اكتب لكم هذا الموضوع من عند ملعب الملز الآن... لاول شي سلام عليكم ورحمة الله وبركاته عشاق الملكي مجانين الملكي فالبدايه سالفة وقوفي من الحين فالملعب الكل يستغرب ويقول وش موديه من الظهر وفي عز الحر انا توني واصل من الشرقيه قبل ساعه وعلى طول للملز قلت اجلس الين مايفتحون واول مايدخل انا اليوووم ناوينها دمماار سنسجل اكبر نتيجه في اسيا واذكروا كلامي انا متفائل ثم متفائل ثم متفائل نبي الحضور من بدري قبل المباراه بساعات نبي نقفل الملز نبي التشجيع يبدا من بداية المباراه عشان حناجرنا ومايخالف لحظة نزول الفريق الكوري للتدريب صافرات استهجان ولحظة نزوول حبي الزعيم صافرات ترحيب وتشجيع اليووووم هلاليه وتذكروا كلامي بنتيجة كبيره والعلم عند الله يلا يازعماء توجهوا من وقت بدري للملعب الي بيتأخر بيتأخر مره حده 4 العصر مانبي غير كذا لبيييه ياهلاااال همتكم ياجمهور |
كفو يالزكرت :s2: ليتي والله معك أشجع بس خيرهآ بغيرهآ :d |
الله الله الله والله تحمست للمباراة رغم خوفي منها بالتوفيق للزعيم |
الله لآ يردك خآيب قول آمين .. والله متوتره لآ انا اللي دآومت ولآ انا اللي قدرت أنام .!! بس كلآمك عطآني تفآئل وإرتيآح شوي .. الله يجعل الفوز والتأهل من نصيب الهلآل يآرب .. وأنتم مآيحتآج نوصيكم أنتم سبب الفوز بعد توفيق الله .. نبي تشجيع نبي صرخه تهز اللآعبين وتحرك رجلينهم غصب .. نبي الفريق الكوري يترآجع نبي اغلآطه تكثر .. نبي أهدآآآآف نبي نفوز ونبي نتأهل .. نبي كل النآس تتكلم عن يوم الإربعآء 3 أكتوبر وش سوآ الزعيم ووش سوآ جمهوره !! يآرب لآ تردنآ خآيبين .. |
امين يااااارب الله يسمع منك يارب |
يعني أنت أول مشجع هلالي يوصل للملعب ؟ قسم إنك وافي بالتوفيق لگ وللهلال الليله ، |
كل شي لاجل الزعيم يهوووون يابعدي والليله بإذن الله انها هلاااليه |
النقطة الاهم : التشجيع فقط مع بداية المباراة وليس من اذان العصر !!! التشجيع اكثر واكثر اذا تأخر الفريق لا سمح الله الكوري يخشى كثيراً من الجماهير ، لذا لا يتعود على الجمهور اذا نزل يسخن ،،، التزموا الصمت حتى تبدأ المباراة الكوري تنخفض لياقته بشكل واضح الشوط الثاني ، فشجعوا فريقكم بقوة حتى يسجل اكثر عدد من الاهداف ،،، ويستطيع التعديل لو كان متأخر لاسمح الله تحياتي وأمنياتي |
بالتوفيق للزعيم بالتوفيق للزعيم |
الله يعطيك الصحه والعافيه ويرجعك لاهللك سالم وغانم |
ماشاءالله عليك والحمدالله على سلامة الوصول .. احييك والله لكن انا ماني معاك في نقطه ان الجمهور يحضر من بدري ( اقصد الجمهور القريب من الملعب ) لكن مثلك انت والجماهير الي من برا الرياض مالومكم اذا حضرتو بدري عشان ماتروح جيتكم على الفاضي ولا تلقون تذاكر بقية الجماهير اتمنى مايجون الا المغرب عشان يكونون في كامل لياقتهم التشجيعيه من بدايه المباراه الى اخرها واتمنى من الرابطه مايستنزفون طاقة الجماهير ويقعدون يغنون من عصر او مغرب.؟؟ آخيرآ يآجمآهير الهلال .. لو ماهزيتو الملعب هز طول المباراه لاتجوني اذا خسرنا لاسمح الله تقعدون تنتقدون.؟؟ |
واه تحمست يارب تمم فرحنا وثقتنا وتوكلنا عليك بالتاهل والفرحه واسعدنا بالفوز بالكاس انت قادر ع كل شي مشكور يالغلا وياليت يكون فيه موضوع يتابع لنا الحضور اول باول واذا كنت بتسويها لاتبخل علينا وبنتابع موضوعك |
https://pbs.twimg.com/media/A4Rgos0CYAA3UQL.jpg هذه الصوره من تويتر ماشاء الله من الحين بس والله تعب عليهم لبى قلوبهم يارب نتضرع اليك لاتردهم خائبين ويارب رجعهم سالمين غانمين فرحين بالتاهل |
لا تنسون اوقات الصلاه فهي الاهم الصلاه فلا تكونو من الذين قال الله تعالى فيهم (الذين هم عن صلاتهم ساهون) |
لو عندي طيآرة كان سآفرت الحين :s2: |
الوقت المعتمد في المنتدى بتوقيت جرينتش +3.
الوقت الان » 04:15 PM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd