|
لاحول ولاقوة إلا بالله الله يصبرنا على الهلال وحبه أشباه لا عبين ...من جد شكلنا مسحوين آسيويآ |
عودة بعد انقطاع طويــل قدر الله وما شاء فعـل ؛ صراحة تعودنا من اللاعبين مثل هذه المستويات غير ذلك تجاهل مطالباتنا بالتهيئة النفسية للاعبين وتكون شيء ملازم لهم خاصة أنهم على جريف !!!!!!!!!!!!!!!للأسف لكن اليوم حصل شيء غريب خاصة من جهة المدرب وضع تشكيلة وخطة وركن للدكة ولا كأنه كوامبوريه في المباريات الماضية يقوم يوجه يتكلم يسجل ملاحظات !!!!!!!!!!!!!!! حتى المدرب ورط الفريق وتركه وش اللي حصل له ؟!! لو خسرنا على الأقل نخسر بنتيجة أقل أو تدارك أخطاء التي صنعها في تكتيكه بتركه للوسط والدفاع وتفرغه للهجوم وش اللي حصل مع المدرب يا جماعة !!! |
لنكن واقعياً سبب نكسة الهلال هو عبدالرحمن بن مساعد : 1 - الابقاء على بيونق من رغم عدم اقتناع المدرب ولكن رد ابن مساعد من المستحيل بيعه بقيمة اقل ! فضل الاستثمار على الهلال !2 - الابقاء على هرماش وعدم الاقتتاع بع ايضاً من المدرب ! وعدم تدريبه ليومين ولكن لم يأتي العرض المناسب وفضل ابقائه ! ال مساعد همهم الاستثمار فقط 3 - تصريح عبد الله بن مساعد وقال اتمنى اخوي عبد الرحمن ترك الهلال وذلك لانتقاد جمهور الهلال ! كل هذا يتضح انهم يستثمرون فقط وليس صناعة جيل ! 4 - الفشل في التعاقد مع مدافع يوازي امكانيات هوساوي ! كل هذا فشل ذريع ياابن مساعد ، صحيفة فواصل تنتظرك ! الرئاسه لرئيس كروي وليس شاعري وعاطفي !! انتهى استثمارك ياعبدالرحمن بن مساعد ! ويدار الاستمثار من اخوه ! لو تلاحظون جميع صفقاتهم تجاريه ! شكراً اخذتم مطالبكم واتيتم بفرق محبط |
اطردوا هالأسماء لا يستحقون الهلال المرشدي الزوري الفرج الأجانب |
درس كوري ثقيل جدا يقول للاعبي الهلال تعلموا اساسيات الكرة وبعدين نتفاهم باختصار كرة قدم حديثة |
عبدالرحمن بن مساعد ......ارحل وكفى ادارة لم تأتي بمدرب يليق باسمك ياهلال اداره لم تأتي بلاعبين اجانب او سعوديين يليقون باسمك ياهلال اداره مجامله لبعض اللاعبين ومعليش اللي يقولي السبب المدرب مين اللي احضر المدرب..!!! مين اللي احضر مدرب لايتناسب مع امكانيات الهلال ...!!! مين اللي احضر مانجان و وهرماش و الكوري !!! نذكر للأداره ايجابيتيها اللي تبلها وتشرب مويتها ويســـلي يا بن مساعد ارحل . . . . . . ماابغى اتعب نفسيا وانا اكتب عن اخطأ الاداره ننتظرك يامحمد بن فيصل تكفى ارجع |
سبق اني تكلمت وقلت افلقني اذا تأهل الهلال وشبوا علي العالم وحطوني مندس ومحبط للهلال هههههههههههههههههههه شي كان متوقع |
بصراحه فيه كلام كثير جداً بس لازم التغيير والي قاهرني اكثر وغابني حضور الجمهور من الساعه 2 الظهر عشان الهلال وينصدمون بالمستوى الضعيف والروح الغير موجوده |
اصبح وضعنا مثل الجار الله يسامحك يابن مساعد خليتنا اضحوكة للاخرين حتى المنتدى تريد ان تكتب موضوع لاتستطيع لابد ان تكون من المطبلين حتى تكتب ياترى هل يستقيل ابن مساعد هل يجدد للفريدي هل يذهب هرماش هل يعود الشلهوب ويغادر المرشدي هل وهل وهل |
على هؤلاء الفاشلين ان يعلموا بان الهلال كان يقودهه الثنيان و الجابر يجب عليهم ان يعلموا بان الهلال كبير واكبر من الكبير ولايخسر بهذه السهولة يجب على الادارة والمدرب والدفاع الفاشل ان يتركوا الفريقق |
اتفق مع كاتب الموضوع واتفق مع الردود من الاعضاء المشاركين 1-2-3-4-5-6-7-8-9 عبدالرحمن بن مساعد جالس يبزنس على حساب النادي ويحاول يرجع فلوسه بالعربي , الدفاع شربه ,, المرشدي مالعبه في حاره , فريق متهالك ,,, سبحان الله وانا اكتب قالها قهوجي اداره استثماريه هههههههههههههههههه , الاعمى يعرف وش علة الهلال ,, اداره ولاعبين , المدرب سوا الي عليه ,, فريق مندفع من اول دقيقه الي يشوفه يقول لازم يسجل 10 اهداف ..!! خير تراه هدف الى متى يلعب الفريق بغباء, مافيه ثقافه ,, الفريق الكوري يلعب برتم واحد من اولدقيقه الى اخر دقيقه,, الشق اكبر من الرقعه , اداره لاعبين ثقافه وفكر ... وللاسف حتى الجمهور له دور كبير في الي جالس يصير .. للاسف الهلال مافيه لاعبين خبره يعطون في الملعب يقدرون يشيلون الفريق في الاوقات الصعبه ,,عندي كلام كثير لكن الحقيقه اني متشتت اعذروني باروح انام ,, |
عيب ياناس خلاص مو كفايه الهزيمه تحليل على كيفكم خلاص فكونا من التحليلات العقيمه |
لاحول والا قوة الا بالله اللهم اجرني في مصيبتي واخلفلي خيرا منها |
الهلال كله اخطاء ، والله العظيم كتبت على صفحة الهلال في الفيس بوك ان الموسم راح تشوف اسوأ مستوى للهلال ، لان البداية كانت غلط ، ولا مدرب يجي ع نهاية المعكسر!!! يا عالم ، الناس تتعاقد مع المدرب ع الموسم القادم |
كلام سليم... بحاجه الى روح القائد محمد نور.. بحاجه الى رئيس مثل محمد بن فيصل |
| الوقت المعتمد في المنتدى بتوقيت جرينتش +3.
الوقت الان » 04:41 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd