تسلم يالغالي .. وشكراً ع الخبريه .. نحنا ما يهمنا تكفلوا بقيمة التذاكر او ما تكفلوا .. حاضرين حاضرين الله لا يعوق بشر .. خلهم يدعمون الزعيم في مجالات أخرى أما مسألة الحضور ما نبي منهم مساعدة إحنا بنحضر وندعم هلالنا .. وان قاله الله ؛ وراح نفلل الملز بمشيئة الله

آمين الله يوفق الزعيم .. لكن انت وش رايك بالقاعدة التشجيعية ؟
نورنا برايك يا بعدي

يعجبني اللي يقرأ الموضوع ويفهمه .. شكراً يا بطل

هههههه احضر وانفجر تشجيعاً في الملعب .. لا تلتزم الصمت دائماً
إلزمه حين توجهك من منزلك للملعب حتى مع صحبتك ورفقائك وعند تسخين اللاعبين وإذاعة أسماء اللعيبة من المذيع الداخلي ولا تنبز ببنت شفه حتى يطلق الحكم صافرة البداية حينها تكلم وانطق وقل واصرخ بأعلى صوتك تسجيعاً للهلال

والله يوفقك ويوفق الهلال

فعلاً جمهور الهلال خارج الرياض جمهور وفي ومتحمس وفاعل .. وأظنهم أقدر من غيرهم في بلورة هذه القاعدة ..
أما جمهور الهلال بالرياض فربما أن المثل الشهير قد جرى عليهم (( من جاور الجرباء على الحول يجرب )) ولكن وحتى أكون منصفاً هم دائماً في الوقت الذي لا تتوقعه ولا يخذلون الهلال ولذلك ستجدهم على الموعد لأن معدنهم أزرق أصيل

القاعدة تقول : إبدأ بنفسك وبمن حولك .. حينها ستجد أن المدرج بأكمله يلتزم بالقاعدة .. والأمر هنا لا يحتاج من المشجع غير المسؤولية لأن فحوى القاعدة ومدلولها قد وصله .. نعم ؛ أن يتحمل مسؤولية قيادة الفريق تشجيعياً نحو عرشه المفقود ..

أحسنت اخوي .. وهذا جانب من جوانب الحرب النفسية على لاعبي الخصم .. المباغتة والهيجان المفاجئ يحدث هزات نفسية كبيرة في نفوس الخصوم الأمر الذي يفقدون معه السيطرة على أعصابهم فيختل تركيزهم وتتثاءب لياقتهم فتخور قواهم .. والمعروف أنه إذا أحببت الانتصار على الخصم حتى ولو كان أقوى منك فعليك بهزيمته نفسياً لتتمكن من إقصائه

طيب حنا وش نقول وانا اخوك ؟
احنا هنا وضعنا آلية للتشجيع والمساندة الفاعلة ؛ وضعنا الكيفية الواجب اتباعها حتى يستفيد الفريق من عاملي الجمهور والأرض .. انا والجميع يعرف ان اهم شي الحضور والمساندة ولكن كيف يكون الحضور ذا فعالية والمساندة ذات تأثير وأثر ؟ هذا محور طرحي سواء الموضوع أو الردود

ملعب الملز صغير و يمديك تفعل الجمهور كله مو مثل استاد الملك فهد بس الواجه
و مع تواجد رابطة المحرق البحريني اللي دايم تضيف المتعه في المدرجات انا اجزم لك ان ملعب الملز راح يتفجر باذن الله

و ضدصقني بعد المباراه بتطلع بتلقى المحلات اللي حول الملعب مكسره قزازها ههههههه قوويه هاه
بس يعني دقني راح يكون فيه حماس قوي جدا

يعطيك العااافيه ...

بالتووفيق للهلال في اسيااا .. !

.....................................

عدل كلامك اخوي .. قاعدة الصمت الموقوت تنطلق من فكرة الإبداع الجنوني
ولو تم تطبيق 60٪ فقط منها صدقني بيشتعل الملز طوال الـ 90 أو الـ 120 دقيقة
لكي تكسب يجب أن ترهب خصمك لا أن تطربه بالمواويل والأهازيج الطربية
نحتاج إلى صخب جماهيري وهستيريا تشجيعية لا تتوقف وهالشي ما راح
يتم الا اذا طبقنا قاعدة الصمت الموقوت لأنها الكفيلة وحدها بتفجير طاقات الجمهور

وش صمته يآ خوي لو عندك رابطه صح هي اللي تحرك الجمهور لكن بدون رابطه صح ما يتحرك الجمهور ، الرابطه البحرينيه حاضره ان شاء الله و هي اللي بتحرك الجماهير مثل مباراه بونديكور كان جنون جماهيري وقتها ، و لو نشجع من البدايه هي اللي بتحرك حماس اللاعبين حين التسخين .

شكراً لك !

جمهور الهلال ممكن يسويها لك يسهوله يصمت. وحتى اذا صفر للبدايه بيضلون صامتين!!
للاسف مافندنا رابطه ينشد بها الظهر!!!