|
اشتقنا للموهوب اتمنى اشوفه اساسي قريب |
إقتباس:
يكون بعلمك ياسر دايم يلعب أساسي ماعدا مباراتين النصر وأولسان الكوري ومباراة الشباب أبعد عن الأساسي لأنه مصاب بالأنفلونزا وهذا كلام ياسر بنفسه وغدآ أن شاءالله راح تشوفه أساسي ياليت أذا قلت شيء تكون واثق من كلامك وماتقول شيء ماهو صحيح |
لن ازيد على ماقاله حمد الهلالي ولن ازيد على ردي على تعليقك في موضوع(كمبورايه ok) بالتوفيق للهلال |
إقتباس:
هذا حبيبيك ياشلهوب جاك لاغصب وخضوع [SIZE="5"]لكن حبك حل عرضه وطوله[/ SIZE] ان غبت عني هلت العين بدموع اشتاق لشوف العيون الخجوله اشر وامر وانا كلي لك اخضوع لبيه لبيه بلي ياشلهوبي تقوله:ba1::ba1: |
نلعب لاعب بناء على ( احصائيات لسنوات ماضية ) و الا نلعب الاعب لمستواه ؟؟ سؤال آخر .. اللي بيلعب في وسط الملعب ( الاعب ) او ( تاريخة ) ؟؟ .. اذا عن تاريخة اجل يلعب ( ياسر اساسي ) على حساب ( ويسلي ) و إلا وشرايك ؟؟ يا طويل العمر .. الكرة معطيات ,, هنالك حالياً من هو أفضل من الشلهوب كمستوى فني و ما يعني ان جلوس الشلهوب على مقاعد الاحتياط هي اهانه له بالعكس فـ يكفي ان نقول ان الجابر في فترة من الفترات كان يجلس احتياطي لـ محمد العنبر !! الشلهوب اسطورة و رمز و كل شيء و على عيننا و راسنا .. لكن كرة القدم مافيها عواطف و مجاملات .. الاعب الاجهز و الانسب من وجهة نظر المدرب هو اللي يلعب و شكراً |
اخي الكريم .. اولا اهنيك على حبك لهذا الاعب المبدع ...محمد الشلهوب اهم لاعب وسط هجومي في الهلال وربما المملكه ...وذكرت هذا اكثر من مره ..صحيح انه يظهر بعض المباريات القليلة بشيء من السرحان والشرود لكن اغلب المباريات ..هو من يحرك الوسط الهلالي ..هو المحرك الاول عندي للوسط الهلالي ...الشلهوب افتقد اسلوب الكره القصيره والتقارب مع اللاعبين ..افتقده مع كومباريه ..افتقد هذا الاسلوب كثيرا كما افتقده باقي لاعب وسط الهلال ..ذلك الاسلوب الذي لعب به جيرتس وسامي وهاشيك ودول وسامي الجابر ..ومع ذلك .. ورغم تغير اسلوب الهلال بشكل كبير وكلي ..يثبت الشلهوب انه قادر لوحده ان يصنع الاهداف ولو كان اسلوب المدرب صعب ..مثل تمريراته الاخيره التي اهدت الفوز للهلال ..كانت احدها اصعب التمريرات ... لكن يبقى للمدرب اخي ( مجنون في حبك يا الشلهوب ) وجهة نضر يجب ان تحترم .. |
إقتباس:
|
- الى متى هالعاطفه خلاص لاعب نزل مستواه المفروض ما يلعب < سواءً المستوى او معدل اللياقه اوك هو لاعب كبير وله تاريخه وانجازاته ولا احد ينكرها ، بس راحوا الاساطير قبله واكثرهم كان مستواه ضعيف في نهاية مشواره او قبل النهايه بسنتين تقريباً ما يحتاج نكابر ونبدي مصلحة لاعب على مصلحة كيان ،' حاول انك تشجع الهلال ، مو الشلهوب وبس !! ^_^ !! |
هههههههههههههه تصدق وربي ذكرتني بايام الطيبين لعبوني والا بخرب وانت مثلهم لعبو الشلهوب والا ترى ماراح تفوزون ياخي قسم نحب الشهلوب ونقدره وودنا يلعب بس العمر له دور وماقصر ابو بندر وبعدين اشتر لك فيفا 2013 وخذ الهلال واولسان ولعب الشلهوب في كل المراكز لين تمل حطه ظهير يمين ويسار ووسط ومهاجم ودفاع ولو تبي تحطه حارس بس مايصير كذا كل المواضيع الشلهوب تحيااتي |
إقتباس:
شوفو تصريحاته ماتعطيني انطباع انه مدرب كبير يقول كومباريه لكل مباره بختار تشكيله بالله هذا كلام مدرب يعني مبارات الرايد بيلعب بتشكيله ومبارات اولسان تشكيله مع انه المنطق يقول مبارات ارايد اعداد قوي لمبارات اولسان وفي اي منطق يقول كذا وعمركم سمعتو مدرب يقول الكلام هذا كومباريه نهجه خطته لاتناسب الهلال خطته وكلامه خرابيط وشخابيط وراح تثبت الايام صدق رويتي الفنيه وكومباريه بيرحل بس بعد تدمير نجومنا وخروج مذل من اسيا المشهد واضح ياساده لاهلال بدون الشلهوب |
انا اقول يلعب الشلهوب والفريدي ويترك كومباريه الكلام الفاضي مايرضيني اشوف الغلط وسكت ترى اكومباريه نفهم كوره انت تبي تخرب موعلى كيفك الهلال اهم منك ولاتبي تنكبنا وترحل وتدمر نفسيات لاعبيين شوفو كيف نفسيت الفريدي مره طفشان الفريدي اخر مباره عصب على المدرب ويبي يلعب والشلهوب عشانه طيب بس داخله متضايق اكيد يبي يلعب ويبدع لعيون الملكي ليش نسمح لكومباريه يضايق لاعبيين والحزن واضح فيهم والله ياكومباريه بقولك شي ترى ضيقة صدرالشلهوب تسوى العالم والناس كل ابوهم اترك عنك الفلسفه والخطط الي مانبغيه ونرفضه وفي النهايه مارح تنفعنا انت بعد مانطلع من اسيا بتروح فرنسا وترد عاطل مثل قبل تبي تستمر ويانا عطيتك الحلول وتبي بطولات عندك الحلول ماتبغي كيفك |
المدرب ماوضع الشلهوب احتياط لانه فشل او مايلعب زين المدرب لاحظ ان الشلهوب متعب من كثرت المشاركات وسنه مايساعده يشارك اكثر لذلك حركته اصبحت بطيئه وعنده لاعبين مثل ياسر الشهراني وعزوز والعابد وسالم والفرج مميزين وسريعين ومعتمد عليهم الشلهوب يحتاج للراحه وبيرجع لابداعه وامتاعه المدرب محتاج يريحه ومحتاج هالوقت هذا الحساس لاعبين جاهزين عندنا اسيا والدوري |
من حق اي شخص ان يبدى وجهة نظره التي يشاء ومن حق الجميع الرد على الفكرة وبيان صحتها من خطئها نتمنى ان يكون النقاش للفكرة فقط والبعد عن اي شيء شخصي والخروج بالموضوع من صلبه الى نقاش غير هادف |
إقتباس:
|
| الوقت المعتمد في المنتدى بتوقيت جرينتش +3.
الوقت الان » 09:00 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd