نادي الهلال السعودي - شبكة الزعيم - الموقع الرسمي

السلام عليكم ورحمة الله وبركاته

هاردلك الهزيمه القاسيه جداً على هلالنا صراحه منظر مره محزن جداً جداً جداً

وانا في الحقيقه لم اتابع مباراه الهلال فقد تابعت فريق بلا روح بلا جسد بلا احساس بلا احتراق للشعار

في كل موسم نطلع من الاسيويه وكل موسم اخطاء كارثيه وكل موسم الجمهور هو اللي يحترق من الخروج المرير

الحين بيجي احد ويقول لي مو بس الجمهور اللي يحترق فيه اللاعبين فيه الرئيس

اقولكم اللاعبين كل موسم يلعبون ويطلعون من البطوله

ولو كانوا يحترقون صح كان في الموسم الثاني يحاولون

يصححون الاخطاء ويلعبون بروح عاليه واحتراق للشعار مو العكس

والرئيس كذلك لو انه يحترق كان شفنا تغييرات كثيره في الفريق بسبب الخروج

كان شفنا تغيير في العناصر كان شفنا اجانب على مستوى عالي

وندخل بموضوع ثاني

صراحه دفاعنا لديه اخطاء كوارثيه جداً وكلنا شفنا الهدف الاول ومانقان يتفرج على اللاعب ومايظغط عليه

والهدف الثاني البيشي ظاغط على المهاجم المفروض مانقان يروح يحبس المهاجم الثاني اللي سجل الهدف

مو يجي عند البيشي ليش فزعه هي ؟؟

ولا وصديقنا المرشدي كان بالهدف الثاني بمنطقه غير عن منطقته الاساسيه واذكر انه كان فوق بجهه الزوري

وشفنا بالهدف الثالث اللاعب يمر من خلال ثلاث لاعبين مرور الكرام ولا يضايقونه ولا هم يحزنون

وبعدين رفع الكوره لللاعب اللي تحت وكان مره مو محبس ولا شي وحطها بالمرمى بكل اريحيه تامه

وواضح من تصريح المسلم بعد المباراه كان مره زعلان وخنقته العبره واحس انه كان يحترق من جواء

وانا اتمنى من رئيس الهلال انه يعالج الاخطاء هو والمدرب ويصححون الدفاع الهزيل المتهالك

تعادقوا مع فواز فلاته وحسبنا انه راح يكون مدافع صلب واخر شي سمعناه منتقل لفريق ثاني مادري اعاره

وتعاقدوا مع يحيى المسلم وفرحنا لأنه مدافع صلب ورائع واخر شي الظاهر انهم تعادقوا معه

عشان يجرب الدكه الهلاليه شويآآت .. وياخوفي يكون زي عيسى المحياني يجلس بالاحتياط وبعدين ينتقل

وآسف جداً على الاطاله عليكم

بس صدقوني ماكتبت الموضوع الا من الزعل والعصبيه على اللاعبين وخاصه الدفاع

والســلام خــير خــتام