|
حذرت من اقامة المباراة بالملز...والان احذر من هذا الشيء وياليت الادارة تسمع ولو لمرة واحدة للعبد الفقير الى الله اولا هاردلك الهزيمة القاسية من الفريق الكوري سبق وان حذرت من اقامة المباراة بالملز لدة اسباب فندتها بالموضوع اللذي كتبته هنا: http://vb.alhilal.com/t1122871.html والان.. ليس الحل المطالبة باقالة الادارة...الادارة لها بعض السلبيات واهمها: 1-الاحتفاظ ببعض اللاعبين ذوي المستوى الضعيف فنيا..نستطيع مع هؤلاء ان نفوز على الوحدة او الفيصلي وغيرهم ولكن ينكشف مستواهم في اسيا عندما يحمى الوطيس..وامثله على هؤلاء مع كامل احترامي لهم الزوري والمرشدي والبيشي قنابل موقوته بالدفاع..بمثل هؤلاء لا اعتقد باستطاعتنا تحقيق اسيا...قد نحقق الدوري او كاس ولي العهد لاننا سنقابل عدة فرق متوسطه فنيا ونفوز ونستمر باعتقادنا باننا الافضل! على فكرة انا لا اطالب بتنسيقهم على الاقل جعلهم احتياط للاعبين يتم استقدامهم بمستوى عالي بالدفاع.. 2-التفريط باللاعب وليهامسون ...لاعب رائع كان من المفترض الاحتفاظ به حتى لو اعتزل بالهلال.. المدرب كان له ايضا سلبيات بالمباارة واهمها: 1- تشكيلة خاطئه 2- بعد مرور ربع ساعه ووضوح خطورة الفريق الكوري كان من المفترض البحث عن الهدوء وعدم فتح اللعب والهدف ياتي باي لحظة للهلال بدلا من فتح الدفاع وجعله شوارع.. هنالك نقطة هامة جدا... في بطولة اسيا وخصوصا بمباريات الاداور ال8 وال4 مباريات الذهاب والاياب لايوجد ثقافة مباريات الذهاب والاياب للهلاليين... كان من المفترض الحرص على المباراة الاولى والهجوم وتسجيل ولو هدف واحد حتى لو خسر الفريق 2/1 افضل بمراحل من عدم التسجيل بمرمى الخصم...هذه تكررت دائما مع الهلاليين وبالتالي يضغطون انفسهم بمباراة الاياب..يجب ان تسجل هدف او هدفين بالمباراة الذهاب والهجوم وضغط الفريق المنافس بمباراة الرد وليس العكس.. من وجهة نظري متى ماتحقق ذلك وخصوصا النقطة الاخيرة (ثقافة مباريات الذهاب والاياب) سيتحقق للهلاليين الكثير باسيا... |
بدينا .. وش دخل الملعب !!؟؟؟؟ لعبنا بالدرة ولا الملز .. بهالمستوى ..لن يحقق الهلال شي بالمباراة ! لانلعب على نفسنا السبب فنّي وقد يكون نفسي ايضاً . وبالنسبه للأظهره فالهلال يملك افضل الاظهره الشهراني والفرج لا أعلم هذا االتفلسف الزائد من المُدرب واختراع مراكز جديده لهم!!<بالنسبه للشهراني عوافي رغم أنني لا اوافقك نهائياً. |
إقتباس:
الموضوع لا يتحدث عن تفاؤل او تشاؤم....هذا في عالم الكرة اسمه تخلف كروي انا اتحدث عن امور فنيه بملعب الملز تقف ضد الهلال لصالح اولسان.. |
يا رجال حسبي الله عليهم بس ما فيه اي احترام لنا مشجعين نحضر بعز القايلة عشانهم وآخرتها مستوى زي وجيههم طيب قدرني اللي متْعنّي وحاضر واخرتها بهالاداء والخياس والعك الكروي الفخم طيب يا شيخ العب علي وقدم مستوى طيب حسسني إنك متنرفز أقسم بالله شي موب طبيعي لا والثاني جاي يقول احضروا مباراة الوحده عشان كيت وكيت طيب انا مقاطع المباريات وقلت لا بآسيا بيجملونها وحضرت والنهاية وش استفدت ما غير رفعت الضغط واحس إن كرامتي تنهان وانا موب قادر اسوي شي الحل يبدا منا إنا يالجمهور نقاطع كل شي لا من تدريبات ولا من مباريات ولا من أي شي طالعين لي قبل المباراة نطالب الجمهور بالحضور وبنفرح معهم بالفوز < يا واااااااااااااااااااااااثق إنت وياه اقسم بالله ارتفعت ضغوطنا ولا احد عبرنا ولا امس طالع لي الجاسر مع العجمه ويضحك وكأن ما فيه شي صار لا ويزيد الطين بله فعلا العالمية صعبه قويه ولا يقدر الهلال يجيبها ومن هالكلام ياخي شف لاعبينك ولا واحد يحترق عشان الشعار وهذا اللي مسبب دهوره للكورة السعودية لاعب يلعب عشان الفلوس بس من يضمن عقد احترافي بالملايين وافخم سيارة واطلق بيت ملك وبعدها ؟ يختفييييييييي وكأنه يقول خلاص وشوله العب اذا تبي الحل ترا مهوب في الملز ولا الدرة ولا اي ملعب الحل كله باللي يحترقون عشان الشعار ما اقول الا الله يرحم ايام ابو يعقوب وسامي والتيماوي والتمياط وابو اثنين صدق اللي يحترق في الملعب واذا سجل يجيك طاير من الفرحه لو الود وده نقز وخم له كل مشجع قدامه لكن الحين يتسحبون في الملعب ولا حولنا أحد وكأنهم يرسلون رسايل مبطنه إذا كان الحضور قليل والجمهور موب مره مستوانا يكون اطلق وافضل بس اذا تقريبا امتلى الملعب ما نعرف نلعب ! والله العظيم إن هالمباراة من أفضل المباريات اللي احضرها من ناحية التشجيع قبل المباراة واول ما بدت ولكن وش لقينا ؟ وش كان الرد ؟ ما اقول الا حسبي الله عليهم من ابو فيصل لآخر واحد موجود بالملعب لا من ادارة ولا من لاعبين ولا من جهاز فني وإداري كلهم سيئيييييييييييييين ونقطة ختام بس لي فترة منقطع عن الردود بس موضوعك استفزني اجل الملعب هو السبب هاه هه ما اقول الا الله يخلف علينا اذا وصل تفكيرنا لهالحد =) |
إقتباس:
ليس لسبب سوى سبب فني بحت ملعب الملز صغير والهجمات المرتده يجيدها الفريق الكوري بسرعه لاحظ الهدف الثاني من كرتين انفراد! لايعني ان المعلب هو السبب الرئيسي..ولكن له دور بمساعدة الفريق الكوري بالوصول لمرمانا باسرع الطرق... انا معك حتى لو لعبنا بالدره بهذا المستوى لن نفوز...لكن على اقل تقدير لا اعتقد ان تكون رباعيه لان الارتداد بالملعب صعب..وسيكون هناك كر وفر بالملعب وليس من كرة او كرتين انفراد! انت لاتلعب امام هجر او الرائد انت تعلب مع فريق سريع بالارتداد وبه لاعبون يجيدون الاختراقات وانسب ملعب لهم هو الملعب الصغير نسبيا |
من وجهة نظري هو ان لا تستقبل هدف في مرماك في مباريات الذهاب مهما كانت المحفزات وأن اتيحة لك فرصة التسجيل هذا خير وبركه |
نكذب على انفسنا شف ولو جعلك تلعب في حارة مثل اللعب اللي لعبوة ناكل هواء |
اتففق معك في كل كلمه بالموضوووع عدا الكابتن وليهامسون فيه من هو افضل منه بمراحل والاداره قادره تجيب الافضل. افضل موضوع قرأته بعد المباره بوجهة نظري اصبت علة الهلال في هذه المباره وفي البطوله بشكل عام ...... يعطيگ العافيهـ................. |
اهنئك ع الموضوع السلام عليكم .. قلتها سابقا ومن اكثر من 15 سنة وسوف اقولها هنا تأييداً لكلامك ان لم تسجل خارج ارضك في مباريات الذهاب والاياب فأنت في خطر .. ولنا في مباراة برشلونة في ابطال اوروبا العام الماضي خير مثال لاسباب خروجهم وهي عدم التسجيل خارج ارضهم.. وكلنا نتذكر الهلال يسجل خارج ارضه في البطولات الاسيوية اللتي حققها سابقا وتكون بنظام الذهاب والاياب.. وايضا كثيرا من الناس يعتقد انه من الافضل ان تلعب مباراة الذهاب خارج ارضك وانا اقول العكس من وجهة نظري انك تلعب الذهاب على ارضك وتحقق هدف واحد او تعادل سلبي افضل من انك تلعب الذهاب خارج ارضك ولاتسجل وتأتي بخسارة حتى لو بفارق هدف سوف تكون نتيجة سلبية عليك وبقوة.. وتصبح مهددا طوال المباراة وتحت خوف وضغط نفسي ان تستقبل شباكك هدف وتنهار معنويا وتنتهي المبارة وهذا ماحدث في مبارتي اولسان وقبله ذوبهان.. وتحياتي للجميع وتمنياتي للزعيم التوفيق في قادم الايام,, |
اتفق معااااك بخصوص الدفاع وتكلمت هنا وشوف مشاركاتي تثبت كلامي فعلا لو الهلال يبغى الاسيوية يحضر مدافعين على مستوى عالي ادارة الهلال انا لست ضدها ولكن ضد عملها للتحضير للسنة هذة من حيث المدرب قبلنا ب هيسك وتعذرت ادارة الهلال عن احضار مدرب كبير بقولها نحن في نهاية الموسم بمعني باقي ستة اشهر والمدربين الكبار تنتهى عقودهم مع انديتهم بالصيف وانتظرنا وجاء الصيف وفي الاخير 25 مدرب وما اتفقنا معهم واحضرنا الفرنسي وانا لست ضده حضر متأخر ثانيا ادارة الهلال تعرف ان هوساوي مغادر وما قدرت تتحرك وتحضر مدافع قوي وجاهز احضرت مدافع كبير لكن غير جاهز ويعاني من اصابة ايش ابغى فيه اجهزه بالهلال واعرضه للبيع بالله عليك هذا تحضير للأسيوية وغيرها مع هذا اتمنى من ادارة الهلال ان تصلح ما فات والقادم اجمل(اقسم بالله كتبت هنا عن الخلل الموجود بدفاع الهلال في اكثر من مشاركة من بداية الموسم هذا ولكن مافيه جديد معتمد على المرشدي ومانغان شوف الهدف الأول فين منغان وكذلك الهدف الثاني شوف فين وصل المرشدي ملعب الخصم مغطي وترك مكانه وكذلك منغان مو متمركز بالهدف الثاني) |
اماويليهامسون فاختلف معك فلايعني عدم قناعتنا بالاجانب الحاليين ان يكون البديل ولي فهو قد اعطى ماعنده ولم يعد يناسب الهلال بقية الطرح اتفق معك فيه خاصة ثقافة الذهاب والاياب والله يعطيك العافية |
| الوقت المعتمد في المنتدى بتوقيت جرينتش +3.
الوقت الان » 02:04 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd