|
#حملة_عودة_التدريبات_الصباحية_الهلالية بسم الله الرحمن الرحيم بداية ألف مبروك على الفوز الباهت وأهم شيء الـ 3 نقاط سؤال بسيط : فيه أحد عجبه الهلال اليوم ... أكيد لأ والحل : لين الفترة الشتوية بنلعب كم مباراة ومحتاجين جميع النقاط حملة عودة التدريبات الصباحية للهلال كل يوم * بتزيد من المعدل اللياقي لجميع اللاعبين * بيركز المدرب على جميع اللاعبين وبيكونون تحت نظره مدة أطول * زيادة التجانس النفسي قبل الكروي بينهم * مهمة جداً جداً لعودة الهلال ... إذا المدرب ما يبغى وعاجبه الوضع إحنا كجمهور مو عاجبنا فبنطالب بالحملة ونضغط على الإدارة لين تجبر المدرب على كذا المدرب مو جاي ياخذ راتبه على الفاضي ... ياخذ راتب على كم ساعة في اليوم ... لازم يعطي مثل ما بياخذ همتكم يا جماهير الزعيم فأنتم من ستعيدون الهلال ... الذي نريده بإذن الله هنا عبر تويتر #حملة_عودة_التدريبات_الصباحية_الهلالية عبر هالهاشتاق للمطالبة بعودتها من بكرة نبغاها أو على أقل تقدير بعده ... هوامير الصحراء ... الموج الأزرق ... وصلوا صوتكم ورجعوا هلالكم |
انا قلتها ومازلت اقولها احترافنا بهذه الطريقه هرج ويخلي الاعبين يضيعون من الفراغ بالله اي احتراف يتكلمون عنه وهم فقط يجون فقط ساعه او ساعتين تمرين لابد يكون الاحتراف زي في اوروبا يجون يتمرنون الصباح ويجلسون هنا لتناول وجبة الغداء ثم الذهاب للبيت واخذ راحه للفتره المسائيه وكذا مايصدق الاعب يروح البيت ليريح وينام بدل السهر والاستراحات واذا عذرهم الحر هناك شي اسمه صاله يكون فيها تمارين خفيفه والتمرين الرئسيي في المساء وانا مؤيده بقوه لعوده التمارين وع طول مو بس مره او مرتين او سنه او سنتين تكفى سمو الامير افرضها ع الجميع ترى حتى المدرب عاجبه الوضع والاعبين فلوس بالملايين وراحه وسهر وكلها ساعتين يتمرنون فيها او 24ساعه معسكر قبل اللقاء وباقي الوقت فوضه وسهر |
مؤؤيد جدا .. خصوصا الاجواء الان بالرياض صارت احسن من قبل .... لو بيدي كان خليتهم يتمرنون 24 ساعه يوميا .. عقبا لهم على المستوى البأس والباهت في اسيا |
. حتماً ستعود في فصل الشتاء من دون حملات ولاشي . ياطويلة العمر |
ماراح ترجع التدريبات الصباحية الا بعوده جريتس لبى جريتس كان في الليل والنهار يدربهم ماعنده مشكله ومستوى على كيف كيفك |
في البداية شكراً لكم على مروركم نبغى الحملة على طول الموسم ... مو بس في الشتاء وليش ما بترجع إلا لو جيرتس رجع !؟ جمهور الزعيم هو اللي بيرجعها بإذن الله الهلال يحتاج تمارين صباحية ومسائية بقوة نبغاها تكون إجبارية من النادي لجميع اللاعبين بلا استثناء مو شهر شهرين ... حتى لو تغير المدرب وجاء غيره نبغاها تظل موجودة هاللعب اللي يلعبونه اللعيبة هو عملهم ... يتدرب تمرينين وعنده الليل ينام فيه ... لو التدريبات المسائية كانت من 4-5 ساعات ما كنا بنتكلم لكن بالله وش تسوي هالكم دقيقة اللي يتدربوا فيها ... وبإذن الله جمهور الهلال هو اللي بيخلي الهلال في أفضل حالاته الفنية . |
ايه والله لابد عودة التدريبات الصباحيه للهلال ليفهمون تكتيك المدرب اكثر بالتوفيق للزعيم |
اثر مافيه تمارين صبااااحيه عشان كذاااا ونقول ليه ماجابوا اشيا واللعيبه انواع السهر |
يا أخوان مشكلة الهلال ليست لياقية استغرب تسطيح مشاكل الهلال مشكلتنا عناصرية وفنيه هل أنتم راضون عن محترفي الهلال؟ هل أنتم راضون عن بعض لاعبي الهلال السعوديين الأساسسين؟ مثلا لو خلينا الكوري وهرماش يتدربون صباحا وظهراً وعصرأً والمغرب والعشاء وصارت لياقتهم 1000000% هل راح يتحسن مستواهم؟ المسألة ماهي سباق اختراق الضاحية!! مشكلتنا عناصرية وفنيه الجميع شاهد في مبارتي أولسان ومباراة الفيصلي عندما أعاد المدرب ويسلي لوبيز للوسط قضي على خطورة الهلال نهائيا والمشكلة يحط الكوري رأس حربه؟؟ إذا أردت حل مشكلة يجب أن نشخصها تماماً بعيدا عن الضحك على الذقون والتمسك بالقشور أو أسباب غير حقيقة مثل تمارين صباحية او رطوبة أو حر او طقم الفنايل لونه ماهو حلو !! |
إقتباس:
لماذا لانحاول نعمل الاسباب ونعيد التمارين والنظام الغذائي وخبير القدرات وقتها نعرف اللي مو قد شعار الهلال لان اللي ذكرت احيان يطلعون من افضل الاعبين ولو مفلسين فنيا ماكانو تميزو ولامباراه وبعدين الحين ماقدامنا الاهم ع الاقل نحاول نعمل لعمل لهم امور مساعده تطور مستواهم يعني نجوم الاهلي اللي الحين ماكانو نفسهم قبل كم سنه وكانو اسوى الاعبين لكن يوم عملو لهم نظام لابد يمشون عليه شفنا ابداعهم ترى مو لازم يجون الصباح يتمرنون كرف واقوى شي تمارين بسيطه ومسبح وتجانس والفه فيما بينهم ثم تناول وجبه الغداء ثم يروحون للبيت يريحون ويجون التمرين الرئيسي ويتناولون وجبة العشاء في النادي ثم كل واحد ع بيته مو كذا احسن وقتها نقدر نحكم ع الاعب الملتزم والمنضبط وصاحب المستوى ومع كل هذا المفلس فنيا بيظهر اما احترافهم هذا والله ماغير تهريج ويضرهم انفسهم انا لو ماعندي لو شغله طوال 24عدى تمرين ساعه او ساعتين بيجيني فراغ وبحاول اقضي عليه باي شي اما نوم دون اكل او الذهاب لاي مكان بس اذا خلفي عمل وقومه الصباح ومسؤوليه اذا ماحضرت فيه خصم اكيد بهتم بنفسي ونظامي |
إقتباس:
الأغلب متفق إن فيه مشكلة في بعض العناصر طيب فترة الإنتقالات باقي عليها شهر وشيء تقريباً وعندنا كم مباراة فيها ... نخسر هالنقاط علشان العناصر اللي عندنا ! ؟ ! أكيد لأ ... نتحرك ونحاول بالعناصر الموجودة لين تفتح فترة الإنتقالات ونعوض النقص بمحليين وأجانب ومو شرط في الفترة الصباحية تكون كلها لياقية ... بنستفيد أشياء كثيرة أولها نضمن إنه مافي أحد بيسهر ... وبنستفيد لياقياً ... ونفسياً ... وغذائياً ... وانسجام أكثر "نفسي و كروي" ... وتحكم بالكرة أكثر ... والتسديد على المرمى ... والتمرير في الأماكن الضيقة ... لو كل يوم في التمارين الصباحية يمسك له شيء يعلمهم عليه ويدربهم أكثر حتى لو يعرفونه بيستفيدون ... الكرة مو بس علم ... علم وتدرب وتكرار وتكرار وتكرار بنستفيد من جميع النواحي ... ولو فعلاً سالفة التمارين الصباحية ما هي مهمة ما كان شفناهم في أوروبا يطبقونها كان اكتفوا بالمسائية عندهم عقلية لاعبينهم احترافية وعارفين كيف يحافظوا على نفسهم وما يحتاجوها ! لكن لها أهمية لكل اللاعبين ... وياليت بعد الإتحاد السعودي يفرضها على جميع الأندية ... بيرتفع رتم الدوري والمسابقات ولعل المنتخب يستفيد ... وجهة نظر . وفي الأخير بالتوفيق للزعيم |
ياهووووووووو اشبكم صلو على النبي عليه الصلا والسلام معاه حق في المطالبه بي التمارين الصباحيه وهذا هو الاحتراف الحقيق حتى يكون الاعبين مع المدرب اكثر وقت ممكن ومنها يتم التجانسب بينهم وفهم طريقه المدرب ولا يحصل في المباريات هبوط في المستوا يعطيك العافيه ع طرحك الرائع تحياتي لك |
إقتباس:
yes yes yes |
كل مايحدث في الهلال يتحمله المدرب وبسسسسس |
مدرب كسلان هو بالغصب تدريب واحد وكل اسبوع راحه يوم او يومين هو يبي يريح نفسه ويختصر الموضوع علئ حساب نادينا |
نعم . للتدريبات الصباحيه.. لا ..للتغريدات والسهر والنوم في الصباح .. شكرا لك |
التمرين الصبااااحي افضل بكثير معكم انا |
المفروض يطبق التمارين من زمان لكن الله يعين |
خلاص اجل نلعب بلا مدرب دام التمارين الصباحية بتغير من شكل الفريق ! معليش تضحكون على نفسكم ؟ خليتو العذر بالتمارين الصباحية ! المصيبة كلها والسوسة كلها بالمدرب الفاشل الي ما يملك اي عمل فني يقدمه للفريق ! |
معاااااااااااااااااكم فعلا الفريق يحتاج الى انضباط |
اتفق معاااااكـ اختي....... الهلال بحاااااجهـ للتماارين الصباااااحيه على الاقل لكي ينضبطون بالنوم المبكر... ...... |
إقتباس:
......................... |
لابد من عودة التدريبات الصباحية لعدة أسباب: 1-زيادة معدل الياقة لدى الاعبين 2-الابتعاد عن السهر 3-زيادة التجانس 4-كسر الحواجز بين الاعبين والمدرب |
شكراً لمروركم جميعاً وبإذن الله يصل صوتنا |
والله فرق شاسع بين احترافنا واحتراف الغرب عندهم تمرين الصبح والليل يكون مافيه وقت للاعب انه يسهر ولا يسوي اي شي عندنا تمرين واحد وهو بالليل وساعه او ساعتين وينتهي الموضوع يعني كأنه جاي يتمشى ويروح وياخذ راتبه بعد واذا جاء وقت المباراه قام يلعب على مزاجه .. نبغى تمارين الصباح والمساء واذا على ان الصبح حراره فيه شي اسمه صاله يدخلون هناك ويتمرنون نبغاهم يكرفون كرف عشان اذا جاء وقت المباراه يبدعون اكثر لا والمشكله المدرب معطيهم اجازه اليوم .. يعني بالله احازه على ايش على اساس انهم بدعوا في مباراه الفيصلي ولا على اساس انهم فازو 5_0 .. والله العظيم لو انا مدرب كان ماعطيتهم اجازه وخليتهم يكرفون كرف |
الحمدلله عادت التمارين الصباحيه اختي ياليت تستمر حتى ايام الصيف لان ساعتين لاعبين محترفين تعتبر تهريج مو احتراف |
مع هالملايين التي تؤخذ من قبل الاعبين والمدرب يجب ان يكون هنلك تمارين صباحية ومراقبة لتغذية الاعبين ولا يجب استشارة المدرب فهذه ليست من صلاحياته بل من صلاحيات الادارة لذلك يجب ان نرى حزم من الادارة في هذا الامر واذا كمبواريه مهو معجبه يقظبونه الباب |
أتفق معاك أختي الكريمه ولكن مع مجموعة محترفين عليهم الكلام يعني بعد فترة الانتقالات الشتويه الأجانب الموجودين بيتعب المدرب نفسه ما يحصل فايده دئ المي وهيً مي ,,, شكرا الدانا الهلالية ,,, |
إقتباس:
هي جزء من المشكلة يا اخي نحن لا نقول كل المشكلة انا اتحدى اذا الاعيبه يقدون يعطون نفس المستوى كل المباراة معروف ان الاعب يفقد التركير مع مرور الوقت اذا كانت لياقته ليست 100% وانا اتكلم معاك من واقع تجربة |
مؤيد جدا التدريبات الصباحية مطلب ضروري جدا اتمنى كشافين يجووون مدينة جيزان وربي فيها لاعبين مستعدين يلعبوا المباراة الواحدة 50 ريال ويعطونك الفوز لاعبوا نادي الهلال الحالييين لايلعبووون من اجل شعارالفريق بل المادة همهم الاول الا ماندر باستثناء محمد الشلهوب فقط |
شكراً لمروركم جميعاً والحمدلله وصل صوتنا |
الحمدلله التمارين الصباحيه ورجعت مشكوره اختي ع موضوعك الرائع وعساك ع القوه وبالتوفيق للملكي,,,, |
ابشرك تدربوا اليوم في الصباح بس مدري هم درو عن الحمله والالا ؟!! :) |
| الوقت المعتمد في المنتدى بتوقيت جرينتش +3.
الوقت الان » 02:08 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd