حقيقة...عبدالكريم الجاسر
 

فيه نقطة أخالفك فيها تماماً ,,,

مسألة إن بعض الاعلاميين يخفي ميوله الهلالية ويخجل منها ,,, اخوي هذا هو الواجب في الإعلامي , ميوله له , ويجب أن يكون تواجده الإعلامي محايد ولا يربط نفسه بنادي معين , وهالتصرف قمة بالاحترافية , كمثال مساعد العبدلي ,, نصراوي لكن عنده وعي ويفرق بين سواليف الاستراحة والجلسات الخاصة وبين العمل الإعلامي ,, في الصحف ما تحس انه ينتمي لأي نادي ,,, وفيه غيره كثير على رأسهم الرائع طارق التويجري مثلاً ,,,

لكن إن كان الإعلامي يعمل بشكل مخصوص في مركز إعلامي لأحد الأندية فهنا يقبل انتماءه للنادي بل يجب عليه ذلك بحكم عمله .

فائق تحياتي

^^^^^^^^^^^^^^^^^^^^^^^^^^^^^^




+ 1

عبدالكريم الجاسر مدير مركز اعلامي متمكن

الى الامام يابو يزيد

تحيه

-
-
للاسف المشجع الهلالي الذي ظهر في الاستوديو في برنامج ( في الثمانيات ) للاسف اساء لجماهير الهلال و لعبدالكريم الجاسر ... لا و المشكلة يقول انا اتكلم باسم جماهير الهلال .... من انت حتى تتكلم باسم الملاييين ؟؟!!!!!

و بكل صراحة اعتبره مثال للمشجع السيئ

ياخي اذا عندك نقد معين انتقد لكن خلك كمان منطقي في نقدك

لكن للاسف المشجع هذا يتفلسف بشكل غريب و لازم بالقوة يسيئ للجاسر و يخليه غلطان ...

الجاسر قال انا ما اسأت للجمهور الهلالي و مستحيل اسيئ له و وضح رايه تمااااما لكن هذا المشجع بالغصب لازم يطلع الجاسر غلطان

اتمنى من اللي يظهرون في القنوات على انهم هلاليين يا انهم يكونون واجهه مشرفه للمشجع الهلالي او يقعدون في بيتوهم و بلاش قلة حياء على الهواء

ممكن الاستاذ عبدالكريم الجاسر يكون اخطأ في بعض الامور و ممكن تكون الادارة اخطأت في امور اخرى لكن هذا لايبرر لنا ابدددددداااا اننا نسيئ لهم او ننتقص منهم

ننتقدهم اوك .... لكن بدون اساءة او تجريح او اتهام

لا أحد يشكك بقدرة عبدالكريم الجاسر وموضوع انه معلن هلاليته شي طبيعي فهو مدير المركز الاعلامي

لكن عبدالكريم من المفترض ان لا يستفز الجمهور الهلالي ببعض التصريحات

وهو لما قال انا ماقلت شيء فيه خطأ نقوله الاسقاطات واضحه

واي شخص يقدر يستفز اللي امامه لو حتى بطريقة سلامه

والمشجع الهلالي قال اتمنى الجاسر يعتذر لجمهور الهلال والجاسر يرد ويقول انا ماأخطيت

لكن وين الاشكال لو قال عبدالكريم اعتذر للجمهور الهلالي اذا فهم كلامي خطأ او اذا كان كلامي فيه خطأ

المكابرة واضحه على عبدالكريم ومع ذلك يعجبني عبدالكريم لما كان يواجه خصوم الهلال ويلجمهم

ولكنه في الفترة الاخيرة تفرغ لجمهور الهلال والاسقاط عليهم

يعطيك العافية

يا اخي الرجل قال انا ما اقصد الجمهور الهلالي

يقول اقصد الاعلام اللي يتكلم عن الهلال بهذا الشكل

لازم بالغصب تطلعونه غلطان

لكن يبدو ان تفكيركم و توجهكم مع احترامي قريب من تفكير هذا الاعلام

ما دام ان الرجل قال انا ما اقصد الجمهور الهلالي خلاص انتهى الموضوع ... ليش يعتذر ... لازم تلبسونه التهمه .... لو اعتذر كان قلتوا هذا دليل انه بالفعل يقصد جمهور الهلال و الا ما كان اعتذر

و الله بعض الجماهير ما ادري كيف تفكر

انا بصراحة كنت زعلان من تصريح الجاسر لكن لما سمعت تبريره اقتنعت و ايقنت انه صادق

لكن بعض الناس ما تقنعه .... لازم هو الصح و غيره غلطااااان

بالعكس الجاسر وفى وكفى والكل يعر ف انه هلالي صميم واذا الجاسر يبي يلتفت للجماهير ويرد عليها باللحظة هذي لاتنتظرون عمل منه ابدا يعجبني بالجاسر انه من الاعلاميين القلائل اللي يتفاخر بهلاليته وفيه اعلاميين للاسف يستحي انه يقول انه ينتمي للهلال والله احيان بعض اعلاميين الهلال يحسسوني ان الانتماء للهلال وتشجيعه عيب ولاأحد قالهم شي قال أنا محايد هههههههههههههههههههههه

((اتفق معااك فعلا كلام سليم ))

ودي احد يعطينا رابط مقالته ما قبل مباراة اولسان وتصريح ما بعد المباراة

يقولون فيه تناقض كبير

عبدالكريم الجاسر قبل ان يكون اعلامي فهو هلالي الميول وعاشق للكيان ...ومافعله طبيعي من اى هلالي يدافع عن الهلال ..انا اقول علي القوه يابطل ... ولكن مااخزنني هو ظهور المشجع الهلالي بهذا الشكل ..لا تدار مشاكل الهلال في منابر الاعلام وبصوت عالي ..مشاكل الهلال للهلاليين فقط وداخل البيت الهلال .. ارجوو من الجميع الجماهير ان يتنبهوا ان يكونوا طعم لبعض القنوات الاعلاميه ويستغلونهم ضد النادى .........

لا احد يشكك في هلالية ابو يزيد او يزايد عليها بل واضيف
انه هلالي حتى النخاع ويهمه مصلحة الزعيم .. ولكن الخروج
الأعلامي للأخ عبدالكريم من خلال الفضائيات جعلته يتناقض
واشغلته عما هو اهم الا وهو العمل في مصلحة الزعيم

وضعه كعضو مجلس ادارة قبل ان يكون مدير مركز اعلامي
يحتم عليه ان يفعّل صلاحياته كعضو مجلس اداره في ابراز
السلبيات لمحاولة تلافيها .. لكن مانجده في تصريحات الجاسر
هو ايضاح فقط الايجابيات وكأنه لايوجد سلبيات .. ومثال على
ذلك التعاقدات مع الكوري وهرماش والأستمرار عليها .. لا
اعلم هل هو على قناعة تامه بذلك الاعبين !! ان كان على قناعه
تامه فيهم تلك مصيبه وان كان العكس فالمصيبة اعظم

هذا ما لفت نظري في تصريحات ابو يزيد وهي مأخذي عليه
اما عدا ذلك فهو هلالي صميم وحاله حال كل هلالي غيور تهمه
مصلحة الزعيم .. والله المستعان .

انا ماقهرني الا ذا الي طلع وقالاتكلم باسم جمهور الهلال مين انت على عشان تتكلم عننا ؟!
ابو يزيد والله انك قدمت كل شئ للهلال وانا اشكرك على ذلك
الى الامام ابو يزيد