|
وتبون آسيا بالحضور هذا !! شي مخجل من جد البارح حضرت بالملعب عشان الهلال ولان الجو كان روعة مع الاسف ماخذ مقلب فيكم يا جماهير الهلال جاي بدري خفت مالاقي مكان كويس اجلس فيه صليت المغرب ومشيت ووصلت 7 الا ربع والمدرج عدده قليل مرة قلت اكيد بيجي جمهور الهلال الاكثر شعبية !! وصليت العشا وارجع للملعب والى والله مامن حضور يذكر 3500 تقريبا متفرج !! طلع هجر مو الهلال !! انا لا اشكك بان جمهور الهلال هو الاول لكن اشك بحماسكم لناديكم تبون مستوى والمدرج فاضي !! مباراة من امتع المباريات حماس وروح وقتالية وانتم ببيوتكم تبطحون !! شوفوا النصر فريق داج وله 15 سنة بلا بطولة بالرغم من كذا يحضرون وانتم فريقكم كل سنة اقل شي بطولة او بطولتين وهذا حضوركم !! صراحة جمهور الرياض عليه الف استفهام توقعت البارح ماالقى مكان فاضي وفي الاخير 3500 مشجع في الاسيوية المفروض المباراة تكون بالاستاد عشان يحضر 70 الف لكن الادارة عرفت ان جمهور الهلال مايحضر يبي استراحة وتلفزيون 52 بوصة وشاهي رايح جاي انا عتبي من محبة للهلال وجمهوره لاتزعلون مني الجمهور هم وقود المباريات وبدون حضور لا تلوموا اللاعبين ان ماقدموا شي الاربعاء مباراة صعبة صعبة جدا خلوا الكوريين يعرفون ان ورا الهلال جمهووور مفتاح الفوز انتم يا هلاليين المهمة صعبة اكيد لكن الهلال قدها احضروا ويكفي خليتوا الاعلام الاصفر يتشمت بحضوركم العتب من محبة وتحياتي لكم والله يوفق الملكي ويتاهل للاربعة |
يوم الاربعاء انا كفيل غارم في امتلاء الملعب ولو تبي اعطيك كمبياله ماعندي مانع يقوله واحد ليس من منطقة الرياض وظروفه ماتسمح بحضوره لكنها ثقه في جماهير الزعيم اذا جاء وقت الجد0 |
تبي انتقادات وتشرشح باللاعبين حاضرين اما اذا تبي حضور للملعب انسى الامر ليتني صوب الديار الي انتو فيها والله لحضر لزعيم حتى تمارينا |
جمهور الرياض يبيله حبه مع الرز علشان يحضر |
جمهور باللانتقاد هذا كثرهم بس لما يجي الدوور عليهم ماتشوفهم بالمنتدى كلهم يطلعون مدربين وكل يوم واحد يختار التشكيله وارحل يافلان وياعلان وبالمدرج ماحد يجي ويبون الفريق يعود الحمدلله فريقنا ماشاء الله عليه الافضل كل سنه بطوله بطولتين والجمهور؟ |
انا واخواني كنت من ضمن الحضور امس لمباراه الهلال ومعي اخوي الصغير اول مره يحضر لمن دخلنا وشاف الجمهور قال لية جمهور الهلال قليل المفروض يزعلون الاعبين ورئيس عبد الرحمن بن مساعد . مايدري انه الجمهور بيده وبحضورة الكثيف سعاده الاعبين ورئيس النادي وهو الرقم واحد في الملعب بس لاحياه لمن تنادي استغربت من عدم وجود رابط الهلال في الواجهة وتواجدها في المدرجات بالزاوية مدرجات الملعب تقريبا للاسف رغم اعتدال الجوء وقرب الملعب في وسط الرياض الا ان جمهور الرياض يفشل في حضوره الا الاوفياء بيض الله وجيهم |
أولا أحييك أخوي على حماسك، وهذا من حبك وغيرتك لا تخاف، نصيحة حاول تروح أبدر مباراة أولسان عشان يادوب تحصل مكان، وأنا ان شاء الله حاضر لا تحكم على مباراة الرائد، أحسن عشان اللعيبة يحسو يستحون شوي على دمهم ويشوفو الجمهور كيف محروق دمه، بعد ما انهزمنا آسيويا من فريق عادي!! بصراحة آسيا هي الهدف المنشود في الوقت الحالي،، أجل تبي الجمهور فلل في مباريات رائد وفيصلي!!! لا أرتاح ما راح يتفلل شفنا الملك فهد كيف كان ممتلئ مطفح كأكبر حضور على الاطلاق أمام ذوبهان!! والنتيجة!!!!!!!! |
انت حضرت ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ |
يا اخوي لكل مباراة ضروفها ولكل مباراة اهميتها الجميع متوقع مثل هذا الحضور وان كتبت امس رد قلك ان زاد عدد الحضور راح يكون 4000 وهذا ما حدث حضر حول العدد وما حد متوقع ان الملعب يمتلئ علشان تقول حاضر بدري ومتوقع انك ما تحصل مكان المباراة مع الرائد والدوري ما زال في بدايته والمباراة يوم الجمعة الضروف كثيرة ادت الى هذا الحضور والجميع متأكد ما هو متوقع ان يوم الاربعاء الملعب راح يفلل 200 % 100 ما هو 100%100 وبشأن اذا تبوي اسيا ترى كل الحضور الجماهيري الكثيف يكون في اسيا متى شفت عدد قليل من الجماهير في دوري ابطال اسيا كل المباريات يكون الملعب ممتلئ وما فيه مكان ولو كانت المباراة باستاد الملك فهد كان الملعب يمتلئ وهذا حضور جميع الجماهير السعودية وليس نادي الهلال فقط |
جمهور الهلال بالرياض مكانهم هنا بالمنتدى هيلط بدون حضور اي واحد فاضي ولا حضر هذا مادري واش اقول عنه .... |
جميع مباريات الهلال الحاسمة في دوري الابطال الآسيوي تكون جماهير الهلال با أعداد غفيرة جدا ومنها الهلال _ الكويت الكويتي الهلال_ الوحدة الاماراتي الهلال_ ام صلال الهلال_ بيندكور الهلال_ ذوب أهان وأي هلالي متابع راح يتأكد أن الحضور يوم الأربعاء بيكون مضرب مثل وهذا ليس موضوع نقاش يا أخوي |
مفشششششششششششششششششششششل الجمهور غريب بعض الناس تقول شوف امام اولسان من المفترض الحوضور في مباراة الشباب والرائد عشان يتعودو على الجمهور الغثير ولا يسبب لهم ضغط |
رسالة طيبه .. وجمهور الهلال فيه الخير ولايخيب ظن . الله يعطيك العافيه اخي الكريم |
إقتباس:
في كل دوريات العالم المباريات القوية الملعب فل لاككن اذا تبي تعرف ان الجمهور يساند الفريق ولا لا تشوووفه في المباريات الصغيرة |
جمهور الرياض مايحضرون للأسف المباريات القويه ثلاث أرباع الجمهور من خارج الرياض |
الجمهور غير مهم بالخليج لأنه غير فعال وامس كان الحضور جيد عطفاً على المستوى المخيس الي ظهر فيه الفريق بداية الموسم و التخبطات المستمره للأدارة و عدم رضى الجماهير عنها وانا كنت من الحضور |
والله كلامك صحيح .. و حضور مخجل بصراحة .. أنا أخر مباراة حضرتها مباراة الغرافة 4-2 و بعدها مباراة الشعلة ..فقط في خلال سنتين انا من مسك عبدالرحمن بن مساعد الهلال و كل مباراة أحضرها مستحيل يفوز فيها الهلال دايم تعادلات .. فذلك وجودي أمام التلفاز ابرك من حضوري إقتباس:
|
شي مؤسف بالفعل لان الحضور في الوقت دعم نفسي للاعبين وان شاء الله تكون من مصلحتنا الحضور القليل في مباراة الرائد ربما في مباراة اولسان اذا شافو الجموع الغفيره من انصار الزعيم يتحمسون وتكون دافع ايجابي والوعد الاربعاء ان شاء الله وجمهور الزعيم كعادته رح يبيض الوجه ان شاء الله |
يعني اللاعبين متعودين على الكثير 9الف مشجع بالكثير يعني! واكثر مباراة جماهيرية في مباريات الهلال هي امام النصر 14 الف يعني نص بنص تبغاهم يجون يلقون الملعب فللل!!!!!!!!!!!! مايصير ايام غيريتس كنتم تحضرون ثم ايام كالدي يعني مباراة ايه ومباراة لا ايام هاشيك ودول!!! كنتم تقولون او نقول كان اغلب الجماهير يقولون اذا رحل هاذا انا احضر واذا لعب زين انا احضر!! جاء كومبواريه وجاء اللعب الهجومي الذي تنتظرونه منذ ايام طيب الذكر غيرتس والدفاع الصلب بدا يتجانس ما العذر الآن؟؟ المباراة الجاية الملعب فل من باب العشق يازعـــــــــيم وليس الانتقاد اتمنى بعضهم ما يغضبون |
اشكر الردود الطيبة واللي يسال عن حضوري اكيد كنت حاضر |
بعض جماهيرنا محللين ونقاد في المنتدى ويشجعون لاعبين فقط ولا يشجعون الهلال كاكيان لا تراهنوا عليهم هم مثل الفريدي يوم حلو واخر لك عليه |
| الوقت المعتمد في المنتدى بتوقيت جرينتش +3.
الوقت الان » 07:59 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd