|
المشكله الحقيقيه والسبب الرئيسي في سوء المستويات وانعدام الروح لدى نجوم الهلال بسم الله والصلاة والسلام على رسول الله.... في البداية اتمنى أن يصل صوت الجمهور للادارة والمدرب من خلال هالموضوع باختصار مشكلة اللاعب السعودي بشكل عام واللاعب الهلالي بشكل خاص هي السهر اعرف كثير من لاعيبة الهلال للاسف يسهرون الى الصباح وينام الى وقت التمرين كيف يمكن أن يقدم مستوى ولديه هذه المشكله والادهى والامر أن يوم الخميس يبدأ نظام الاستراحات و ( البارتي ) وماخفي كان اعظم ... هذي للاسف عقلية لاعبين يرتدون شعار الهلال ولن أسمي احتراما للمنتدى وللكيان الهلالي واذا في أحد من الاداره يحب يتأكد من صحة كلامي مستعد أعطيه أسماء وأماكن سهراتهم المعتاده كل ويكند عموما حل هالمشكله هو عودة التدريبات الصباحيه لانها الحل الوحيد للتعامل مع اللاعبين ولايوجد عذر للجهاز الفني أو اللاعبين خصوصا بعد اعتدال الجو الفتره الحاليه كما يجب أن يكون هناك فحص منشطات مفاجئ للاعبين بشكل عشوائي بداية كل اسبوع لضمان انتهاء الممارسات الخاطئه لدى بعض اللاعبين للاسف واخيرا يجب التعاقد طبيب نفسي ويكون من ضمن الطاقم الطبي لحل مشكلات اللاعبين النفسيه سواء داخل الملعب من خوف او رهبه من الجمهور أو خارجه لان اللاعب في الاخير بشر يتعب يمل يكون عنده مشكلة عائليه فصعب يشتكي لاحد الاداريين . طبعا كل اللي ذكرته في الجانب الانضباطي والنفسي لدى اللاعب لكن الجانب المكمل هو إبعاد اللاعبين المتخاذلين واحضار اجانب مميزين فنيا واتمنى يكونون مغمورين من امريكا اللاتينيه لان ماضيعا الا سالفة لاعب عالمي اللي صارت طعم يستخدمه السماسره مع ادارة الهلال |
السهر ..واكل الرز والمشويات والمقليات مثل ماشفنا قبل يوم في الاستراحه وغيره وغيره خلها على ربك هذي مشكلة اللاعبين العرب كلهم مو بس السعوديين او الهلاليين حتى الصغار في مدرسة الهلال ماسلمو |
عطني اماكن سهراتهم المعتادة؟؟؟ |
والله انا استغرب ليه مافيه تمارين صباحيه وكانهم المسؤولين انفسهم يبون يسهرون ولابيقدون يجون الصباح وبينفضح امرهم قالو مافيه تمارين اما العذر بالحر فهناك طرق لتغلب عليها تكون بدري او تكون في الصاله وتكون تمارين بسيطه ولايقيه والتمرين الرئيسي يكون العصر في الملعب او يبطلون احتراف اجل لاعب محترف ولايجي الا ساعتين للملعب |
طيب تهقى ـآ أن اللاعب الكوري مشكلتهه يسهر مثل ربعنآ ؟ :d اجل على كذا مانجان شكله موآصل من 4 سنوات :s2: هذي طآل شعرك يسمونها مشيكلآت بسيطه وانا لا أعتقد ان لها ضرر كبير على مستوى اللآعب يعني السهر و الضرب الزايد ف العيشه إشكاليات بسيطه يُمكن تلآفيها مع مرور الوقت لكن لو على قولك انها مشكله كبيره كان من أول ما انتهت المباراه الأخيره الآسيويه قآلوا الناس : لولا أن اللاعبين كانوا سهرانين البارح ولا كآن تأهلنا لنصف النهائي :naughty: ؟ |
هههههههههههههههههههههههههه اجل مانجان من ضمنهم باين من عيونه سهاري الليل |
ً نقطه واحده أوافقك فيها فقط ’ هي : أنه لابد من وجود طبيب نفسي أو بالأصح .. مرشد نفسي .,’ شكراً لحرصك يا نقي :smilie47: ’ ً |
عطني اماكن سهراتهم المعتادة |
انا صراحة ادرس برا المملكه و مره حضرت فيها للنادي كانت في فترة جيرتس انضباطية و تنظيم عالي و تمارين صباح و مسا و قياس وزن .. تشوف لياقة الفريق عال العال اما الحين ! اخر مره حضرت قبل مبارتنا مع الشعله .. حدث ولا حرج تمرين بعد صلاة المغرب لين صلاة العشى اقسم بالله و لا تدريب كشافة تبي تعرف ان ماحولك احد صدق .. شف هالفديو ‫الملعب : محمد نامي في فقرة " اللاعب المراسل "‬‎ - YouTube انام اكل اكل انام ياعيني |
في الواقع .... أغلب عادات اللاعبين السعوديين ( تنطبق على الخليجيين والعرب ... ) تعتبر سيئة .. وهناك دور العاطفة .. فالاعب العربي عاطفي بطبعه .. وهذا ما يؤدي به الا أن يكون مزاجياً |
الهلال مع انه ينافس على الدوري حتى الان لكن الخلل كبير جدا المدرب يلعب بطريقة لاتتناسب مع امكانيات اللاعبين المحترفين لايقدمون الاضافه المطلوبه ماعدى ويسلي اللاعبين المحليين متخاذلين وليس لديهم روح الفوز فريق بكل هالمشاكل يكشف للجميع ان دورينا ضعيف فنيا لان منافس حتى الان على الصداره أتمنى من عبدالرحمن بن مساعد مناقشة المدرب في الامور الفنيه خصوصا طريقة اللعب وعدم الثبات على تشكيله المدرب اصدر الحكم عليه مبكرا بعد طلب احضار مانجان اسوء محترف مر على الهلال من فترة طويله اذا المدرب مقتنع بلاعب مثل هذا ف على الفريق السلام |
الفريق بحاجه لصانع لعب اجنبي مميز وكذلك الى محور دفاعي يقود خط الوسط |
اوكي نتفق ان السهر احد العوامل السلبيه لدى بعض اللاعبين غياب التمارين الصباحيه ايضا عامل * المدرب يعمل مع الفريق من 3 شهور فقط اي عقل يطالب المدرب بنتائج ايجابيه في فتره ضيقه جدا الوضع الحالي هو ان النادي يصنع فريق جديد لمواسم عده اكيد يحتاج وقت للتاقلم و الانسجام و اعطاء المدرب حرية الاختيار في التشكيل كيف يعرف المدرب مثلا اهمية الفريدي او العابد او او او اذا اخطاء راح يعرف اخطائه و التصحيح ما ياتي الا من الاخطاء انا ذكرتها سابقا من المفترض على الجماهير الهلاليه عدم مطالبة الفريق ببطولات سواء كان هذا الموسم او الموسم القادم او الي بعده فقط نطالب بالمستوى و عودة الروح للفريق و الاستقرار الفني عودة هذي العوامل للفريق راح نحقق كل ما نريده اما الضغط على الاداره و الفريق في ظل انخفاض المستوى و عدم الثبات على تشكيل معين و غياب الروح امر اشبه بالمستحيل الاهم عودت هلالنا لوضعه الطبيعي عودت الروح عودت الامتاع يجب ان نصبر على الفريق و باذن الله القادم احلى |
الهلال ما عنده مشكله ... الهلال عنده مشاكل كثيره بالمره وتحتاج حل عاجل ... |
| الوقت المعتمد في المنتدى بتوقيت جرينتش +3.
الوقت الان » 01:56 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd