|
هل سنشاهد تدخل من الاتحاد السعودي بشطب طارق كيال وهزازي والحربي والمولد مثل... السلام عليكم هل سنشاهد تدخل الاتحاد السعودي في شطب كل من طارق كيال عندما دخل لارضيت الملعب بشكل جنوني هايج واخذ له بقس على عينه طار الشماغ والنضارات ناس تقول من اسامه المولد وناس تقول من رضا تكر هذول ناس حضرو المباره وشافو ان اساس البلا هو دخول طارق كيال وهل سنشاهد شطب او ايقاف هزازي والحربي مثل ماصار من ايقاف للاعب الهلال عبدالله الجمعان في التصفيات النهائية لغرب آسيا في ايران موسم 2003 والمصيبة ان ايقاف الجمعان لانه رفض الخروج بعد تغييره وكذلك اللاعب الكاتو لانه استعمل كوعه ضد لاعب ايراني وغيره من لاعبين هذه قرارات من الاتحاد السعودي من غير العقوبات الي جات من الاتحاد الاسيوي السؤال الي يطرح نفسه ومنتضر الاخبار في الايام القادمه هل يتدخل الرئيس المؤقت (الاهلاوي) في الموضوع وماراح نشوف ايقاف للاعب منصور الحربي وكذلك للاداري طارق كيال وهل سنشاهد عقوبة ماليه لنزول بعض مشجعي نادي الاهلي وهل سنشاهد عقوبه اخرى لرمي المقذوفات من الجماهير الاهلاويه هذي الي اقصدها عقوبات اضافيه من الاتحاد السعودي غير العقوبات الي بتجي من الاتحاد الاسيوي في المقابل هل سنشاهد عقوبه للاعبي الاتحاد المولد وعسيري عندما قاما برمي جمهور الاهلي بالمقذوفات الي كانت بالملعب ام ان العقوبات تقتصر على نادي الهلال فقط اتمنى من الاعلام الهلالي اثارت الموضوع وعدم السكوت فالوضع خطير واتحاد الكره فيه فساد ولابد محاسبته يعني الموضوع بصراحه محاباه للنادي الاهلي لان الرئيس الموقت لاتحاد الكره اهلاوي والرئيس الحقيقي لنادي الاهلي خالد بن عبدالله ابن الملك هل هناك مميزات ماليه ومعنويه للنادي الاهلي عن بقية الانديه لان النادي الاهلي النادي الوحيد الي مايشتكي مالياً واخذ لاعبين محليين واجانب وميزانيه كبيره (شكله مسجلينه بميزانية الدوله ) وهل راح يتاثر الاتحاد الاسيوي هو الاخر وتنحل المشكله وديا وبحبت الخشوم |
مات فيصل بن فهد يرحمه الله ومات معه الإنظباط والنظام |
ما ودك نشطب الفريقين ونفتك؟؟ لاهي اول هوشة ولا اخر هوشة تصير في الملاعب وبعدين شوف لاعب ريال مدريد بيبي يوم ضرب لاعب خيتافي الى قال بس أخذ له ايقاف 10 مباريات وانت تبي تشطب عشان بوكس!! |
انا الي ابغا افهمه ان صالح النعيمه ليش تم شطبه من الملاعب السعوديه لييييييه والله حرام بس عشان اعترض على الحكم طيب ابراهيم هزازي منصور الحربي اسامه المولد مضاربه امام عيون الحكم والله حرام بالتوفيق للهلال . |
اللهم انصر الهلال ... الطحالب والخدمم اقذر الانديه |
بإختصار أي شخص من نادي الأهلي المدلل ماراح يتوقف أو أي عقوبة لأن اللي ماسكين النادي أبناء الملك وبالنسبة لهزازي معروفة أخلاقة تربية حسين عبدالغني وكلهم أطفال الحمدلله والشكر وبالتوفيق لزعيم |
نسيت شطب صالح النعيمة .؟ الاتحاد السعودي شطب صالح النعيمة وهو لم يتدخل الا بمناقشة الحكم هذي هي اللقطه http://www.youtube.com/watch?v=2WJoFGzYuos وكيال قام بما هو اسوأ من الكلام والمناقشه فهو قام بالضرب واشعال اللاعبين وانقلبت الساحة حلبة مصارعه !! إن كان هناك عدل فأشطبوا كيال كما فعلتوا بصالح النعيمة |
إقتباس:
ملاكمة بالملعب وصفقوا الحكم معهم وانت تقول بوقس ؟؟ |
شطب مرة واحدة ... لا ضد الموضوع فيه قطع ارزاق |
اول شي الله يهديك انت حملت طارق كيال اساس المشكله ؟ وهذا تجني منك على الرجال مضاربه ورفس دائما ماتحصل من اسامه مولد وهزازي وابو سبعان وام العسيري دائمااااااااااا والاتحاد السعودي يقف موقف المتفرج اسامه مولد هذا الثور الهائج الى متى يتم التغاضي عنه والخنفسه ابراهيم هزازي سؤال لن تجد له اجابه |
إقتباس:
ههههههههههههههههههههه والله اخر المباراة كانت مهزلة من جد انواع البوقوس والتشويت ماذا انت فاعل يا رئيس الاتحاد السعودي يلا ورنا شغلك |
اتمنى من اعلامنا النايم انه يثير الموضوع |
الموضوع سؤال و الإجابة : لا |
مستحيل ينشطب او يتوقف احد ,.... لان ما فيه احد من الهلال ,,, لو فيه احد من لاعبين الهلال كان صدر القرار من زمان ,... , |
كلمه بقلبي تقرقع ودي اقولها بس خلها ف القلب تجرح ولا تطلع وتفضح وسلم لي على اتحادك السعودي يالغالي |
وحنا ايش دخلنا بغيرنا ياخي فكونا من شغل النصراويه |
ياخي ما وصلنا للدرجه هذي انو ندور ايش صار لغيرنا عشان نشتكيه الان الهلال يحتاااااااج كثييير يحتاج دعمنا |
لوكان إداري هلالي لكان نصيبه الشطب أوالإيقاف والبركة في الأعلام المضاد المترصد بالهلال دائماً ولوكان لاعب هلالي لشاهدنا إيقافه بعدد كبيرمن المباريات أوالمدة الزمنية فقط لكونه هلالياً وبشكل واضح الرياضة السعودية ناديين (حالتين) أناس تكيد وتترصد بالهلال , وناد أخرتخشى لجان الكرة شره وعندما يلعب يعاقب من يقابله بعقوبات تثيرالدهشة والأستغراب وجواباً على السؤال السابق أقول حتى لوجاءت عقوبات فهي ستكون هشة وشكلية ولإسكات الرأي العام فقط |
الطحالب لاعبينها صح وجالسين يلعبون في الاتحاد السعودي مثل الخفافيش عن طريق خفاشهم احمد عيد ،،،،، قال ايش بيصيرون عالميين ((( صعبه قويه ياطحالب ))) |
راح يكون عقوبة ولكن ليس بالشكل المطلوب شاهدنا كيف تم شطب الكابتن الخلوق صالح النعيمة وانا من وجهة نظري لن يكون هناك شطب لمدير فريق الاهلي طارق كيال والسبب واضح لا هو لا الاعب ابراهيم ولا الحربي راح تكون عقوبة بسيطه والزمن كفيل بكلامي . |
حنا عندتا اتحاد سعودي ؟؟؟ عندنا تفكك سعودي:naughty: الله يرحم الحال بس |
مره ماراح يصير اي شي يذكر اما لو كانوا اللاعبين هلاليين والاداره والجمهور كان شفنا بلاوي وتوقيفات وغرامات وكل شي |
لا ليش يشطبونهم ..؟ الهلال ماهو في الموضوع عشان يصير شطب وإيقافات وحركتات إذا صار مشكله عند الهلال أبشر ..تراهم ينتظرون فرصه أما على الأهلي والإتهاد .. لا تأجيل مباريات وتأجيل سداد الديون وتمديد فتره التسجيل الإستثنائيه وامور ثانيه ومسخره لأن الهلال ماهو فيها المدلل الله يزينها بس بصراحه أصلاً ماعندنا إتحاد كره |
احمد عيد اهلالاوي وانا اتمنى الاهلي يخسر قدام اولسان لأن من هزم الهلال مهوب قادر يهزم الاهلي ؟ واللاعب الاهلاوي اكيد استفز هزازي وهزازي ماقصر معه ودافع عن نفسه وادبه تأديب ويستاهل لاعب الاهلي كف خلاه يدور على نفسه اول مره اشوف كف مثل كذا هههههههههههههههه ومن ناحيه شطب يقولون خلاص فيه نظام دولي ههههههههه انا ودي يتعاقب هزازي عشانه رفس والدينه ولاعب الاهلي معه بعد عشانه شاته على بطنه اما كيال راح يهدي لعيبته ويبعدهم عن بعض بس يستاهل اللي جاه وشكرا لك يالغالي واكبر حسافه ان عبدالله الجمعان يتعاقب هالعقوبه ونشوف وش بيسوون باللي شوهو صوره الكره السعوديه |
ليتك عرضت علينا مشاكل لتحسين اوضاع الهلال بدل ماجالس تعرض علينا مشاكل الغير يشطب ولا مايشطب شدخلنا ؟ ياخي ماضيع وخرب الكره السعوديه الا الافكار اللي مثلك فلان ليه سوا وفلان ليه فعل خلي الزعيم يعتلي المقصورة الملكيه وخلهم يتناطحون ويتصافقون شدخلنا فيهم ؟؟؟؟؟؟؟؟؟؟؟؟؟؟؟ |
اتمنى ان يصدر موقف حازم من الاتحاد السعودي ولكن بعد المباراة النهائية حتى لايخسر ممثلنا احد العناصر المهمه سطوة الاتحاد الكورى على اسيا قويه وسوف يعملون على ايقاف اللاعبين السعوديين حتى تستمر كبوة الكرة السعوديه هل نسيت التحكيم الاسيوي ودوره في ابعاد المنتخب والهلال عن تحقيق بطولات اسيا بكل العبارات الذى حصل متوقع من لاعبي الاتحاد والاهلي والتاريخ يشهد حين خرج الاتحاد من البطوله العربيه كيف تصرف اسامه مع المصور ؟ ومشاكل هزازي السابقه هل تنسى ؟ واجبنا دعم ممثلنا في البطوله الاسيويه من اجل الكرة السعوديه وفتح ملف هذه المباراة لاحقا |
اليوم حدثت مضاربة بين الاتحاد والاهلي في نهائي كأس الناشئين وامام احمد عيد رئيس الاتحاد السعودي وتستمر المهزلة لا اسمع لا ارى لا اتكلم صحيح اللي اختشوا ماتوا لاتنتظرون عقوبات ماذا تنتظرون الاعلام الازرق نائم وهو اسباب فشل الهلال بالاسيوية انواع التحطيم ولا دعم للاعبين وناس تركل وترفس وتباقس ولا حتى احد يتكلم عليهم ممنوع ........تكميم الافواه في زمن غريب عجيب الله يرحمك يافيصل بن فهد |
مات فيصل بن فهد يرحمه الله ومات معه الإنظباط والنظام |
ههههه نحلم لانهم ليسو ملكيين بالتوفيق لملكنا الهلالي |
ههههههههههههه تدري وش بيكون العذر بكره يجيك أحد المسؤلين ويقول لك إن هذه بطولة قارية لا نمت لها بأية صلة وإذا الله أعطاك طولة عمر راح تسمع هذه الكلمات هههههههههههههههه الهلال له عقوبات استثنائية الله ينصرك يا هـلال الله ينصرك حسبنا الله ونعم الوكيل |
والله العظيم لو الهلال الي سوا كذا لتشوف قرارات بالجمله على الاعبين والاداريين والجماهير وصارت الموسم الماضي طلع القرار في اليوم الثاني احمد عيد يعبث باتحاد الكره وخذو كلامي ماراح تجي عقوبات من الاتحاد السعودي لاعلى الجمهور ولا اللاعبين والاالاداري راح يلعب احمد عيد من تحت الطاوله وكذلك راح يضبطون الاتحاد الاسيوي بطريقت احمد عيد وبينتهي الموضوع خذو كلامي واذكركم بالموضوع هذا |
ودك يشطبون آلنآديين نهآئيـآ , كفـآيه تشويه للكرة آلسعوديه .. _ |
كيال دخل الملعب وضرب بعض اللاعبين "بالعقال" .. أسامة المولد رد عليه بلكمة.. نهاية القصة |
| الوقت المعتمد في المنتدى بتوقيت جرينتش +3.
الوقت الان » 05:22 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd