|
مرة أخرى ... الفريدي لا يروح..!! كان بإمكان اللاعب الموهوب أحمد الفريدي أن يتحفظ على عرض الهلال ولا يرد سلبا أو إيجابا حتى نهاية عقده ثم إن جاءه عرض أقوى رفض عرض الهلال وإلا وافق عليه ، ولكن يبدو والله أعلم أن لديه عرضا أقوى من عرض الهلال فسارع برفضه ، ولذا أرجو من إدارتنا الكريمة إعادة النظر في قرار الخمسة ملايين كحد أعلى لأن المثل يقول (إن طاعك السوق والا طعه) فليست هي من يحدد قيمة أي لا عب بل السوق وسياسة العرض والطلب هي من يحدد..!! وإذا كان أسامة هوساوي عرض عليه 8 ملايين سنويا وأندرلخت يريد مليونين يورو(10مليون ريال) في الوقت الذي اكتفت فيه إدارتنا ب 5مليون سنويا وبالتالي شبه استحالة عودته للهلال ، فإن تعويضه بلاعب آخر أسهل بكثير من تعويض الفريدي ، لأن الفريدي موهوب والموهبة في هذا الزمن نادرة ولا تعوض، لذا أرجو جلوس الأميرعبدالرحمن -شخصيا- معه على طاولة المفاوضات والتخليص معه ،، باختصار .. الفريدي لا يروح واتركوا عنكم كلام أعداء الهلال الذي كرسوا في أذهان جماهيره أن الفريدي بارد ولا مبالي وقد باع الهلال فاتركوه يذهب.. في الوقت الذي تفاوضه أنديتهم من تحت الطاولة..!! |
ليته يروح النفس منه طابت خلاص والفئه الي زي كذا الأمان معاها قليل والبيعة عندها سهلة الله يوفق الهلال دائماً ويسهل علية وين ما راح |
عين العقل ياعزيزي افترض اننا جددنا للفريدي ب٧ملايين سنويا في ضل العجز المالي الحالي كم سيطلب العابد؟؟؟ والدوسري؟؟؟والقرني وغيرهم من الاعبين الشبان ماتفعله الادارة في موضوع الفريدي اتفق معها تماما... |
الفِرِيْدِيْ / وِإِنْ أَبْتَعَدْ .. سنَنْدَمْ كَثِيْرَاً ../ وَسَنَتَذكّرْ أَنّ هَذِهِ الإَدَآرَهْـ .. فَرَطّتْ فِيْ نُجُوْمْ كِبَآرْ .. فَقَطْ مِنْ ـأَجْلِ المَآلْ .. النّجْمْ سَيْبَقَىْ نَجْمْ .. مَهْمَآ تَكبّرْ .. فَهُوَ مِنْ حقّهْـ المُطَآلَبَهْـ .. ولَكِنْ الإِدَآرَهْـ إِنْ تَكَبّرَتْ // ضَآعَتْ .. وَخَسِرَتْ : ولَيْسَ مِنْ حَقهَآ التّفْرِيْطْ ... حَتَىْ ولوْ كَآنَ علىْ حِسَآبِ المُمَآطَلَهْـ .. فَمَنْ جَدّ يَآإِبْنُ مسَآعِدْ وَجَدّ || |
الفريدي لازم يجدد للهلال واتمني بقاوة |
إقتباس:
مبين من عدد ردودك حبك للزعيم اهلاوي او نصراوي او شبابي او اتحادي يتمنى خروج الفريدي من الهلال لياخذه |
إقتباس:
السوق عرض وطلب ... واذا اللاعب يستاهل ها المبلغ .. فالمبلغ يستاهله .. لان العرض يقول كذا امكانياته .. تسمح ان يصل العرض لهذا الطلب ... اما القرني والدوسري والعابد .. لم يصلوا ولن يصلوا لمستوى الفريدي .. |
لا عزوز الدوسري ولا سالم الدوسري ولا نواف العابد ولا لاعب سعودي الا محمد نور يستطيعوا منافسه الفريدي على مركزه .. ومايفعله المدرب والادارة .. من سنه الى الان .. هو الضغط على الفريدي ليجدد وحسبه بالدكه الا ليهبط سعره . هناك لاعبون .. في جميع انحاء العالم .. .. ليدهم ستايلهم الخاص في اللعب .. حتى حضور التدريبات فلنا في الثنيان افضل مثال على ذكر .. فالثنيان ليس منضبطا لا داخل الملعب ولا خارجه في التدريبات .. يلعب كيفما اراد .. ولم تكن هناك سياسه كما الان انضباط .. وعمل .. ولا تسوي .. ولوائح وضوابط مع ذلك كان يجلس على دكه الاحتياط بسبب ذلك .. وهو افضل لاعب في تاريخ الكره السعوديه ايضا .. ووجود الفريدي في الاحتياط ليس لضعف مستواه وليس لشي اخر .. انما هو كل الثنيان .. له مزاجه الخاص ولكن الفريدي مازال صغيرا وقويا في الالتحامات والاحتفاظ بالكره .. والمهاره والتهديف والمراوغه وقطع الكرات هجوم ومحور وصانع لعب ولكنه ضاع بين المدربين .. وانضباطيتهم وسياسه ابن مساعد وتجديد عقده والضعف العام لمستوى الهلال .. الفريدي .. افضل لاعب بالكره السعوديه الان .. وان كان محمد نور هو الافضل للعبه جميع المباريات كامله .. فانضروا الى محمد نور كابتن نادي الاتحاد .. هل هو منضبط .. مع فريقه هل يحضر المعسكرات هل يفعل كل هذا ... لا لا لا لا لا ولكن هو كابتنهم .. وافضل لاعب بالسعزديه فلكل انسان سعر .. وهذا سعر محمد نور ..لا يحضر ولا يفعل .. ولكن اعطوه الثقه والحريه واصبح .. مثل البركان في نادي الاتحاد |
فليرحل ابو رساله ومبروك على الانديه الاخرى قد رحل العويران والدوخي وهم اطلق منه هوساوي افضل من الفريدي والهلال يحتاجه ولي يطالب في الفريدي ادفع للهلال مليون وشف كيف تحس بقهر دفع المبالغ على لاعبين لايفيدون النادي |
إقتباس:
سؤال رياضيات واجابته س / رحل العويران والدوخي .. ولم يحقق الهلال البطوله من بعدهم ابدا الى الان وحقق الاتحاد بطوله اسيا مرتين .. ؟ ج / اذن العويران والدوخي سبب خساره الهلال لبطولات اسيا .. وسبب تحقيق الاتحاد لبطولتي اسيا .. طبعا دول اوروبا تدفع مليارات لتاخذ كاس العالم للانديه وبطولات اوروبا وافريقيا واسيا . وانت ماتبي تدفع في افضل لاعب سعودي .. وتبي تجيب واحد اجبني بداله .. بقيمته اربع مرات ... ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ عجيببببببببببببببببببببببببببببببببببببببببببببببببببببببب |
ايش ها المنطق اخي يكون عندك لاعب سوبر ستار وتركنه على الدكه سنه كامله وتدفع راتبه كامل وتاخذه معسكرات حتى يخفض سعرة ايش ها المنطق أخي !!!! اللاعب لو يفيد الفريق كان لعبه المدرب خاصة أن الهلال خلال الفترة الأخيرة مر عليه أكثر من مدرب تتوقع ما جا مدرب يوقف بوجه الاداره ويقول احتاجه وبلعبه؟؟؟ وجة نظري اللاعب يلعب لأجل الماده ولا ألومه ومن حقه لكن الماده تفرق مع طبيب مهندس مدرس لان العطاء واحد لكن بلعبه مثل كرة القدم الحب للفريق والكيان ينمو مع الشخص فكمية العطاء تزيد كلما زاد الانتماء والحب وأؤكد لابد من تقدير أي لاعب لكني ضد الابتزاز والمماطلة . كنت أتمنى من أداره الهلال عند تقديم العرض أن يكون محدد بفتره زمنيه لو مأتم التوقيع خلالها يسحب ويقدم عرض جديد اقل قيمه مرتبط بقيمة العروض المقدمة فما فائدة إحساس اللاعب انه مأمن على وضعه حتى آخر دقيقه. وفق الله الهلال دائماً |
إقتباس:
المنطق يقول اذا عندك سلعه وتبي تحافظ عليها ... تعطيها مثل مايعطيها السوق ... اذا السلعه غاليه .. لازم ادفع فيها .. واذا رخيصه مثل ماتقولون وتبون انتم ... ليه غيرك يدفع ملاييين .. ملاييين... علشان يوقع للاعب .. بس فقط لاجل يغيط ويزعل الهلال ... اي منطق هذا ... اللاعب اذا يبي ملاييين .. وسعره في السوق يقول لا ما حد بدافع .. بس اذا يبونه ناس كثير وبسعر اكبر من سعرك .. ليه يا بعدي ..؟ من سواد عيونه .. ولا .. شنو بالضبط ... ؟؟ يكفي راح منا الدوخي وخميس العويران .. لاجل فرق 500 الف ريال .. ومن بعدها خسرنا بطولات اسيا كلها .. وحقق الاتحاد بطولتي اسيا .. وذلك لانه استعان فيهم .. وفرط فيهم الهلال . التفريط بالنجوم خساره كبيره بدل مايكون عندك لاعب سوبر ستار ... تخسره وتجيب اجنبي الافضل والمنطق يقول . احضر الاجنبي .. وحتفظ بلاعبك السوبر ستار .. فهناك ازمات الفريق يحتاجه فيها .. واللاعب انتوا تعرفون .. كل الفرق تبيه .. وبيلعب فيها اساسي .. .. اجل ليه تفرط في لاعب كبيير ... ويستاهل ملاييين .. وغيرك بيدفع فيه ملاييين ... وانت تبيه بسعر اقل من سعره بالسوق .. ؟ اي منطق هذا |
ادارة الهلال فاشله بمعنى الكلمه وردود الاخوان ضد الفريدي ماهم الا ناس مطبلين للادارة الغالي سعره فيه .. ادارة تفرط في سلطان البرقان ببلاش وتفرط الان ب شافـي الدوسـري الظهيـر الايسـر الذي ياتي احتيـاط لعبدالله الزوري والله خسـارة للهلال شافي وراح تتذكرون كلامي وراح تشوفون ابداعاته مع الاتحححححححححححاد خلاص نخسر لاعبين علشان فلوووس مامعك فلوووس لا تمسك منصب رئيس نادي كبير مثل الهههههههههلااااااااااال |
الفريدي يبي المال ومن حقه ... وايضا من حق النادي عدم رفع العقد .. واتمنى عدم رفعه |
الفريدي موهوب اللمفروض ادارة الهلال تعطيه حقه وتحافظ عليه |
والله الفريدي زودها آااخ على لاعبين زمان يرضون باللي يجيهم |
الفيلسوف 15 استمر الله الله يوفقك مع الزعيم الملكي I love you, Elfriede philosopher small 15 |
صحيح نبي آلفريدي يوقع لآكن ااذا مآطل اكثر من كذا آلله يستر عليه ويوفقه |
الفريدي عنده عرض من النصر بـ 40 مليون وأنا متأكد من المعلومة تماما أتمنى بقاء الفريدي بمبلغ معقول ليت شبيه الريح يزيد العرض شوي لأنه ما يفضل النصر بشكل كبير ولا كن اذا بالمبلغ هذا حق بن مساعد فالفريدي out وسنعض أصابع الندم حقيقة العرض لا يليق بـمستوى الفريدي وشكرااااا |
اتمنى تحويل ملف الفريدي بالكامل الى الامير بندر بن محمد ... وحده القادر على ا لحسم |
إقتباس:
من يحدد القيمة هو مستوى الاعب والاعب لا يستحق هذا المبلغ يا اخوان سياسة انديتنا فاشلة والدليل ان اغلب الاندية فلست اذا انت تستحق هذا المبلغ فسوف اجدد معك ما تستحق الله يسهل عليك |
الفريدي ان كان يريد الهلال اتمنى التجديد له فهو قال لو كان هناك فارق بسيط بين العروض اختار الهلال ولكن والعلم عند الله المغيربي او اللحيدان الي سرب الرساله مايبيه ومع ذلك اتمنى على الاداره في حال انتقل ان تحضر حمد الربيعي نجران ومحمد الخميس هجر وعبدالرحمن الحسن الطائي لتقوية الجهة اليمنى في الهلال شكرالك |
الفريدي لاعب مزاجي وكل مباراة يلعب بمستوى مغاير و بروده غير طبيعي و يقتل الكرات المرتدة مع شدة خطورتها و فوق هذا اخر همه الهلال ويبحث عن المال فقط فقط اتمنى عدم اعطاءه اكثر من حقه و حتى خمسة ملايين في السنة كثيرة عليه اتمنى تغيير العرض العابد وسالم و عزوز الدوسري كم بنعطيهم اذا هالبارد بياخذ خمسة ملايين في السنة ,, و الله مصيبة !! |
احمد الفريدي ادا راااااح بنندم عليييه. |
اداره ميته تبحث عن الاستثمار الله يكون في عون جماهير الهلال رئيس يستغبي الجمهور>> الاسيويه اصبحت قويه واخرتها الاهلي بيصير عالمي وحنا نحفر من 2002 |
والله ع الفريدي وغيره يعطون وع قد عطائهم بياخذون مادري لهم وجه يطالبون وهم حتى في اهم اختبار اخفقو ع ايش يريدون ملايين ع منافسات مع فرق اقل من الهلال وهي الفرق المحليه علينا كاجماهير اننا نكون واعين ومستوى الاعب في المنافسات الكبيره هو من يحدد قيمة عقده غير كذا لا والله نوفر فلوس النادي البعض بيحاول يطلع عذر للاعبين ويقول الاعبين محبطين عشان ماخذو الفلوس اللي يبون نقول لهم ع الاعبين انهم يثبتون ذلك ع ارض الملعب وانا وقتها اول من يقف معهم لاخذ كل مايطلبون |
بكره تشوفون الفريدي وأسامه مع الأهلي او الشباب ونكون ماخسرنا نجم بس لا وزدنا المنافسين قوه وخل سقف العقود ينفعكم |
احمد الفريدي لاعب لايفرط فيه مهما كان الثمن |
الفريدي موهوب اللمفروض ادارة الهلال تعطيه حقه وتحافظ عليه |
الله يستر عليه الله يوفقه بعيد عنا |
الفيلسوف الفريدي ان شاء الله يكون هلالي واتمنى عدم التفريط فيه |
إلا متى و كل ما راح لاعب قلنا الهلال ما يوقف علييه ترا حتا برشلونه لو شلت عنهم ميسي او إنيستا راح يتأثرون ! صحيح إن الفريدي في غيره و في من هو كفو يمسك مكانه لكن اذا الاداره راح تمشي على هالنظام راح نخسسر لاعبيين كثيير غييره زي ما خسرنا هوساوي و المحيااني ! :ranting: واذا عبدالرحمن بن مساعد ما عنده فلوووس لا يمسك منصب رئيس نادي كبيير مثل الهلااال :alzaeem: |
اقول نبي الفريدي ونبي هوساوي والي بيقول الي مايبينا ما نبيه لا يكثر بربره نبيهم يعني نبيهم يا رئيس النادي ارجوك احترقت اعصابنا بما فيه الكفايه نبـــــيـهم |
إقتباس:
أليس السوق والعرض والطلب ؟؟ |
إقتباس:
ااذا ع كذا حتى العابد بيروح للشباب وسالم الاتحاد وعبدالعزيز الاهلي وانتم تقولون الهلال مايوقف ع احد اذا تبي فريق قوي لازم تحافظ ع نجومك ومثل انت ماتدقع فيه غيرك يدفع اكثر فكن اكثر وحافظ عليهم |
اخي صاحب الموضوع كلامك منطقي وأوافقك الرأي بكل كلمه قلتها اما الاشخاص اللي ردو ع موضوعك مع كامل احترامي لهم ينظرون للأمور من من جهه وحده فقط ياحبايبي اقسم بالله ان فرطنا في الفريدي راح نندم نندم كثير والله واللي يرد علي ويقول الكيان اهم من الاعب ماقلنا شي بس لاعب موهوووب بكل ماتعنيه الكلمه مؤ معقوله الانديه الاخرئ تفاوضه ماسالتوا نفسكم ليه؟؟ |
ادوختونا بميسي على غفله... ان بقى بيته ومطرحه وإن رحل الله معه ؛ |
تسلم على هالموضوع اخوي لكن اللي نشوفه ان وضع الفريدي يتحمله المدرب الفيلسوف لاعب مؤثر مثل احمد يجلس ع الدكه فمباريات تحتاجه الفريدي لاعب فنان ويحب يلعب يعني وش الفايده لو وقع الهلال وجلس ع الدكه الله يوفقه ويارب يستمر مع الهلال لكن جوا المستطيل الاخضر |
| الوقت المعتمد في المنتدى بتوقيت جرينتش +3.
الوقت الان » 08:36 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd