نادي الهلال السعودي - شبكة الزعيم - الموقع الرسمي

نادي الهلال السعودي - شبكة الزعيم - الموقع الرسمي (http://vb.alhilal.com/index.php)
-   منتدى مجلس الجمهور الهلالي (http://vb.alhilal.com/forumdisplay.php?f=189)
-   -   اكتمال التجهيزات والاستعدادت الخاصة بمجلس الجمهور والرابطة الهلالية لمباراة اولسان هيونداي الكوري (http://vb.alhilal.com/showthread.php?t=1123514)

Ba7r 02/10/2012 02:03 AM

مع احترامي انا اشوف اهزوجة الملكي اللي بتقولوها الكلمات مو متناسقه ومافيه جذب للجمهور ولقلوب المشجعين
بس تمنيت تكثرون من الاعلام الكبيره والدخان
وفكونا من البطاطي اللي مايعرف الا ي هلال عزك عزنا
ويردد اسماء اللاعبين
وان شاءالله نفرح بالتاهل

احمد الخلف 02/10/2012 02:03 AM

يا اخوان ، تكفون ، نرجو التعاون مع اعضاء مجلس الجمهور ، بالتوزيع ، ورفع الاعلام ، والقطع البلاستيكية ، يجب ان يكون كل مشجع هلالي ، هو عضو مجلس جمهور ، وقائد رابطة

صدقوني بتكاتف الجميع وتعاونهم ، سيكون مدرج خيالي يهز آسيا بأكملها
هي فقط 90 دقيقة وباذن الله نفرج يتأهل زعيمنا الى دور الاربعة

مَشَآع ـرْ هـلآليّـه 02/10/2012 02:09 AM

جهود عظيمه .. ان شاء الله يتم تطبيقهآ بالشكل الصحيح ..
ويتفآعل الجمهور معهآ ..

والله إذا تفآعل الجمهور وهز الملعب صدقوني اللآعبين ولو كآن مستوآهم ضعيف ولا خآيفين
ومتوترين تشجيع الجمهور بيحركهم غصب ومن غير مايحسون .!!

جمهور الملكي هذا وقتكم وهذا دوركم اذا ماوقفتو مع الزعيم بهالمبآراه المفصليه متى بتوقفون ..

كل التوفيق للملكي وان شاء الله يآرب بقدرة قآدر أنها مبآراه هلآليه مستوى ونتيجه ..
وأن شاء الله نبآرك لبعض يوم الاربعآء على التأهل ..

Moath434 02/10/2012 02:19 AM

يعطيكم العافية

و اتمنى ان يكون الاهتمام في جميع المباريات

موفقين ان شاء الله

Sly-DE10 02/10/2012 02:24 AM

بيض الله وجيهكم و لا خيب الله مسعاكم على هالجهود الخرافية و هي بلا شك

اقل ما يمكن ان تقدم لعشقنا الابدي الزعيم الملكي :)

بإذن الله الوعد الربوع و راح نطلع من " معركة اكتوبر " منتصرين بحول الله و قوتة

mohanad.o 02/10/2012 02:31 AM

بالتوووووفيق ياحلوووووين
واوجه تحيه لشخص القدير تركي الوقيان شخص متعاون مع الجمهور بشكل كبير

sam_9991 02/10/2012 02:47 AM

اولا .. يعطيكم الف عافيه على هذي الجهود الكبيره المبذوله من اجل الزعيم و عشاقه وهذا العشم فيكم و إن شاء الله يكون الأربعاء
يوم يكتب في تاريخ الزعيم و جماهيره .. و أن يكون اليوم ايضا فرحه لجميع السعوديين بإذن الله ..

__________________________________

إقتباس:

رئيس مجلس الجمهور الهلالي : تركي الهديب
نائب رئيس مجلس الجمهور الهلالي : صالح الجليفي
امين عام مجلس الجمهور الهلالي : سامي العتيبي
منسق مجلس الجمهور الهلالي بالمدينة المنورة : نايف الحربي
مسؤول التجهيزات : احمد الخلف
مسؤول تنظيم الجمهور : ماجد التويجري
مسؤول التجهيزات : زياد التويجري
مسؤول التجهيزات : احمد النصير
مسؤول التجهيزات : تركي الوقيان
بيض الله و جيهكم يالربع و كل الأخوان اللي معاكم والله لا يخيب لنا رجاء ..

( يالله يا كريم أن توفق الزعيم )

بالروح هلالي 02/10/2012 02:50 AM

يعطيك العافيه أخوي
لكن تمنيت تكون قطع بلاستيكيه كبيره الابيض فوق والأزرق تحت صدقني بتكون أحلى منظر من الأعلام
لأن الاعلام بتكون صغيره وماهي واضحه وعددها قليل
أتمنى تزيدون الأعلام أكثر من كذا وتكبرونها لأنها صغيره المدرج يشيل فوق عشرة ألاف
وتكفون نبغى لافته مكتوب فيها الملكي مثل اللي كانت في مباراة بني ياس وترفع مع دخول اللاعبين وقبل
نهاية المباراه حتى يشاهدها الجميع لأن المباراه منقوله على كافة القنوات وهذي فرصتنا
ولافتة الملكي حتى لو رفضو أدخالها عليكم الدخول بها بالخفاء حتى لو شاهدوها معكم ماراح يعاقبونكم
لأن البطوله أسيويه ومالهم دخل فيها تكفوون ي أحمد لازم تجيبون لافته للملكي
وأيضآ ترديد ملكي هلالي ملكي هلالي ملكي هلالي
ولاتنسون ترديد اسماء اللاعبين وحتى ياسر رددو أسمه وخففو عنه الهم والأصابه
ونبغى صوت مرعب على لاعبين أولسان حتى يرتبكون لأنهم قالوا نخشى من جمهور الهلال
أتمنى تصل طلباتي لكم وشاكر لكم:rose:

brhomi 02/10/2012 02:56 AM

يعطيكم العااافية يا رابطة الزعيم
بالتوووووفيق للزعيم ولجمهوره الكبير

االناقد الهلالي1 02/10/2012 03:19 AM

ما ادري ايش الفايده من ترديد اهزوجه الملكي خلاص موضوع استهلك كثير ..

ما ادري متى بنشوف اهازيج مثل جمهور الاهلي والاتحاد ..

اتمنى بس يقود التشجيع مجلس الجمهور الاهلاوي بالرياض صراحه طرب ..

FAISAL AL7RBY 02/10/2012 04:16 AM

الله يعطيكم العافيه

و بااذن الله راح نشووف المدرج الهلالي بـ ابها صورة

د.مروق 02/10/2012 04:23 AM

حضرنا انا واخوي فيصل العقيلي كمان

تابعنا مباراة اولمبي الهلال والاهلي وبعدها

جلسنا مع الاستاذ سامي العتيبي وكان فيه حماده

ومشينا بعد صلاة العشاء بعد ما اشار لنا ببعض

الملاحظات طال عمرك وان شاء الله لقائنا يكون

يوم الاربعاء لنزف زعيم اسيا بعد الانتصار والتأهل

تقديري لك

ضاري البقمي 02/10/2012 04:26 AM

مشكورين على المجهود ...
لكن !! وللامانة .. سيصبح الشكل عشوائي ..
اتمنى ان يتم تقسيم المدرج بالالوان ... كالخطوط الطولية .. او العرضية..
بتشكيل الجماهير .. لون ابيض .. ولون ازرق .. لكل صف .. لون ..
حتى يعطي منظر جميل .. ويشد انتباه اللاعبين ويزرع الثقة والحماس مع بعض الاهازيج ..
هذا رائيي .. جهدكم مشكور .. فقط شيئاً من التنظيم .. وشكرا للجميع ....

مهجدة جمهورالحالمي 02/10/2012 04:29 AM

إقتباس:

عدد 5 دخان ابيض + 5 دخان ازرق


احلى حركه صراحه وجود دخان ابيض وازرق ولو كان 10 10 احسن يتوزع على الجماهير فوق وتحت

الله لايخيب تعبكم وباذن الله التعب مايروح بلاش نتأهل ونحتفل باذن الله

نبي نشوف لو مره للذكرى كل الجمهور لابس تيشيرت ازرق وابيض :smilie47:

يااااااااارب التأهل للزعيم باذن الواحد الاحد الفوز 3 صفر للزعيم

جمهور الملكي ارعبو لاعبين اولسان بااصواتكم :smilie47::smilie47::smilie47:

بعد الله انتم ياجماهيرالزعيم الي بيخلينا نتأهل
:smilie47::smilie47:

الجمعان 7 02/10/2012 04:42 AM

إقتباس:

الرسالة الأصلية كتبت بواسطة فتى الازرق .. (مشاركة 20752770)
بتكاتف الجميع سينتصر الزعيم باذن الله تعالى

نبي الملز يهز هز ايها العشاق .


ومشكورين على الاهتمام والجهد اللي تبذلونه وبيض الله وجهوكم .


يعطيكم العافية

هلالية بإذن الله عندي احساس كبير واحساسي مايخيب بالعاده 3-0 هلالية
بس انتوا على قول الفراج بلاش من الرزه والشماغ خلوا الملعب يهتز يازعماء s13s


الوقت المعتمد في المنتدى بتوقيت جرينتش +3.
الوقت الان » 11:19 PM.

Powered by: vBulletin Version 3.8.7
Copyright ©2000 - 2025, Jelsoft Enterprises Ltd