|
الله يعطيك العافية من شيم الرجال الي الامام بالتوفيق للزعيم هلالي حتى النخاع |
ننتظر الفترة الشتويه يالاستثماااااري |
1-خطاب يراهن على عقلية جماهير معاهم معهاهم .... 2-رئيس ذكي وجماهير غير اذكياء ... 3-زهايمر لمده اربع سنوات قادمه... 4- اطلق كحيلان اللي بداخلك... |
كل إنسان له أفكار و أساليب و طرق و قد تكون على أسس جيدة لكنها لا تحقق النجاح المطلوب .. إدارة الهلال عملت كل ما إعتقدت أنه صحيح حسب الظروف المتاحه لهم .. لا نشك في ذلك لكن خلاااص ربنا ما كتب لكم التوفيق مع النادي و النتائج التي هي خلاصة العمل أقل من الطموح و بكثير .. رؤساء دول تكفيهم 4 سنوات يغيرون في بلدانهم .. الإدارة لها الآن 5 مواسم و كلها بإستثناء موسم وحيد فقط تعتبر عاديه جدا و ما ترضي طموحات الهلاليين . العزف على وتر نحن أبطال آسيا و أكثر من حققها و و و .. هذا أنتظره من صحفي أو إعلامي مو رئيس النادي !! رئيس النادي مطالب بتحقيق النجاحات في الوقت الحالي لأنه جاي لأجل كذا و الا بلاش من التعب و نقعد نتغنى بالماضي أصرف !! الإدارة تتعامل كإن النادي حقها .. و هذا غلط و خربطة لأن الهلال أكبر من الإدارة و من الرئيس و هو ملك لجمهوره لو مو جمهور الهلال ما جات موبايلي و لا غيرها .. ما جات لخاطر رئيس او إدارة . لذلك إحترام الجمهور مو بالكلام بالأفعال .. إدارتنا ما فيها قائد و الرئيس بكل صراحة يصلح يكون مدير مالي مو رئيس نادي !! عقود رعاية + تجهيز مقر النادي + تسويق ,, كلها أمور ممتازة لكنها لا شي إذا الفريق سئ و سئ جدا لاعبين يوصلون للـ 6 شهور و وضعهم مو واضح .. مدرب يجي متأخر .. أجانب عاديين .. كل هذي أخطاء إدارية فادحة تأثر بالتأكيد على مستوى الفريق و روح اللاعبين و تماسكهم . إدارتنا تفتقد الحسم .. فريدي يروح او يقعد المفروض الموضوع منتهي من سنة !! تخليه يلعب بأعصابنا و اكيد زملائه اللاعبين ينتظرون وش بيصير عليه لأن بالنسبة لهم المماطله تنفع مع إدارتنا الضعيفه و غير الحاسمه . مدرب متأخر .. شوف الاتحاد مدربه من نص الموسم الماضي .. و الاهلي و الشباب .. احنا للأسف بدينا نمشي بخطوات جار النكد كل شي لخبطه و اجتهادات تحكمها المواقف المفاجئه و بس . القائد لما يدخل معركة ما يعطي لنفسه اي احتمال غير الفوز .. و احنا قبل كل مواجهة قوية يطلع لنا رئيس النادي او احد اعضاء الاداره بكلام بايخ يجيب الضغط " اذا فزنا فحنا ابطال و اذا انهزمنا تراهم ابطال بعد !! " لا يا شطار هذي ما تنقال حتى لفريق ابتدائي !! أنا ألعب للفوز و بس و ما عندي خيار غيره و ادخل للمباراة و ما عندي اي خط رجعه اما اصرح و امهد للخسارة و اقول الفريق بدون روح !! أكيد بيكون بدون و لا مستوى و بينكسر بسهوله بأول موقف صعب بالمباراة لأنه مجهز نفسه ان الخسارة واردة .. و هذا أسلوب الضعفاء أما القيادي أبدا ما يشوف أعذار ما عنده الا خياريين يا أفوز أو أفوز لو يقلب الملعب دم انا أرجو إن الإدارة تحترم نفسها و تقدم الإستقاله الجماعية و ألف شكر بذلتوا مجهود لكن الله ما كتب .. لكن إنكم بتحتكرون النادي كمان 3 سنين قدام فمعليش أنا إنفقعت مرارتي من المكابرة على الغلط إشبعوا بالهلال لحالكم و يجي يوم و يرجع النادي لجمهوره . |
الحمدلله على كل حال ،، الانتصارات بالمباريات القادمة واستعادة الصدارة بالدوري ونيل اللقب سيهون من صدمة الخروج المرير .. خماسية الشارقة كانت مؤلمة ومذلة ذات يوم ولكن تجاوزناها وفرحنا بما تلاها من أيام سعيدة .. المهم هو معالجة كل الأخطاء والتخلص من الأسماء البالية التي لن تمنح الفريق أية فائدة .. شكرا .. |
ليس كل خروج من بطولة اسيا نبدأ باختراع الاعذار , يا سمو الامير لا يوجد شيء اسمه صعب او عقدة , دائما تقولوا انها صعبة وتستمر هذه المقولة بلاعبي الهلال حتى تم برمجتها بذهن اللاعب , ولا انسى بعض لاعبي الفريق فاقدين الطموح لانهم حققوا ما كانوا يريدونه عند ترؤسك للنادي بدل ما يشتغل اللاعب بتطوير نفسه ليعالج اخطاءه في كل مباراة بــ اسيا يدخلها لاعبينا تجد ارتباك وخوف وعند تسجيل هدف في فريقنا يصير الارتباك اقوى واخر مباراة تشهد على ذلك . اتمنى ان تقدم استقالتك عند نهاية الموسم , لانك لن تستطيع تقديم اكثر مما قدمته حاليا وفتح المجال لرئيس جديد .. ليتم التعاقد مع لاعبين محليين واجانب يعملوا اضافة للفريق .. شكرا :rose::rose: |
من الظلم تعليق مصير مدرب او لاعب او اداره بنتيجة مباراة ولكن هذا لا يبرر اخطاء الادارة ولا المدرب ولا اللاعبين واللوم الأكبر موجه للاداره برئاسة الامير عبدالرحمن بن مساعد فالهلال الذي عودنا على حسم ملفات اللاعبين والمدربين باكراً وعودنا على اعداد مميز قبل بداية كل موسم اصبح يرى فشله من تردي عمله قبل بداية الموسم فالبدايه كانت منذ التعاقد مع دول في اخر رمق ومدرب لا يحمل سجل تدريبي ففي ذلك الصيف اعداد الفريق كان سيئ تكبد من خلاله الفريق خسائر منذ بداية الموسم كلفته الدوري والموسم الثاني رغم اننا كنا بحاجه الى مدرب والكل كان يعلم ذلك الا ان حسم امر المدرب تأخر ايضاً الى الرمق الاخير حتى هرماش لم يكن هناك قناعة بتواجده ولكن حجة عدم ايجاد البديل رغم ان الاتحاد والنصر تعاقدا مع لاعبين بنفس المركز وبنفس الفتره افضل من هيرماش بمراحل اضافة الى ان اللاعبين خذلو الاداره والجماهير والسبب لا اعلمه هل هو سوء اعداد نفسي ام عدم مبالاه ام للمدرب وانظباطيته وعقلية اللاعب السعودي دور في ذلك على كل حال اللاعبين يتحملون جزء كبير من الاخفاق وعلى الاداره تعديل الأخطاء. وعدم الوقوع فيها مره اخرى لا الاستقاله التى لا اأيدها في هذا الوقت بالذات مشكورين ع الاخبار وبالتوفيق للاداره الهلاليه وللهلال |
إقتباس:
ادارات الهلال منذ تأسيسه تعمل بمنهج واحد واسلوب متفرد أصبح سمة الهلال وميزته فريحنا من الخربطة حقتك بالله عليك |
سيدي تقديمك الأعتذار هو تاج على رأس كل هلالي والله لانحملك النتيجة لقد بذلت الغالي والنفيس ولكن بعض جماهيرنا والقلة منهم اصبحت كالنساء تحفظ الزلات ولا تنساها اما مايقدم لها من تضحيات وتعب ومجهود فهي تنسى بلحظتها وكأنك لم تقدم لها كان الله بعونك فوالله من يحب الهلال لن ينساك |
جمهور مثل ناديهم نعود حصد الألقاب عيب الجمهور الهلالي انه يشجع الهلال فلازم يتحمله لأنه عوده على شي وهو البطولات زعيم وسيبقى زعيم بالتوفيق للهلال في اللقاءات القادمة إن شاء الله |
انا هلالي ما تغيرني الهزايم وضياع الالقاب ،،،،،،، انا صانع المجد والزعامه تاريخ وامجاد |
فترة الانتقالات الشتويه سوف تكون مهر البطوله القادمه .. شوية حنكة .. فقط أختر المدرب الصارم القادم والاعبين الأجانب على مستوى عال .. طبقو الاأحتراف وسترى بطولة أسيويه ليست صعبه .. كما تقول اذا كان هذا كلامك لا ألوم الاعبين وأكتشفنا انهم يسمعون كلامكم ولا يبالون بحرقتنا من خلفهم .. ابو فيصل شف روح لاعبين الأتحاد وأسال لاعبينك المواهب المدللين لمن يلعبون للمال ام للكيان .. |
عط الفرصه لغيرك ... نبي فكر جديد توجه جديد عمل جديد...! يارب صبرناا |
ما ادري وش اقول ياسمو الامير الا الله يسامحك وبس |
تعاطفت كثير مع بيان ابو فيصل اقدر الجهد الكبير الي يبذله ابو فيصل ولكن لازم يضرب بيد من حديد بـ اتجاه اللاعبين المحللين المتخاذلين |
| الوقت المعتمد في المنتدى بتوقيت جرينتش +3.
الوقت الان » 06:20 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd