03/10/2012, 10:13 AM
|
 | زعيــم متواصــل | | تاريخ التسجيل: 01/03/2006
مشاركات: 120
| |
|
الجمهور + الرابطه = نقطتين هامه
سلام عليكم يالغالين
صبحهم بالنور واتمنى لكم كل خير
عقبال مانبارك لكم واحد واحد ياجمهور الزعيم بالتاهل لنصف النهاائي
موضوعي بخصوص الجمهور ودوره مع الفريق واعتقد هذا الي ينقصه فالمباريات الكبيره والحساسه للاسف الحضور مايختلف عليه ثنين لكن ينقصه الفعاليه والتشجيع المستمر مع الفريق ودعم الاعبين والتأثير على الخصم
مايصلح الاتكال ع الرابطه
والواجهه كلها للي يتفرج ويقشم حب ويدخن وطاقها سواليف ولو تحسب تشجيعهم مايجي ولا 5 دقايق من المباراه !
انت على ارضك الجمهور اهم عنصر فيها لازم الجمهور يكون له اكبر دور بالمباراه وهو دعم الفريق والتأثير ع الخصم
ولا وش فايده افضلية المباراه على ارضك و الحضور بدون فعاليه ؟!!
في كثير من مباريات الهلال الكبيره الي احضرها ويكون خاسر الفريق كلن ماد بوزه وساكت
وبعد اي غلط من لاعب او تضييع فرصه او دخول هدف اوووووووووووووه ويوووووووووووووووه !!!
هذا يكون له دور في خساره الفريق وتربك اي لاعب !
لازم مع الفريق سواء فايز ولا خاسر لان ممكن بسبب تشجيع الجمهور تنقلب النتيجه لصالحنا
حتى الاعبين حاسين بان الجمهور بس يتفرج و يجون للجمهور ويأشرون بيدهم شجعو يعطونه صيحتين ثم يسكتون !!!
ومنهم سامي الجابر و تياقو نيفيز ونيفيز وياسر وغيرهم
نتمنى يكون فيه تشجيع لاني اعرف ان الملعب راح يكون فلللللللللل الفل ماهي غريبه لكن الاهم الفعاليه والتشجيع وتحميس الاعبين
وامر ثاني
لازم الرابطه تختار الاهازيج المعروفه لنا كجمهور
و تبدا الرابطه قبل المباراه ب 15او 10 دقايق
لان كل واحد فينا له طاقه من 4 العصر وحنا ناشبين بالمدرج و نسمعهم طقطقه واهازيج ولا احلى ولا جاء وقت الحاجه كلن منتهي !!!! مايصير
الله يوفق الازرق اليوم حبيت ااكد ع هالنقاط الي اشوفها بحضوري لمباريات الهلال
وبالتوفيق لك يالازرق
|
الوضع المتطور
