|
كومباريه { ماعلينا من كلام الناس ماكنا درينا السلام عليكم ورحمة الله وبركاته صباح التفآئل للجميع .. موضوعي اليوم بخصوص مدربنا الكبير كومباريه واثق الخطوه يمشي ملكا والصراحه مدربنا اعطنا انضباطيه جيده على مستوى اللاعيبن بالروح الفوز والتكتيك الجيد بمباراة الشباب إن شاء الله راح نعبر اولسان الكوري بأكثر من هدف .. المدربين السابقين : باكيتا , كوزمين , جيرتيس { بالبدايه حصلهم تعثر في المواجهات الجولات الاولى وسمعنا كثير من الجمهور يطالب بالاقاله والي يقول ماعنده فكر تدريبي واخر الموسم نسمع المدح وهذا الي راح يصير مع كومباريه بإذن الله .. بخصوص ماعلينا من كلام الناس :d هالكلام موجه للجمهور العاطفي عندنا جماهير عشانه مالعب اللاعب الفلاني راح يتنقد وراح يقلل من المدرب ياناس حنا كجمهور يهمنا 11 لاعب يركضون في الملعب ويجيبون لنا 3 نقاط او التأهل إلى النصف النهائي لكأس اسيا مب بسبب حسن العتيبي او احمد الفريدي او نواف العابد او محمد الشلهوب نزعل الهلال اكبر من هالاسماء على عيني وعلى راسي في احد من اللاعيبه خدموا الهلال لكن الي ماراح يحترم هالمدرب الي وضع من الاداره كأنه ما احترم الهلال ,, وفوق هذا لاعبين محترفين طيب عندك عقد مع ناديك ملزوم انك تنفذ الي يقولك المدرب وفوق هذا نلقى عدم انضباطيه في التمارين والاداره وفرت الاداره الفنيه للمدرب المفروض يكون عندك فكر احترافي مب كل حصل شئ قلت اداره اعتبر المدرب اهو الاداره . وهذي إساءه للأداره ولنا كالجمهور . الي حبيت اوصله ان الهلال حاليا من غير النجوم الي ذكرتهم جالس يلعب بأحسن مايكون .. اي مشجع هلالي مايرضى غير الفوز .. لانه تعود على الفوز ونزعل على الهزيمه لان الكل رآح يتشمت او يرمي بسهامه في لحظة سقوط لا غير لكن الي يثق بفريقه راح يرجع زي ما كان وأقوى ... اتمنى من جمهورنا شوية ثقه بهلالنا وشوية هدوء على المدرب والصبر يهمنا الان اكثر من اول جلسنا على دول وهاسيك ولا ارتحنا لهم وحاليا تونا بدينا ... الثقه ياجمهور الهلال .. نحتاج إلى دعم حنا يا اهل الرياض نعاني من الزحمه يا مسوؤلين الاداره اتمنى وضع مباريات فريقننا على الملز اقرب لنا ونفتك من هالدائري لكن تحطونا في اخر الدنيا ولا في هالزحمه الواحد ينسد نفسيآ انه يكرف للآستاذ .. { وترى مب عذر لا احد يجيني يقولي انتم وانتم انا عن نفسي موظف ما اطلع الا 6 المغرب واحضر المباراه لكن مالوم اهل الرياض الي استغرب منه مباريات الشباب اكثرها في الملز !! احترم الجمهور الي يجينا من خارج الرياض عشان الهلال ولا حسب للمشاوير ولا هالزحمه بس انت ساكن برى العاصمه فتكون مرتاح .. لكن حنا نداوم بزحمه ونطلع بزحمه ونرجع لبيوتنا زحمه فالنفسيه شوي زفت اتمنى من المسوؤلين يتكلمون يريحونا من الاستاذ .. همسسه بسيطه للآداره حاليا سمعنا من موبايلي انها تنفي فتح ابواب الاستاذ الامير فيصل بن فهد . هذي اخر مباراة يا فأيز او مهززوم وإن شاء الله فايزين بإذن الله اتمنى يكون لنا كالجمهور دعم من اعضاء الشرف الي اشوفهم مقصرين جدا او ما ابي اظلمهم بس بالادارات السابقه كان لهم دور فعال .. بالاخير نعتذر لكم عن الاطاله لكن تحمسنا من هالتفائل وكتبنا كم حرف ويالله توفيقك بمباراة الرآئد ثم تكرمنا بالتأهل لنصف النهائي . سلام عليكم . |
يعطيكككككك الف عاافيه وباالتووفيق للزعيم باذن الله وباذن الله اسيااء جايه لزعيمها هذي السنه |
آسيا قريبه باذنه تعالى .. أني أراها تقترب .. برعاية .. المرصد الفلكي السعودي |
آسسيـآ قريبههِ وبآذن آلله ههلآلييه :ba: :rose: .. |
الله يوفق هلالنا فوق كل ارض وتحت كل سماء |
ترا اسمه كوبواريه مو كومباريه ... في 2 واو مو وحده ... بس كنت حاب اوضح لك |
إقتباس:
اهم شي انه يبدع والنقطة الثانية حبيت اوضح لك تراك بلعت حرف الميم من اسمه :d - صاحب الموضوع .. , معركة 3 اوكتوبر حاضرينها ان شاء الله .. , وكومبي بيقرا الخصم زين ان شاء الله ! وخطته بمباراة الشباب عجبتني .. لان عرف يوظف الزوري صح : ) لانه عارف الزوري لما يتقدم هجوميا مايستفاد منه لان اوفراته ماتضبط فتشوف بالكثير حده نصف الملعب .. , ودفاعيا ابدع ان شاء الله الايام القادمة اجمل |
يعطيك العافية وبالتوفيق للزعيم |
آسسيـآ قريبههِ وبآذن آلله ههلآلييه :ba: :rose: .. |
كلام كبير ياكبير العتب على اللي يطالبون بغريتس يحسبونه بينجح زي اول |
معاكـ حق بكل كلامكـ المطالبة بتغيير المدربين غباء ، ليس حل ابداً يعطيكك العافية |
إقتباس:
......................................... |
إقتباس:
أشكرك على مرورك .. |
إقتباس:
يعطيك العافيه على هالمرور .. وبإذن الله اسيا من نصيب الهلال هالسنه . |
إقتباس:
شكرا لك . |
| الوقت المعتمد في المنتدى بتوقيت جرينتش +3.
الوقت الان » 06:29 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd