نادي الهلال السعودي - شبكة الزعيم - الموقع الرسمي

إقتباس:

الرسالة الأصلية كتبت بواسطة 3MMAR - HFC (مشاركة 20737706)

بالبداية سواء كان الدخول مجاني او بفلوس الموج الازرق راح يملي المدرجات
و بـ اذن الله سنملأ المعلب بـ اصواتنا و تفاعلنا مع نجومنا
سنكون خير سلاح يدفع نجومنا للابداع
سنرسم اجمل صورة في المدرجات

--

لن ينصلح حال ملاعبنا الا بزيادة التنظيم و ترقيم الكراسي و تحسين المشروبات و الخدمات
ترقيم الكراسي امر مهم جداً جداً اتمنى ان يجدون حل لهذه المشكلة

الله يوفق زعيمنا

إقتباس:

الرسالة الأصلية كتبت بواسطة خبير دلاخه (مشاركة 20737677)

اتفق معك وبقووووووووووه .. اذا فتح المدرج مجانا .. يجيك فئات غير مرغوبه من جماهير ال.... هدفهم النخريب فقط !!!!!!!

اللي بخلان بعشرين ريال ... مهو هلالي !! ولا تقولون في ناس ما يقدر يدفعها !!

اذا تبون شي مجاني . وزعوا شال خامته ممتازه .. اعلام حلوه

خلوا اللي يجي يحصل تذكار من هالمباراة

مو عاطلين الجمهور الفاضي ... يحذفون علب ماء عالجمهور .. وممكن يحذفون على اللعيبه .. ويتسببون في عقوبات عالهلال وجمهوره

إقتباس:

الرسالة الأصلية كتبت بواسطة the-golden999 (مشاركة 20737635)

ذكرتني باثنين كانوا جالسين قريب مني بالملعب مباراة الهلال و الغرافه..ويسأل خويه وين الهلال !!!!:to: اي واحد فيهم :to:.....متى تصير ملاعبنا مرتبه و لمن يعشق الكورة عشان تلمس الحماس من الجمهوور ...مو واحد جالس و يقشر بالفصفص و يتفل قشوره اعزكم الله... ومقزر وقته سواليف و سب و شتم و سخط باللاعبين....وحتى واحد كان جالس ورانا و مسوي ظريف و يسب حكم المبارات الي كان ياباني و يقوله بالانقلش تبا لك s121s.....
الله يعين بس ...شكرا على موضوعك اخوي

إقتباس:

الرسالة الأصلية كتبت بواسطة زعيم بين الزعماء (مشاركة 20737555)

أنا ضد فتح المدرجات مجانا

ضدها للأسباب التالية :

1. ملعب الملز ســ يمتلأ في كل الأحوال وإن كانت غير مجانيه .
2. عند المباريات المجانية يقوم العسكر بإغلاق البوابات قبل إمتلاء المدرجات وترى أماكن فارغه رغم وجود الألاف بالخارج
( حصلت لصديقي في مبارة بني ياس وذهبت أترجى العسكري لدخوله فقط ودخل رغم وجود مئات الكراسي الفارغة بالأسفل وعلى الأطراف ) مما شوه منظر المدرجات عندما رأيتها فيما بعد على التلفاز .
3. لمنع حضور كبار السن وصغار السن ،،، وعند مجرد رفع صوتي أو الوقوف أجد العتاب منهم كأني في سينما ههههه
وكذلك الأطفال ينظرون في وجههي أكثر مما ينظرون في المباراة ،،، أشغلوني كل شوي أحس واحد يناظرني .
4. لمنع حضور الجاليات العربيه ،،، ليست عنصربة ،،،، بس مو لدرجة حسيت اني في المطار الدولي قبل رحلة السودان .
5. لإثبات حبنا للزعيم .

أنا مع جعل مباراة الرائد مجانيه ههههه فهي التي ستكون ضعيفة حضوريا .

إقتباس:

الرسالة الأصلية كتبت بواسطة فديتك انا ياهلال (مشاركة 20736331)

بالعكس افتح المدرج خله ينتلي على بكرت ابيه
تكفوون يا زعماااء نبيها فل
جايكم من القصيم لعيون الزعيم

إقتباس:

الرسالة الأصلية كتبت بواسطة روقـــــان (مشاركة 20736336)

على حسب علمي آن موبايلي هي الي بآدرت بالشي هذا ...!!

عموما كلامك واقعي واذا على العزوف الجماهيري مالومهم

لا تنظيم يسآعد ويآهل انك تحظر بالملعب ولا حتى مستوى فريق

انا من الناس الي بموسم غريتس حضرت كل مباريات الهلال بالريآض والسبب المستوى كان ممتع وتحس انك تتابع كوره

عكس الحين تتابع المباراه ضغط واعصاب وصداع وماتدري وين تلقاها من اللعب ولا من التنظيم ..

مشكور على طرحك لاهنت ...

العضويه للبيع :naughty:

إقتباس:

الرسالة الأصلية كتبت بواسطة عذب السجايا (مشاركة 20736439)

الشريك الاستراتيجي يستفيد من اي بطولة يحققها الفريق اكثر من استفادته المادية
دخل المباراة في كل الاحوال لايزيد عن مليون او مليونين ولو فكرت موبايلي بتفكيرك لكان الافضل لهاان تحتفظ بالثمانين مليون سنوياً لكنها تفكر في الدعاية فتأهل الهلال ان شاء الله سيجعل دعايتها تستمر في بطولة اسيا والعكس لاقدر الله صحيح

إقتباس:

الرسالة الأصلية كتبت بواسطة خالد بنو هلال (مشاركة 20736450)

استجداء الجماهير بالمجان فيه إهانة لجمهور الهلال

ودليل على ان العلاقة بين الفريق وبين جماهيره مهزوزة

جمهور الهلال لا يريد من الادارة او الشريك الاستراتيجي فزعة علشان 20 ريال

نريد فريقنا الذي يستحق ان نملأ المدرجات لأننا نثق في إبداعه

والتاريخ خير شاهد

إقتباس:

الرسالة الأصلية كتبت بواسطة الكاسر ياسر الآسـر (مشاركة 20736686)

اولا مواصله الهلال في البطوله يعتبر لموبايلي اعلان اكثر من انها تفتح الملعب بالمجان والي ما يتجاوز مليون ونص تقريبا

ثانيا حصول الهلال على البطوله والوصول لبطوله انديه العالم يعتبر اعلان لموبايلي يساوي الملايين

ثالثا فيه ناس فعلا يا اخي ماعندها عشرين ريال خصوصا بهالوقت ولا تقيس على نفسك يا اخي

رابعا اذا اهتمت رعايه الشباب وعملت الي تقول انت عليه بموضوعك راح نقول وقتها مافيه عذر للجمهور ما يحضر

خامسا بعض المواضيع احيانا تكتب بدون النظر للاخرين والله يا اخي فعلا فيه ناس ماعندها العشرين ريال والا يكون عندها

وتقول بنفسها فيه ماهو اولى من حضور مباراه اصرف المبلغ فيه .... وعن المباراه اشوفها تلفزيونيا واوفر العشرين

هذا منطق البعض وانا ما انكره عليهم لانه حال الناس مو واحد والوضع حاليا والله فيه من لا يملك العشرين ريال ونفسه يحضر المباراه بس مو قادر .

إقتباس:

الرسالة الأصلية كتبت بواسطة هـلالــ1997ــي (مشاركة 20736755)

هلا والله...
بالنسبة للموضوع..:
هم كذا ولاكذا .. قصدهم الأول والأخير هو حضوووووووور الجمهووووووووور!!
مَ دام هم يتكفلون فيه هذا شيء يخصهم...
شسمه... ايه بس حبيت استفسر الحين انا اذا كتبت موضوع منقول من صحيفة ماينزلونه والسبب انه منقول .. وذا الخبر كيف!!!
شيء عجيب صراحة!!!!
لكـ ودي واحترامي..

الله يعطيكم العافية شباب ما قصرتوا اثريتوا الموضوع وفتحتوا نقاط ما طرت على بالي بالنسبة للي مايقدر يدفع عشرين ريال اقول الله يرزقة لكن المدرج موجه للقادر على الدفع معليش لو كانت مباراة وطنية ما يأثر لكن كنادي لازم نستفيد من كل ريال يدخل وبالنسبة ليش الموضوع سمحوا فيه رغم انه خبر فهذا لاني ناقشت الموضوع ومانزلت خبر مجرد وبالنسبة لمشاكل جماهير ****** تعرفونه اكيد هم اساس البلا للمدرج الازرق ولا همهم المباراة وبعضهم يجي سكران مايدري وش السالفة واشياء كثيرة الواحد يستحي يتكلم فيها بس انا مستحيل أجي بولدي الصغير علشان اشوف مباراة فيها هالاشكال هذي