قصيدة مجاراه .. لاحدى قصائد اخوي مطلق الهاجري .. اتمنى تعجب اهل الذوق والزعامه هنا.. - نادي الهلال السعودي - شبكة الزعيم

هدوء البحر · #1 06/10/2012, 11:59 AM

قصيدة اخوي مطلق الهاجري يقول فيها :_

راحت بطوله بس باقي بطولات .. وماكل شيً لابغيته تنولـه

مثل الجمل خلك وشيل الثقيلات .. واصبر على هم الزمان وحموله

كان العصيه طولت مابعد جات .. لابد من يومً تجي ذا البطوله

قامت علينا كلبو ذا القنوات .. معاد به شيً يقال وتقـوله

فرصه وجتهم واقلبوها مسرات .. ماهي غريبه والكبود معلوله

فصدورهم غل وعذاب السنوات.. ذوقهم العلقم وهم فالطفوله

زعيمهم شامخ وخلفه رجالات .. وجمهوره الوافي ولا احدن يطوله

اما قصيدة المجاراه فأقول فيها ..:_

..
ياهلال حنى معك كل الاوقات ..
جيشٍ عظيمٍ شامخٍ كل جوله ..

ما ينثني راسٍ ثنى هالطويلات ..
تشهد سنين العز و تذكر فعوله ..

ماهي فعول اقوال تكفى وعلاقات..
تاصل مواصيل المعزه ذلوله ..

هذي علوم اللي يكافح على الذات ..
يسعى ويخفق ويستمر بصموله ..

دام الركب ملحوق والفوت مافات ..
وعشق النوايف لازرق اللون قوله..

واصل..خطى مجدٍ سكن بالمنصات ..
للقاك من عشرة اعوام يوله ..

وباذن الكريم المنعمٍ بالجزيلات ..
نرقى لمجد ٍ يعجز الكل طوله ..

بقلمي / .. عبده بن علي حدادي ..