|
بعد نصف الموسم لابد ان نعترف هلالنا الحالي لن يستطيع المنافسه ومستواه فقير فنياً ..!! بسم الله الرحمن الرحيم في بداية الموسم قلنا ان الفريق غير جلده فأعطوه فرصه رغم البدايه السيئه رجع بعض المستوى وكان هناك صحوه رغم انها اهدتنا الصدارة لكنها لم تعيد لنا الهيبه والمستوى الجيد . ومع اول اختبارات الفريق الحقيقه نخسر في آسيا ذهاباً واياباً العوده بعد ذلك في مباراة الوحده والفيصلي ورغم الفوز والصدارة حالياً لكن الفريق يلعب بدون هويه بدون روح ومستويات اللاعبين لاتوحي بفريق ينافس بقوه على كل البطولات .. السيد الفرنسي كومبواريه يقال انه صارم ومن يلعب جيداً سيحجز مكانه فأين احمد الفريدي والوسط يقدم اضعف مستوياته بقياده عبدالعزيز الدوسري الذي ارى انه يقدم مستوى هزيل وهزيل جداً . أين الصرامه والكوري يحجز مكانه اساسي وهو الذي لم يقدم مايشفع له على حساب الحماسي سعد الحارثي والموهبه فهد الجهني . أين النظره الفنيه وياسر الشهراني يترك على دكة البدلاء ويزج بمن هو اضعف منه الفريق يعاني من المجاملات وهل من المعقول انه يشاهدونا شئ غير الذي نشاهده فهناك اسماء لاتقدم مايشفع لها ومع ذلك اساسين في كل مباراة ..!! مانشاهده في هلالنا يناقض كل الاقوال التي تقول ان الهلال سيكون قوي ولن نذهب بعيداً فوز بشق الانفس على الفيصلي في الرياض ومن ركلة جزاء لامجال للمكابره ولامجال للتطبيل ولامجال لقول ادعموا الفريق فنحن في منتصف الموسم ياساده ولازلنا نشاهد الهلال وايدينا على قلوبنا . والله اني اتمنى ان لايتصدر الهلال الدوري حالياً حتى لانشاهد الرضا والطموح على محيا الجميع وكأن الفريق يقدم كره جميله وكم اتمنى ان نخسر الصدارة ونعودها بعد الاصلاح والغربله في صفوف الفريق . هل طموحنا كهلاليين هذا المستوى حتى وان تصدرنا ..؟؟ وبعيداً عن المستويات التي يقدمها الهلال ارى ان الهلال يهتم بالتعاقد مع المهاجمين ..؟؟ اخبار تقول ان الهلال مهتم بالتعاقد مع مهاجم المنتخب الاردني ويوسف السالم وكأن الهلال يعاني من الهجوم وهذه بوادر عدم الاستفاده من اجانب ومحليين في فترة يناير. تعبنا ونحن نقول نريد محور دفاعي متمرس وصانع العاب فهل سيكون خيار التعاقد مع مهاجمين اهم من ذلك يا ادارة الهلال ..؟؟ نحن جمهور طموح وتعودنا ان يكون الهلال بالقمة .. فأما ان يعود وانتم تملكون قرار عودته بأصلاح امور الفريق أو اتركوه لمن يعيد لنا هيبته . الهلال الحالي ليس هلالنا الذي نعرفه ابداً |
الله يعطيك العافيه .. وهذا الموضوع بقلب كل هلالي . بس للاسف الكثير . يكون صريح في تويتر . وهنا يكون رأيه ثاني . .. انا باتكلم عن الوسط.. . عزوز وربعه .. في الوسط صدقني مااضاع الهلال الا هذولا .. استعراض . وقتل للهجمه.. يبحثون عن الاهداف .. . ويسلي يعود ويبحث عن كرات . والدوسري يستعرض ويصوب ع المرمى يبي هدف . ميسي .. هو سبب نكبتنا مع اولسان هو عزوز . . وسط الهلال .. غير فعال .. للاسف .. نريد صانع لعب اجنبي . مثل كماتشو . التايب . نبي لاعب يقول للمهاجم انت وضميرك .. ولا يبحث مجد شخصي له . مثل عيالنا . |
من بداية الموسم كان واضح تقريبا ايش بيصير للهلال طبعا من استعداداته وتخبطات الادارة اللامنتهية!!! لكن العجيب لما كنا نقول.رأينا في البداية ياكلونا بعض الجماإهير ؟؟ كيف حكمت ع الفريق ومإادري ايش وهذي اخرة الافعال والاستعدادات السيئة من الادإاره الله المستعان بس |
السلام عليكم ورحمة الله وبركاته انا من فتره طويله وانا اتمنى اشارك معاكم في هذا المنتدى الرائع, والحمد لله أتيحت لي الفرصه بذلك حاليا أتمنى من مشجعي الهلال ومشجعات الهلال الصبر على الفريق وعلى المدرب وعلى حتى اللاعبين وعدم الضغط أكثر مباريات الدوري المطلوب من الفريق الثلاث نقاط ومن بعد الثلاث نقاط نفكر بالمستوى يجب ان نكون ايجابيين بحبنا وتشجعينا للزعيم الملكي ونبتعد عن التشاؤم والتدخل في شؤون الفرق الأخري فوالله ما أخر فرق بالدوري إلا بسبب ملاحقة ومطارده كل ماهو هلالي والاهتمام بالشأن الهلالي أكثر من الاهتمام بناديهم أتمنى وتأمل من الجمهور الهلالي الكبير والمثال الكبير للتشجيع الراقي واحترام الخصم الوقوف مع الزعيم وادارة الزعيم ونحن مازلنا في بداية الموسم لم ينقضي الا شهرين ونص وباقي خمسة شهور كامله نستطيع خلالها ان نسعد بهلالنا ونفخر به بس يجب علينا دعم الهلال ودعم الكيان ودعم كل فرد يعمل في هذا الكيان الكبير واسف جدا على الاطاله بس اعذروني مشاركتي الاولى وتقبلو تقدير اخوكم من الكويت وموفقين يا أهلنا بالسعوديه[/QUOTE] |
اهم شي ٣ نقاط .......................... |
المستوى ماكان مرضي لكن ٣ نقاط ثمينة جداا |
الي اليوم شفناه حتى فريق في المستوى الدرجة الثاني يقدم افضل و بكثير ، الهلال في الملعب بلا هويه ، اللعب الي قاعد اشوفه طق و الحق حتى تكتيك ما اشوف المدرب محتفظ بالمميزين بالدكه ليش ي الحبيب ؟ قلنا قبل يمكن عشان الاسيويه خايف يصابون لكن الان لماذا ؟ الشهراني ليش ما يلعب ظهير بدل الزوري او حتى الفرج ، الهلال ما زال في تخبط اتوقع يجب ان تكون هنالك ضربة قاضيه للهلال حتى يصحى جميع الاداريين اولهم بن مساعد الله يعيننا و يصبرنا .. |
لقد ناديت لو أسمعت حيا *** ولكن لا حياة لمن تنادي الإدارة الحالية تقود الفريق الى المجهول واكتفي بذلك لأنه من الواضح عدم وجود اذن تصغي لمطالب الجمهور وصوت العقل والمنطق ومن الواضح ايضا ان هناك قناعات غريبه لدى الإدارة لا تريد تغييرها لا أعلم هل هي مكابرة أو جهل عموما اي كلام سنقوله كمن ينفخ في قربة مشقوقه ... وسلامتك |
بهذا المستوى لن نجاري الاهلي الذي يبحث عن الدوري من ٤٠ سنه ولديه استقرار فني وأجانب خمس نجوم |
حنا تكلمنا من موسمين نبي لاعب قد طموح الهلال فنان يجنن الدفاع يعطي المهاجمين كوره انت وظميرك http://http://www./?9KiOeM |
اللي راااح راح .. مع ان الخروج المذل من اسيا كان يبغاله عقاب خاص للاعبين فقط . وكل مطرود ملحوق بس الان المهم ... من وجهه نظري اللي ايد في مصلحه الهلال .. التالي 1 . مدافع محلي ايمن . المسلم قادم بقوه اتمنى ياخذ فرصته 2 . محور محلي . " مهم " 3 .الاستغناء عن هرماش بأخر . 4 . الاستغناء عن الكوري . 5 . محتاين صانع لاعب زي الشهري يحي اذا اخونا في الله احمد لسه يفكر يوقع لمين 6 . ويسلي .. لاعب كبير .. بس اظن انه ماله مكان في التشكيله اذا لاعبنا من دون صانع لاعب وقتها يختفي ويسلي والعكس صحيح .. زي مباراه اليوم وغيرها 7 . اعارة كلا ماجدالمرشدي ومحمد نامي وخيرات وحس العتيبي ... 8 . عوده التمارين الصباحيه . اتمنى الادراه تشتغل صح من الان .. وشويه شده بعقل "هنا افتقدنا لسامي " على اللاعيبه .. نصهم صغار بعد توفيق الله اولا ثم هالوصفه .. راح نغطي نقاط ضعفنا ويجع التوازن للفريق |
والله مستوئ الهلال يخوف والا يطمن الله يستر من الجاي ايدينا علي قلوبنا |
عبدالعزيز الدوسري مكانه الدكه عشان يحس بقيمة الشعار وكل اللي حاصل في الفريق بسبب الادارة اللي تلعب بتاريخ الزعيم حسبي الله على اللي كان السبب. |
| الوقت المعتمد في المنتدى بتوقيت جرينتش +3.
الوقت الان » 07:48 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd