عفواً ياهلال الاسيويه محال - نادي الهلال السعودي - شبكة الزعيم

شوط اضافي · #1 12/03/2012, 10:43 PM

الهلال ونهجه في اللعب امام الفرق المتكتله دفاعياً لايبشر بخير في قادم البطولات
ومشكلتنا مع الفرق المتوسطه والمتأخره في الدوري مازالت تعقونا عن الفوز ولم نجد لها حل خلال موسم كامل واصبح الفوز مستعصي على مثل هذه الفرق وحينما يتقدم الهلال بهدف يلعب وكأن المباراه لاتعنيه ونتعادل في آخر المباراه ولا اعلم لماذا لانحافظ على التقدم

ماذا ترجون من فريق اذا فاز مايفوز الا بشق الانفس !! هل مازلتم تفكرون في الاسيويه ؟

اذا هذا حال الهلال فالاسيويه محال

هلاليه بجنون 20 · #2 12/03/2012, 10:46 PM

فريق اجانبه اقل من مستوى المحليين ؟؟؟

ماذا تنتظر منه .. هذا اللي اقدر اقوله

هلالي على دنيتي · #3 12/03/2012, 10:49 PM

الهجوم لازم ياااسسسر بسسس

ماهموني لكن جرحوني · #4 12/03/2012, 10:50 PM

لا هجووووووووم من بعد ياسر
اصلا من رحل عن الفريق والهلال لايبشر بخير
اه يا ياسر وينك
متى موعد رجعتك
والله الهلال تغير مستواه من اعير ياسر
ياعالم هذا ياسر
تفهمون وشو ياسر
والله اني خايف مايرجع
ارجع يا ياسر لو على جثتي
فالهلال من بعدك ضاع
ايعقل هذا الدوري يضيع منا
ومن يحصل عليه خمسه نفرولا الطحالب
ياليت الشباب ياخذ الدوري ولا الطحالب
الفرق بيننا وبين الشباب 6 نقاط
ياالهي ارحم عبدك
ايعقل اننا نبتعد عن الدوري واسيا الموسم القادم لايوجد الهلال في اسيا

اعيدوا لنا ياسر

واعذرني والله منقهر
اعارة ياسر صدمه الى الان اعيشها

شوط اضافي · #5 13/03/2012, 01:06 AM

يعطيكم العافيه على مروركم وابدا وجهات نظركم

هلالي صميم من جدة · #6 13/03/2012, 01:11 AM

تعادل في الدوري بمستوى سي وش لها دخل في الاسيويه ؟؟

كبروا عقولكم الطفوليه , شوفوا الاتحاد ما جاب الدوري اخر 3 مواسم
بس يبدع في الاسيويه , مباراة الرائد مو مقياس .

والبزران اللي يبقون ياسر اقوله روحوا له العين وفكونا

ﾑ¢¢єѕѕσяιєѕ · #7 13/03/2012, 01:51 AM

المزاجية وماتسوي والملايين ، من اول اللاعب يلعب حب في النادي ..

اللحين مين يدفع اكثرررر !!!

شوط اضافي · #8 13/03/2012, 06:37 AM

إقتباس

الرسالة الأصلية كتبت بواسطة هلالي صميم من جدة


	تعادل في الدوري بمستوى سي وش لها دخل في الاسيويه ؟؟ كبروا عقولكم الطفوليه , شوفوا الاتحاد ما جاب الدوري اخر 3 مواسم بس يبدع في الاسيويه , مباراة الرائد مو مقياس . والبزران اللي يبقون ياسر اقوله روحوا له العين وفكونا

ياحلو ترى هلال المحليه هو هلال الاسيويه

لاتفكر انه هلالين

حنا مانتكلم عن مباراة الرائد فقط حنا نتكلم عن هلال موسم 1433 غير مؤهل للاسيويه ومن الان اقولها لن يتجاوز دور 16

وموضوع ياسر حاول تطلف من عباراتك شوي حتى ترتقي بااسلوبك ونعرف نرد عليك

أماني العمر20 · #9 13/03/2012, 06:58 AM

أعتقد إنه العنوان مره ماله داعي ياريت أخترت عنوان مناسب لموضوعك

يسووووووف · #10 13/03/2012, 07:10 AM

إقتباس

الرسالة الأصلية كتبت بواسطة هلالي صميم من جدة


	تعادل في الدوري بمستوى سي وش لها دخل في الاسيويه ؟؟ كبروا عقولكم الطفوليه , شوفوا الاتحاد ما جاب الدوري اخر 3 مواسم بس يبدع في الاسيويه , مباراة الرائد مو مقياس . والبزران اللي يبقون ياسر اقوله روحوا له العين وفكونا

ليه فيه هلالين ؟ بهكذا مستوى سيء تبي تحقق بطولات !
هذا الموسم الاستثنائي يا اداره ؟

الهلال بحاجة لترميم الدفاع + مهاجم فعلا مهاجم وليس اسم فقط !

اذا كنت تبي بطولة لابد يكون عندك دفاع ممتاز

وقبل كل هذا يكون عندك المدرب المميز ؟ اذكر على فترة كالديرون كان فريقنا سيئ جدا ويفوز بمجهود لاعبيه
وكنا نطالب بالتغيير قبل لا تصير الكارثه الا وهي الخروج من اسيا حتى ان الفريق كاد ان يخرج من المجموعات

فا نتمنى التركيز على هاسيك وتقيمه ؟ لان الكتاب واضح من عنوانة

وبالنسبة لياسر يا عزيزي ؟ ياسر وهو باسوء مستوياته افضل من جميع مهاجمينك الحاليين .

كنـق دوم · #11 13/03/2012, 07:15 AM

والله الشرهه مب عليك الشرهه ع المشرفين اللي سامحين لك تكتب هالموضوع

والاجوبة على اسئلتك كلها

قبل ينتصف الموسم ومن اول مباراة بالاسيويه القاكم واحد صاير مدرب وواحد مدير كرة وواحد رئيس نادي وووووووو

مافيه الا قوة صلخ بالفريق ولا قوة مدح مافيه وضع ركادة
يعني عاجزن تاجل خرابيطك ذي لنهاية الموسم او بعد الاسيوية
اذا فازوا احسن لاعبين واذا خسروا اسفل السافلين

انت واللي زيك الفاضين اذا جااء نص الموسم كل واحد استلم كيبورد ودعععععس
باللاعبين والاداريين اذا دخل المنتدى بعد فوز طيرتوه بالعجة وشاف نفسة واذا خسر خليته اسفل السافلين

فيه مدرب منت ابخص منه وفيه لاعب منت ابخص منه وفيه اداري منت بابخص منه وفيه رئيس نادي منت بابخص منه

ياناس كبروا عقولكم واركدوا انتقد وسو اللي تبي بس كل شي بوقته

اذا انتهى الموسم معك 3 شهور اكتب اللي تبي ولو تبين اجيك واكتب عنك ياخلفهم

وبرايي ان مادهورنا الا المواضيع هذي واسالتك الحلووه

هذا وانا مشجع اشوف كذا فما بالك لو اني باسوار النادي

نسيب ولهامسون · #12 13/03/2012, 08:06 AM

محال وبقوة
إذا تبغى آسيا أضبط آمورك من بعد انتهاء الموسم .. معسكرات خآرجيه وديات مع أندية كبيره .. لأعبين محليين مميزين .. لأعبين أجانب على أعلى مستوى .. جهآز طبي وفني ممتآز جداً .. ترك المجاملات .... وغيرهآ من الآمور

محمد-2 · #13 13/03/2012, 08:53 AM

المباراة كانت في المتناول لكن التغيير في الطريقه والتشكيل أضر بالفريق على مستوى التنظيم فقد تم اللعب بمحمد نامي وخيرات في الدفاع لأول مرة وولهامسون يلعب لنفسه واللعب بمهاجمين خطأ آخر والتغييرات لم تظف وتأخرت كثيرا والعوض في القادم إن شاء الله والسلام عليكم.

هـ بحت ـلالي · #14 13/03/2012, 08:55 AM

الحين اي فريق يبي يوقف الهلال يكثف خطوطة الخلفية (( الدفاعيه )) ويلعب على المرتدات

صدقوني راح ياكل الهلال بسهوله ويسر

zaeem_team · #15 13/03/2012, 08:58 AM

إنتهى عصر الزعامة وولدت عصور جديدة,
وصارت حجتنا تحكيم, و مناط التكلف تطبيل .

أغلب مايكتب في الشبكة خرافات و أضغاث أحلام وهذا ماجنيناه من ذلك .
نحتاج الى من يشعر بألمنا, وحرقة توديعنا للدوري, والإقبال على الخروج من آسيا .

أقسم أكاد أبكي من شدة الإحباط, مع توماس دول قالو المدرب العلة, واليوم أتت الصفعة ^^