|
يـوم الـنـحـر يـا هـلال ! تبيّن لي مدى عظمة الهلال حينما سقط مكسورًا أمام أولسان الكوري، فقد أقيمت لأجل خسارته حفلات وحفلات ، وكتبت مقالات ومقالات ، ورُسمت رسومات ورسومات ، وشن الآلاف حربًا ضروس ورقصًا فوق الرؤوس فرحًا ونشوة بسقوط الكبير ، ويا له من كبير ! من تُنحر الحواشي لأجل سقوطه إلاه ؟ ومن يجتمع وترتب التورتات لهزيمته سواه ؟ هل رأيتم من يتزلزل فرحًا لسقوط صغير؟ وهل وجدتم من يهتز جذلاً لسقوط من كانت له الهزائم عشيق ملازم، وخدن ملاصق؟ ذلك لا يحدث إلا للكبار، لمن يترقب الناس (زمنًا طويلاً) سقطتهم، فلا يذوقونها إلا نادرًا، كالعيد يأتي بعد طول أمد، وسنين كمد، فيكون لحضوره شأن آخر، ومذاق مختلف ! يجدر بكل هلاليّ أن يرفع رأسه عاليًا حينما يرى تلك المظاهر، فلولا العظمة لما كانت، ولولا الشموخ لما قامت، ولا يحتاج أي هلالي أن يدرك مدى (الحنق) الكبير الذي يسكن منافسوه منذ عقود من الكبوات بسببه، والضياع تحت سطوته . يُقسم بالله أن الحفل لم يكن لأجل ذلك، بينما يخرج في الصور مع زملائه فاغرين أفواههم يمدون أصابعهم الأربعة أمام التورتات، وهل ثمة أربعة إلا أربعة أولسان ؟ أتراه يُحادث صبية، حتى الصبية لا تنطلي عليهم . هل أدركت لم تنحر الأبل عند هزيمة الهلال فحسب ؟ |
ودي أرفع رأسي واتفاءل .. لكن اذا شفت الفريق حامت تسبدي !! في الفريق عناصر هي سبب خروج الفريق من آسيا بكل موسم .. ومع ذلك لا زالت موجودة حتى الآن ونحن قبل قليل خرجنا من تلك التصفيات !! أي هلالي يفكر بآسيا وهو يشاهد ( المرشدي - الزوري - نامي - الغنام - البيشي - الكوري - الحارثي ) فهو يحلم !! لن يصلح حال الفريق ويصمد أمام الفرق الاسيوية القوية والسريعة الا بلاعبين جيدين في خط الظهر .. وخصوصاً أظهرة تساعد في فك أزمة اقفال خط المنتصف امام الهلال . أغلب الفرق تقفل امام الهلال .. ويضيع الهجوم .. فلا أظهرة تنفع !! |
نعم لايفرح بهزيمة فريق وتقام الافراح الا بهزيمة الهلال لكن لماذا نفرحهم ونحيا نحن في حزن وكمد فالفريق بكل تشكيلاته الفنية والادارية واللاعبين مهمتها اسعادنا وليس اسعاد غيرنا كلامك صحيح فيما يتعلق بحالة الفرح التي تنتابهم لكني اختلف معك في تبرير مانحن فيه من سقوط اسيوي مدوي وهبوط فني وفشل اداري وسخط جماهيري بمجرد ان نرفع رؤوسنا فرحاً ان فريقنا ان سقط فالخصوم تقيم الافراح وكأن هذاهوالحل قديكون حل نفسي للجماهير لفترة لكن ادارة النادي عليها ان تعمل لسعادة جماهير الهلال وليس لسعادة الفرق الاخرى لسقوط الهلال |
ياجبل مايهزك ريح ! s13s مهما حكوا ومهما تكلموا وقالوا يظل الهلال عمهم وحارق دمهم ! |
ياخوك هذي ناس الله لايبلانا ويرفع عنآإ يارب ناس دليل عليهم ان الهلال شاغلهم كل وقت حتى إذا خسر يسون احتفال وين المشكله المشكله انهم رجال اشناب وتفكيرهم تفكير ورعآإن الواحد تقول عمره 10 سنوآإآإت عشان يسوي الاحتفال طيب هم متى اخر مره مسوين اجتماع واحتفالات في بطولاتهم خلهم على هالحال ماراح يقللون من هيبه الزعيم الهلال غني عن التعريف وذا خسرشي طبيعي انديه مثل الريال والبرشا تخسروتطلع من بطولات مافيها شي ياخوك المشكله بالناس إلي عقولهم ناقصه تحتاروش تسوي فيهم شكرـآإ لسموك |
والله يابنيتي الجماهير اللي فرحت بخسارة الهلال من اولسان بأربعة وأخص جمهور النصر انا اتساءل امداهم ينسون انهم خروجو من كأس ولي العهد على يد الهلال بأربعة وخرجو من آسيا الموسم الماضي على يد الفريق الايراني بأربعة وخسرو نهائي كأس الملك بأربعة هالفريق الله اعلم بحالهم يضحكون على الفرق الثانيه وحالتهم كسيفة |
ابشرك اذا استمرت هزايم الهلال بأسيا ما راح يفرحون بهزيمة الهلال لأنه يصير شي عادي ان الهلال يخسر وعادي ان اقل الفرق تهزم الهلال ولا يصير زعيم وملكي الا عند أكثر جماهير الهلال تعصب وتروح هيبة الهلال اللي بنوها رجال الهلال خلال عشرات السنين كأنه اي فريق عادي في الدوري السعودي هذي الصراحة تبونها والا بكيفكم .... الهلال ماركة عالمية يتم الآن طمسها |
حآرقييين دمهمم , ويظل آلزعيمم زعييمم .. |
ياجماعة الخير هونوها وتهووون والله العظيم اني متوقع وبقوه ان الهلال مهوب رايحٍ ديره في الاسيويه وفعلاً ماراح ديره،،انا بسألكم سؤال: بالله عليكم من متى والجمهور يطالب بإبعاد المرشدي والزوري ونامي؟؟ غير كذا انت ما عندك صاااااانع العاااااب من طينة التايب ونيفيز،،خلونا واقعيين تبي آسيا جيب لعيبه بمستوى لعيبة جوانجزوا واتحدى إذا ما جبناها. للمعلوميّه فقط اللي هزم جوانجزوا الحظ فقط. |
ان شآء الله البطولة القآدمة يعوضونها يعطيك العآفية |
خلهم مساكين خسارتنا فرح لهم لـــكن مع ذلك اتمنى ان لا تستمر أفراحهم يجب أن يعود زعيمنا من جديد |
| الوقت المعتمد في المنتدى بتوقيت جرينتش +3.
الوقت الان » 07:28 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd