|
أبي الكل يأيدني..ومن له صله بالنادي يدخل للضروره..وللأمانه السلام عليكم أعضاء وعضوات .. النفس، علم. يدرس علم النفس السلوك والعمليات الذهنية. يدون علماء النفس تصرفات الناس والحيوانات بعضهم تجاه بعض وتجاه البيئة. كذلك يبحثون عن أنماط تساعدهم على تفهم السلوك ويستخدمون أساليب علمية لاختبار صحة أفكارهم. وقد وجدوا ـ بفضل هذه الدراسات ـ أشياء كثيرة من شأنها مساعدة الناس على تحقيق إمكاناتهم وزيادة التفاهم بين الأفراد والجماعات وبين البلدان والثقافات. وعلم النفس ميدان واسع للدراسة يستقصي طائفة كبيرة من المسائل والأفكار والمشاعر والأفعال. هذي نبذه بسيطه عن علم النفس وأهميتها في الحياة اليوميه وللإنسان السوي بشكل عام الكل يعرف الأن انو علم النفس صار جزء لايتجزأء في حياتنا..ومن وجد في العائله من يحمل أسلوب نفسي مؤثر او من يتفهم نفسيات الافراد من حوله فهو كنـــز خلونا واقعين 00في الحياة الزوجيه الزوجه الي ماتفهم زوجها اول شهر فهي اول من يهدم بيتها قبل نطلق الطلاق من زوجها .. وعلشان تفهمه لابد من دراسة نفسيه وهذا من علم النفس 00الأم وتفهمها لاولادها 00الاصدقاء وتفهمهم مع بعضم 00الرئيس وموضفينه وغيره وغيره ...إذا مالقيت فيهم من يعرف علم النفس واسلوبه راح يغرق والي معه كلهم في المشاكل والانتكاسات وعلشان اكون أكثر وضوح .. لابد من وجود مفكك شخصيات او محلل نفسيات في نادي الهلال مو للاعبين وبس.. للاعبين والمدرب ولرئيس النادي ونائبه أعرف دكتور نفساني أسمه ( نايف ) عضو هنا في منتدى الهلال ..لقبه (ولهان على التمياط ) تقدرون تتواصلون معه إذا حبيتو موجود في منتدى أعضاء شبكة الزعيم لنا الشرف يكون من بينا دايم .. ومتابع لأغلب المواضيع هنا لكن مايحب يكتب كثير على فكره هو توقع خروج الهلال من أسياء قبل مايخوض اخر مباراتين تقريبا بحسب تخصصه النفسي طبعا هو اخصائي نفسي..قال:(اتمنى اكون بالنادي لو متطوع عندي افكار واقدر اخصص اجتماعات للاعبين لتأهيلهم نفسيا.مو شرط تكون لي وضيفه في النادي,وعندي افكار ثانيه ان شاء الله تخدم النادي أبغى اجتمع مع الرئيس ونائبه لقربهم مع اللاعبين لكن اتمنى احد يكلم الاداره ويطرح الفكره هذي لهم..وانا اقابل الامير واذا قابلته نتحاور بالامور كلها لكن بعدها ابغى وقفتكم معاي للتحفيز اللاعبين وانا اعلمكم واخصص مواضيع بالمنتدى عشان مو كل اللي بالمنتدى يضغطون على اللاعبين) وأيضا قال:(انا طرحت الموضوع في المنتدى ..لكن فيه من الاعضاء ساكتين بصراحه ما توقعت الموضوع هذا ما يهمهم للهالدرجه هذي خصوصا انو خدمة النادي لنا كلنا مو لي انا..خدمة للهلال ولجماهيره مو لشخص واحد ,واذا خدمته انا يكون الجهد للجميع) 8 كلام أرفع له القبعه حقيقه..ياشباب هو هلالي صميم ومتعصب لحب الكيان الهلالي بشكل عام .. وكرس دراسته ويبيها تثمر في النادي ..من في الانديه العالميه سوا كذا من قبل أقسم بالله مايقرب لي ولابينا حتى صداقه ولا زماله والله وبالله وتالله اني يوم شفته يقول هالكلام تحرك فيني شي.. ابي اسوي له اي شي..حسيت فيه تفوق الهلال وخاصه الصغار في السن أحنا كجمهور مو دورنا نفرح ونشجع إذا فاز النادي ونزعل ونعصب إذا خسر أحنا كجمهور دورنا إصلاح مايفسد وإحتواء مايصلح في نفس الوقت .. أنا عن نفسي بوقف معه بكل ما املك من قوه وللأمانه مو محتاجين أجانب علشان يفهمونا .. محتاجين من جنسنا من يفهم لاعبينا ويتفهمهم ويتفاهم معهم أشكر الدكتور نايف على مبادرته.. محتاجين وقفتكم ياجمهور هو مو اقتراح ولا دعاية ولا إعلان .. هي مسالة حب للهلال ككياااااان من يقدر يساعد ويوصل هالدكتور للنادي بأي وسيله ياكل من له صله بالنادي ويقرا كلامي .. ابيكم تاخذون الموضوع بشكل جدي مابي الأعضاء يقرون ويطلعون من غير رد مابي من يرد وبعدها يقول كلام تصبيره مابي من يأييد ومن بعدها يستصعب الامور ابي الكل يقول احنا معك يادكتور نايف وراح نسوي حمله لك ..ونوصلك للنادي مو انتم تطالبون بالروح بين اللاعبين..!!؟؟.. من يصنعها غير اخصائي النفسي او من له درايه بعلم النفس فرصه ياشباب دام النادي مافيه أخصائي نفسي سلمتم يا إداره . واتمنى الرفع ومنتظر تفاعل ورد وطموح الأعضاء هنا :smilie47: |
كلااااام جدا جدا رائع ... والله انا مع احضار طبيب نفسي للاعبين ... احنا في زمن الاغلبيه اصبحوا واعيين ومثقفين ونعرف ايش يعني طبيب نفسي ... صراحه اللاعبين الله يعينهم عليهم ضغوط رهيبه من جماهير واعلام ... انا اؤيد وبقوه ... ان شاء الله يصل الموضوع للاداره الهلاليه ويستفيدوا من امكانياته ... يعطيك العافيه ... |
شكرا ياإداره على الرفع .......... |
والله انا مؤيد فكرة الطبيب النفسي... ولاهو عيب ولا حرااااام!!!! وكنت من اوائل من ردوا على موضوع نايف وفعلآ عضو متحمس ويرغب بخدمة الكيان اتمنى ان يتواصل مع الاداره .. ودهنا في مكبتنا على قولتهم... |
كلام جميل ورائع موضوع مميز من عضو مميز فكرة رائعة ان يكون هناك دكتور في الطب النفسي للاعبين . يعطيك العافية |
والله فخر وشرف يكون من جماهيرنا من يحمل هذه المؤهلات وانا مع الطبيب النفسي وفرصه انه هلالي وراح يكون اوفئ شخص للنادي وتعامله مع الاعبين بس مع الاسف الظاهر البعض خالط بين طبيب نفسي للتهئه النفسيه وبين الطبيب النفسي للمجانين الله يكفينا ويشفيهم |
كلامك صحيح لكن اختلف معك شوي انا مع انها تقام للاعبين دورات تطوير الذات مع اخصائيين بشكل جماعي وترفيهي لكن بعض الاحيان فكرة الطبيب النفسي تؤثر سلبآ على بعض الاشخاص اضرب لك مثال لما تودي انسان طبيعي لدكتور نفسي احتمال يصدق انه مريض ويعيش المرض بدل ما يطلع منه هذي وجهة نظري مع اني احترم الاطباء النفسيين واعرف قيمة تدخلاتهم ودمتم بود |
الله يعطيك العافية تهيات اللاعبين نفسيا أهم من أي عمل أخر قبل المبارة وهذي أحد أسباب نجاح نادي الأهلي اللاعبين يلعبون بدون ضغوط . وتهيات اللاعبين أولا من المدير الفني والادارة والجمهور الواعي. ثم من أشخاص متخصصين في هذا المجال مثل هذا الدكتور المحترم . لاكن إذا ما جتمعت كل هذي الضروف مرة تستفيد شي وأعتقيد وجود سامي الجابر كان له تاثير كبير في تهيات اللاعبين . مشكلة الجمهور الهلالي ماعنده صبر طبعا مو الكل وكان الجمهور الأهلي يقف مع فريقه في الخسارة قبل الفوز . لاعب يلعب وخايف يخطا في ايكره ويسب عليه الجمهور طبعا أكيد مو الكل كيف تردة أن يلعب براحة ويصل ويفوز إذا كلنا وقفنا ( الجمهور ) مع النادي راح تشوف فريق كبير يملك مواهب كبيرة غير مستغلة |
موضوع حلو ونمنى نشوف الكوادر المتميزه اللي تسعى لخدمه الكيان :: واتمنى من اخونا قبل اي مباراة يسوي لنا موضوع عن حضور الجماهير وتفاعلهم وكمان بعد المباراة سواء بفوز او هزيمه يعني يوضح طريقه التعامل مع الحدث والله يوفقه ونشوفه من ضمن الطاقم الهلالي |
ولا يهونون بقية الزملاء في المنتدى : لأول مرة أشوف موضوع بالمنتدى هادف ويحمل فكرة مفيدة بل هامة بل ركن من أركان التفوق ... أؤيدك وبقوة وبقوة وبقوة وبقوة وبقوة وبقوة إلى أن تنتهي الصفحة بأكملها .. أنا في الحقيقة لم أطلع على موضوع أخينا نايف ..ولكن قطعا بمضمون ماتذكر لاشك هي مهمة جداً بل غاية في الأهمية وسبق أن تكلمت أنا وغيري في هذا الموضوع وأنا شخصيا قلت الهلال يحتاج لذلك المتخصص في النواحي النفسية والروحانية في آن واحد .. وصدقني من أهمية الموضوع لو استطيع أن أنسخ موضوعك وأطرحه للتأكيد عليه .. آمل من الإخوة المراقبين والمسئولين في المركز الإعلامي وأعضاء النادي ولكل من قرأ هذا الموضوع أن يكون له دور فعال في إبراز وتفعيل هذا الجانب وتطبيقه على أرض الواقع .. وأنا شخصيا أرى ان مشكلة الهلال الأزلية هي هذا الأمر شكري وتقديري لشخصك وفكرك وانتمائك ايها الزعيمي الأصيل .. |
شكرا على هذا الموضوع والله من قبل مباراتنا مع الفريق الكوري وانا اتمنى احضر طبيب نفسي للاعبين ولكن قدر الله وما شاء فعل اول خطوات التصحيح لشبيه الريح احضار طيبي لان اول مباراة اسياويه شفتو كيف الهلال كان متأثر جدا بمقولة العالميه صعبه قويه وهذه اكبر خطأ يجب غرس فيهم انهم ابطال هذه القاره ب6 بطولات واستشهد على كلامي بافضل فريق بالعالم العام الماضي جلس ميسي اكثر من 6 مباريات لم يسجل فأحضرو له طبيب نفسي خاص به غير طبيب النادي وهذا افضل لاعب بالعالم . اتمنى من شبيه الريح احضاره لانه يدفع ملايين على الاعبين وليس بعاجز عن جلب اهم من الاعبين وهو الطبيب النفسي كي تعود روح الزعيم الاننتصاريه وتعود اسيا إلى مكانها الطبيعي وهو الزعيم . |
أنا مؤيد و بقوة ... كذلك يجب أن يكون فيه دورات مخصصه للاعبين خصوصا عن المؤثرات التى قد تعيق تطورهم.... شكراَ ...موضوع هادف.... |
انا مؤيد فكرة الطبيب النفسي... مو كل من يتعالج نفسياًَ (مجنون) الله يوفقهم |
أخوي فتى الأزرق انت المميز ..بن جبله..ملكه في مملكة الزعيم..سعوديه والهلال ناديه..فخر اني هلالي..الحب خالد.. اللاعب بدر صيام..كوكوين 8 8 شاكر لكم مروركم وافتخر انكم هلاليين ومنا وفينا والله يكثر من امثالكم يارب |
إقتباس:
وان شاء الله بتأييدكم هذا راح يوصل للمسؤلين للنادي شاكر لك حقيقه :smilie47: |
| الوقت المعتمد في المنتدى بتوقيت جرينتش +3.
الوقت الان » 09:31 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd