الجمهور وغيابه !!
 

بسم الله الرحمن الرحيم

السلام عليكم ، مرحبا بكم ..

اللهم لك الحمد على الفوز ..

شكرآ لكل الجمهور الي حضر و( ساند )
رقم عدد الجمهور ( البسيط ) لكنه ( متفاعل )!!
شكرا لكم !!

موضوعي هذا للجمهور الي ماحضر و
( قصر مع فريقه ) !!

صدقوني الي قاعد تعملونه ( غلط في غلط)!!
انكم معاتبين فريقكم بعدم الحضور ، مستحيل في فريق جمهوره (يعاتبه ومايحضر)
ويقدم مستوه !!

الفريق كان ولازال ( محتاج ) وقفتكم ومساندتكم !!

لايوجد عذر لعدم تواجدكم في المباراتين الجاية بالرياض امام ( الرائد واولسان )
وخصوصآ بعد المستوى البطولي في مباراة الشباب ، الاعبين ( محتاجينكم ) !!

تكفون ياجمهورنا الغالي ..

لاتجيبوا الكلام حق رواحكم وتخلونهم يقولونان جمهورنا ( اصبح عادي ) تكفون ردوا عليهم بحضوركم ( الفعال ) في ( بروفة الرائد)
وبعدها ( قمة اولسان )!!

ملعب الملز ( صغير وصغير جدا ) لكن مع ذلك
يالله يالله ( نترس الواجهه ) ليش وصلنا للمرحلة هذي !!؟

ما ابي منكم اي عذر لعدم حضوركم مباراة
( الرائد ) لانها في ( اجازة ) والفريق قدم لكم
افضل مستوه .. وتكون مباراة ( استعدادية )
للفريق داخل الملعب حق اولسان
وللجمهور بالمدرج حق اولسان !

لوكنت متواجد بالسعودية كان حضرت ..
لكن حاليا بالكويت ..

لكن نتمنى اقل شي ( هالمباراتيين ) ماتفوتونها منكم ياجمهور ( الرياض ) يالي مقصرين جدا جدا بحق فريقكم !!

ومسألة نعمل ( حملات للحضور ) هذي مافيها غير ( النكبة ) كل واحد يعتمد عالثاني وآخر
شي الحضور ( يفشل ) !!

بالمناسبة مباراة الرائد ( صعبه جدا )
الرائد فريق صعب خصوصآ خارج ارضه
يقفل الملعب ويتكتل ويعتمد عالمرتدات
لكن لو حضر الجمهور وترس الواجهه
( وخلف المرمى ) وعمل مثل جمهور
( الاتحاد ) وافضل ، صدقوني
ان شاء الله ، المباراة هذي والي بعدها تسهل
علينا
تكفون اهم شي هالمباراتيين هي لكم قبل الاعبين !!

شكرآ لكم وتحياتي ..

إن شاء الله يكونون جمهور الرياض بعد المستوى العالي اللي قدمه الفريق راضين عنهم

بإنتظاار عودتهم الى المدرجات ليكتمل الجمال

تدري ليش جماهيرنا كذا لانهم لايحبون الهلال
بل يشجعونه من اجل لاعب او من اجل تاثير
وكلامي عليه ادله بعد نقاش مع الاعضاء هنا
ومنهم من يقول لن احضر اذا مالعب ياسر
ومنهم من يقول لن احضر لحد ماياخذ الشلهوب الكابتنيه
ومنهم من يقول لن احضر حتى يستقيل الامير عبدالرحمن
ومنهم من اعتزل الحضور من اعتزل الجابر ويوسف
ومنهم من يقول لن احضر الا البطولات الاسيويه ملينا دوري
ونسو انه لولاء البطولات المحليه لما صرنا زعماء وملوك البطولات
ولاكنا شاركنا اصلا اسيويا
بس نتامل في جماهيرنا الشابه تكون عاشقه للهلال

شكرآ لكم على جميع الآراء ..!!

ان شاء الله جمهور الرياض ..
مايخيبون الظن في مباراة اولسان !

وكل التوفيق للزززعيم يارب

شكرآ لكم على جميع الآراء ..!!