|
الاتحاد والاهلي والشباب .. يتعاقدون مع مدافعين أجانب السلام عليكم ورحمة الله وبركاته عندي أسألة بسيطة لغالبية الجمهور اللي يطالب بمدافع أجنبي :yes: هل دفاع نادي الاتحاد قوي ؟؟ المنتشري وتكر والسعيد وابراهيم هزازي !! هل فكر الاتحاديين بضعف الدفاع وعليه تعاقدو مع مدافع أجنبي ؟؟ هل دفاع الاهلي قوي ؟؟ منصور الحربي و كامل الموسى و جفين البيشي و كامل المر !! هل فكر الاهلاويين بضعف الدفاع وعليه تعاقدو مع مدافع أجنبي ؟؟ هل دفاع الشباب قوي ؟؟ سياف البيشي و وليد عبد ربه و نايف القاضي !! هل فكر الشبابيين بضعف الدفاع وعليه تعاقدو مع مدافع أجنبي ؟؟ تراكم أزعجتونا بمطالبكم مدافع أجنبي ومحور دفاعي !! أقسسم بالله لو جبتم أفضل مدافع بالعالم وأفضل محور دفاعي بالعالم ماراح يمنعون الخصوم إنها تسجل بمرمانا :ranting: محتاجين 2 برازيليين صناع لعب وبإذن الله ترجع قوة الفريق الهجومية أما خانة الدفاع والمحور الدفاعي فالحل بالتعاقد مع لاعبيين محليين مو شرط نجوم !! الاهم يملكون روح وقتالية بالملعب والمعذرة بسس شيء يقهر أشوف الاندية الثانية أجانبهم أمام .. وحنا أجانبنا بالخلف !! |
خانة الدفاع + المحور الدفاعي بالامكان تعويض النقص فيها بلاعبيين محليين صغار بالسن لكن صناعة اللعب ضروري 2 أجانب تذكروا موسم قريتس : نيفيز و ويلهامسون .. هم من يسجلون ويصنعون الاهداف |
مشكورين على الرفع بالتوفيق للهلال أمام الوحده وفالنا الصداره |
الله يوفق الهلال مشكور اخوي |
فعلا نحتاج الى صناع لعب فقط ومحور يربط خطوط الفريق مثل رادوي |
انا معك ...محتاجين صناع لعب منغان الله يكفينا شره ماينفع |
إقتباس:
العفو :rose: إقتباس:
صناعة اللعب أضعف خانة بالفريق الان لسببين : وتراجع مستوى محمد الشلهوب .. مزاجية الفريدي .. سالم الدوسري و عبدالعزيز الدوسري ونواف العابد صغار بالسن حرام نحملهم ضغط مباريات كبيره !! شوف الاهلي .. عبدالرحيم الجيزاوي احتياط مع انه مبدع لا زال صغير بالسن ومع الوقت يكتسب الخبره إقتباس:
أما الاسيوي يكون محور دفاعي |
احيآنن فعلا اوفـقك الرإي ، واحيآنن لمآ تشوف المرشدي ، وتشوف الزوري ، ونآمي ، تقول لا والله نبي مدإفعين ، دممتمم بحفــظهه ،، والله يوفقــه بـكرإ بـ المبآرإت |
الاهلي معهم بالمينو .. وانا ضد التعاقد مع مدافع اجنبي .. واتمنى يلغون عقد الاسمر الطويل /* مانقان/* المسلم وخيرات والمرشدي افضل منه بمراحل .. ومحليين بعد ! يعني يحسب علينا اجنبي وهو فاشل ..اتمنى التعاقد مع محور اوربي مثل رادوي بدلا عن هرماش والتعاقد مع صانع لعب بدلا عن مانقان والتعاقد مع مهاجم افريقي بدلا من الكوري .. |
اقووول توقيعك ................... خنقتني العبرة |
اتفق معك اخوي الهلال محتاج صانع لعب + وسط ايمن + ويسلي بس اتمنى الرابع يكون محور لان المحور مهم |
نبي محترفين جدددد نبي محترفين مدروسين دراسه مو يجونا بالوقت البدل الضائع |
نبي صانع لعب برازيلي وجناح ايمن صاروخ بارازيلي ومحور دفاعي مثل الدبابة والعقرب وتحياتي لكم |
مدافع اجنبي مع تدعيم الفريق بلعيبة محليين في خط الدفاع وبظهير الايمن احتياطي لسلطان البيشي ومحورين محليين ومحور اجنبي دفاعي ,, محورين اثنين لانك ماعندك الا القرني محلي والغنام طول الموسم بغرفة العلاج والفرج مومحور دفاعي هجومي ,, وصانع لعب برازيلي , وويسلي بلمقدمة اما بخصوص الفرق الي ذكرتها وانها مجابت مدافعين اجانب اول شي الاهلي عندة ضعف دفاعي وشوف بلمينو المحور حاطينة قلب دفاع مع كامل الموسى والشباب شوفة يعاني والفترة القادمة راح يجيب مدافع والاتحاد عاد هو الوحيد الي ماذكر اني شفتة جاب قلب دفاع ,, وبخصوص الهلال بوجود اسامة كان الهلال بدون قلب دفاع اجنبي لاكن بعد رحيل اسامة مايبيلها تفكير الهلال بلادفااااااااع |
إقتباس:
بالتوفيق للزعيم الليلة أمام الوحدة إقتباس:
وصناعة اللعب عندنا ضعيفة .. الشلهوب مستواه ضعيف والفريدي مزاجي ويمكن يترك الفريق !! اما الباقين أجنحه وصغار بالسن 2 صناع لعب يعوضون ضعف صناعة اللعب إقتباس:
إقتباس:
إقتباس:
إقتباس:
إقتباس:
أحترم وجهة نظرك .. لكن لا أرى أي فائدة من مدافع أجنبي المفروض 2 صناع لعب من البرازيل |
ياصديقي .. الاهلي يتواجد فيه بالومينو بالدفاع وهو ساتر دفاعي لحاله .. واللي يخفف الضغوط عليه لعب الاهلي الكره الشامله وبالتالي تخفيف الهجمات على الدفاع والاتحاد يتواجد في صفوفه محاور دفاعيه ساتره لـ الدفاع وزد على ذالك قوه ضاربه بالوسط - تخفف الضغوط على الدفاع الهلال لأيمتلك لاعب دفاعي قوي :بالدفاع ولا حتى ساتر دفاعي يمكن الاعتماد عليه |
إقتباس:
والاهلي أجانبه كلهم قدام 2 مهاجمين وصانع العاب مع تيسير الجاسم .. هذولا القوة الهجومية أكيد يخففون الضغط على الدفاع لكن حنا مين لاعبين الوسط عندنا ؟؟ الشلهوب مستواه ضعيف و الفريدي مزاجي ويمكن ينتقل :yes: الاتحاد يملك وسط قوي سوزا والشربيني ونور 3 لاعبين وسط يخففون الضغط على الدفاع :yes: لو عندنا وسط أجانب 2 ومعاهم ( الشلهوب أو لاعب وسط محلي غيره ) مثل موسم قريتس بيكون الدفاع مرتاح :yes: |
نسيتوا شي مهم جدا بالفريق الحراسه الله يذكره بالخير محمد الدعيع كان نصف الفريق الان بالله عليكم شوفوا من في الحراسه العتيبي والسديري والشراحيلي وتبغوا بطولات ما اقول الا الله يستر من الجاي |
يارجال عندنا دفاع حليو ومايحتاج نجيب اجنبي مكانه كان عندنا فواز فلاته واعرناه لاننا مديونين ونبي فلوس والحين عندنا يحيى المسلم جبناه بمدري كم مليون بس حطيناه بالإحتياط خايفين عليه من الاصابات ياخوي :( وكان عندنا شافي الدوسري اللي يلعب ظهير على كيف كيفك بس بعناه لاننا محتاجين فلوس واعارة فواز فلاته ماغطت الديون اللي علينا الله يعيننا بس ترانا مساكين :( |
قلتهـآ آكثر من مره . نلغي عقود اللآعبين الآجـآنب مآ عدآ ويسلي آثنين صنآع لعب رجولهم قويه ومميزين في الكرآت الثآبته . لآن التسديد من خآرج منطقه الجزآء حل من حلول التكتل الدفـآعي . :yes: ونكرش المرشدي ونـآمي ونجيب مدآفع وظهير من الدرجه الآولى آو الآولمبي لآنهم بيقدمون كل شي عشآن يثبتون نفسهم .. :yes: ونجيب محور دفـآعي آسيوي ويكون من آسترآليآ وكآن الله غفور رحيم . :d آنـآ مؤيد لك بشكل مبـآشر . :d |
ترحيل جميع الاجانب و التعاقد مع تشافي و ميسي و رونالدو و اسيوي شينجي كاجاوا و المدرب قوارديولا المحليين محمد نور و كامل الموسى و اعادة هوساوي و فايز السبيعي اخذ ميزانية رعاية الشباب و رميها في خزينة الهلال شراء رابطة الاتحاد و الاهلي كذا اضمن لكم اسيا |
| الوقت المعتمد في المنتدى بتوقيت جرينتش +3.
الوقت الان » 03:58 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd