|
طلب خاص : لا نريد أي متفرج من الرياض في مباراة أولسان + حذاري من تكرار حضور ذوب آهان السلام عليكم ورحمة الله و بركاته مدخل : بالأساسي ولا بالرديف الزعيم الهلالي مخيييف . صباحكم زعامة و إنتصار رائع ، صباحكم عودة موهبة إسمها الفريدي ، صباحكم عودة قناص إسمه ياسر ، صباحكم إنفجار كوري لتحذير الكوري يوم الأربعاء . اليوم شفنا زعيم أزرق يسجل بأي طريقة ، زعيم لا يبحث عن الجمالية فقط يريد التسجيل ، كما حصل في أهداف الكوري راح اتكلم عليها بعد قليل . سأبدأ أولا بالتكلم عن نجم المباراة أنتوان كومبواريه . في العادة قبل أي مباراة مصيرية نجد المدرب يدخل بأقوى تشكيلة لديه . لكن ما شهدناه من البوس كومبواريه أن دخل بأغلب العناصر الإحتياطية ، ليقف على جاهزيتهم قبل مباراة أولسان هيونداي ، ولا شك أن توظيفه المثالي لكافة العناصر أتى بنتائجه . و ليس لدي شك بان كومبواريه سيدخل بأفضل تشكيلة في مباراة الأربعاء ، و ستتوج بنصر تاريخي إن شاء الله . من جهة أخرى نرى نجوم الزعيم و هم يتسابقون على التميز ، فرأينا ياسر يسجل و يصنع ، و الفريدي كذلك ، و الكوري يقتنص ، و الفرج و العابد يقاتلان حتى و المباراة محسومة ، هذا ما نريده يوم الأربعاء ، الروح و القتالية . -------------- ما كُتِبَ في عنوان الموضوع هو الزبدة التي أريد أن اتكلم عنها . ما يعرف في جميع فرق العالم بلا إستثناء . ان الجمهور يحضر كل مباراة على أرضه و يملأ الملعب ، سواء كانت المباراة أمام فريق كبير أو صغير ، و يشجعون حتى آخر لحظة ، و لا أجد مثالا أفضل من ليفربول الذي حاليا هو في المركز ال18 ، ولا زال ملعب الأنفيلد يمتلئ ب45 ألف مشجع في كل مباراة ، و لم أرى أي تصريح من أي مدرب أو لاعب أو إداري في ليفربول يتكلم عن الحضور ، فالجميع يعلم أن الحضور سيكون موجودا مهما كانت النتائج . بينما هنا أخواننا بالرياض ، الواحد يجلس بالإستراحة و يشغل التلفزيون ، و يشوف النتيجة ، و بعد ما يرجع للبيت يدخل منتدى الجمهور و يبدأ يتكلم ، ليه المدرب دخل فلان ، و ليه ياسر ما سجل ، و ليه ما لعب فلان ، و جيبوا فلان و طيروا علان . ياخي إنت إحضر أول شيء بعدها تكلم على كيفك . لكن هالكلام على مباريات الدوري ، فالأسيوية جماهير الزعامة في المملكة تقطع المسافات لترى معشوقها ، بينما بكل لا مبالاة يقول لي أحد الجماهير الموجودة في الرياض : أقدر أحضر المباراة هذي و اللي بعدها و اللي بعدها ، الهلال مهو طاير أحضر متى ما أبي . حقيقة ما أراه من جمهور الهلال سيء جدا ، لكن هل كان جمهور الهلال دائما هكذا ؟ لا ، فجمهور الهلال معروف أنه أكثر الجماهير حضورا في الرياض و خارجها ، أو بالتحديد الجيل السابق من جمهور الهلال ، أي جمهور ما قبل 2007 ، بعد 2007 لا أعلم لماذا تحول الجمهور إلى جمهور فوز فقط . لكن بإذن الله جماهير الهلال في المناطق الأخرى ستملأ المدرجات في مباراة أولسان . و بقي نقطة أخيرة و هي التي أقصدها في الموضوع . تعودنا من جماهير الرياض أنها تحضر و معها حب و تجلس تفرج على المباراة و هي ساكتة ، و هالكلام صار في مباراة ذوب آهان في 20-10-2010 ، و شفنا كيف حضر 68 ألف متفرج و جلسوا صامتين و خرجوا من الدقيقة 70 مكسورين منهزمين . لكن هل كان هذا سيحصل لو كانت الجماهير متحمسة و هزت الملعب هز كما فعلت في مباراتي بونيدكور و الغرافة ؟ لكم الإجابة . مخرج : الموج عآآلي ، و البحر غدآآآر يآللي تخآآآف البحر تجنّب أموآآجه |
حلو كلامك كله بس بخصوص الجمهور ماينلامون....ترا فوز الاعبين او خسارته مايتحدد بحضور الجمهور او لا فزنا على الشباب والرائد وماكان الجمهور حاضر فزنا على الإيرانيين في ارضهم وماكان حاضر ولا مشجع هلالي على ما اذكر ... كلهم جن الي حاضرين السبب ياعزيز من الرابطه ...بإختصار جيبو مطربين او مغنين او الرابطه البحرينيه هي الي بتحرك الجمهور اما انهم يزعجونا باصوات من غير تنضيم ولا جماعي لا مانبي يسكتون احسن لهم ولا تلومهم اخوي تحياتي لك ..وللعلم ابدعت ترا في موضوعك للذمه |
الصراحة ان مافي اي شيء يحفز للحضور لا خدمات لا اكل بعدين تقارن لي الدوري الانجليزي بالسعودي انت لو رحت خدماتهم تفتح النفس ومسموح بدخول المأكولات من الغير الحدائق اللي داخل الملعب والمطاعم الفاخرة هنا عندنا بيبسي طعمه موباء اقول خنقتني العبره ما اقدر اكمممل |
إقتباس:
وكل اللاعبين ما قصرو يعطيهم العافية .. ونتمنى يواصلون اللعب بروح قتالية بمباراة أولسان يوم الأربعاء بالملز الجمهور بيكون 30 الف مشجع يهزون الملعب ومؤثر ومرعب للكوريين مثل مباراة بونيدكور الاوزبكي وان شاء الله نفرح بالفوز بنتيجة كبيرة والتأهل |
وانا بكل كلمة قلتها مع الاحترام والتقدير لجمهور الرياض جمهور نايم يعني يادوب من 100 الى500 مشجع هم المتفاعلين مع الرابطة والباقي صمت رهيب فقط يتحركونا اذا الكاميرا بدت تدور حولهم فقط اشكرك على موضوعك الرائع واتمنى ان جمهور الزعيم بالرياض الاربعاء القادم ان شاء الله يخيب ظني في البرود ويشدوا من همة اللاعبين |
والله شيء مؤسف اما اخوي اللي يقول نبي رابطه تحرك الملعب كلامك صحيح بس برضوا الملعب اذا كان مليان هذا بحد ذاته حافز كبير للاعبين داخل الملعب بشرط يكون الجمهور( يشجع ) |
الله يعطيك العافيه على الفكره الرائعه واتمنا التفاعل من الجميع مع موضوعك كمااتمنا من الجمهور الكريم من الرياض وماجاورها الحظورللملعب ومساندة فريق الزعيم الملكي بكل مااوتو من قووه s13ss13ss13ss13ss13ss13ss13ss13ss13ss13ss13s:ba::ba::ba::ba::ba::ba::ba::ba::ba::ba::ba::ba::ba::ba: :ba::ba::ba::ba::ba::ba::ba::ba::ba::ba: |
جمهور الرياض مثل ما قلت اخوي ما يحضرون و اذا حضرو ساكتين اجل ما نبيهم يحضرون |
جمهور الرياض من افشل الجماهير الكرويه وخاصة مشجعي الزعيم الا ماقل منهم ذبحونا مباراته مهمه وتحفيزيه للاعبين .. ااه بس لو هي يوم خميس بس مقيوله ما يحس الشخص بالعافيه الا حين يفتقدها ،، |
الف شكر لك يارب وفق زعيمنا |
لاتنسسى الحظوور والتفاااعل م نبي حظوور على الصاامت نبي تشجيع مع الرابطهه البحرينه وجنون بالمدرجات نبي الملز يهتز نبي تشجيع 90 دقيقه |
ليفربول ملعبهم يفتح النفس ! عندنا في افخم ملعب ممنوع تدخل مويه في المدرج :d |
الهلال يملك مقومات الفريق البطل ورديفه ينافس الاساسي على مراكز التشكيلة وهذا سر تفوق الهلال ولكن يحتاج التوليفه المناسبة والخطه المحكمه |
عزيزي بقولك كلمة انت تقول في مباراة الاسيويه الملعب يصير فل لا تحسب جماهير الرياض الي معبيه الملعب الي يحظرون برا الرياض اكثر من الي يحظرون في الرياض ؟؟ لو يقاطعون المدرج بالاسيويه الي برا الرياض صدقني بيكون 3 الاف متفرج ؟؟ والدليل ناضر اي مباراة بالدوري مايتعدى الحظور 4 الاف ؟؟ وربي انكم كفو يالي تحظرون برا الرياض لفت نظري الي في برنامج صدى الملاعب الي يقول انقلو النادي للشرقيه وربي نبيض وجيهكم بحظور اكثر من هنا بالرياض ؟؟ هذا الي كفو ياليت النادي بالغربية او بالقصيم كان متعة مباريات الهلال بالمدرج مو بالملعب لاكن جماهير الرياض باك المقهى معروفين ..! والي حظرو على راسي |
مباراة اولسان بالغصب راح يتحرك الجمهور �� للاسباب التاليه ان مجالس الجماهير الهلاليه راح تتوزع بالملعب بنص الواجهه ويمينها وشمالها وحتى في الواجهه العلويه الرابطه بالواجهه مع الرابطه البحرينيه .. وباقي المجالس ببتوزع على انحاء الملعب .. وهاذا شي ممتاز اخواننا مجلس الجمهور الاهلاوي الراقي بالرياض راح يساندوننا ان شاء الله واتمنى يجون في مدرج الرابطه الاصلي .. راح يشعللونها لتميزهم بالتشجيع صراحه .. توقعاتي راح تكون افضل مباراه من ناحية التشجيع الجماعي والطرب .. |
إقتباس:
|
وانا بكل كلمة قلتها مع الاحترام والتقدير لجمهور الرياض جمهور نايم يعني يادوب من 100 الى500 مشجع هم المتفاعلين مع الرابطة والباقي صمت رهيب فقط يتحركونا اذا الكاميرا بدت تدور حولهم فقط اشكرك على موضوعك الرائع واتمنى ان جمهور الزعيم بالرياض الاربعاء القادم ان شاء الله يخيب ظني في البرود ويشدوا من همة اللاعبين |
دام جماهير الرياض متخاذلين اجل همتكم يَ جماهير المناطق الاخرى انا وثلاثه من اصحابي يوم الاثنين ماشين من الشرقيه للرياض لمساندة الزعيم بجي من بدري عشان التذاكر لأني متفائل انو بيمتلي الملعب ومن اليوم صائم عن الكلام عشان اصيع واشجع بالملعب لين تروح الحنجره ههههههه همتكم يَ زعماء أحضرو وساندو معشوقكم لانه بحاجه لنا |
كفيت ووفيت بكلامك كله ماقصرت وطلعت الكلام الي ببالي |
آلف مبروك آلفوززِ , آن شاء آلله آلجمـآهير بتكون كبيرره لآنه بيجون من الشرقيه والغربيههه .. |
باذن واحد احد مافي مقعد فاضي ليلة المباراة بالتوفيق لزعيم اسيا |
لاتنسسى الحظوور والتفاااعل م نبي حظوور على الصاامت نبي تشجيع مع الرابطهه البحرينه وجنون بالمدرجات نبي الملز يهتز نبي تشجيع 90 دقيقه |
ماهي غريبه على جمهور الرياض وقلة حضوره ما اقول الا راحووووووو الطيبين |
والله والله لو تنقل المباراة الى الدمام لتشوف الجماهير فلللللل وملعب حلو والجمهور قريب .. وجمهور الشرقية جمهور مذووق مو مثل جماهير الرياض المتشبعه من مباريات الزعيم !! |
وهل تقارن ملعب الانفليد بملاعبنا |
إقتباس:
حنا فصفص ومتنرفزين اجل لو فيه اكل كان يرمون بقايا الاكل على الاعبين |
حتى والفريق فايز يطعو بدري البارح في مباراة الرائد طلعو من الدقيقة 70 |
إقتباس:
إقتباس:
|
فرق بين الملاعب الاوربية و ملاعبنا ( سواء الرياض و غيرها ) ,, تعامل مخزي من بعض رجال الامن تجاه المشجع البسيط و منع كل شيء من دخول الملعب ( كاميرات تصوير _ مياه _ اكل ) بل المحزن انه يوجد مزاجيه تجاه مشجع الى مشجع اخر فـ الذي يمنع تجاه مشجع يُسمح تجاه مشجع اخر في تضارب عجيب في القرارات ,, هذا غير الخدمات السيئه و المشروبات ( المروحه ) اللي تباع في بوفيهات الملاعب و اتكلم خصيصا عن ملعب الملز ,, اذا جماهير المناطق الاخرى تقدر تستحمل كل هاللي يصير في الملاعب فـ يا اخي جماهير الرياض ما تقدر ,, المسألة ما فيها ولاء او حب لأننا منتهين من مسألة الولاء و كل الجماهير الهلاليه في كل المناطق تحب فريقها و مستعده تدعمه ,, بس عدّل ( الفضايح ) اللي في الملاعب خصوصا ملعب الدره و الملز و بعدها طالبني بالحضور ,, |
إقتباس:
لكن لا تقارننا بجمهور ليفربول لأن ملعبهم زي ما قلت يفتح النفس |
‫الحقيقه كامله فضيحه خلط مياه الحمام بالعصير في ملاعبنا‬‎ - YouTube ^ غيض من فيض ,, و اللي يحضر ملاعب الرياض راح يعذر الجماهير في عزوفها |
| الوقت المعتمد في المنتدى بتوقيت جرينتش +3.
الوقت الان » 12:12 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd