|
والله أن موضوعك بطل وكافي ووافي وشافي .. تسلم لي يمينك أنت أثرت كل مالدي من نقاط حول الهلال والاسيوية .. سلمت يمينك على الموضوع الرائع تكفون نبي ابن مساعد يقراه ويقولنا وش السبب والله أني أحبك يا ابن مساعد لكن اذا انت مو قادر على الاسيوية وعلى أداراة الفريق وتهيئته نفسياً ومعنوياً .. فيه غيرك أعطه فرصة .. وراح تبقي محبوب وغالي .. ولكن نحن نتكلم عن الهلال وأمجاده .. تكفون نبي آسيا .. وربي تعبت .. انا ماصرت أشوف مباريات الدوري مليت .. ما اناظر الا المباريات الاسيوية ويخذلني الهلال :( آسيا مانبيهم يقولون صعبة قوية .... أبي آسيا وآسيا مهرها يبيله شغل ... *نريد أن يضبطون من وضع الفريق الهلالو يهيئ له جو يتعود على الضغوطات واللعب مباريات متتالية .. ترى الضغط ماضر الريال والبرشا والفرق الأوربية بشكل عام . الضغط يصنع الرجال. . ايام قريتس كان الهلال لياقياً لاباس فيها لأنه كان يدربهم فترتين .. اما االحين اللاعبين يتبطحون بالملعب واذا انبطح الواحد ياليت يقوم وغير كذا يقولونا ضغط مباريات ..مايستحون اذا شافو المباريات الأوربية .. آه يالقهر *مانبي اسيا الجاية نسمع عذر جديد ملينا من الأعذار ونحن نؤمن بقضاء الله وقدره .. لكن لو المستوى يشرف والنتيجة تخذلنا ماقلنا شي وسكتنا .. لكن المستوى بحد ذاته فضيحة كاملة.. مستوى سامج وهزيل ..الله لايعيد ذيك المباره كانها رفعت القولون عندي . * الهلال يبيله رجال يبيلها أحد يشتغل عليها من اليوم .. يضبط عقود ويطرد المتخاذل ويعطي اللاعبين حقوقهم ويجعلهم يتحمسون للشعار الهلالي .. والي متخاذل يردع .. * والصغار من الهلاللين الى ماهم قد المسؤلية ويبحثون عن امجاد شخصية يمسكون الأحتياط مانفع يمسكون الباب ..ألهلال فريق كبير وبطل . فيه غيرهم شباب يتمنون لبس الفنيلة الزرقاء .. وشكراً وعذروني عن الأطالة والله أني اتكلم من محب مقهور على عشفة الأول والأخير ... عتاب محب لا أكثر وسلام عليكم |
لو يفتك من مشورة أخوه كان هو بخير ... |
ما دام انه شايف انها صعبة يستقيل ويفتح المجال لغيره استعد من بدري وتعاقد مع مدرب ولاعبين اجانب من الطراز الممتاز حتى الاتحاد والاهلي انت افضل منهم في الامور المالية بس مشكلتك في الحاشية الي جنبك والاعبين المدللين |
بكل صراحة وتجرد وأنا من محبي ابو فيصل إلا أن إدارته للأزمه كانت أسوء من الأزمه وأرجوك يا أبو فيصل أن تعدل الأمور بالأفعال واترك عنك الإعلام أولا - إحضار سامي الجابر كمدير فني أو مساعد مدرب بدل المغربي ثانيا - الإعتماد علي الشباب والإستغناء عن الشياب ثالثا - خلك صريح وهاوش ولا تكتم في نفسك وحنا بعد بنهاوش وان شاء الله بنبتسم في النهاية |
بيان مفلس من رئيس لم يعد بيده الكثير ليضيفه الرحيل لصالح الرئيس أكثر من الهلال وجماهيره فالتاريخ لن يغفر له هذه الإخفاقات وسيذكره بها أبداً وهو تصريح يبين عدم إلمام الرئيس كرويا وعدم قدرته على رسم مستقبل مشرق للفريق ارحل يابن مساعد أو إذا تشبثت بالرئاسة كما هو ظاهر وهو ماليس منه بد كما يبدو أعلن عن صفقات مدوية تستحق معها التصفيق لا أن تكون خصما للجماهير وغدا ستكون مكروها من الكل لأنك لم تستمع لنصيحة الجماهير |
والله دايم اقوله عبدالرحمن بن مساعد رئيس يهبط المعنويات وماالوم اللاعبين يلعبون ببرود وهذا رئيسهم اجل رئيس يقول ماودي اقابل الاتحاد ومن هو الاتحاد على ايام محمد بن فيصل ياكلهم الهلال ورئيسهم البلوي وايام بندر بن محمد اكلهم الهلال ياخي مايصلح رئيس عبدالرحمن بن مساعد خلو عنا النفاق والمجاملات اطردوه وبتشوفون الهلال اجل رئيس يقول اسيا صعبه علينا ومقوله ثانيه لا اريد مقابله الاتحاد رئيس يهبط المعنويات تلومون الهلال يوم يلعب بدون روح محمد بن فيصل جاب الدوري في جده امام الاتحاد ولعيبته العنقري والمحترف ليلو ههههههه والاتحاد ذيك السنه افضل اجانب في المملكه وصدقوني بيجلس في الرئاسه لين يحققها ويستقيل وانا اقول من الحين مافيه امل بحققها الهلال وانت رئيس وابصم بالعشره ان الهلال ماراح يحققها مع بن مساعد معنويا اتكلم لو يجي بندر بن محمد بربع مايدفعه بن مساعد حققها بندر بن محمد لان بندر بن محمد يراهن على فريقه في كل مباراه وحماسي هو ومحمد بن فيصل اما بن مساعد يمسك الباب من يوم شفته مستقبل سفير السعوديه بسروال وفنيله وانا غاسل يدي |
الي يقول البطوله صعبه على اي نادي سعودي ماذا سيقول اذا حققها الاهلى أوالإتحاد ؟ اتمنى من الله احدهم يحققها ليس حباً فيهم .. بس عشان يعرف كل من طبل انها في متناول اليد القهر انها كانت اقرب من اي وقت مضى .. حرام تطير والله حرام |
| الوقت المعتمد في المنتدى بتوقيت جرينتش +3.
الوقت الان » 05:18 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd