|
من يطلب رحيل الرئيس لا يفهم شي ...... بسم الله الرحمن الرحيم السلام عليكم ورحمة الله وبركاته ماحدث ليس بالامر الهين والسهل صحيح هي خسارة مؤلمه وحزينه ....ولكن ليست هي اخر المشوار الهلالي ..هي محطه وعلينا ان نتجاوزها ونتعلم منها ونتطلع الي الامام ..لابد من ان نفكر بعقلانيه ومنطق ونتبعد عن العاطفه والتسرع في اصدار الاحكام والتي تضر ولا تنفع .. اختلفت تردود الفعل من شخص الي اخر هناك من شخص المشكله ووضع الحلول لها وهناك من وسع المشكله ووضع عقبات امامها ..للاسف هناك اعلام ينتقد المجرد النقد ..اعلام ينتقد الاشخاص ولا ينتقد عملهم .. هناك من الاعلاميين الهلاليين سقط في وحل العاطفه وركز علي الاشخاص وسل سيفه عليهم وكأنه يقول هذا فرصه لا تعوض لتصفية الحسابات ..وبدا في اسقاطاته ...وللاسف هولاء الاعلاميين كانوا كثر ..وكانواا القعلاء هم القله .. غرد بتال القوس بتغريد وقال ماعجز الاعلام الهلالي قوله ....للاسف قد نتخلف مع بتال كثيراا ولكنه اعلامي كبير بطرحه العقلاني والمنطقي .. لم يقف بتال عند هذا الحد وقال /إذا سقط فريق كبير يخرج بعض النقاد ويجردونه من كل ميزاته.. من يفعل ذلك ليس رياضيا حقيقيا ولا يمارس عدلا.. حتى الاعب الكبير فيصل ابواثنين في تغريدة كان عقلاني ومنطقي في طرح المشكله ..والحلول لها هولاء ماينقص الهلال في كل وقت .. الهزيمة واردة في كرة القدم والأخطاء موجودة ولكن ردة الفعل يجب ان تكون عقلانية وليست انفعالية وتدمر كل شيء وتطردالجميع وإلا لم يبق لاعب ومدرب... للاسف البعض واقول لبعض نسف كا ماعمله وقدمه الامير عبدالرحمن بن مساعد ..بسبب خسارة مباراة .لهذا الدرجه ننسي رجال خدمة هذا الكيان وقدمة له الكثير من المال والجهد بسبب خسارة ..لماذا هذا الجحود والنكران ؟؟؟ في كل شي يحدث اخطاء وطبيعي وجود الاخطاء وليس هناك شخص معصوم من الخطأ ...والعمل الصحيح هو مايوجد به اخطاء ...خسارة مباراة او بطوله ليس هو نهاية الطريق ..بالعكس هو بداية الطريق .. علينا ان نقف مع هذا الرجل وندعمه حتى النهايه طالما هو علي راس الهرم الهلالي ... حتى وان احزنكم مرة فقد افرحكم مرات ومرات فالحبيب لا يقسوا على حبيبه بل يقف معه ويواسيه ولا يلغيه ويهدمه! رغم ماحدث الزعيم هو كبير آسيا … الهلال ياضايق الصدر بالله وسع الخاطر دنياك يازين ما تستاهل الضيق الله على ما يفرج كربتك قـــــــــــادر والله له الحكم في دبرة مخاليقه |
ملاحظه / (سنبقي مع شبيه الريح يزعل من يزعل ويرضي من يرضي ..لن نتخلي عن رجل خدم هذا الكيان ) |
عبدالرحمن بن مساعد خلاص ماعنده شي يقدمه بيض الله وجهه خلاص يعطي غيره فررصة استنزف ماديا ولايقدر يقدم اكثر من كذا اتمنى يرجع بندر بن محمد لرئاسة مادري احسه بيكون هو ضالة الهلال ... |
دامها خربت ,,, محنا مستعدين تخرب مرة ثانية نطالب باستقالة الرئيس الى هم الاول والاخير كيف يستثمر في الهلال!! |
ملاحظه / (سنبقي مع شبيه الريح يزعل من يزعل ويرضي من يرضي ..لن نتخلي عن رجل خدم هذا الكيان )</B> |
كلام سليم الخساره وارده لاي فريق بس مو بالشكل المذل هذا ..! وكلنا نخظى ومحد معصوم عن الخطآء .. بس تكرر الخطآء على مدة 4 سنوات وما تتعلم من نفس الخطآء هنا الكارثه ..! ياعزيزي هذا تآريخ نادي عريق والي يصير عبث وتشويه لتاريخ الزعيم فاسمتراره بالعمل بنفس الاسلوب يعني اننا راح نششوف الهلال من فرق الوسط كما قال الاعلامي صالح الحمادي |
إقتباس:
الرجل لديه الكثير ليقدمه صحيح لم يحالفه التوفيق ولكن كل شي بيد الله عز وجل .. |
رئيس لايروض الأسيوية لأربع سنوات متتالية لايستحق هذا الكرسي البطولات المحلية ليست بجديدة ولاهي انجاز للهلال افقنا على الهلال وهوا كل سنة لابد من بطولتين لاعبين الهلال في السنوات الأخيرة يلعبون من دون روح وهذي الخاصية مايزرعها في نفوس الاعبين الا بندر بن محمد لإنه شخصية فذة يجيد استخدام الجزرة والعصا ووالله مااستمرار الأمير عبد الرحمن الا مضيعة للوقت ان كنتم تحلمون بعودة رجال على المستطيل الأخضر |
يا اخي الامور ما وقفت بس على فضيحة اولسان تتبعات كثيرة وعديدة ولا تعد ولا تحصى جلب مدرب في وقت متأخر جداً ومدرب مثل ما يقولون اي كلام وكان في متناول اليد اكثر من مدرب وابرزهم الهولندي هدينك الحاصل على المركز الرابع مع كوريا الجنوبية في كاس العالم 2002 والعذر بأن المدرب طلب مبلغ عالي ووالمبلغ المطلوب 12 مليون دولار والواقع يقول بان عقد العربي وهرماش اعلى بكثير من قيمة المدرب الداهية ونذهب الى الاجانب الذين ضروا الفريق اكثر من نفعه المهاجم الكوري اثبت فشله في الموسم الماضي ولكنه برز فقط في مباراة بني ياس وقيمت الادارة اداء الاعب على مباراة واحدة فقط من موسم كامل وهذا ما يثبت الفكر الرياضي الموجود لدى الادراة الحرب الاعلامية الشرسة على الكابتن ياسر القحطاني ووقفت الادارة ولم تحرك ساكناً منذ عام 2007 والاعب يعاني من الجماهير والاعلام ولم يجد سنداً له بعكس عندما رحل الى الدوري الاماراتي منذ اول مباراة وقفت ادارة نادي العين مع الاعب ضد جماهير الوحدة واصدرت بحقهم غرامية مالية وغيرها من عقوبات وتعهدات هرماش اثبت ايضاً من العام الماضي بأنه ليس ضالة الهلال منغان لاعب عادي جداً وضرره في الدفاع اكثر من نفعه انتقالات الاعبين المحلية منذ قدوم الادارة لم نجد اي انتقال فعلي وجميع الصفقات فاشلة سعد الحارثي ها هو من العام الماضي اسير دكة الاحتياط فيصل الجمعان قدم واوقف سنتين ولا اعلم ان كان رحل ام بقي وليد الجيزاني صفقة مضحكة بمعنى الكلمة حتى من لم يفقه بالكرة ضحك على تلك الصفقة ولم نكسب اي صفقة محلية سوى ياسر الشهراني بعد مد وجزر استمرت المفاوضات لمدة سنتين اطول مفاوضة حصلت في التاريخ وفي النهاية انتهت الصفقة بنظام الاعارة اي سنة واحدة فقط والاعب يرحل عنا رحيل الاعبين المميزين ببلاش تعرف وش يعني بدون فائدة للنادي رحل المحياني ولم يكسب الهلال اي مبلغ من هذه الصفقة رحل اسامة هوساوي ولم يستفد النادي من اي مبلغ وفي الطريق معهم الفريدي ولو تكلمت عن اخطاء الادارة لم اسكت صدقني لو كان بقاء الادراة مفيدا لهلالنا لكنت اول المحاربين على من يطالب برحيلها ولكن والله هم الضرر بعينه على زعيمنا فنحن الجماهير لا نسمح لاي كائن من كان بأن يلعب بتاريخ وسمعة زعيمنا واتمنى بأن يرحلوا ويتركوا المهمة لغيرهم فلقد تعبوا واتعبونا معهم |
إقتباس:
|
طيب يعني اذا قدم الجهد والمال سنه او سنتين او ثلاث خلاص يعني يبقى رئيس مدى الحياه؟ لاحد فوق الهلال عبدالرحمن بن مساعد انتهى دوره واتمنى يترك الرئاسه في القريب العاجل وله كل الشكر والتقدير والاخطاء كانت واضحه جداً جداً وابسطها ابقاء الاعب الكوري لموسم ونصف وهو سيئ جداً جداً جداً |
بن مساعد أفادنا اول سنتين وبعدين جاب ناس بصراحة لايستحقون شعار الزعيم |
إقتباس:
آلله يخلي فلوس عزوز بن فهد :yes: آيضآ مآ آنسى فيصل بن سلطآن آللي لولآ آلله ثم آلـ 3 ملآيين آللي دفعهآ كآن مآ شفت ويسلي بآلعريجآ آي فلوس تتكلم عنهآ وآي خسآئر من جيبه آلخآص ؟ للمعلوميه هو ينتظر آلخصخصه عشآن يستولي على آلنآدي مع آخوه :yes: |
ياخي كلنا نحب ابو فيصل بس الصراحه انه فاشل حاليا ياخي ما قدم شي للهلال ياخي بطولات الدوري متعودين عليها كاس ولي العهد متعودين عليه لاعبين ما قصر جابهم بس ترى همه الاول استثمارهم وانت شفت كيف تصرف معاهم ياخي انا غسلت يدي منه لمن قال انا ما يهمني الجمهور ياخي والله ما ينفع رئيس شايف نفسه على جمهور ناديه والله ما يفيدك استقالته الحين افضل حل للهلال تغيير اللاعبين مانقان فقط هذي الحلول المناسبه بهالفتره |
طيب ميييين اللي يفهم؟؟؟؟ نورنا تكفى. .... انت قلتها أنا يجب ان نتعلم من الدرس...والأغلبية تشوف ان سبب المشكلة في الادارة ورحيلها هو الحل... او كل هؤلاء ما يفهمون وقدام عيونا الادارة تكرر أخطائها كل سنة بل تزداد سوء وتجي تقول لنا لازم نعطيهم فرصة واللي يطالب ما يفهم...!!! لا واضح أنا نتعلم من الدرس صراحة. يا اخي ببساطة الادارة فشلت ليس مرة ولا اثنتان ولا ثلاث بل اكثر من العد...والحل بوجهة نظرك نصبر عليهم؟؟؟؟؟؟ |
جميع اللاعبين الذ1ي لعبوا في مباراة اولسان لابد من محاسبتهم واولهم المدرب ولابد من محاسبة اي لاعب يقبض الملايين ويستهتر بالشعار فاي لاعب يقدم المدرب عنه تقرير انه غير مزركز ولم يعمل المطلوب منه في المباراة لابد من محاسبته . الكوري خروج نهائي مانقان خروج نهائي هرماش انت لست لاعب يستحق ارتداء شعار الازرق ارحلوا فانتم اسباب الذل والهوان خذلتونا الله يفشلكم عزوز الدوسري المفروض خارج التشكيل مو بس في الاحتياط لاكن مانقول الا الله يحلها من عنده |
إقتباس:
لآ أنت نآفـع ولآ ششي .. قبل لآ تحآسسب الرئيس .. حآسب نفسك يآ نآآكر الجميـل .. ككم مباراة حضرتهآ للهلآل في حيآتك ؟؟ ككم مررة سحبت على الهلآل و هم في أمسس الحآجة لكك أنت و خشتك لكن الهلآل مآ يحتآج أمثآلك ..! |
من يقول ان الامير بندر بن محمد هو رجل المرحله اقوله لكل زمان رجاله ولو استلم الامير بندر الان لن يحقق ما حققه الامير عبدالرحمن ..وهذا ليس كلامي هذا كلام الامير بندر في برنامج ارسال ..قال بأن الزمن تغير عن السابق بكثير وانه لا يوجد في الهلال افضل من الامير عبدالرحمن بن مساعد .. |
يعني تبونه يبقى رئيس مدى الحياة!! خمس سنوات و يعجز عن تحقيق الاسيوية و يطلع يقول لك أصلا الأندية السعودية من سبع سنوات ما جابتها!!! يعني الرجل مقتنع إنه طبيعي انها ما تتحقق للأندية السعودية!! يعني انسوا يجيبها الهلال معه!! أخذ فرصة كاااافية و جاء وقت أن يترك الفرصة لغيره! بعدين تروا الهلال ما عرف التشاؤوم و سوالف الملز و استاد الملك فهد, و سالفة انه يحضر شوط و يطلع شوط الا معه!!! و هذي اعذار جاهزةّّ بعدين فيه إدارة تبي آسيا و تسمح لأمثال المرشدي و الزوري يلعبون للهلال!! و المصيبة اللي مو راضي استوعبها إن المرشدي كابتن للهلال!!! إبن مساعد تبقى في القلب كأنسان طيب و مثالي و حبيب للجماهير , لكن إدارة الهلال اخذت الفرصة و جاء الوقت لتمنح غيرك الفرصة أيضاّ!! |
اتمنى رحيل ابو فيصل اتمنى التقاعد مع مدرب ذو تاريخ وقيمه وفكر رياضي اتمنى طرد الكوري عسى الله يكره الى متى الغطرسه في المدربين والمحترفين من بعد امجاد قريتس هزلت الاداره الهلاليه ابتداء مع تعاقدهم مع السباك وكالديرون والاصع العله الثاني والان مع وجهه النكبات الي مايعرف يوضفي الاعبين واراهن اذا كان المدرب يعرف يخطط ويدرب الوجهه الميت حسبي الله عليه اتكلم لغيرتي للهلال مافيه ولا مباراه الا حضرتها سواء بالرياض او الغربيه او الشرقيه لاجل عيون الهلال ولكن للاسف كرهتونا يا اداره بغطرستكم في شي اسمه هلال |
انت يا تضحك على نفسك يا تضحك علينا اجل بتال ؟؟؟؟ اعلامي كبير وقضاياه مع الهلال اللي ماله اي دليل ولا حق وتيجي انت تقول انه اعلامي محايد ومدري وش مايقول هالكلام واحد هلالي ابد ولا بعد تصف اللي يطالب الرئيس بالابتعاد بانه " لا يفهم شي" طيب يافهيم قول لي وش سوى بن مساعد انا اقول لك ضيع لنا المحاور عزيز + عمر الغامدي + البرقان وابقى لنا مصاب 24 ساعة واجنبي رحيله آت لا محالة و القرني دمره في الاحتياط بعد ما حارب الاتحاد عليه سناتر الله بالخير اسامة هوساوي سنة كاملة عارف انه سيرحل ولا تاتي ببديل وتاتي بفواز فلاتة ويحي المسلم وغيرهم وكلهم بالدكة والمرشدي باقي يلعب صفقات اجنبية مقيتة ست مدربين في اربع سنين ؟؟؟!!! وش يدل ست مدربين في اربع سنين ؟؟؟؟؟؟!!!!!!! يعني لا انت اللي اخترت زين ولا انت اللي صبرت على المدرب وذا الشي لا يصدر الا من عقلية كروية صغيرة والكلام كثير كثييييييييييييييييييييييييييير عن سيئاته خمس سنين ماحصد الا بطولات في اول فترته اللي هي شغل محمد بن فيصل وبان على حقيقته في الثلاث سنين الاخيرة انا اعرف العمل الجيد ثمرته تاتي في الاخير مو في اول العمل والله مانكبنا الا المطبلين امثالكم هم اللي يخلون السيء يستمر ويتهم اللي ينتقد انه لا يفهم شي وانه ناكر جميل سبحان الله لو انا مني هلالي وانت هلالي وذاك هلالي وش اللي يطمع اي احد انه يرأس الهلال الا جمهوره خمس سنين كفااااااااااااااااااااااااااااااااااااااااااااااااااااااااااااااااااااااااااااااااية اذا تبون احصائيات فالاحصائيات ضد الرئيس اذا تبون عاطفة فالعاطفة ضد الرئيس واللي يقول وش ذنب الرئيس انا اقول هو السبب لانه عمله غير متقن الخطأ يبدأ من عنده وينتهي عند اللاعب وهذا انتم صبرتوا عليه الاتحاد يطلعك في اسيا والملك وصبرتوا عليه فرق اسوية تهزم الهلال في الادوار النهائية وصبرتوا عليه حتى جاب لنا الفضيحة وهذه صورة توضح كل شي http://im17./tIPq1.jpg واخر شي يجي صغر عقل يقول لي مندس |
عبدالرحمن بن مساعد انتهى دوره واتمنى يترك الرئاسه في القريب العاجل |
اعتبرني اول واحد مايفهم يجب تغيير الاداره والمدرب والاجانب ماعدا ويسلي وجلب 2 قلوب دفاع وتسريح المرشدي ونامي |
إقتباس:
شوي شوي لآ ينطق فيك عرق :s2: آلحمدلله آغلب جمهور آلزعيم عآرف وش آللي دمره آبو فيصل في آخر موسمين ولآ يزآل يوآصل آلتدمير كومبآريه بآلمعسكر يقول مآبي هرمآش وفجآه آليوم آلثآني يقول مقتنع فيه ,,, بإختصآر هرمآش مفروض على آلمدرب لآن آبو فيصل مآ يبي يبيعه بخسآره خصوصآ إن عقده بآقي منه كثير ,, وهآلشي يبين إنه يدور على آلمآل ومصلحة آلفريق مآ تهمه آتمنى منك يآ عزيزي تتكلم بحريه بس بدون مآ تقول عني آو غيري عآر آو نآكر للجميل لآن من يقول هآلشي يرى آلنآس بعين طبعه دآمت للزعيم زعآمته ودمنآ له عشآق ومحبين وآلله يبعد عنه كل مطبل وبآحث عن مصلحته آلشخصيه مودتي للجميع :rose: |
استغرب ان فيه عقليات مثلك لازالت تفكر بهإالتفكير مع احتراإمي الشدييدد لك الكلام هذا تقوله اذا كنا اول مره نخسرها لكن رئيس كل سنه نفس الأخطاء واكثر وتقوولي نقف معاإه لا طبعاإ واقولها بصرييح العباإره مانبغاإه ونتمنى اننا نسمع خبر استقالته وفيه الف واإحد يقدر يمسك ادارة الزعييم والتدخلات الادارية ذبحت الفرييق والادلة واإضحه ويقولون عمل مثالي من الاداإره!!! هذا تطبييل للاداره ادارة عبدالرحمن فاشله الان خلاص ماعندها شي تقدمه وهالضجة ترا مو بس عشاإن اولسان لان الفرييق من يوم طلع من ذوب اهان وهو فيه تدهور رهييب لكن اذا احد تكلم قالوا مندس الان بدات النتإائج الكبيره تظهر لعمل الداره مادري وين النجاإح ببطولة الدوري والكاإس ماتسمى نجاح لان اي اداره تمسك الزعيم تجيبها النجاإح انك تحقق اسيا ع العموم نتمنى ان الاداره ترحل وبس |
.بكل صراحه يبدو ان فيه عضو شرف يحاول ان يؤجج الجماهير الهلاليه طمعا في كرسي الرئاسه ويحرض بعض الاعبين ((( بدون ذكر اسماء )))) لكن سيبقئ الاميرعبدالرحمن بن مساعد غصبا عنا الراضي والزعلان |
عبدالرحمن بن مساعد سوا كل اللي عليه كرئيس وفشل بتحقيق حلمه { الاسيويه } صحيح ماقصر سوا الكثير والكثير للكيان الهلالي وراح يسوي الكثير والكثير ايضاً .. لكن بإمكانه يسوي اللي يبي وهو عضو شرف او بأي منصب عبدالرحمن بن مساعد فشل بشيء واحد بس اللي هو ( الاداره ) بسبب طيبته واخلاقه تهاون اللعيبه وغابت عنهم الروح وايضاً بسبب فكره الاستثماري طاح الهلال والدليل اشباه المدربين و المحترفين ..؟ ولا ننسى كلامه في احدى البرامج ان ماينقصه هو الخبره اكتسب الخبره وانت عضو شرف طيب ؟ وخل الاداره للي عندهم خبره . |
إقتباس:
لا تأجييح ولا شي لكن الجمإاهير واإعية وفاإهمه مو مثل باإقي الاندية اللي ينلعب على جمهورها!! جمهور الهلال فاإهم ومايرضى بتشوية سمعة الزعييم مهما كان الشخص وعبد الرحمن بن مساإعد الان ظهرت نتاإئج ادارته الموقره اللي شوهت سمعة الفريق قارياإ ماإقدر عليهإا فييه غيره الف رجل قادر على رئاسة الكيان |
يكفييي تطبييييييييييييييييييييييييييل .. !!!!!! ابن مسآآآعد مو مكااانه الهلااال .. خله يروووح يشعر اصرف له |
اكيد اننا ماراح ننسى اللي قدمه بس خلاص شكرًا كفى ووفى انا كمشجعه للكيان فقط و ليس الاشخاص ما ارضى اي احد يشوه تاريخ الهلال سواء اداره او اعلام او لاعبين خلاص انتهى وقته ما عنده اي شيء يقدمه و ترا الاعتراف بالفشل شجاعه ! |
إقتباس:
|
إقتباس:
صدقني دفاعك عن الريس بالوقت بدل الضائع. بس اللي يبقى لا هو عبدالرحمن بن مساعد ولا سامي..... اللي يبقى وليرحل من يرحل هو ... الهلال فقط. هنا الفرق بين جمهور النادي وجمهور الاشخاص |
إقتباس:
أي شخص يمسك منصب زي كذا مايتعذر من الهجمات لانه شي طبيعي راح يحإارب بعديين انت قلت يرحل اللي يرحل مهما كان اسمه وحجمه . . حتى لو الامير عبدالرحمن فقط الهلال.يبقى |
صباح الخير... نحن هلاليين حتى الثمالة ... وربما أشد عشقا للهلال من بعض المطبلين..العمل الاداري هومنظومة متكاملة من العمل المؤسساتي المتكامل...إذا أختلت أحد أضلاعه تهاوى. عبدالرحمن بن مساعد بكل بساطة- كرئيس لمجلس الادارة- فشل قشلا ذريعا في امور كثيرة لا يتسع المجال لذكرها بالتفصيل.. وعليه أن يترجل بشرف ... الشعب الهلالي به عشرات بل مئات الألوف من الأكاديميين والأطباء والمهندسين ورجال الأعمال ممن يتمنون خدمة الهلال الكيان. ولن يقف الهلال على شخص عبدالرحمن بن مساعد "رئيس مجلس الادارة السابق" الذي نتمنى له كل التوفيق خارج مجلس إدارة نادي الهلال. فقط للتذكير بالاخفاقات.... توالي المدربين، الفشل في اختيار اللاعبين الأجانب وتصريفهم على حساب مصلحة النادي، التفريط في رادوي وسوء التعامل الاعلامي مع قضية رادوي وغيرها من القضايا المؤثرة.... التعاقدات الضعيفة مع اللاعبين المحليين، التفريط في سامي الجابر أو عدم ايجاد البديل المناسب ( وما أكثرهم : أبو أثنين، التيماوي، الثنيان، النعيمة،وغيرهم كثير)، تسليم شارة القيادة لنكبة الهلال العظمى خلال العقد الأخير: المرشدي، .... ألخ. الخ. وبالتوفيق لرئيس الهلال القادم بإذن الله. |
إقتباس:
|
اقتباس من الاخ ($سعود$) ماذا فعل الامير عبدالرحمن بن مساعد / في عهد عبدالرحمن بن مساعد حققنا الدوري بدون هزيمة في عهد عبدالرجمن بن مساعد اصبحنا نفوز بالخمسات في عهد عبدالحرمن بن مساعد اصبحنا نطالب بالاجانب المعروفين في عهد عبدالرحمن بن مساعد حققنا ولي العهد 4 مرات متتالية في عهد عبدالرحمن بن مساعد فقط من موسم 2008 الى موسم 2012 خسر الزعيم (( 10 )) مباريات فقط .. وللمعلوميه الهلال لم يحقق الاسيويه من 10 سنوات |
معك ياشبيه الريح وياجبل مايهزك ريح |
ياحبيبي الدعوه ماهي عواطف وماراح نتخلى عنه ومن هالكلام والخرابيط الدعوه وش قدمت يا عبدالرحمن بن مساعد بعد موسم جيريتس ؟؟؟ الجواب ولا شي من جرف لدحديره حتى اسيا هالسنه لو انه رئيس صاحي كان جاب المدرب والاجانب قبل المعسكر مو يجيب مدرب بعد المعسكر واثنين اجانب بعد المعسكر ؟؟؟؟؟؟ ولا بعد يجلس الكوري وهرماش السيئين الموسم الماضي واليوم يطلع لنا ببيان ساذج وسخيف يلعب فيه بعقول الجماهير اتمنى اسمع خبر اقالته اليوم قبل بكرا |
أبو فيصل م قصرر بشي بحق النادي . آلله يوفققهه مع آلزعييم :ba: |
طبل يا مطبل الرجال قدم ما عنده ونشكره على ذلك لكن نلاحظ مستوى الهلال كان ممتاز اول سنتين من رئاسته وكلنا انصفناه ذلك الوقت لكن بعدها في هبووووط حاد السنه الثالثه والرابعه مستوى سئ بدايه الخامسه خروج مذل ومهين بالاضافه للمشاكل اللي في النادي كل سنه اسوأ من اللي قبلها الرجال قدم كل الللي عنده وما فيه شي جديد يقدمه المحب للهلال يترك التطبيبل ويتكلم بعقل |
هل فعلا قال انا مايهمني الجمهور ؟ عطوني رابط ل هالكلام |
زي العادة لازم يطلع مطبل وكأن الجمهور معه يا عزيزي الجمهور تراه واعي ويفهم خلاص بن مساعد ما راح يقدملك شي مشغول بأستثماراته |
إقتباس:
|
اعتقد سبب هزيمه الهلال هي المبارة الاول بسبب تفريط ألاعيبه في الفرصوهذا ينطبق علي جميع المباريات التي خرجنا منها |
تاركين لك الفهم يا حكيم زمانه الادارة تكرر نفس الاخطاء في كل سنة ولا تتعلم من اخطائها جلب مدربين عاطلين عن العمل وفي توقيت سيء واشباه لاعبين استنزفوا اموال طائلة ولم يحققوا اي انجاز مع النادي وتجي الحين تقول الي يطالب برحيل الادارة لا يفهم شيء !! |
إقتباس:
|
| الوقت المعتمد في المنتدى بتوقيت جرينتش +3.
الوقت الان » 07:11 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd