إقتباس الرسالة الأصلية كتبت بواسطة هلالى وكلى ذوق تكفى ياخوى لاتكتب موضوع بعد كذا اسامة هوساوى افشل مدافع ؟؟؟ هو كان شايل حمل الدفاع وكان يصلح اخطاء ماجد المرشدى اسامة هوساوى حاليا هو افضل مدافع سعودى وخليجى وتحيتى لك ماجد

‫هدف الفريق الإيراني - الهلال السعودي Vs ذوب آهن الإيراني‬‎ - YouTube
لقطة بكتني

إقتباس الرسالة الأصلية كتبت بواسطة الباجيرو الازرق 1 . ما اعتقد ذهابه لغير الهلال فشل للاداره .. بالتأكيد مر ولازال بالهلال من هو افضل منه واكثر اخلاصا 2 .اسامه لف ودار .. وجلسائه كلهم من كارهي الهلال اتحاديين واهلاويين .. والرجل ثقافته الاحترافيه متواضعه كونه ملتزم ما يمنع اننا نكون واضحيين مع انفسنا ومعه . 3 . اسامه مساوم .. واثار كذا مشكله في النادي اساسها مادي او مقارنه بالاجانب .. نجحت الاداره في طمطمتها بحينه . 4 . اللي يطلبه الان يعادل 2 مليون يورو مبلغ كبير جدا ع مثله عمره قرب ع ال 30 واصبح بلا طموح .. هالمبلغ يجيب لنا امثال تفاريس وافضل 5 . طلعنا من اسياء مرتين ؟! وخذلنا في اكثر من حسم ؟! ولولا كوزمين ما تطور وبصراحه اخطائه هي هي لن تتغير بكل امانه اكثر من 3 مليون سنوي اشوفها كثيره عليه .. هو من سكان مكه والاقرب ان ختام حياته الكرويه حولها .. الله يوفقه .. لكن لايكذب ولا يساوم والمفروض انه يعترف بال 2 مليون اللي استلمها من فهد بن محمد ليكمل ال 6 شهور ولا يتفلسف كثير بتويتر

شوف مع إحترامي لك , إذا جيريتس قال عن أسامة إنه أفضل مدافع سعودي وإنه الوحيد اللي يقدر يحترف خارجيا

تبغاني أقتنع برأيك !! ردّك كله إستنقاصات شخصية !


طلّعنا من آسيا !! حسستني إنه لحاله كان يلعب بالفريق , صح إنه الخطأ كان مؤثّر لكن وين الهجوم ! يعني في مباراة

ذوب آهان الفريق ما وصل المرمى وما صنع فرص حقيقية والمدرب كان يفكر ف عقده مع المغاربة وتبغى الفريق

يتأهل ! لا وإذا طلعنا نحمّل الخسارة ل شخص واحد ! هذا مو منطق أبدا

ليش ما تحمّلها ل ويلهامسون , اللي ضيّع بلنتي بالذهاب كان كفيل ب حسم المباراة من إيران !! ولا عشانه أشقر !

مشكلتنا اننا نتعامل اما الى اقصى اليمين او الى اقصى اليسار
اما ان الهلال لايستغني عن هذااللاعب واماان اللاعب لايستغني عن الهلال وننسى انها علاقة تقوم على المصالح
اسامة حالياً يحتاجه الهلال بشرط ان يكون المبلغ معقول ولايزيد عن 4 مليون للعام الواحد امااكثر من ذلك فالهلال قادر على احضار مدافع اجنبي بارز بهذاالمبلغ او اقل يفوق اسامه هوساوي مع احترامي له فلديه اخطاء كبيرة مثل غيره لكننا نحتاجه لانه افضل ممن لديناحالياًٍ

إقتباس الرسالة الأصلية كتبت بواسطة Mr.B.H.T شوف مع إحترامي لك , إذا جيريتس قال عن أسامة إنه أفضل مدافع سعودي وإنه الوحيد اللي يقدر يحترف خارجيا تبغاني أقتنع برأيك !! ردّك كله إستنقاصات شخصية ! طلّعنا من آسيا !! حسستني إنه لحاله كان يلعب بالفريق , صح إنه الخطأ كان مؤثّر لكن وين الهجوم ! يعني في مباراة ذوب آهان الفريق ما وصل المرمى وما صنع فرص حقيقية والمدرب كان يفكر ف عقده مع المغاربة وتبغى الفريق يتأهل ! لا وإذا طلعنا نحمّل الخسارة ل شخص واحد ! هذا مو منطق أبدا ليش ما تحمّلها ل ويلهامسون , اللي ضيّع بلنتي بالذهاب كان كفيل ب حسم المباراة من إيران !! ولا عشانه أشقر !

اخوي هذا رأئي ولا اطالبك تقتنع فيه .. كلام جيرتس عنه كانضباط مو مستوى .. المستوى اعتقد شايفين انه مو حتى ضمن ال 18 لاعب في الفريق الهولندي.. ومع المنتخب اعتقد تشوفه ؟!
اسامه في مباريات الجد وقدام المهاجمين اللي عليهم الكلام يختفي ؟!
خطأه مع ذوب خطأ لايغتفر في قلبي مابردت لبكره تعامل مع كوره في السته عند ابعادها بلا مبالاه وكأنه بتمرين .. لاعب صاعد مايرتكب مثله .. ما اقصد السحبه اقصد طريقته في ابعاد الكوره من البدايه
كلامي يا عزيزي مو استنقاص .. لا والله احترم التزامه جدا .. لكن رأئي مبني ع مواقف اعرفها .. يمكن تذكر معسكر الدوحه وقت كالدي والقلق اللي سواه ؟! وماله داعي انبش الموضوع ..
بالمنطق لاعب عمره 30 اوقع معه 5 ليه ؟! ولو تركز كل مباراه مهمه له فيها خطأ قاتل ؟!
عودته بسعر مقبول ودون لف ودوران الله يحيه .. بيزوي خشته لا يا حبيبي ال 2 مليون يورو سنوي تجيب ابرك منه.

بالدليل القاطع ..

من ينتقص من أسامه هوساوي فنيا .. فهو ناقص عقل .. بل اشك في قدراته العقلية ..

ربما يكون مخادع .. أو خائن .. - فهذا لنفسه - ..!!

بعض الاعضاء .. كانوا يستبسلون في الدفاع عن أفشل لاعبي كرة القدم .. - أكيد عرفتوه - ..!!

والان يقول أسامة .. مستواه سيء ..!!

لا تتعبون انفسكم الاعب يبغى على البحر ولن يعود للهلال والتغريده التي انكر فيها وعوده للهلالين وهي امتصاص لردة فعل جماهير الزعيم . اي فريق يريد بطولات عليه بلاعبي الهلال هم متعودين على البطولات والدليل الاتحاد مع العيوران والدوخي .

لو يجي تفاريس و معاه رادوي بيصير كلام كبير و معهم هوساوي و نجيب ظهير ياباني او اسيوي سريع و معهم برازيلي زي فالديفيا .... يا جماعه نجيب كأس العالم ...لاحظوا يا اخوان اخترت لاعبين يلعبون بروح و قوة مش لاعبين يتفننون بس اخر الشهر حق الرواتب.

إنشاء الله
هوساوي هﻼ‌لي💙❤💙


ولكن
ﻻ‌ تنسى أن هناك ﻻ‌عبين مؤثرين
قبل هوساوي


ذهبو عن الزعيم

وبقى الزعيم
زعيــــــ💙💙ـــــــــم




وباﻻ‌خير تقبلو


تحياااااااتي
🌹🌹🌹🌹

إقتباس الرسالة الأصلية كتبت بواسطة السمرقند بالدليل القاطع .. من ينتقص من أسامه هوساوي فنيا .. فهو ناقص عقل .. بل اشك في قدراته العقلية .. ربما يكون مخادع .. أو خائن .. - فهذا لنفسه - ..!! بعض الاعضاء .. كانوا يستبسلون في الدفاع عن أفشل لاعبي كرة القدم .. - أكيد عرفتوه - ..!! والان يقول أسامة .. مستواه سيء ..!!

انا دافعت ولازلت ادافع عن المرشدي .. لأنه يلعب بروح وهذا الاهم واخطائه سببها مو لامبالاه اوبرود .. اسامه مانقول انه سئ اقول اخطائه قاتله وفي مباريات الحسم يختفي .. ماكان واضح معنا ولف ودار كثير .. والمبلغ اللي طالب مو منطقي ابدا
اتكلم عربي اعتقد ؟!

أن رجع والا مارجع الله يوفق الهلال ويوفقه..

صحيح ان الهلال لا يقف على لاعب ولكن حينما يكونون لاعبين وليس لاعب فهنا المشكلة
هوساوي والفريدي والله اعلم من القادم ..
الإدارة تطبق الإحتراف وتتعامل مع الاعبين بشكل احترافي وهذا ماجعل الاعبين يتعاملون
معها بإحتراف حين تجديد العقود ..
تذكرون الامير عبدالررحمن بن مساعد العام او قبل العام قال ان من حق الفريدي ان يطلب
ما يريد ومن حقنا قبول العرض او رفضه وكلامه سليم ولكن هذا الكلام وهذا الاسلوب سيجعل
تعامل الاعبين مع الإدارة تعامل مادي اكثر من انه تعامل حب وعشق للكيان وهذا الشي اصبح
واضح في غياب الروح عند كثير من الاعبين ولكم في مباراة اولسان اكبر دليل

خلاصة الموضوع : يجب على الإدارة عدم التفريط بأسامة أو غيره ولو حتى زادت بالعروض
فهذه كرة القدم تعطيني اعطيك وشوفو البلوي وش سوى اول ماجا للإتحاد ووين وصل الإتحاد
وإذا الإدارة غير قادرة على الدفع ليش جالسة

إقتباس الرسالة الأصلية كتبت بواسطة الباجيرو الازرق انا دافعت ولازلت ادافع عن المرشدي .. لأنه يلعب بروح وهذا الاهم واخطائه سببها مو لامبالاه اوبرود .. اسامه مانقول انه سئ اقول اخطائه قاتله وفي مباريات الحسم يختفي .. ماكان واضح معنا ولف ودار كثير .. والمبلغ اللي طالب مو منطقي ابدا اتكلم عربي اعتقد ؟!

أنا ما أقصد المرشدي .. كيف عرفت أن المرشدي افشل لاعب