|
الهلال يحتاجكم فلا تهدموا ما تبقى من هيبة الزعيم بأحكامكم المتسرعه حـبـايـبـــي الكرة فوز وخسارة ويجب أن نتعامل معها على هذا الأساس فهناك فرق عالمية ومنتخبات عالمية حصلت لها هزات في كرة القدم ولم تتوقف عند هذه الهزات بل تابعت وصححت مسارها بمساعدة جماهيرها ووقوفها معها وهذا الواقع لايحتاج له مراهقين لايرضيهم إلا الفوز والفوز فقط ولا حاقدين يسعدهم اللعب على أوتار إخفاقات الزعيم هذا الواقع الكروي يفهمه الناضجين من محبي الزعيم والذين ينظرون للأمام ولمستقبل الزعيم . صحيح إن النتيجه كبيرة وفي وقت صعب للغاية والأدهى والأمر بأن الهلال كان مغيبا بنسبة 100% فنياً وإدارياً حتى اللاعبين كانوا في أسوأ حالاتهم ولكن هذا لايجعلنا نصدر أحكام تنسف ما تبقى من هيبة الزعيم بسبب الأحكام المتسرعه فهناك إستحقاقات قادمه للزعيم يجب أن نتكاتف لإعادة روح اللاعبين لسابق عهدها الهلال بحاجه لقلب دفاع سريع وذو خبره وصانع ألعاب مميز وهداف سريع كذلك يفتقد الهلال للقائد داخل الملعب تحس الهلال يلعب بلا قائد فعلي ذو خبره يبث الحماس ويكون عين المدرب داخل الملعب ياسر يملك هذه الصفه ولكن للأسف ياسر حبيس لدكة الإحتياط هناك أيضاً سلبية تخص الجماهير فلو حمل المدرب والإدارة واللاعبين نسب الخسارة القاسية فللجماهير أيضاً نصيب من هذه النسب ولا يعني حضورهم المباراة بأنهم أدوا اللي عليهم تذكروا جيداً وفي هذا المنتدى بالذات تعرض بعض اللاعبين لألوان السب والشتم والإستهزاء من بعض الجماهير المحسوبه على الهلال حتى أفقدوهم ثقتهم بأنفسهم وأصبح لدينا لاعبين يلعبون داخل الملعب وأحاسيسهم خارجه مما عرضهم لأخطاء فادحه في بعض المباريات كانت نتائجها كوارثية . إستفيدوا من جماهير الأندية الأخرى مثل الإتحاد والأهلي تلاقيهم ينتقدوا أي شيء إلا اللاعبين لأنهم يعلمون بأنهم في يوم من الأيام سيحتاجون لهؤلاء اللاعبين فلا يلاقوهم كما هم يريدون أن يكونون عليه من مستوى فني رفيع والسبب كثرة الإنتقاد الغير مبرر على الرايح والجاي ساندوا فريقكم وإلتفوا حوله لو أنتم بالفعل تريدون مصلحة الزعيم |
لنا عشر سنوات نعاني في اسياء من النفسيه والدفاع والاداء الفني ودور 16 و 8 هذي مشاكلنا من عشر سنوات وين التعديل والتصحيح وين التطور قل لي ..؟؟؟؟ اكيد بنحمق ياخوي سامي الجابر هو الحل الانسب..لازم يجي يدرب الهلال |
اسمه منتدى للجمهور يعني اذا اللاعبين بيقرأون كل كلمة فيه ما صاروا محترفين مالهم عذر ابدا كل من مثل الزعيم الليلة قصر / سيبقى الهلال عشقنا الـأبدي :smilie47: |
ياعمي واثق الخطوة يمشي ملكا َ لما تكون متاكد من رفاقتك تغزي بهم لا تهاب ولما تعرف ان ما معك احد !!! مالك الا تكلها في جنبك وتسكت يعني اش تبغون يامظللين يساوي الجمهور يلعبون بدالهم مثلا !!!!!!!!!!!!! ياخي احترموا زعلانا وغضبنا وقهرنا والحين جاي تقول فللجماهير أيضاً نصيب من هذه النسب ولا يعني حضورهم المباراة بأنهم أدوا اللي عليهم تذكروا جيداً وفي هذا المنتدى بالذات تعرض بعض اللاعبين لألوان السب والشتم والإستهزاء من بعض الجماهير المحسوبه على الهلال حتى أفقدوهم ثقتهم !!!!!!!!!!!! |
هذا موب لعب الي نشوفه في الملعب حواري مع احترامي المدرب ماله ذنب يا عمي بتغير المدرب وبتغير الاداره وش الفايده اذا ما فيه اساس جوا الملعب الي هم الاعبين لكن حنا وش نقول الله ياخذ اللحوج الي يلعبون للفلوس ولا يقدرون الشعار الي لابسينه ولا يقدرون الجماهير الي جايه من كيلوات حسبي الله ونعم الوكيل وانا من رايي يا جماهير الزعيم لاحد يحضر اي مباراة للملحجه الا اذا وصلو نهائي اسيا حتى نهائي كأس ملك والا الدوري والا اي بطوله محليه لاحد يحضر والله فشيله تاريخ الهلال يضيع بسبب ملحجه ياعمي جيبو الاولمبي قسم بالله ان لعبهم ازين من الي في الفريق الاول |
وهو بقى فيه هيبه؟؟ الهيبه راح اخر قطرة منها مع جيرتس الله يستر من القادم |
معليش اخو هو بقى للهلال هيبه راحوا الطيبين ... اتمنى من كل قلب ان يرأس الهلال رجل حازم ومتمكن اداريا ... |
المشكلة بالهلال ليست مدرب ولا ادارة لاعبين بلا روووح انهكتهم الفلاشات والشهرة على حسابنا اعيد واكرر لاعبي الهلال ضعفاء من الجانب النفسي المنتدى صاير متنفس للبزرااان وعيال الفقر :mad: واي واحد يجيب الادارة على لسااانه ينثبر احسن :mad: |
كـلامك صحيح 100 % هي عثـره في مشوار للكيان الأزرق , متوج دائمـاً بالألقاب وإن سقـط الزعيم , يبقى ذلك الكيان شامخ قلمك قليل تواجده هُنا , وحرفك متوج دائما بالحكمه شكراً لك |
تبي الجد مشكله الهلال هي مباره الذهاب لما ينهزم مايعرف يرجع المباره ذوب هان والحين الفريق الكوري كلها نفس مشكله بعدين هذا اعداد حق بطوله مثل اسياء جايب لاعب له 4 شهور مصاب في خانه الدفاع لجل تلعبه قدام فريق قوي والكوري امانه لاعب كوره قدم وهرماش كويس بس مو لاعب اللي يشيل الفريق يعني تبي اسيا لازم فريق ما يرحم قلب دفاع ومحور دفاعي و صانع لعب مع لوبيز مع يحي شهري كان قدامك سعود كرير يبي الهلال بس ليه ماتبيه هو افضل من هرماش بصراحه انا مافيني اتحمل كل سنه هذا الهم والانتظار وتعب اخرتها 3 من الاتحاد والحين اربعه من اولسان |
قـدر الله وماشاء فعل ,, الصـبر ثم الصـبر ,, خلو املكم بالله كبير وبآذن الله بنطلع هالسنه ببطولتين محـليه والفـوز والخسآره آمر طبيعي صحيح ماتمنينى تكون بـ هالنتيجه ,, والاعلام بيتكلم به شهرين قدام ومايسكتهم الا رجوع الفريق لمستواه بالدوري فـ الرحمه باللاعبين .. |
الي فات فات ياجمهورنا الغالي خلاص الحمدلله على كل حال بس اتمنى النظر في وضع بعض اللاعبين الكوري + الزوري + القرني + المرشدي + نامي + مانجان +عزوز + وش وضعهم , وهل الاداره والمدرب تشوف اخطائهم القاتله في كل مباراه ولالا !!! الكيان الهلال ينتظر وقفتنا في الانكسار قبل الافراح والفوز , اتمنى ياجمهورنا نبني هلال اخر وبحول الله يتغير كل شى |
إقتباس:
حياك عزيزي نزعل صح ووالله إني حتى لم أدخل الواتساب ليلة البارح من كثر الرسائل المنفرزه التي سوف ترسل لنا من الجماهير الحاقده للزعيم والتي تتكرر في كل سنه مع خروجنا من الآسيويه ولكن هذا لايعني أن نقسوا على فريقنا وندمر ما تبقى من روح لديهم الخلل واضح واضح ممكن ننتقد على أمور تصحح مسار الفريق ولا تحبطه -- تأخر التعاقد مع مدرب -- التعاقد مع مانقان مع العلم بأنه مصاب ولم يزاول كرة القدم من مدة ليست بالقصيرة -- اللاعبين الأجانب لم يكونوا على قد الطموح ما عدا ويسلي لوبيز -- أهم نقطة عدم وجود مدير كرة مثل ماكان يقوم به سامي الجابر وترك الحبل على الغارب للمدرب من باب ( لاتكن ليناً فتعصر ولا قاسياً فتكسر ) |
5 سنوات تكفي على عبدالرحمن بن مساعد للاسف كل سنة خروج وأمر من اللي قبله نبي رئيس نادي جديد بأفكار جديدة ويكون متحمس ونبي نفض للهلال بقوة |
إقتباس:
حياك لودي الهلالية أي محترفين كلمة محترفين ديكور فقط نحن هنا لانعرف من الإحتراف إلا إسمه فقط فاللاعب لدينا يتأثر بما يطرح في المنتدى سواءً كان ذم أو مدح ولا تهون القنوات الفضائية التي ترفع لاعبين وتحبط لاعبين والأمثلة كثيرة قارني لي بين ياسر الهلال وياسر العين وأنت تعلمين كيف بأن اللاعب يتأثر بما حوله من أمور أيضاً إذا حنا نتكلم عن الإحتراف هل تتابعون الدوريات الأوربية وتلاحظون عندما يهزم الفريق وحتى بأعداد كبيرة من الأهداف هل لاحظتم ردة الفعل عند جمهور الفريق المهزوم تقف جميع الجماهير وتصفق لفريقها المهزوم لكي تدفعه نفسياً لباقي الإستحقاقت القادمه هل نحن نحاكيهم أم العكس حقيقة جمهور الأهلي فقط لاحظت له مرة أو مرتين عمل هذا الشيء العام الماضي وهذا ما جعل هناك حمل أكبر على لاعبي الأهلي للوفاء بحق جمهورهم وهنا يكمن الإنتقاد الغير مباشر والذي يحقق الأهداف بدون تجريح أو إساءة . |
| الوقت المعتمد في المنتدى بتوقيت جرينتش +3.
الوقت الان » 01:11 PM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd