|
ياسر ثقتي فيك عمياء بإذن الله ~ ياسر ثقتي فيك عمياء بإذن الله السلام عليكم ورحمه الله وبركاته ياسر القحطاني رغم حب الجماهير الكبيرة له إلا أنه مورس عليه كل الأمور من ضغوطات واتهامات وتهكمات واسقاطات وانتقادات و و و و ومع ذلك ماشاء الله تبارك الله تجده صامدا أمامهم ! مر بهبوط مستوى وهذا أمر معهود على كل اللاعبين ! لكن الهلال بحاجته كـ " قائد " كثيراً كثيراً ياسر مر بتجربات كثيرة كما ذكرت هي من تؤهله للقيادة والتوجيه من نظرة خبير ولقائه بالأمس يدل على ذلك كثيراً فكلامه ليس من فراغ ولست مطبلاً لياسر فهو لايحتاج لذلك لكن قول الحقيقة في لاعب خدمنا كثيراً ولا بد أن نخدمه في الوقت الذي يحتاجه النادي ويحتاجه ياسر ! " الدوري " وصدارته هي الهدف حالياً بعد الخروج من آسيا والجمهور هو من يجعل النادي بعد توفيق الله يستفيق من الغيبوبة تلك . ياسر وكل اللاعبين والهلال والإدارة كلنا خلفكم لتحقيق الإنجازات وليس فقدان بطولة تؤثر على علاقتنا . محبكم تحية طيبة |
ياسر لاعب كبير ويبقى كبير ياسر لاعب محترم خلوق الله يوفقه ويحفظه من كل سوء وفتنة بالتوفيق لياسر باذن الله تعالى يعطيك العافية |
مو اللاعب الوحيد اللي تمارس عليه ضغوط هذا اولاً ثانياً لقاءهـ امس مو ذاكـ الزود مافيه شيء جديد و ثالثاً إحنا خلف زعيمنا وليس خلف اللاعبين و خصوصاً المتخاذلين رابعاً نصيحة لكـ لا تثق كثير في اي احد حتى ما تنصدم <~ اتكلم عموماً و ليس عن ياسر فقط |
الله يوفق جميع اللاعبين لخدمة الكيان لمزيد من الانجازات.... شكرآ لگ... |
s13s إقتباس:
لدرجه هذي قهرك ياسر !! الهلالي الحقيقي هو من يدعم جميع اللاعبين مو يمدح سامي ويسب ياسر أو العكس وبعدين من أنتي حتى تقيمين لقاء ياسر !! ياسر كان رائع في لقائه وممتع كالعاده كيف لا وهو النجم الجماهيري لأول في الهلال ياسر ثقتنا فيك كبيره ولا حدودلها الله يوفقك ويبعد عنك كل حاقد وحاسد |
إقتباس:
و من يكون ياسر حتى يقهرني مثله مثل غيرهـ من اللاعبين و بعدين انا قلت رأيي و من حقي اعبر عنه مو عشان عجبكـ اللقاء لازم يعجب غيركـ و انا قيمت اللقاء مثل ما غيري يقيم و الا عشان مو عاجبني يصير مو من حقي اقيم !!! لما تكلمت عن النقطة الخاصة بـ سامي اتوقع الكل لاحظ تناقض في كلام ياسر و بما انكـ متابع لـ ردودي ارجع لها و قارن بينها و بين لقاء ياسر |
إقتباس:
ما بقى الا انت تقللين من ياسر :ranting: :mad: هزلت والله :yes: |
كل شخص له حرية التعبير عن رأيه ولاتسلبون احد رأيه .. .. ياسر مثل باقي اللاعبين ,, نجم ونحبه ونقدره .. وسيعتزل وسيرحل لمصالحه الشخصيه وسنقول له شكرا .. .. كل منه يلبس شعار الهلال . لابد . ان ندعمـه .. .. لايوجد شخص كـامل .. ابدا .. .. الهلال . اسيويا . مات . واقولها بحسره .. مات .. .. ولابد من الوقوف .. وتغيير اداري . وفني .. .. نعود لياسر .. هو الكابتن الان .. ولاعب خبير .. . واختلافه مع سامي طبيعي ... . الاهم ان لاتؤثر على الهلال . . اما الامور الشخصيه بينهم مالنا علاقه فيها يسطفلو .. . وووشكرا |
لا تثق بأشباه لاعبين متخاذلين انهزاميين حتى لا تنصدم كثير |
ياسر لاعب كبير ولهه ثقلهه ب الملعب * لاكن حنىى نمجد في ياسر ونتناسى الشلهوب |
ياسر بصراحة انتهى فنيا من زمان وخروجه بالامس كان مخيب للامال متناقض الى حد كبير مهزوز ماعنده ثقه بنفسه للاسف ليته ماخرج كلاعب محترف واكتفى بتقرير مسجل اللي يشاهد اللقاء يلحظ بان ياسر لايملك ادنى طموح والا لاعب في سن ثلاثين سنه يكون هدا فكره!!!! |
ياسسسر لاعب كبير والمباريات اللي شارك فيها هذا الموسم يبين عليه أنه ناوي على نية طيبة إن شاء الله وناوي يغير من حاله |
فيه ثلاثه دايما يسبون بياسر سبحان الله كلهم علقو فوق مستغرب منكم لهالدرجه ياسر مسبب لكم قلق اذا ماتبون ياسر اي موضوع فيه ياسر لاتتكلمون بعدين حنا لياسر وغيره اي لاعب هلالي نحبه (ترى ياسر قال بموت بالهلال بعد عمر طويل له ) مجرد تذكير يعني كان مافيكم حيل تصبرون تقدرون تروحون لمنتداكم الله يسعدك ياقحطاااني ويوفقك لهالدرجه خليت بعض الجماهير تنشغل عن ناديها وتطاردك |
ابي اوضح شي لودي الهلاليه : قالت وجه نظرها كمشجعه هلاليه وهالشي من حقها وانا اوافقها بوجه نظرها انا اشجع الهلال فقط ..! |
يآسرر لآعب نآدررر تلقى زيه بآلجيل آلقـآدمم .. وييين آييـآمك ي آبو عزووزز . و يَ لبى رؤوف خليف لمـآ يقول يآسر آلقحطـآني موسيقـآر زمآإنك وزمآنيَ ^ شطحه ض1 |
إقتباس:
و من يكون ياسر حتى ما ابدئ وجهة نظري مثله مثل غيرهـ من حقي اقول رايي و اذا ردي ما جاء على مزاجكم ما يهمني إقتباس:
من جد بعض العقول صغيرة !!!! ترى و لـِ المعلومية هالمنتدى اسمه منتدى الجمهور الهلالي و من حقي ادخل و اقول رأيي في كل المواضيع و انا هلالية غصب عن الكل .................................. اذا بقيت بنفس هالعقلية مستحيل مستحيل تطور من نفسكـ مو عشان الواحد يكون مخالفكـ في الرأي يعني ضدكـ |
اللقاء كان جدا رائع ... ياسر القحطاني يجبرك ع احترامه ... اما اللي يقول ياسر غير واثق في نفسه ومتناقد وما الى ذلك فهذا غير صحيح لان ياسر وسامي اكثر اثنين يعرفوا يتحدثوا بلباقه وثقه ورقي صراحه اللي لاحظته انه في بعض الجماهير تدخل نفسها في اللي مايعنيها يعني الخلاف اللي بين سامي وياسر او بالاصح سوء التفاهم هذا شي طبيعي اذا الاخوان بيختلفوا فما بالكم بنجمين بيعملوا علشان مصلحة فريق واحد المهم هذه تغريدة سامي بعد لقاء ياسر : ياسر القحطاني أخي و صديق عزيز جداً علي ، والعتب على قدر المحبة يعني الكابتن سامي بيقولكم ببساطه اخرجوا منها انتوا وبلاش لقافه بالتوفيق للكابتن ياسر والكابتن سامي يعطيك العافيه |
انا اشوف ردود بعض الاعضاء مالت عن صلب الموضوع الهلال كبير .. وياسر كبير .. وسامي كبير .. ولا لنا علاقه بالامور الشخصيه الاهم مصلحة الكيان ورفعته .. والمحافظه عليه .. وضرورة تواجدة في منصات التتويج بالنسبة للفترة الحالية انا اشوف الكابتن ياسر باذن الله انه قادر يشيل الفريق ودمتم |
بالتوفيق لابو عزوز لاعب كبير من طينة الكبار(ميسي-رونالدو-دل بيرو) باذن الله باقي له 13 هدف ويصير هداف الهلال الاول |
إقتباس:
ماقلنا لا تخالفينا بالرااي لاكن كل موضوع فيه ياسر تطيحين تحطيم وتقليل منه هل هذا كله اختلاف بالراي ؟؟؟؟؟ انا فيه فترات كنت اعتب ع ياسر لاكن ماكتب بالمنتدى لانه اكثره مندسين والحمدلله ياسر رجع وباذن الله يبقى بعدين اذا ماتطور الا اذا خلصت ع نجوم فريقي لاوالله ياختي مابي اتطور وخلي التطور لك |
اجل هذا اسمه منتدى الجمهور الهلالي توي اعرف حسبته منتدى التحطيم والسب في النجوم الهلالين اعرف انه منتدى الجمهور الهلالي لاكن بشي يفيد الفريق مو شي يضره يمكن هلاليه لاكن والله هلالي او هلاليه بهالعقليه مايشرفني انه يكون هلالي اذا كل يوم تحطيم بنجومنا يمكن مره مرتين اوك عادي لاكن كل موضوع ؟؟ احب اذكرك ياسر قال بموووووت بالهلال بعد عمر طويل يعني للتذكير فقط كان مافيك شده تتحملين تقدرين تروحين لانه انشاء الله مستمر |
اذا اكرمت الكريم ملكته و الباقي معروف ياسر اكرمنا بانه فضلنا ع ملايين البلوي ولازم نرد له كرمه ولو مو نجم كان مو البلوي دفع له هالملايين وبعدين ياسر ماشاء الله يبدع يعني مو سيئ ولا يسوي شي لا الحمدلله وان شاء الله يستمر بفضل ربي ثم عدم التفاته للجماهيراللي تحاربه سواء هلالين او نصراوين وبالتوفيق لجميع لاعبينا |
شوف ياسر مهما تكلمنا فية لن نوفية حقة لانة جا بزمن هو اكبر منة .,ف هو من طينة جيل الثنيان و غيرة نجوم الذهب وهو كبير هذا الزمان ف المملكة .,اما اللي يقول ياسر مو عارف يتكلم ههههه ف مدري وش ارد علية ياسر إن لم يكن آلبق رياضي فكرآ ومنطق وثقة ف الحديث ف هو الثاني ياسر شعبيتك الكبيرة تكفيك من الالتفات لبعض الاقلام الحاقدة ربي يوفقك وكلنا معك |
يكفي قائد الهلال الحالي أنه يحصد الانصاف من الخارج والدليل جائزة الاتحاد الاسيوي لأفضل لاعب اسيوي والحمد لله حصل عليها وهذا عشمنا فيه أما الأن على ذمة احد الاصدقاء يفصله عن لقب هداف الهلال الاول 13 هدف وبحول الله قادر على ذلك ابو قحط وان غدا لناظره قريب الناس اللي تتشمت بياسر وتنتقده اذا جاب لقب هداف الهلال الاول ودي اشوف وجيهكم يكفي انه هداف المنتخب بعد الاسطورة اللاعب الكبير ماجد عبدالله مع حفظ الالقاب لأسطورة الهلال بدون منازع يوسف بن ناصر الثنيان وروح الهلال سامي عبدالله الجابر ومايسترو الزعيم نواف بندر التمياط وقائد قوات الهلال صالح النعيمة ومدفعجي الهلال عبدالله الجمعان ورمانة الهلال فيصل ابو اثنين ونحلة الهلال محمد الشلهوب والامبراطور الازرق عبدالله الشريدة ماأجمل الهلال ولاعبيه عندما يتغنى بهم ولكن للانصاف لن ننسى قناص الهلال ياسر سعيد القحطاني الذي رفض ملايين البلوي من اجل عشقه للأزرق ولكن قدره ان الانصاف تأتيه من الخارج والتجريح والتشكيك يأتيه من الداخل بداية بقلة قليلة في منتدى الزعيم |
يالشعيفاني نصيحة ابتعد عن مناقشة صغار العقول والله تتعب معهم همهم ياسر وياسر وياسر لاتتعب نفسك وترد اذا المشرفين تاركين الحبل على الغارب للاشكال هذي اكتب مايجول بخاطرك ودع الخلق للخالق |
|
إقتباس:
ههههههههههههههههههه والله انك صادق ناس ماهمها الا ياسر وياسر لهالدرجه ياسر مسبب لهم رعب لله درك ياقحطاني الله يوفقه مع هلالنا |
بآلتوفيق ليآسر مع آلزعيممَ وبآلنسبه للقآء حق يآإسر بصصرآإحه مآله دآإعي مآتكلمم كثير عن آلهلآإل رآحت نص الحلقة عن آلصور ومدري وش .. .. ملآحضضة .: ترآإ يٍآإسر قآإل " انا آبدي وجهت نظري وللطرف الاخر الحق في انه يتقبلها او يرفضها " لكنن بآحترآإممم َ واتمنى مآنششوف ردود زي آللي فوق . |
إقتباس:
الصور الله يحفظك من تركي اللي يسئل ياسر عنها تبي ياسر يقول لالالا اسمح لي ماقدر ؟؟ بعدين تكلم عن الهلال ووضح لنا وسكت كل من تكلم عن الهلال واقنعنا اكثر من غيره قال ان الهلال مع مدرب جديد ومو نفس ذوب اهان واعاد لنا الامل بعد الله |
يعطيك العااافيه ... يااااسر لاعب ظهر في 2007 وبعدهااا انتهااااء اي جيل تقولي ... ................................ |
أتمنى له التوفيق ... حاله حال باقي أعضاء الفريق ... لا أميز اللاعبين .. فالكيان أهم عندي من الأشخاص .. يأتي لاعب ويذهب آخر .. ولكن يبقى في القلب حب الهلال .. |
ثقتك العمياء ليست في محلها ... |
ياسر لاعب اسمه يكفي حتى اسمه بس يطلع لك المنددسين اللي بالمنتدى من كثر ماهو رافع ضغطهم و مذوقهم المر اتفق معك في كل كلمه قلتها تقبل مروري لك ودي |
الشخص اذا قال رأي باتزان... مباشره يحول لحاقد كاره مندس ..!! يحق لي ان أعبر عن رأيي باحترام ويحق لك ان تعبر عن رأيك في رأي .."باحترام" بالتوفيق للزعيم في كل خطوه |
من هو ياسر القحطاني؟؟ عام 2006 هداف تصفيات كاس العالم بـ 4اهداف وسجل هدف في كاس العالم افضل لاعب في اسيا لعام 2007 هداف اسيا لعام 2007 ثاني هدافين المنتخب بعد ماجد عبدالله ثاني هدافين الهلال بعد سامي الجابر اول لاعب سعودي يحسم بطوله بدوري اجنبي ارقامه وانجازته كثيره لكن هذي تكفي للرد على المشككين لابو عزوز |
يكفي ان اسطورة الكرة السعودية ماجد عبدالله هداف المنتخب الاول انصف هداف المنتخب الثاني دائما الانصاف الا من الكبار فقط فقط فقط شكرا ماجد |
تبي تطلع المندسين اكتب موضوع عن ياسر سوا مدح ولا سب يجونك مطفين النور واللي يقول حطو الفرج كابتن واللي يقول حطو الكوري كابتن مدري هججوم بدل ياسر من كثر اعجابهم بالكوري والهدف التقليل من ياسر نسيت وش كانو يبون يحطون الكوري لله درك ياقحطاني الله يوفقك مع هلالنا |
ثقتك العمياء ليست في محلها....اقتباس . |
ياسر لاعب كبير هالشي ما نختلف عليه اما ياسر قائد قوي فالهلال للاسف هالشي ما شفناه ولا شفته انا واكثر الجماهير تطالب بقائد حقيقي للهلال وانه بعد سامي لم يكون فالهلال القائد الحقيقي ومن يبث الحماس في نفوس اللاعبين لن اقيم ياسر فنيا ولكن قيمته من خلال القياده الهلال ينقصه القائد |
ابو سعيد هو روح الفريق في الفتره الحاليه وهو القائد من وجهة نظري ولا يختلف عليه الا حاقد وحاسد لهذا اللشخص تحياتي |
إقتباس:
اساليهم وش رايكم بالاندومي بيقولون حلوة طيب حلوة انا ما احبها ليش امدحها..!!:s3s: مع اني احب ياسر لكن احب الهلال اكثر واكثر يعني لومافيه هلال يالدلوخ ماعرفتوا ياسر.!!:s3s: والي قالك المطبخ قولي له يالثور خير البشر بعد الانبياء والرسل عليهم الصلاة ابابكر طبخ لامرأة فقيرة وكذلك عمر رضي الله عنهم قولي لهم عيروني بالمطبخ وهو مهم ليتهم عيروني مع ان احسن طباخ بالعالم رجل ..!!:s3s: تعبان على بيت الشعر مو حيالله..!!:s2: |
بالنسبة لي ... عرف ياسر كيف يوجه رساله قوية بإعتزاله الدولي فلقد كان ياسر شماعة الفشل للكثير من الكتاب (الأصافر) والان يخفق المنتخب ... ولا يجدون من يلقون اللوم عليه فظهرت الحقيقة ... والتي يراها الجميع وياسر (ما شاء الله لا قوة إلا بالله ) يسير على نهج سامي في الرد على المتربصين والله يوفقهم (ياسر وسامي) ونحن وياهم لما يحبه ويرضاه |
^ ^ ^ بعض العرب الي فووق سلاااااااااااااااااامااات!!؟ انا ثقتي في يااسر لا حدود لها واذا شفته بالملعب ااارتاااح.. لاهنت ع الموضوع المميز.. وان شاء الله يااسر رح يرفع البطوولاات.. |
كلمه حق ياسر الاحق فيها وبسراحه ماخرب على ياسر الا جمهوره اللي يكرهك بياسر نفسه ’، اشكرك اخوي على موضوعك :) |
ياسر لاعب كبير لكن لا اثق به وجهة نظر |
................................!! |
| الوقت المعتمد في المنتدى بتوقيت جرينتش +3.
الوقت الان » 11:27 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd