بعد 10 جولات هل وجد كومباريه هيبه الهلال الضائعه ؟ ( سداسيه نجران وسداسيه الرائد وثلاثيه الشباب ) ! - نادي الهلال السعودي - شبكة الزعيم

فآإرس الحربي · #1 27/10/2012, 12:30 PM

###

- بأسم الله نبدأ
السلام عليكم ورحمه الله وبركآته
كل عام وانتم بخير وعيدكم مبارك

أدخل بموضوعي الي أتمنى ينال على رضاكم
وايضا اتمنى ان يفيد فريقنا ..

بعد ماكانت هيبه الهلال ضائعه هل وجدها كومباريه ؟

البعض غير مقتنع بكمبواريه ابدا
ولو تسأله عن الاسباب ماتحصل عنده !

يبي المدرب يتغير وبس !!

المدرب ماله الا كم شهر تقريبا
وانا اشوفه يمشي بالطريق السليم ( بالدوري )

ماراح أتكلم عن الاسيويه
الاسيويه ملف وسكرناه
الاسيويه موضوعها طويل وعريض .. خلونا بالدوري

كومباريه يمشي بالطريق الصحيح
والفريق مستواه يتصاعد تدريجياا " ماراح اتكلم عن اول مبارتين

اللي هي تعادل مع هجر وخساره من الفتح ..

الفتح الان متصدر الدوري وهجر بالمركز الخامس على ماضن
بأختصار فرق ليست بالسهله ..

المستويات اللي شفناها في مباريات نجران والنصر والشباب والرائد
مستويات ماقول ممتازه جدا والهلال راح ياخذ الدوري بهالمستوى
لكن بنفس الوقت مستويات ليست سئيه ..

وبهالنتائج الكبيره اللي حققها كومباريه
اقدر اقول رآح يعيد هيبه الهلال الضائعه ..

موضوعي موجه لمن هو غير مقتنع بكومباريه
كومباريه من خلال حواره مع صحيفه الجزيرة مع الاعلامي فيصل المطرفي
كبر بعيني كثير ..
والشي اللي خلاني اثق بهالمدرب انه لا يهتم بما يقال في الاعلام ...

الرجل عنده خطه براسه ورآح يسويها
( خلو الرجال يشتغل ) !

##

في نقطه مهمه ابي اقولها
فتره الانتقالاات الشتويه باقي لها شهرين تقريبا والمواضيع بالمنتدى بدت
بهاتو الاعب الفلاني وهاتو الاعب الفلاني !!

ترا السالفه مهي بهالبساطه
كومباريه لحد الان ماندري من بيخلي من الاجانب ومن بيبقي
كومباريه هو من سيحدد من يبي من الاجانب

لكن الاخبار تقول الراحلين هرماش والكوري بنسبه كبيره
وهالكلام ماندري عن صحته ..

لكن الشاهد من هالكلام " كومباريه هو الي راح يحدد ويختار الاجانب الاربعه
اراهن على هالمدرب

وصدقوني عطوه شوي فرصه وراح ينسينا جيرتس !
لكن للاسف بعض الجماهير مادري كيف تفكر

استغرب بعض العقليات واحيان اجزم بأنهم مايفهمون بالكره اي شي !

..

أخيرا لاتنسون المشجع الوفي مبارك من دعواتكم
رغم اعاقته الا انه متواجد في كل مباريات الهلال
رحمه الله واسكنه جناته ..
وكثره المواضيع عنه في الشبكه تؤكد بأننا جمهور وفي
والله انشرح صدري لما شفت بعض الاعضاء يطالبون بوضع صورته
والآخر يطالب بصدقه له

جزاكم الله خير وهذي ميزتنا كزعماء ..

أخيرا ان شاء الله الموضوع خفيف عليكم
ووصلت الفكره لكم بأسهل طريقه ..

متأكد بأن هناك من يوافق كلامي ومن يعارضه
لكن تأكدو بالاخير كل رد على عيني ورأسي ومروركم يسعدني ..

twitter : https://twitter.com/FARIS_AL7RBE