|
اقوووول هو اللي مااايستحق يمسك شي اكبر منه .. هااااذا نزل هيبة الهلال صرنااا نتعااادل مع هجر وننهزم من الفتح ... والله شي يحرق الدم .. |
كلنا الامير عبد الرحمن بن مساعد حقق كثير من اانجازات مع الزعيم الملكي الله يوفقك وان شاء الله تدوم افراحنا وخلي الحاقدين يعدون منجازات الهلال ويحتسوب وتباكون |
angel 7 هلابك أخوي رغم أني ما أعتقد أن الأمير عبدالرحمن بينزل الملعب وبيلعب بخانه معينه ولا أيضا اعتقد أنه مدرب ويختار التشكيله ويدرب الحراس ويعالج المصابين !!!!! أخوي الهلال منضومه متكامله وإذا حدث إخفاق لا يمكن نسميه إنهيار ...والأمير جزء من المنضومه التي تتحمل الإخفاق الآسيوي لكن ليس لوحده ولا ننسى جمهور الزعيم أيضا يتحمل .....جزء من الإخفاق حيث لا يعرف الفريق إلا من خلف الشاشات ( الغالب وليس الكل ) وحين يكون الفريق بحاجة الحضور الجماهيري لا تجده إلا بمطالبات ورسائل و حملات ؟؟؟؟ عموما أحترم رأيك وشرفتني أخوي angel 7 & عاشقة رادوي 22 أيه .....هالروح نبيها بكل الزعماء ..لا يتوقف الزعيم على مباراة ... نحن من نبنيه ونحن من نهدمه للأسف ..... دعونا تكفون بالعامي خلونا نعشق ونحب الزعيم براحتنا بلا فلسفه أو كلام ما ينفع يضر فقط .... شكرا عاشقه شرفتي متصفحي خالد السعود |
نحن محسودون علي هذا الرئيس فهوافضل رئيس مر علي الكرة السعودية وهناك من يحاول الاصطيادفي الماء العكر |
حبك عبدالرحمن بن مساعد لايعني ان تخطىء على الغير خصوصا اذا كان من تقصد من الهلاليين..!! انا وللامانة مو مع بن مساعد ولا ضده لاني اشوف اللاعبين هم من يتحمل المسؤليه الكبرى ثم الادارة ثم المدرب لكن هذا لايعني ان تخطىء على غيرك ..هل ترضى ان ينزل احد موضوع ويقول : هذا الموضوع لعشاق الكيان اما معزبين الرئيس اقول لهم القافلة تسير و......تنبح ! هل ترضى بهذا ؟؟ راجع اسلوبك اخوي مرة ثانية وحاول ترتقي شوي ..اذا استطعت طبعا |
فديو مميز شكراً لك يابطل على الفديو الرائع |
الامير عبدالرحمن ماقصر حقيقه ... لكن الفيديو تطبيل وزياده حبتين ... ’، توقعت بتذكر انجازات الهلال او انجازات ابن مساعد مع النادي كالاهتمام بالبنى التحتيه كرفع قيمه العقد مع الشريك الاستراتيجي جلب جريتس ويلي هامسون شي نتكي عليه لكن الفيديو تمجيد شخصي ياكبير العقل يارجال ياقوي يامدري ايش ناقص تقول عطنا شرهه .... روقنا ياخوك هذا التطبيل بعينه وعلمه يعلم الله مع استمرار رئاسه الامير عبدالرحمن بن مساعد ... قفله : ان بغيت امجد تمجيد شخصي راح امجد ابوي وامي قبل قبيلتي dislike |
عزيزي m77 أولا اشكرك للمشاركه والرد ثانيا هل تعتقد أنك أرتقيت بالحوار معي قبل أن تطالبني بالإرتقاء ؟؟ لا أعتقد ثالثا أنا على أستعداد تام للإعتذار لأي شخص أخطئت عليه من خلال هذا الفيديو لو أستطعت أنت أن تثبت أنني أخطئت على أحد العنوان واضح إذا كنت لا تعرف كيف تفسر العناوين فهذا شأنك لكن لا تعلق على شي ما تعرفه ... كل ما ذكرته أن الحاقدين على سمو الأمير عبدالرحمن أنصحهم بعدم المشاهده هل أنت من الحاقدين ؟؟؟؟ أما أن القافله تسير والـــ ....تنبح فهذه مقوله يعرفها الجميع ويعرف الكل من يقصد بذلك فإن كنت لا تفقه معناها فلا تعلق بما لا تفقه ..... أخيرا تقول أسلوبك وأسلوبك وأسلوبك .....عفوا الأخ ما شفت أسلوبك !!!! لا ادري ماذا تريد بالضبط ؟؟؟ أنا حر بما أكتب وحر فيمن احب وأنت حر بما تريد قرائته وبما لا تريد فلماذا تريد غيرك أن يكون على مزاجك !!!!! غريب أمرك أما اسائتك لي فالله المسامح الكريم أخوي |
إحساس خالد تمجيد وتطبيل وشرهه ....؟؟؟؟ كل أناء بما ينضح !! أنا بكيفي أخوي أحب اللي ابي وأمجد اللي أبي وأطبل للي ابي يا أخي ما عجبك بكيفك ....هل أنت بتصادر حريتي يعني ؟؟ سبحان الله مشكلة البعض ما يعرف حتى ينتقد ؟؟ إذا ما عجبك أكتب ما عجبني مو حلو خرطي لكن تدخل في نوايا الناس وتقول أمجد وناقص شرهه ؟؟ أنا بكون ارقى من تعليقك وأقول الله يسامحك أشكر لكل الأخوه الأفاضل الذين اشادوا بالفديو ومنورين كذلك الأخوه المنتقدين على غير سنع منورين |
الزعيم الخرجاوي شكرا لك والمميز طلتك يا خرجاوي خالد بن سعود السعود |
توضيح للبعض اللي عنده مشكله في تفسير الكلمه اللي ذكرتها بالبدايه أما الحساد فلا يهم فالقافله تسير والــ......تنبح أخواني واضح الكلام الحسااااااااااااااااد الحسااااااااااااد فقط لم اذكر الجمهور الوفي بأي كلمه غير لائقه كما يصورها بعض الناس !!!! الحاسد ليس له وصف غير ذلك ( طبعا الرد هذا خاص لبعض الأخوان اللي ما فهم كلامنا في البدايه ) البقيه الله لا يحرمني منكم جميعا ويبقى للهلال كل الحب ولا عزاء لمن لا يعرف كيف هو الحب |
مشكور أخوي على هذا الجهود |
اللي نزل هيبة الهلال هو من حقق الفوز بالخمسااااات على النصر والاتحاد والاربعات على الاهلي والشباب الهلال حقق نتائج كبيره في عهد الامير عبدالرحمن بن مساعد والزعيم حقق بطولة الدوري بدون خساره والهلال احتكر كاس ولي العهد 5 سنوات متتاليه وخروجنا من الاسيويه كل موسم ليس محظ الصدفه فاحنا لنا عشر مواسم نخرج وش معنى ركزو على رئاسة الامير عبدالرحمن وهو اللي بحث عن سعادتكم وحقق انجازات ماحققها غيره لكن بقي له الاسيويه ويصير الرئيس الذهبي للزعيم وهو يحاول وماقال انا مقدر اجيبها كل سنه يدفع فلوس وكان همه الاسيويه فقط ماقال افكر بالدوري او كاس ولي العهد او كاس خادم الحرميين كل سنه وهو يقول انا ابيها لاني اعرف الجمهور الهلالي مايبي الا الاسيويه وانا كل تفكيري عليها |
عاصم المحسن هلابك أخوي والعفو وشرفتني بتواجدك العطر & B52* هلابك أخي العزيز وكلامك جميل لكن لمن يفهمه من العقلاء وليس لمن لا يعرفون سوى لغة واحده ( لا أعلم ماهي ....حتى الآن غريبه ) أشكر تواجدك معي ومشاركتك للموضوع تحياتي احبتي خالد السعود |
يعطيك العافية جاري المشاهدة |
| الوقت المعتمد في المنتدى بتوقيت جرينتش +3.
الوقت الان » 03:29 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd