعه |
| الوقت المعتمد في المنتدى بتوقيت جرينتش +3.
الوقت الان » 12:07 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd