|
بيض الله وجهك يابوفيصل وما قصرت ورايتك بيضا يا اخوان الإخفاق مهوب من الإدارة إلا اللاعبين خذلونا وإلا ابوفيصل ما قصر أفضل أجانب ومدرب مرو على الهلال في رئاسة عبدالرحمن بن مساعد ومع ذلك لم نحقق البطولة فا بإختصار كل اللي أبيه منكم يا جمهور الزعيم الوقفة مع إدارة الهلال واللاعبين |
الاعتذار لا يفيد بي شي العمل المتكامل يقود الفريق لابعد من الطمواحات |
الأربعه أهداف هي أبلغ من كل الكلآم نسمع جعجعة ولانرى طحيناً هذآ هو حآل الهلال .. |
ماندري وش نقول ((( قدر الله وماشاء فعل ))) والحمدلله على كل حال اما انت ياسمو الامير فقد كنت حكيمآ بعدم الاستقالة وذلك لعدم وصول الفريق الى مالايحمد عقباه (((( اتمنى لك التوفيق )))) |
والله ثم والله ثم والله انك من خيرت الرؤساء في الاندبه العالميه و العربيه والخليجيه والسعوديه وان وجودك في الهلال فقط .. فخر لنا كمشجعين ونحن محسودين عليك ,,نظرا لاخلاصك وجهودك المتميزعن غيرك والتوفيق من رب العالمين . وهذا لايعني تجاهل بعض ملاحظات من هم افضل مني و سبقوني الردود بغض النظر عن ردود الاعلاميين النصراويين المتواجدين بيننا ولكن ...؟ نقول ان جميع من شكك في ادارتك وحاول الاطاحه بك ..!! يعتبر من ضحايا اللوبي الاصفر اذا لم يكون متخبي بيننا ..!! ووجودك في الرياضه فخر للرياضه العربيه والسعوديه قبل الهلال ,,ولكن ...؟ اطلب واتمنى ان تقفل تويترك حتى تقطع امداد تموين المستنقع القذر اكرمكم الله... وكذلك يجب اغلاق المعسكرالهلالي قبل المباريات الهامه بوقت كافي وعدم الخروج اللاعبين الشباب من المعسكر ..؟؟ حتى لا يتعرضون اللاعبين لمخططات تدميريه بخلط السم لهم بالعسل . مثل ماحصل ليلة مباراة اولسان الكوري ..!! وكيف شتتوا تركيز لاعبين الهلال ...وصاعت علينا بطولة كانت بمتناول اليد ويكفي ان الزعيم الهلالي من افضل 100 نادي بالعالم .. وحقق ماعجز عنه الاخرون بدليل ان :الفرق بيننا وبين النادي المزعوم بالعاليمه 400 نادي ..ولله الحمد حفظك الله ياصاحب السمو .. وسر ونحن خلفك ولاتهم بكلام حثالة المجتمعات اليائسه ,, وابشر بعزك ,, وانتظر انتصار عظيم من العزيزالحكيم .. ان شاء الله تعالى ,, وشكرا لادارة منتدى الزعيم الاسيوي |
كلام مردود عليك يا سمو الامير تصريح أنهزامي و أسطوانة متكرره أصبحنا نسمعها أذا كانت الاسيوية صعبة على قولك لماذا الاتحاد و الأهلي وصلو أذآ !! لماذا لا تعترف أن مهزلة الملز يوم الاربعاء نتاج تراكمت أخطاء سابقة من إدارتك المؤقرة طال عمرك لماذا لا يتم دراسة ملفات الاجانب بعناية ويتم أستقطاب من هم في المستوى هل مانغان هو معوض لـ رحيل هوساوي !! هل هرماش هو معوض لـ رحيل رادوي !! هل بيونغ هل المهاجم الفتاك الذي لايرحم أمام الشباك !! أرحم عقولنا يا سمو الأمير .. رسالة تزيد أحتقان الجماهير ولا تخفف عنهم مهزلة الملز يجب أن تكون أكثر غيرة و عمل بأحترافية أكثر يجب أن يكون المحترفين مفيدين للفريق وليسو عالة علينا !! |
والله الامير عبدالرحمن بن مساعد ما قصر بخدمة النادي لاكن فيه اخطاء كثيره حصلت خلال الموسمين الاخيرين لابد اننا نتكلم فيها خاصة بالموسم الحالي اللي كنا نعرف اننا راح نشارك في دور الثمانيه من البطوله الاسيويه من الموسم الماضي والمفروض بمثل هالحاله انه يستعد لها من مباراة بني ياس و يتفق مع مدرب جيد و لاعبين جيدين و جلب صانع لعب من طلااز عالي و تنسيق بعض اللاعبين اللي ما منهم فايده للفريق انصح اميرنا المحبوب بتغيير الكوري و هرماش و منجان والابقاء على كومبواريه و ويسلي فقط وجلب مدافع اسيوي جيد والقاره الاسيويه فيها عدد من المدافيعن الجيدين اما الاجنبيين الاخرين واحد محور (دفاعي ) و صانع لعب |
يعلم الله أنني مقهور !!!!!! والله العظيم قهر يعني على قول المثل العين بصيره واليد قصيره انا ماقهرني الا المدرب يعني مباراه في دوري زين وامام الرائد تنزل اللعيبه كلهم ومباراه مثل ذي يعني مباراه مصيريه ماقدامك الا الفوز وعندك لاعبين مميزين وماتلعبهم ايش المهزله ذي اسالكم بالله هذي تشكيله يلعب بها قدام فريق مثل اولسان وفي بطوله عالميه ومباراه تحديد مصير بتلعب زي الرجاجيل ياتطلع برا، نبدا بالدفاع بالله عليكم المرشدي يستحق ان يكون لاعب في نادي الهلال الله يذكرك بالخير ياصالح النعيمه يعني وقفت عليه مافيه مدافعين الا المرشدي ، ومانجان بالله هذاك لاعب ما هقيت قال اصبرو لا تستعجلون ليه سياره هو يحمى ياخوي شف رادوي وطارق التايب وغيره كثير من اول مباراه تحس انه لاعب من جد لكن على قول المثل ليلة العيد معروفه من العشيه . طيب ياسر الشهراني وينه وشو له تتعاقدون معه اجل والكابتن محمد نامي من بداية الدوري جالس في الاحتياط وفي البطوله الاسيويه راززن وجهه ظهير انا ماراح اتكلم كثير لان يعلم الله اني مقهور يعني الهلال بعد العز والهيبه اللي كان فيها يصير فيه كذا عاشان مدرب زي هذا ياخي عندك لعيبه تأدي في الملعب ليش ماتلعبهم وشوله جالسين في الاحتياط اظنكم كلكم شفتم المباراه مع اولسان نص الملعب كان مفتوح امام الفريق الكوري يعني الهلال نص مافيه لا ولاعب لي باثنين محاور ايش المهزله هذي وين الفريدي وسالم الدوسري ونواف العابد والشلهوب وياسر الشهراني ووووووالخ...... لا واللي يقهر اخر المباره ينزل الدوسري مكان الدوسري بالله هذا مدرب ااااااااخ بس وينك ياجيريتس انت وسامي تشوفون المهزله اللي قاعده تسير ونسيت واحد مهم الحرس حسن العتيبي وينه اااااااه يالقهر وبرضه المهاجم الكوري بالله هذاك لاعب علي الحرام لو انا في ادارة الهلال مايدقها ياشيخ وحاط ياسر احتياط ياخي عندك لاعبين نزلهم من اول المباراه قلك تكتكه اي تكتكه اي خرابيط الله يرحم والديك ياخي انا يعجبني قريتس عنده لاعبين ينزلهم ويخلص لك المباراه من اولها كذاا الشغل ولا بلاش والله العظيم لو اجلس اتكلم من الحين الى بكره ماخلصت من القهر اللي فيني الامير عبدالرحمن ماقصر كفى ووفى لكن في الاخير الهلال مايهزمه الا المدرب لكن وشاقول تعبت خلااااااااااااااااااااااااص............. |
الامير عبدالرحمن بن مساعد : ) من الاشخاص اللي تعيد بعده فوق 5 مرات الى 10 مرات لتفكك كلامه : ) إقتباس اعتذر عن خروجنا من دور الثمانية في البطولة الآسيوية، وأقدر ألمكم وعدم رضاكم الاعتذار من شيم الرجال , و ابو مساعد ماهو بحاجه لشهادتي او شهادة احد منا : ) إقتباس اجتهدت منذ أن رأست النادي أن أعمل كل ما بوسعي لرفعة النادي، وتحقيق انجازات له، ويعلم الله سبحانه ويشهد أنني سعيت لذلك بكل إخلاص، ولم أدخر جهداً أو وقتاً أو مالاً في سبيل ذلك طوال المواسم الماضية، وحتى هذه اللحظة. ومحد ينكر ي ابو مساعد مجهوداتك ولسنا بجماهير جاحده لمجهوداتك بخدمة النادي : ) و يعلم الله واضحه وضوح الشمس .. لاكن الله يسامح من ضيع مجهوداتك وتكابرهم .. إقتباس الأكثر بطولات بين الفرق السعودية والحمد لله ، هذا من فضل ربي : ) إقتباس لست بصدد تعداد الإنجازات وسرد ما فعلناه من واجب علينا تجاه النادي وجماهيره في شتى المجالات، ووضح للجميع انه ماله اي منى في اللي سواه للنادي ، فهذا واجبه حاله حال اي رئيس راح يمسك النادي . . إقتباس وكذلك كما تعلمون جددّنا لإدارتنا لأربع سنوات قادمة؛ بدءاً من هذا الموسم رغبةً منا في مواصلة العمل لخدمة الهلال وإسعاد جماهيره، انسوا الاستقالة : ) إقتباس أما بخصوص بطولة آسيا، فيبقى الهلال أكثر نادي حققها في القارة لست مرات، وتحققت آخر مرة منذ عشر سنوات (في وقت رئاسة الأمير سعود بن تركي، وتأهل الفريق لبطولة العالم، ووضعت المجموعات والجداول وأماكن وتواريخ المباريات، وألغيت البطولة) تسكير افواه الجماهير الطائشه والاعلاميين بان ترا احنا سوينا اللي ماسواه اي فريق ثاني ب اسيا . . مو ب السعودية بس ! إقتباس أما بشكل البطولة الجديد فلم يحققها من الأندية السعودية إلاّ الاتحاد منذ سبع سنوات، وهذي استعصبت علينا وعلى الكثير من الاندية .. و اللي خلا جميع الفرق السعودية تصوم من 7 سنوات . . إقتباس ونأمل أن يتمكن الاتحاد أو الأهلي من تحقيق لقبها لهذه النسخة؛ ررسالة واضحه و صريحه ، و شي نشكر انفسنا عليه احنا كـ جماهير هلالية .. ب تشجيعا للفرق الوطن خارجيا .. و رد على المتعصبين اللي صاروا فجاه طلعت جنستهم كوريا : ) إقتباس ففرصهما إن شاء الله كبيرة بوصول أحدهما للمباراة النهائية، ونسأل الله لهما التوفيق، ولابد أن أقول أن البطولة الآسيوية حالياً أصبحت أكثر صعوبة من ذي قبل، وتحتاج للكثير من العمل والتوفيق". بالتوفيق لهلالنا و الاندية الاخرى خارجيا بالتوفيق . . : ) <<<<<<< من اجمل الردود اللي قريتها |
لاحول ولا قوة الا بالله الله يصبرنا عليك بس وش هالخطاب اللي من جد ماله اي قيمة او معنى وبعدين وش دخلنا تمدح في الاتحاد والاهلي وتتمنى يحققون البطولة خلك في الهلال وركز معه او ياليت تستقيل والله انها امنيه من يوم شفتك تجامل هرماش الفاشل وربي من يوم شفته اول مباراة واقول هذا ماراح يفيد الهلال والعربي ايضاً لو ماجاء عرض مناسب لك كان ماخليته يروح وهو فاشل والكوري والدوسري من رابع مباراة يقول ظغط الدوربي والفريدي يساوم وحنا اول ماندري عن الاعب الا انوه يجدد للهلال او انه ينسق يعني ماكان له داعي كل هالمهاترات وغيره وغيره وغيره والله انك رئيس ترفع الظغط وبس |
الامير عبدالرحمن بن مساعد.. لاننسى ماقدمت للزعيم وشكرا لك لكن اتمنى انك تجيب اجانب صح مثل ماجبت لنا نيفيز,رادوي,ويلي,والشمشون الكوري |
إقتباس:
ولاتنسى ان جيرتس الآن متفرغ من التدريب ليش مايتم التعاقد معه كمستشار او مدرب متفرغ للهلال وان لزم الامر ندفع العقد الجزائي لـ اوباما ونفتك منه نخسر كم مليون ولانخسر بطولات والقاب ونستفيد من الوقت .. شكرا لك |
كلام ورساله كل موسم نسمعها ولا نستفيد ابو فيصل البطوله ليست صعبه على الرئيس اللي يستعد لها من البدايه من معسكرات ومدرب صاحي وتعاقدات مع لاعبين يصنعون الفارق وليس لاعبين للاستثمار والدليل بقاء الكوري تمنينى من رسالتك ان تفتح المجال لغيرك الله المستعان |
والله مو مشكله راح نصبر لين نحقق البطولة وفريقنا فريق كبير |
يقول سمو الامير ان الاسيويه اصبحت الان أصعب من الاول هل هي يا سمو الامير صعبه على الزعيم فقط دون غيره ام ماذا ولماذا ليست صعبه على الاهلي والاتحاد هناك فرق |
| الوقت المعتمد في المنتدى بتوقيت جرينتش +3.
الوقت الان » 06:01 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd