نادي الهلال السعودي - شبكة الزعيم - الموقع الرسمي

بسم الله الرحمن الرحيم

الحمدلله على كل حال وانشالله يكوون حال زعيمنا افضل بالايام القادمه

1-بالنسبه للهجوم الجماهيري الضخم على الفريق الصراحه محد يلومهم بوقت المباراه فقط

واللي اشوفه ان الجماهير بدات تخف وتفكر بعقلانيه وهذا المطلوب

2-اللي اشوفهم تجرريح وسب با اكثر اللاعبين وخاصه الكابتن ماجد المرشدي
بوقت كوزمين كان افضل دفاع الهلال ومن ضمنهنم ماجد
بوقت قيرتس نفس الكلام
لاكن اكثر الجماهير ممكن تقول كان افضل بس حاليا فاشل لاكن بالفتره اللي مسك فيها حبيبنا سامي الجابر شفنا فريق رائع بدون اجانب ومن ضمنهم المرشدي
يعني المشكله فنيه ولاعبين الهلال مميزين وكل الانديه تتمناهم

اللي ابي اوصله للجمهور ان الكوره مهو مثل اول اعتمد على اللاعبين والروح فقط
الحين النسبه الاكبر في كرة القدم يتحملها المدرب هو الكل في الكل
وهذا اللي حاصل في اوربا
وشفناه بين كوزمين وقيرتس وسامي وبين المدربين الاخرين لاحد يقولي الاجانب هم اللي فرقوا صحيح لهم دور بس مايرفعون وينزلون مستوى الفرريق خاصه ان اللاعبين المحليين مستواهم ممتاز الاعب الجنبي يفرق في الفرق الصغيره

3-كومبواريه طريقة لاعبه يمكن تكون جيده لاكن في الهلال المفروض المدرب يسوي تكتيكه على الادوات اللي عنده مهو العكس يعني كل الناس تعرف ان الهلال قوته في الوسط ومن فتره طويله يلعب بمهاجم واحد وخمسه وسط بسبب مهارات وفنيات لاعبين الوسط في الهلال
لاكن انه يجي ويشل خط الوسط ويخلي الهلال اللي ما اذكر من فتره بعيده جدا انه يلعب على المرتدات ويفرغ الوسط هذا يدل على ان المدرب ماعندك احد

ولو فيه خير ماعافه الطير النادي الفرنسي كان متصدر واقالوه في وسط الموسم لانهم يدرون انه ماعنده شي

4-عبدالرحمن بن مساعد قدم كل شي في بدايته ولاكن بداء التخبط في المواسم الاخيره
ومن ناحيتي اتمنى استمراره لاكن بتعديل الاوضاع من الان ويفعل مثل مافعل النادي الفرنسي باقالة المدرب واتمنى حضور سامي مع اني ما اتوقع انه يجي في هالوقت
او قيرتس لاحد يقول خاين ولا يقول ماجاب اسيا
ماجاب اسيا لاكن قدم فريق تهابه اسيا وخرجنا بالحظ بالنسبه للخيانه ما اشوف فيه خيانه مدامه اتفق مع النادي

5- الجمهوررر هو النادي وهو القايد وهو كل شي يخص الفريق لازم نقف مع الفرريق بكل الاوضاع بالفوز والخساره لامانع من النقد لاكن بالعقل مهو بالغضب والتجريح

نادي ليفربول فريق عريق لاكن حاليا يترنح وترتيب متاخر بالدوري ولا يشارك في ابطال اوربا بعد ماكان من اقوى انديه العالم لاكن جمهوره ماترك المدرجات ولا شجع ضده يكفي كلمتهم لن تسير وحدك

اتمنى من جمهور الزعيم اللي مازل رقم1 باسيا بست بطولات وكل موسم يجيب لنا بطوله انهم مايتركون الفريق بكل الاحوال

اسف على الاطاله .......