والله فشيلة .. رابطة نايمة ولا حماس جمهور .. ياخي جيبوا فرقة سامري بالايجار
 

تعبنا وحنا نقول جمهور الهلال بالرياض نااايم في المدرجات ما يصحى الا اذا جاء هدف وبعدها بعشر دقايق ما تسمع الا شخير الجماهير ...حتى مباراة امس رابطة الشباب وعددهم مايتعدى 25 نفر شغل حماس وتشجيع متعوب علية .. بالفتره الاخيرة صرت ما احب المباريات اللي في الرياض بسبب الرابطة النايمة .. والله عيب ناد كبير بحجم الهلال!!!!!! ماعندك رابطة زي الناس .. والله فيه شباب متحمس ومستعدين يشتغلون بلاش!!
وش يمنع يكون عندنا رابطة على اعلى مستوى .. شوف الاتحاد والاهلي جماهيرهم ناااار والسبب ؟؟؟؟؟ وش ينقص الهلال ؟؟ فلوس وموجودة
وعلى فكره ترى جمهور الرياض صار يمل يحضر بسبب عدم وجود رابطة زي الناس .. علشان كذا عندي اقتراح .. ممكن نستاجر فرقة سامري كل مبارة تشيل الملعب شيل وتحمس الجمهور ويبدى يتفاعل وتحمس اللاعبين ..

ليش نجيب رابطة البحرين وقطر ؟؟؟... ليه مايكون عندنا رابطة على اعلى مستوى ؟؟؟
اتمنى ادارة الفريق تغير الرابطة وتجيب ناس على اعلى مستوى

معقوله ماوصلت للرابطه كل انتقاداتنا لها
مو معقوله...صار لنا اكثر من سنتين نقول الرابطه ماتملا العين
غريب امرهم حقيقه

مممن جد

يوم جاء الهدف الاول بدت الحماس مايصير

المفرض من اول ما بدت لازم تشجيع وتصفيق وكل شي

ترى مع مباراة اولسان الأستاذ الناقور بيجيب رابطةة المحرق البحريني ..

شكرا لك

سامري يوم قاعدين حبيبي تبي تحضر ههههههههههههههههههههههههههه

مافيه مانع نستأجر يــلـآ على يدكك شد حيلك و استأجر

فعلاً رابطتنا ميته مو نايمة بس

نادي كبير مثل الهلال يجب ان تكون رابطته كبيرة مثله لكن اللي صاير العكس

ياليت يهتمون فيها شوي

صادق لو فيه رابطه من حقين السامري وطق على كيفك

قسم اللي برا الملعب يسمعونها والجمهور طربان مثل ما يسون بالمناسبات وبالاعياد وغيرها ..

أتمنى جمهور الهلال يرجع مثل اووووووووووول

مباراه امس بصراحه ناقصها جمهوووور
الواحد بدا يقلق من مباراة اولسان
نبي جمهور الازرق يسوي فيضان ف الملعب
والرابطه ماعليه لو نأجر طقاقه:ap:

يعطيك العافيه
وان شاءالله تكون اسيا هالسنه من نصيبنا
وان شاءالله نفوز ع اولسان ونتاهل

يوووووووووو من زمااان وحنا نقول لا رابطة ولا جمهور مثل النااااس ياعمي لو يسون كل مباريات الهلال في النادي احسن على الاقل تسمح حس احد

يا حبيبي الشغله سهله مره
لكن يحتاج الى دعم مستمر

اي والله رابطه نايمين عشان كذا اجمهور بيكون نايم
ماعندك الا ياهلال عزك عزنا مافي شي جديد

وبالتوفيق للزعيم في اسيا

يقولون نبي نقد ايجابي ... هذا حنا تكلمنا .. شكرا لكل من تفاعل ايجابيا مع الموضوع ونتمنى يتعدل الوضع

يا حبيبي الشغله سهله مره
لكن يحتاج الى دعم مستمر

وربي وأنت صـادق :yes: :yes:
الرابطـه نايمـه وبقـووووه
وماتحمـس لاجمهـور ولا لعيبـه وهـذا الأهمممم .. اللعيبـــــة ..

يعنـي لابـد من التحـرك في هـذي الشغلـه وتعيين رئيـس للرابطـه يطرب ويحمس صـــــــح ..
لان هالشي له دور في صحصحة اللاعـب والجمهـور والحماس

على قولتـك أخـوي لو نستأجـر فـرقـة سـامـري !!! :s5s: :s2:

جمهور نايم مامنه فايده

يعطيك العافيه اخوي

لا يجب أن نحصر المشاكل في الرابطة فقط ..

حضرت مباراة للهلال ولا أتذكر صراحة الفريق المقابل.. ولكن الرابطة كانت بحرينية وكانت تساندها رابطة كويتية .. كان رئيس الرابطة " يترجى " الجماهير تتفاعل معاه ... حاول و حاول وحاول .. وفي الأخير أعطى المايكروفون للرابطة الكويتية ..

الجماهير يجب أن تتجاوب مع الرابطة !!!

جمهور نجد شايف نفسه بصراحه يدخل الملعب يتفرج على المباراة واذا شاف احد يتفاعل قال ياخي روقنا واجلسسس؟؟؟

كلامك سليم

هدوء في الاهازيج وبدون رابطه والحماس مع الهدف فقط نبي تفاعل وحماس وتشجيع اكثر من بداية المباراه

حتى النهايه لكن القادم احلى ان شاءلله .

يعطيك العافيه

وأنت الصادددددق رابطـــــــة ماعندها بث الروووح والحماس

موضوع حلو وجميل

وانا قبل شوي كنت اتفرج باليوتيوب على اهزايج جماهير الاتحاد بقيادة العندليب يمين بالله اتحمست معهم واقول ما الوم لعيبة الاتحاد يوم يلعبوا بروح

يعنى ان الجمهور هو بنفسه يبث روح الحماس باللعيبه

لو عندنا واحد مثل العندليب القرني او المغربي حقين الاتحاد .. كآن تلآقي الملعب فل الفل وحماس وطرب وغير ذآلك بتلاقي ردة فعل من اللعيبه .. وهم بيحسون في تشجيعكم وحقدموا كل ما عندهم

يجب على الناقور او اي عضو شرف ان يشتغل على الرابطه شغل سليم

ويجيب واحد من حقين السامري ويعطيه فلوس ويحضر لمباريتنا


وبعدها وربي حتشوف الملعب مليآن جمآهير والسبب وجود رآبطة تحمس الواحد

لا مجلس ولا رابطه
مادري وين الاعضاء اللي يسجلون مايحضرون
يوم الاثنين اشوف رابطه الشباب اكثر ومنظمه اكثر من جماهير الملكي
وحتى شغلهم مرتب ويوزعون صح
لا احد يقول لي العدد وكان الدره كانت فل
اجل كيف لو في ملعب القاهره وتسوي دخله طلعت الاجمل في العالم
اتمنى من ادارتنا تغيير المجلس والرابطه
نبي ناس تشتغل
الاخ تركي مش مقصر بس مافيه حماس والجماهير الظاهر مش
متقبله
وبنفس الوقت جماهير الهلال في الرياض اتكاليين ولايحبون فنون التشجيع
الله يكون في عون هلالنا وعون من يحب يشوف المدرجات باجمل حله
ويحترق عشانها والباقين ماهمهم

ههههههههههههههههههههههههههههههههههههه
انا من الجمهور الهلالي ولكن لا اتحمس والسبب
مستوى الهلال ما يطمن من بداية الدوري
مستوى متذبذب يخوف كل الجمهور
نتمى تنتهي المباره بي طريقه
عطني فريق 2009 2010 2011 وشوف الجمهور

اخوي وش فايده الجمهور اذا مابيحضر الا لما يكون ضامن الابداع
ثانيا ماحد يعلم الغيب الجماهير تقول ماحضرت عشان مستوى الفريق
ولا راح يقدم طيب الفريق قدم وابدع
ثانيا لكل سنه ولكل عام اكيد فريق ولاعبين وعناصر
ودوام الحال من المحال
اتمنى تكون جماهير الهلال بجد مشجعه اسم ع مسمى
مو بس تحب ذاتها وتبي متعه ولاتهمها سمعه الفريق
الجمهور الحقيقي هو من يحاول النهوض بفريقه عند تعثره مو العكس
والله اني دخلت منتدى الاتحاد بعد مشاكلهم السنه اللي طافت
وكانت مواضيعهم وردودهم كلها تحفيز ووعد بالحضور والمسانده
لكي يرجع العميد ع قولهم ولايصير نصر اخرى
حتى انهم كان بل استقبلو فريقهم وهو عايد من معسكر وكانه رجع بكاس
وهذا هو الجمهور الحريص ع ناديه لانهم عارفين انه في حال سقط الفريق
صعب رجوعه

هههههههههه
خل بالاول الجمهور يحضر ويسااند ويصحصح وبعدين فكر بالراابطه...,,
بس عجبتني فكرة السااااامري<< ^_^
بس انا احب الخبيتي ااكثر اذا فيه مجاال جيبو فرقه خبيتي <<ااامزززح=")
لاهنت.,’

جمهور الرياض يجي الملعب كانه رايح زواج شماغ و متعطر هههههههههههه

وش رأيكم أجيب لكم فرقه من بيشه تلعب الرايح مع الأورق والله العظيم ياللى كل الذين في الملعب ان يتفاعلون غصب عنهم والله لينسون المبارة وهاتك رقص والناس تفكرهم متفاعلين مع المبارة بس أبى اكون رئيس الرابطة

ولا بعد يقولون روح الهلال اذا حظر الجمهور, طيب والراااابطه ياريييسس
وبعدين انتم يا اهل الرابطه. . . ما عندكم الا آآآآوهـ ياهلالي ...؟!!!!!!!!!!!
يرحم والديكم لا تنااامون, وتكفوووووووووووووووووووووون شوفوووا
رااااااااااااااااااااابطه زي النااااااااااااااااااااااااااااااااااااااااااااااااااااس