يا اخوان حتى لو اخطأ مدرب الهﻻال اين روح اللاعبين ارجعوا لمباراة الذهاب حتى والمدرب كان له اخطاء
في الشوط الثاني شفتوا مستوى الهلال اقل شيء كان التعادل
اليوم هم نفس اللاعبين وش اللي تغير
برود عجيب جدا وش تبي المدرب يسوي يلعب مثلا
نبي لاعبين مثل الثنيان وسامي والتمياط اللي يحترقون لشعار الهلال
يا اخي حتى لو كنت خسرت التأهل العب لاخر دقيقة
اول مره ارى الهلال بهذه الصورة
فريق خسران ويضيع وقت !!!!!!!

إقتباس الرسالة الأصلية كتبت بواسطة الودياني 2012 والله ياخوي يجب ان تشكر المشرفين على هذا المنتدى الانشروا موضوعك موضوع لايستحق ان نرد عليه وكفى.

ومن طقك على يدك لترد . وانت لا تستحق حتى التعليق

من دون الأمير بنــــــــــــــــــــــدر بن محــــــــمد

قلتها وبسببها حرمت من طرح المواضيع ( ولعيون مصلحة الزعيم يهون ) اعيدها وبملئ فمي العالمية صعبة قوية بهالأسلوب المتبع والمسمى احتراف

ياجماعة الخير الموضوع ومافيه الهلال لايعاني ابدا من البطولات المحلية وهي لذلك ليست مقياس لأي رئيس يستلم زمام الأمور والسبب ان الهلال لديه ركيزة من افضل اللاعبين محليا و جميع انتصارات الهلال لاترى فيها رجال يحترقون لإن لديهم المهارات اللازمة واقرب مثال عندما طلع الفريدي في مباراتنا مع الرائد وقال كان بودي اجيب كعب قمة الإستهتار جفنتوس عندما هزمتنا بال7 والمانيا قبلها بالثمانية كنا نشوف لاعبينهم يبحثون ويحرثون الأرض من اجل الزيادة
وهنا مربط الفرس البطولات الخارجية مختلفة تريد الروح تريد عرق تريد الغيرة تريد الحماس وطبيعة الإنسان العربي هوا ابعد مما اتصور انا وانت من حكاية الإحتراف اعطيني رجل بهيبة الأمير بندر وقتها تجد رجال على ارض الملعب غير هالكلام راح نمشي على درب فريق الجار ولكن على المستوى الخارجي ونتغنى بأطلال الماضي

الحمدلله على كل حال

قدر الله وماشاء فعل

وعسى ان تكرهوا شيئا وهو خيرا لكم

كبار الهلال لن يسكتوا

كلنا ثقه فيهم

والله ياخي مسكين المرشدي كل ما تعثر الفريق حطيتوا حرتكم فيه .. اجل تسمي اللي اليوم مباراة ؟

تشكر المدرب على ايش وهو يقول انا ماافكر بالاسيويه وجاي بكل فخر اشكر المدرب واشكر الأمير موقع لك مع لاعب مصاب هذا المدافع العبد وهرماش لعب عليه جريتس احد يفرط بلاعب مثل رادوي ونيفيز علمني

وربي جالسين تضحكوا على انفسكم
الهلال لايملك لاعببين مميزين
واقل بكثيير من الفريق الكوري
سجل اولسان اربعة مع الرافة وبجدية والتزام على مدار 90 دقيقة
كانهم في حرب التهموا لاعبي الهلال بهدوء
صعب تجد فريق اليف بالشكل هذا والا فريق مصقوع اربعة ومافي الا كرت واحد
حتى مايتنرفزوا لاعبي الفريق الكوري اخدوا كروت واحتكاكات كانهم على ارضهم
انا ما الوم الا الاعبين المحليين الا يلعبوا سنين وماعندهم لا خبرة ولاغيرة
حسبي الله عليهم بس

رغم كبر المصاب ...معاك يا الهلال الى اخر قطره في دمي الازرق
انفض غبار الاسيويه وتقدم الى الامام
الله ما اكبر غلاك يا هلال

تطبيل تايييييييييييييم
المدرب الاداره اللاعبين جميعهم يتحملون الخساره القاسيه

حياك الله اخوى نجم حائل
انا معك فى كل الأمور

اللاعبين هم خربوا المباراة
باستهبالاتهم

اكتب لهم مخالصة نهائية ويسلموا فلوسهم ويروحون للأندية الثانية أبرك لهم

كل من مثل زعيمنا يستحق المحاسبة و اولهم الادراة و المدرب و اللاعبين

/


سيبقى الهلال عشقنا الـأبدي

ي حيف بس ، تبون العلم اللي يجمد ع الشارب ..
قارنو بين هلال جيرتس وهلال كمبواريه مقارنه بسيطه بتعرفون ان هلال كمبواريه
معوق من كل مكان ، مع جيرتس وبأفضل حالاتنا مآحققنا الأسيويه ، تبون نحققها بهالفريق
الضعيف ، فريقنا ببساطه حده الدوري ، والله يستر هالسنه الدوري بعد مآ يشمه
المدرب بصراحه فاهم سياسة التنافس بين اللاعبين لحجز مقعد اساسي بالمقلوب
قاعد يحطم لاعبين ع الدكه ويخبص بالمراكز ومالقى من يحآسبه او ع الأقل يناقشه ، هذا هو
دور سآمي لمآ كآن موجود ، نصآيح فنيه لمعرفته باللاعبين والفريق ، رآح سآمي ورآح
هلال المآضي ، اخر زمن نآكلهآ 4 في الملز ، اتمنى يستوعب الدرس كمبواريه ، ويتخلى عن قناعاته
الفاشله باشراك لاعبين اقل مايقال عنهم ماكانو يحلمون يلبسون الفنيله اللي عليهم ، مهزله وربي
الغنام اخر مباراه يبدع ويبدي جاهزيته بالملعب ويشرك بديل عنه القرني ، سالم والفريدي والعابد
مفروض من اول مآجآ هدف الثاني كان بامكانه يعمل التبديل ، ياسر القحطاني جاب له نفسيه هالمدرب
مع انه يعطي ويثبت للكل عند اي مشاركه للقناص لين صار يتعلل باصابه مثله مثل الشلهوب
معقوله ياناس فريق يبي الأسيويه مآفيه لاعب واحد يعرف ينفذ خطأ ثابت او ضربة زآويه ؟
معقوله ؟ فيه بعض اللعيبه يبيلهم تمارين خاصه زي ياسر في عهد كوزمين خلاه ينحف في شهر
من التمارين اللي كان يعطيه ، وهذا والله ولاهو حول ياسر ولاهوب مقتنع فيه ، مع انه انقذه في اول
اختبار رسمي في الدوري ؟ لوبيز معطوب من الآخر ، ومآيفرق صراحه ، الانتقالات الشتويه اتمنى
يكون فيه تغيير كبير على كل المستويات بداية من المركز الاعلامي لين اللي يلقط كور بالتمارين
لاعبين اجانب عاله حقيقيه على الفريق بكل امانه ، صبرنا كثير على يو ، لوبيز مباراتين مآيقدم فيها
حتى لو لمسه حقيقيه ، شفنا رقم 10 نزل وصنع هدف ، وهذا 180 دقيقه يتمردح بالملعب
الله يعجل علينا بسآمي بس ، لانه يشتغل على نفسيات اللاعبين اكثر من اي شخص داخل النادي ،
مثله مثل ديمتري ، شغل نفسيه مع اللاعبين ويعطونك داخل الملعب ،
مدربنا متسلط ولا معجبه الا اللي هو اوصى بهم وعنيد لابعد درجه ، الفريدي يخطف اضواء مبااره دوريه
وتجي الاسيويه ويركنه جنبه ، وش هالقناعات اللي ماعرفنالها من مدربباكثر مبارياته يلعب من غير
صانع لعب صريح زي الشلهوب والفريدي ؟

اي والله الله يعجل علينا ب سآمي باقرب فرصه لان هالمدرب يخوف والله يستر بكره
نآكلها من الاتحاد ولا اي فريق منافس تاريخيه ساعتها نشوفه باول طياره على باريس

وقسم مغبون من هالفريق اللي صرت اتمنى ماعاد يلعب الاسيويه لآني عارف انه بيفشلنا ><



الله يوفق الزعيم الملكي






،،