|
عبدالرحمن بن مساعد : تكفى لا يروحون هالاثنين بسم الله الرحمن الرحيم السلام عليكم .. مساء الخير ي زعماء ابدخل ب الموضوع على طول اليوم سمعت خبر ان هوساوي سيعود الى الخليج في يناير و الاقرب نادي سعودي و الشباب و الاهلي مجهزين له عرض و ان اللاعب يرغب ب العودة الى الهلال و لكن عرض الهلال 5 مليون ب السنة و اللاعب يريد 10 و اخشى ان الادارة لا تلبي مطلب اللاعب و يروح و كلنا شفنا من اهم اسباب خروج الهلال كان ضعف الدفاع انا اقول يبو فيصل بدال ما تخسر و تجيب مدافعين اجانب و ماتدري ينجح ولا لا ادفع ب اسامة لو يبي 15 ب السنة اهم شي مصلحة الهلال النقطة الثانية الفريدي افضل لاعب وسط ب السعودية في هذا الوقت اتمنى من الادارة ان تقدم له عرض جديد لانه الافضل في صناعة اللعب ب السعودية بعد محمد نور ما ابي اطول عليكم لكن اللاعبين افضل مدافع (هوساوي ) و افضل صانع لعب بعد محمد نور (الفريدي ) اتمنى ان الهلال ما يفرط فيهم و في الختام اللهم وفق هلالنا فوق كل ارض و تحت كل سماء :ba::ba::ba::ba: |
آلآعلام بس يبي يخوف الجمهور الهلالي قآلوا الاهلي والشباب يتفآوضون معهه . ولآ هو هلآلي ان شاء آلله .. |
لاتنسى ياسر والشهلوب الذين يتم تحطيمهم حاليا |
ما اتوقع اللاعب يرجع السعودية .. اتوقع اذا تركه النادي البلجيكي راح يروح الى قطر او الامارات لانه يبي تجربة جديدة ... واذا رجع السعودية راح تكون نفسيته سيئة بسبب الفشل وما اتوقع ينجح مثل اول لكن على كل انا اتمنى انه يرجع الهلال اليوم قبل بكره والله يوفقه مع الهلال وغيره .. وبالنسبة للمقابل المادي ما يفرق لانه اللاعب سبق انه صرح انه ماراح يلعب في السعودية الا للهلال .. |
هوساوي عند كلمة وقال لو ارجع للسعوديه ما اللعب الا للهلال وهناك بند يلزمه بهذا الشئ |
الله يكتب اللي فيه الخير وان شاء الله هلالنا دايم منصور |
ياحبيبي هذا كلام صحافه للضغط على دفاع الهلال لا اكثر ولا اقل الرجال يقول انا باقي ولا تصدقوهم خلاص اما الفريدي اتمنى عدم التجديد معه الا في حالة رغبته في الهلال رغبه حقيقيه وهو من افضل لاعبي المملكه مهاره لكن الاهم ان يكون هو يريد الهلال شكرالك |
اسامه هوساوي باقي في الفريق البلجيكي |
اسامه هوساوي لازما يعود للهلال بعد الفضايح اللي صارت اما الفريدي بقريح اصلا ماهو لاعب اساسي بالفريق ! |
و أزيد لك من الشعر بيت و سمعت ان الاتحاد بيفاوضه ولكن باذن الله أسامه هوساوي سيبقى ابن النادي ، وباذن الله راح يستمر مع الهلال وحول عودة الكابتن اسامه هوساوي تحدث الكابتن ان النادي ( اندرلخت البلجيكي ) ما تحدث معه ، عن استمراره او عودته لناديه السابق ( الهلال ) والله يوفق ابو سلطان إن شاء لله .. |
اقول هوساوي لو فيه خير ما ترك الهلال وثاني شي لاعب مستغنين عن خدماته تبي نعطيه اكثر من 5 مليون انا اشوف ان الامير ينزل من قيمته ويجيب اظهره زي الناس ما نبي الزوري ولا المرشدي ولا نامي تفهمون كوره ولا لا انا اشوف الهلال يحتاج الي -----------ياسر الشهراني --------دفاع اجنبي-----دفاع سعودي خبره غير هوساوي----ظهير اجنبي |
اوافقك لو يجددون لهم 15 مليون بالسنه حنا نجيب اجانب اضعاف عقودهم ومايسووون شي شي مضمون احسن من تجارب |
الفريدي عاجبه العرض المقدم حياهـ مو عاجبه مع السلامة <~ ملينا من هالسالفة هوساوي ع اي اساس يطلب مبلغ كبير و الا السالفة لوي ذراع و بس ، ترى و مع احترامي له كثيرة عليه لانه تعتبر مرحلة احترافه فاشلة <~ اذا كان الخبر صحيح |
إقتباس:
أنا معاكي الله يوفق الزعيم يارب ويحصل ع البطولات المحليه ان شاء الله لك ودي واحترامي |
هوساوي مصرح ي الغلا , وكم مره يقولها ويعلنها , انه اذا خرج عن السعوديه ماراح يرجع الا للهلال , والان اللاعب محترف سنتين بَ اندرلخت واشاعات عودته كذبه . واللاعب يرغب بالاستمرار بالاحتراف ولا صحة لعودتته ‘ |
إقتباس:
تحطيمهم بإيش !؟ كلاهما مصاب وفي العياده وش تحطم فيهم ؟ |
الفريدي له ثقله في الفريق هو واسامة واذ ماجدد لهم الامير فعلا الدنيا السلام وش بقي |
أتوقع اذا رجع السعوديه ليكون توجهه الاول للأهلي اذا ما اعجبه عرضهم راح يرجع للهلال |
موضوعك ابداع ويجب ان يعامل الاعبين مثل ماكان يعاملهم منصور البلوي بدل ماتجيب لاعب بمبلغ كبير جدا وماتدري ينجح ولالا جيب لاعب انت عارفه زين وتعرف امكانياته |
بإذن الله تجربة اللاعب اسامة هوساوي تكون ناجحه ومفيدة للاعب ... ماأدري ليش التقليل من اللاعب .. يعني إذا ما لعب أساسي يعتبر فاشل .. لنا في حارسنا العماني عبرة |
ما أعتقد أن أسامة ملزم باللعب مع الهلال .. هذا موضوع اختياري الفريدي .. لا يجيد صناعة اللعب بالشكل المطلوب ... صناع اللعب هم أهل البرازيل والأرجنتين |
اللهم وفق هلالنا فوق كل ارض و تحت كل سماء |
إقتباس:
توضيح لك يا اخي العزيز وعد هوساوي انه لن يلعب لغير الهلال هو وعد شفهي فقط لا يوجد بند ابدا يلزم هوساوي للعب لغير الهلال لان انتقاله لنادي اندرلخت كان وهو حر ولم يستفيد الهلال منه ولا هلله |
انا مدري من وين سمعتوا ان هوساوي بيرجع !!!!!!!!!!! |
بالنسبة لهوساوي أتمنى عدم عودته للهلال لأنه بيرجع بمستوى هزيل ونفسيه دمار بعد ما ينكرش من أندرلخت إذا صح الخبر المرشدي يقدم مستويات ممتازه وكذلك المسلم والزوري يقدر يلعب قلب دفاع ومانجان موجود يعني هوساوي لايجلس يساوم الهلال وأنا من الأساس ما اقتنعت فيه الا يوم كان الدعيع وراه ورادوي قدامه وبان المستخبي يوم راح الدعيع ورادوي وصار دفاع الهلال شوارع في ظل وجود هوساوي بالنسبة للفريدي أتمنى التجديد معاه لأن الشلهوب كبر بالسن وعزوز الدوسري اصابات ومستوى هزيل بالفتره الأخيره |
| الوقت المعتمد في المنتدى بتوقيت جرينتش +3.
الوقت الان » 05:06 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd