الكلام الي صار بين الحمادي و الجاسر من وجهة نظري كان في بعض المغالطات
أول شي الحمادي كان يشوف الجاسر ماله حق يمدح الادارة
وهذا شي غلط الادارة قدمت بطولتين للزعيم وانهت الدوري قبل نهايته بثلاث جولات
وكان الهلال يمتلك فريق جيد في جميع المراكز وخسارة مباراة ما تمحي كل الاحسان

لكن الحمادي قال كلام صحيح منه ان رئيس المركز الاعلامي لازم يكون متفرغ لعمله
ما يعمل في جهتين يعني يكتب في صحيفة ويعمل في إدارة النادي مع بعض
معناها شي طبيعي انه بيكيل المدح للإدارة( ويحاول يبرأها وقت الخسارة )
وهذي النقطة بالتحديد شفناها بعد خسارة الهلال من أولسان في الرياض للاسف تمنيت ان الجاسر ما ظهر وتحدث اعلاميا
لأن كلامه كله كان محاولة اصلاح ما يمكن إصلاحه وسط غليان الجماهير وإحتقانها من المباراة
وهذا خلى وجهة نظر الحماد الثانية صحيحه لما قال الجاسر بوق مع تحفظي على هذي التسمية
لكن الجاسر مو مطلوب منك تمدح الهلال وقت ما يصيب و وقت ما يخطئ
الجماهير صارت واعية وفاهمة وعارفه ان المدح المبالغ فيه عامل هدم وليس عامل بناء
للاسف الكتاب الي دائما يكيلون المدح للهلال لا أتمنى انهم يرأسون المركز الاعلامي في النادي
وهنا اتحدث عن مجموعة مثل الجاسر و الروقي و أبو غيداء الي ينتقدون الهلال في السنة مرة
وكأن الهلال نادي لا تسجل عليه أخطاء

لن أزيد على كلامك

المكتوب واضح من عنوانه

الحمادي لا ينتقد العمل بل ينتقد الشخص نفسه

وهذه مشكلة

يعطيك العافية ع الطرح المميز

الحمادي لاشيئ في خارطة الزعيم
مجرد مستصحف يتملق على حساب الزعيم
والادارة كرشته وهو منقهر
الموضوع بسيط مو فزورة

للآسف محد يعرف قيمه الشى الا لا تركه

قريت موضوعك بالكامل بسس قبل لا تقييم صالح الحمادي ترا له بمجال الاعلام 27 سنه واكثر

يعني عيب عليك تنتقده بهذا الشكل .. يعني يوم يطلع بالقنوات ويصرح بتصريحات جدا راقيه

للهلال ويدافع عنه بحرقه ولولاه والله ما كان تشوف الاعلاميين رافعين خشومهم على النادي

تدري صالح الحمادي يعرف وش الي حاصل باداره عبدالرحمن بن مساعد ويعرف بعد

الامور الي حاصله فيه وحاب يطلعها بس بطريقه احترافيه مثل الاستقاله من النادي

لكن ما وصل صوته بالشكل المطلوب .. بالله قبل لا تكتب شى فكر جالس تتكلم في مين ^.^

جالس يصحح اخطاء الاداره من الموسم الاول للرئيس وترا ما قال الكلام ذا الا من حرقه في قلبه

يعني رئاسه مدتها 5 سنوات صارت ما شمينا بطوله اسيا ؟ بالعكس نطلع منها باهانه مع

( ملك الاستشمار ) الذي لا يفقه شى ولا يتابع اخبار النادي ولا يعرف وش الامور الحاصله

بالجهاز الفني تسميه هذا رئيس !! .. يكفي قضيه الفريدي ومدرب الفريق

كلمه وحطها بين قوسين اذا الاداره بتكمل هذا الموسم صدقني بتشوف الهلال مثل مباراه اولسان

واخس بعد .. قبل لا تنتقدني وتقول انت مندس .. خش ملفي الشخصي وتفرج متى سجلت بالموقع

وسلامتكك احترم موضوعك وجهدك فيه بس بالعكسس ماله فايده انت تعطي صورة مشوهه

للاعلامي الكبير صالح الحمادي .. تقبل تحياتي اخوك هلالي مروان من روم البالتوك

الحمادي هلالي معرووووف ولازم نحترم رايه

انا والله ماجبت خبر الحمادي الا من هالموضوع مشكور على الموضوع , وتقولون الحمادي هلالي.
اي هلالي الله يرحم والديكم هلالي يسوي مثل كذا ,وبصراحة استغرب من اللي يدافعون عنه بعد هالمقطع صدق من قال انه راعي مكياج

كل من يشاهد ما يكتبه صالح الحمادي ضد ادارة الامير عبدالرحمن بن مساعد

هو محاولة لـ الاساءة للامير عبدالرحمن

واضح ان الحمادي يصفى حسابات مع الامير عبدالرحمن

اخي العزيز

قرأت موضوعك ولكن لم اكن اتمنى ان تثير الهلاليين على بعض

فكما الامير عبدالرحمن قامه في الشعر ورئيس الهلال الان ,, فايضا الكاتب الحمادي قامه بالنقد

ولا ينكر هذا الا حديث العهد بالهلال

فمن كان يتصدى لهجوم الامير عبدالرحمن بن سعود رحمه الله على الهلال سوى

الحمادي وبعض عشاق الزعيم

اتمنى ان نوحد الصف ليعود الزعيم

تحياتي لك

يعطيك العافية
الحمادي من الله مارتاح لنقده احس فيه شيئ مبطن اللهم اسمعنا خير

السلام عليكم ورحمة الله وبركاته اسمح لي اخي الكريم

لنتفرض ان الحمادي لم يقل اي كلمة

هل اختيار الامير عبدالرحمن من مدرب ولاعبين هل هي اخيارات فريق يطمح لتحقق بطولة اسيا

الامير عبدالرحمن ماقصرت عند استلامه الفريق احضر جريتس ورادوي ونفيز و ولي

ولكن هل تقارن الاهتمام الحالي بالاهتمام السابق

للاسف لا!!!

من الصيف عندما شادهنا ادارة الهلال تتخبط متى حسم امر المدرب متى حسم امر ويسلي

الواقع يقول مع احترمنا لما قدم الامير عبدالرحمن الا ان هناك تقصير واضح

واللي ذكر صالح الحمادي كلام منطقي

يعني معه حق والحمادي لا نشك اطلاقا في حبه للهلال

وكلامه صحيح مية بالمية وخصوصا في جانب الادارة

عشنا اكثر من 40 سنة تشجعا للهلال

لم نعرف محجوب ولم نعرف خضير

والمشكلة بالاندية السعودية ككل وليس الهلال

كل رأس نادي جاب ربع واصحابة معه .

كان النادي ملك شخصي وهذا واقع لا يمكن ان ننكره,

حتى المدرب الوطني في الهلال كمساعد للمدرب لايوجد!

ولا تتفاجا بيوم نشوف اسم لا يتم للرياضة بصلة مدرب او اداري

في الهلال نجوم يحترقون من اجل الزعيم ولكن أين هم من يملك الاجابة فقط رئيس النادي

لذلك ارى ان الحمادي محق في كلامه لانه ما ذكره الحمادي هو ما شاهدناه على ارض الواقع.

ياجماعه اعيد واكرر الحمادي مايفهم كوره تابعووووووه ودققوا بكلامه كلامه عاميات وجمل مكررره تقال دايم اعلامي صح بس مايعرف وش معنى جمله فنيه مايعرف وش معنى تكتييك جاهل بالامور الكرويه يعرف الخيل ايه يعرف اسطبلات ايه يعرف اشواط الخيل ايه ولد عايله على عيني وعلى راسي بس غصب ابي اعرف كوووره والله صعبه ياصالح بالاخبرر الي انا متاكد منه ان حدة النقد لم تكن موجوده سابقا بس مع عبد الرحمن بن مساعد معناته الامور شخصنه

.........................