الزعيــم يتصـدر ,, وانتـم زعــلانييــن ..!! لمـاذا يازعماء ..؟؟
 

. الدوري مهم . ويهمنا الصداره ..

. لكن اي صداره تكلم عنها .

فريق لاعب 10 مباريات والثاني لاعب 6 .. واذا فاز الفتح او تعادل تصدر ..

.. نطرح ماتقوله عقولنا .. وليس عواطفنا

عواطفنا مع الزعيم .. خسر من اولسان وبعدها زعلنا وبأول مباراة بعدها مع الوحده نتسابق على الشاشه .. لرؤيته .
.

لكن الاخطاء الواضحه واضحه ..

. الهلال . ابدع قبل اولسان بعض المباريات ونفخوه . وطيروه .وخسر من اولسان ذهاب اياب ..

. نريد هيبة الزعيم .. فريق لايقهر ..

. اخسر ياخي . بس العب ..

اليوم قدام الفيصلي . كل اللاعبين يتعذرون . بالتوقف ...

الاتفاق سطر ملحمه كرويه في الشرقيه امام الشباب . وهو متوقف .. مثل الهلال ..

.. اللاعبين .. لابد ان يعو ويفهمو . ليس لجمهور الهلال طموح محدد .. تشربنا الزعامه ..

. . الشعار قبل الدراهم . واسألو سامي والدعيع ويوسف وغيرهم . ومن وقع على شيكات بياض .
من اجل ان ينال شرف اللعب للهلال . فقط . ويستمر فيه .

اما الان اللاعب سيئ . ويجي واحد مثلك . يبرر . والرئيس يبرر . . واللاعب لاقيها

. لا طبنا ولا غدى االشر



.

بجد مادري ماذا اصاب جماهيرنا صارت تنكد ع روحها بامور مالها داعي
يعني كاننا في عز مستوانا مع قريتس وافضل فريق جبنا كاس العالم
ومع كل ذلك الفريق الخارق الا اننا لم نجيب جديد هي هي البطولات دوري ولي عهد
اتمنى من جماهير الهلال تفرح بالبطولات والفوز وليس المستوى فالمستويات عمرها
ماجابت بطوله

حنا نقول الحمد لله على الثلاث لكن إذا استمر على هـ المستوى البارد قدام فرق اقوى وش تبيه يحقق ؟؟
ع العموم نتمنى الروح ترجع وبس

الحمد لله عــ النقاط الثلاثه نعمم نحن متصدري لكن الفتح عنده مباريات مؤجله والفوزز بدون روح ولاطعمم

هي ماهي قصة زعل القصة ان اللعيبة مالهم نفس يلعبون بالتوفيق للهلال

لا روح
لا مستوى
لا اداء
نتيجه باهته
خطه فاشله
تكتيك وتغييرات خطاء

وش تبغانا نفرح على صدارة مؤقته !!!!!!!

شكرا لك المخلص

مبرووك الفوز والثلاث نقااط رغم المستوى البااااااااهت

مدري متى نشوف الهلال اللي نخبره ؟!!!

بالتوفيق للملكي ,,,

اخوي الامور ماتؤخذ كذا ترى الاعبين بشر
وبعدين علامهم ابطال الموسم الماضي ماسطرو مثل الاتفاق
احيان الفريق يحصل له درب وعلينا اننا نحمد الله اننا نفزنا
اما الطامه الكبرى ان كنت هلالي وتقول يخسر بس يقدم
ع كذا شوف لك النصر تراه احيان يقدم ودوم يخسر وكذلك
الوحده مقدم مستويات بس يخسر
انا ابي فريق يفوز والمستوى بعدين

مو هنا المشكلة
المشكلة بهذا المستوى راااح يطير الدوري
والبطولات الاخرى بأي لحظه
مو مشكلة التصدر المشكلة
بهذا المستوى ماراح تحافظ عليه

اخوانى الزعماء محبين الزعيم تكفون خفوا شوى على الزعيم والله ما يستاهل هالزعل كله منكم يا اخوان ما فى احد يتم على حاله على طول هذى فترة استراحة محارب ولو طولت ويشهد الله انى محترق مثلكم واكثر خاصة انى من الدوحه قطر وبعيد عن الزعيم بس الصبر ثم الصبر بطبيع ما يغير طبعه والزعيم متعود يكون فى القمه مستوى ونتيجة وراح يعود واحلى من اول انشاء الله وترى اللاعبين عيالكم واخوانكم ويبون الكلمة الطيبة منكم والكلمة الطيبة حسنة عند الله مادرى شلون طاوعته نفسه اللى لقب المدرب السباك حتى لو كان غير مسلم ترضاها على نفسك يا خوى هذى خلقة رب العالمين له الحمد والشكر وانشاء الكل مستبشر خير بالاجتماع القادم للرئيس واعضاء الشرف ولا تصدقون انه يهون عليهم يكون الزعيم بهذى الحال وراح يرجعون الابتسامه والفرحه على كل شفاه وقلب هلالى بعون الله احبكم فى الله اخوانى مشجعين الزعيم

نعم متصدر
ولكن لعب مباريات اكثر
يفوز الفتح في مبارياته القادمة
والاتحاد والاهلي يفوزون في المباريات المؤجلة
الهلال في المركز الثالث
او الرابع بعد

كلامك زوين بس فيه شيء اختلف معك فيه

هو الفتح :

لا تقولي الفتح افضل والله الفتح طقها والحقها

وشالهم التون بالكرات الثابتة

كل الفرق سيئه بما فيهم الفتح

الفتح فورة ببسي واذكرك

المهم افضل السيئين الشباب وبعدين الهلال وبعدين الاتحاد والاهلي والفتح

بعد نهاية الدوري سلم لي على الفتح تلقاه مدحدر بالمكز االخامس وانت نازل

يمكن السادس او السابع

المهم اذا شد حيله الخامس

اوكى عارفين ان الهلال لعب اكثر
بس هذا اللي قدامنا يعني عندنا مؤجلات وقلنا مانبيها
احنا نفوز في مبارياتنا الباقيه وننتظر تعثر الفتح
لاننا فرطنا في نقاط بدايه الدوري
يعني الحمدلله انه جاء الفوز
وترو الاعبين يلعبون بضغط الحفاظ ع النقاط
وهذا دوري وبطوله مو لعبه المهم تكسب النقاط وان جاء المستوى خير وبركه
باقي لنا 3مباريات ع نهايه الدور الاول مع التعاون والاهلي والاتحاد
وبحول الله كلها نفوز فيها بس انتم خفو عليهم شوى
والله الضغط الزايد وعدم الفرح حتى بالفوز من اجل مستوى
اخاف تخسرنا الاثنين
الحمدلله ع الفوز
وبالشكر تدوم النعم