الرئيس التنفيذي لمانشستر يونايتد أصبح نائب رئيس الإتحاد الإنجليزي .. !! - نادي الهلال السعودي - شبكة الزعيم

Đexter · #1 19/10/2012, 01:31 AM

بشكل رسّمي : دافيد جيل الرئيس التنفيذي لمانشستر يونايتد أصبح نائب رئيس الإتحاد الإنجليزي .. !!
الخبر من السكاي سبورت وبالتأكيد صحيح 100 % / رابط الخبر : هنا ..

منقوول من رد في الرابطة للغالي - L E G E N D -

هلالي لوني · #2 19/10/2012, 01:53 AM

وهي ناقصه بعد

!!

اصلا به او بدونه .. الخبر نفس الخبر ماطرى علمٍ جديد !!

بس الحين بزيادهـ شكلها بتصير

كبريآء هلآلي · #3 19/10/2012, 01:56 AM

آلقهوه لآتحتآج لـ سكر !
سلط الله على جميع من يحآول آفسآد آلكره !

عــون · #4 19/10/2012, 01:57 AM

ومن المتوقع ان يواصل المانيو ما تبقي من مشوار الدوري بدون خساره

يا شيخ انت شوف ضحكته كانه يقول .. ركزوا ع الابطال والدوري عندي

عوافي Lloyds

(اسير& المحبة ) · #5 19/10/2012, 02:06 AM

سؤال ليش احنا العرب نفكر العالم مثلنا مانفرق بين العواطف والعمل صح انه الرئيس التنفيذي للمانيو بس ماهو شرط انه ينحاز للمان او يظلم الانديه الثانيه وتفكير سؤ الظن واان العواطف ممكن يخليه يسوي كذا ياليت نبعده عن تفكيرنا لان مايربط بين العمل والعواطف الا احنا يالعرب لكن الغرب يعرف متى يفكر يبعقله وعمله ومتى يفكر بعواطفه وميوله

Madr!d · #6 19/10/2012, 02:17 AM

ممكن أفهم على أساس وش ؟ شي غريب

M.G.A · #7 19/10/2012, 02:51 AM

//

أهلن ،، أهلن

الله يكفيناا شره

Colin Bell · #8 19/10/2012, 03:34 AM

في علم الادارة

تعريف "تعارض المصالح "

تعارض المصالح بالوضع أو الموقف الذي تتأثر فيه موضوعية واستقلالية قرار موظف في الوظيفة العامة

بمصلحة شخصية مادية أو معنوية تهمه هو شخصيا أو أحد أقاربه أو أصدقاءه المقربين أو عندما يتأثر أداؤه

للوظيفة العامة باعتبارات شخصية مباشرة أو غير مباشرة أو بمعرفته بالمعلومات التي تتعلق بالقرار

القرار غير منطقي لكن اتوقع انه راح يتخلى عن منصبه في اليوناتيد

مع ان فكرة التخلي عن منصبه كــ رئيس تنفيذي للجار غير مربحة له ...

!!!

U N ! T E D · #9 19/10/2012, 04:52 AM

بعض الردود ما تدري وش تبي

يعني لو مدرب انتقل من تدريب نادي في انجلترا الى تدريب المنتخب
هي نفسها انك تنتقل من ادارة النادي لادارة المنتخب
ع الفكرة بيتر كينون الرئيس التنفيذي السابق انتقل من اليونايتد الى تشلسي
يعني ما هي سالفة تحيز ولا شي زي ما يقول البعض وترا الرئيس الحالي للاتحاد الانجليزي ديفيد برنستين هو رئيس الستي ٢٠٠٣
وللي يقول وش مؤهلاته اتوقع انه 7 سنوات رئيس التنفيذي وهو عضو مجلس ادارة الاتحاد الانجليزي كافيه له عشان بمسك هالمنصب

5willd · #10 19/10/2012, 06:25 AM

-

مدددري آلى آلأن فيه نآسس تقول آن آلأتحاد الانجليزي متحيز مع آحد !
ي رجل آذآ رئيس آلأتحآد بـ كآمله كآن رئيس لـ آلجآر وآلمنآفس حآليآ !
أتمنى من جميع عشآق آلبريمرليج آن يرفعو آنفسهم عن كذآ كلآآم

تعودنآ على رقي آلأفكآر , وتعودنآ من آلأتحآد آلأنجليزي انه يظلم
جميع آلأنديه , ودون توقف , / ومع ذآلك نشوف ان فيه نآس تقول
ان الاتحاد محابي مآنشستر , مع ان الرئيس مع عشآق آلسيتي !

Uchiha-3BooD · #11 19/10/2012, 10:47 AM

دآخل بآتكلم شوي عن بعض الردود !!

لآكن خويلد و أخوي يونآيتد أبدعوآ في الرد

!!

wele-star · #12 19/10/2012, 07:07 PM

إقتباس

الرسالة الأصلية كتبت بواسطة عــون


	ومن المتوقع ان يواصل المانيو ما تبقي من مشوار الدوري بدون خساره يا شيخ انت شوف ضحكته كانه يقول .. ركزوا ع الابطال والدوري عندي عوافي Lloyds

أولاً - ألـف مبروك المنصب يآ ديفيد منهآ للأعلى

ثآنياً - أتمنى لا نلتفت لـ الأشيآء لأنهآ لا تفيد لعلمك
أخي عون هذه الصورة قديمة وقبل التعيين

أمآ
بالنسبة لكلامك ما تبقي من مشوار الدوري بدون خسارة
و ركزوا ع الابطال والدوري عندي و مدري إيش

ترى ديفيد مو أول وآحد ولا آخر وآحد يتعيين وعلى فكرة
المآنيو متضرر من الإتحآد و بـ شكل فآضح لكن وش نسوي
هذه هي كرة القدم وحلاوتهآ

على رغم من المزآعم إلي
تقول الإتحآد مانشسترآوي ومآدري إيش ترى هذه كلهآ مبررآت
عجزوا يجآرونه على المستطيل الأخضر وفي الخبرآت فلقوا
وسيلة سهلة لكن بآطلة

إقتباس

الرسالة الأصلية كتبت بواسطة (اسير& المحبة )


	سؤال ليش احنا العرب نفكر العالم مثلنا مانفرق بين العواطف والعمل صح انه الرئيس التنفيذي للمانيو بس ماهو شرط انه ينحاز للمان او يظلم الانديه الثانيه وتفكير سؤ الظن واان العواطف ممكن يخليه يسوي كذا ياليت نبعده عن تفكيرنا لان مايربط بين العمل والعواطف الا احنا يالعرب لكن الغرب يعرف متى يفكر يبعقله وعمله ومتى يفكر بعواطفه وميوله

بلس مليآر على الكلام الكآفي والوآفي

في الختآم أتمنى الرد يكون عآم وليس خآص حتى لا ندخل في جدليآت و وجع راس

أول و آخر رد لي في الموضوع

Colin Bell · #13 19/10/2012, 07:40 PM

إقتباس


	ومع ذآلك نشوف ان فيه نآس تقول ان الاتحاد محابي مآنشستر , مع ان الرئيس مع عشآق آلسيتي !

نعم ما اختلف معك في الكلام اللي ذكرته

انا حاب بس اوضح نقطة

ليس عيب ان يمسك جيل منصب في الاتحاد الانجليزي بالعكس اشوف انه شيء صحي في عالم كرة القدم ان يتولى اشخاص لهم خبرة المناصب التنفيذية في الاتحاد

نقطة تعجبي من القرار هي " تعارض المصالح "

انا لا اقول ان جيل راح يعمل لمصلحة المانيو

لكن ان تمسك منصبين متعارضين هنا الخلل

تخيل معي لو حدث لليوناتيد او عليه لغط من مسألة ما

ما هو موقف جيل راح يكون بــ اعتبار انه لا زال يمسك منصبين ....

و انوه ايضا ان ترشيح جيل ايضا لانه يريد الترشح لمنصب تنفيذي في اليويفا عشان كذا لازم يكون مدعوم من الاتحاد الاتجليزي

و اكبر دعم له انه يكون نائب الرئيس ....

عــون · #14 20/10/2012, 04:33 AM

إقتباس


	ترى ديفيد مو أول وآحد ولا آخر وآحد يتعيين

سواء هو او غيره ما تفرق ومثل ما ذكر اخوي Colin Bell
فيه شي بعلم الادارة اسمه تضارب مصالح ، اتمنى يكون الرجل بعيد عن هالشي.
وعلى فكره الكلام هذا نفسه ما بيتغير لو كان الرجل من اي نادي انجليزي ثاني

إقتباس


	هذه الصورة قديمة وقبل التعيين

الخوف من الضحكة اللي بعد التعيين ، ان شاء الله اطلع غلطان ويكون كلامك صح

إقتباس


	المآنيو متضرر من الإتحآد و بـ شكل فآضح لكن وش نسوي

^

^

wele-star

سبحان الله وبحمده سبحان الله العظيم

BLue-BLoOoD · #15 20/10/2012, 11:26 PM

ليه المنشستراويه زعلانين ؟؟
يعني الواحد مايعبر ويقول؟؟

بس انا عندي سؤال واحد بس ماراح اقول وش تفسر مكانه في راس الاتحاد الانجليزي والمضار إلي راح تكون على الفرق الاخرى المنافسه او محاباته لليونايتد.

السؤال لو افترضنا ان ابراموفيتش او الشيخ منصور بن زايد كانا في ذلك المنصب وش إلي راح يكون من الفرق الاخرى وخاصه مانشستر يونايتد ؟؟